Kasukuhl Ong Me Laud: Kasukuhl ong Pahpa Nohno kan duwen Deknoloti

Ni atail wia pahpa oh nohno, kitail kin inengiheng me keieu mwahu ong neitail serihkan, me iangahki padahkiong irail mwomwen arail pahn doadoahngki mwahu dipwsou kan. Nan padahk wet, kitail pahn koasoia mwomwen atail pahn kak sewese serihkan en kaunda arail doadoahngki en deknoloti, pwe en dehr kaun irailda. Kitail pahn kasukuhlki soangen wiepe tohto me pahn kak kaweid neitail serihkan ni arail pahn doadoahngki deknoloti ni mwahu oh pwung.

Kamwahupe kan

• Mwomwohdiso kin doadoahngki deknoloti en koasoipene oh kalohki rongamwahuo nan sampah.

• Deknoloti kamarainehkieng kitail soahng kan me kin wiewiawi nan sampah oh pil itar ong atail pwoakid kat.

Kasuwedpe

• Kasuwedpen Deknoloti iei me e kihsang kitail atail ansou oh ahng, de me pil suwedsang, kawehla atail doadoahk oh kapai kan.

• Ma kitail sohte kanaiheng, kitail pahn kak tengala nan mehkot me sohte katepe, de pil kak kahrehiong kitail en sohpeisang atail inou kan oh kamehlel kesempwal kan.

Pilipai 4:8

• Eri, iet imwilahn ei koasoi, riei ko: kumwail en audehkihda nan kapehdamwail kan soahng mwahu kan me kapingpe mie: soahng kan me mehlel, me kesempwal, me pwung, me mwakelekel, me kaselel oh waun.

Soundou kan, science, oh soun wiahda wiepe kan esehla soahng tohto en sewese aramas akan ahnlahng neirail dipwsou ansou reirei oh ahniki pepehm mwahu. E rasehngete wasahn wiahda mwengeh kan. Science kin sewese pisnis kan wiahda mwenge en kahrehiong aramas en lel “wasa pereno,“ de wasa ehu me mwenge kan inenen iou mehlel. Ahmw sapwung ma ke pahn kin kalapw men pwurehng ale pil ehu?

Eri, ei … oh pil soh. Mie ehn deknoloti “wasa peren“ pil, oh e kin kahluwa atail pepehm kan oh paliweretail kan en powehdi. Ke wia aramas oahla men ma ke kin diar me e inenen apwal en udihsang doadoahngki deknoloti? Ke luwetalahte ni palingehn? Soh. Pereniki doadoahngki deknoloti wia mehkot mwahu ehu, ahpw kakaunda atail doadoahngki en deknoloti kak wia mehkot apwal ehu. Ke kin uhwong science, kanengen mwahliel kan, oh soahng kan koaros me kin uhwong—oh e sohte wia pei pahrek ehu.

E pil kesempwal kitail en kasawihada me aramas laud akan pil ahneki kahpwal en doadoahngki deknoloti duwehte serihkan. Kitail pil kak iang tengala “wasa peren“ en deknoloti oh sehsehla ansou, duwehte irail me pwulopwul kan oh seri kan.

• Deknoloti wia dipwisou en doadoahk ehu me kin kihong kitail en kilang oh esehla marain en sampah oh e kak kin doadoahk ong me mwahu.

• Wehn atail kin wie doadoahngki deknoloti, iei wehn soun kapikipik deknoloti pahn kin ale pweinarail.

• Soundou kan oh soun wiahda wiepe kan kin doadoahngki soahng tohto en kaperenihkin kitail deknoloti, duwehte pali en mwenge kan arail pil kin nantiong lel “wasa pereno.“

• Samatail Nanleng oh Sounkomouro wehwehki atail kahpwal akan duwen deknoloti oh ira pahn kakehlailih kitail.

2 Korint 12:9

• E ahpw ketin sapeng ie, mahsanih, Ei kalahngan itarohng uhk; pwe ei manaman kin sansalda mehlel rehn me luwet akan. Ihme I kin perenki oh suweiki ei luwet akan, pwe I en kin pehm manaman en Krais rehi.

• Kasawih me pil mie ehn deknoloti “wasa peren“ me kin kahluwa atail pepehm kan oh mwahliel akan.

• E mwahu en apwaliki deknoloti Kitail kin uhwong science, mwahliel, oh pali kan me kin uhwong oh nannantiong kitail en ehuong irail.

• Kitail kak kaunda atail doadoahngki en deknoloti sang ni atail pahn idek rehtail peidek kahrepe kan, wiahda koasoandi ehu, oh uhdi ansou kan me konehng.

• Kankanaiheng mwahu audepe kan kitail kin alehdi oh wiwiahda wasahn sohte dipwisou kan nan ihmwatail kan kak pil sewese kitail en powehdi “wasa peren“ en deknoloti.

Madiu 26:41

• Kumwail pepehd oh kapakap pwe kumwail dehr lohdiong nan songosong. Pwe ngehn me peik, a paliwar me luwet.

Ni atail wia pahpa oh nohno kan, kitail kak wia karasaras kan png neitail seri kan sang ni atail pahn kin tehk mwahu pein atail doadoahngki en deknoloti. Kaskasawih wasa kan kitail pahn kin uhdi doadoahngki deknoloti inenen anahn oh wiewia kendake kei en powehdi kasongosong en doadoahngki laud de kawehkihla oh met kak kahrehiong ehupene ong deknoloti, ong kitail, oh atail peneinei kan. Tamataman, kitail me kaunda atail deknoloti, e sohte kin kaun kitailda.

A. Kahrepe: Ineng en doadoahngki deknoloti pwe en esehla oh kapikada.

Kolose 3:23

• Sohte lipilipil soahng da me kumwail kin wia, kumwail loalenohng duwehte ma kumwail wie doadoahk ong Kauno, ahpw kaidehn ong aramas.

• Peidekiong uhk peidek kan me rasehng “Dahme I wie doadoahngkiki nei dipwisou ansou wet?“ oh “Mie ahi pepehm mwahu ong dahme I wiewia?“

Iren kaweid kan en doadoahngki mwahu deknoloti iei kadar iren koasoi mwahu ong emen, rongorong koul meleilei kan, oh wiahda pein noumw ire kan. Ia ekei mehn doadoahk me ke kak kasawihada?

B. Koasoandi: Koasoanehdi mwowe en wiahda pilipil mwahu kan.

Lepin Padahk Audapan kan 16:3

• Peki rehn Kauno en ketin kupwuramwahwihala omw koasoandi kan, ke ahpw pahn pweida ni mehkoaros me ke koasoanehdi.

• Peidek pein uhk peidek kan me rasehng “Dahme ahi koasoandi en doadoahngki nei dipwisou wet?“ oh “Soangen kilel dah me I kaskasalehkihong Koht mwomwen ahi kin doadoahngki ahi ansou?“

Iren kaweid kan en koasoanehdi mwowe pwe en wiahda pilipil mwahu kan iei irehdi wehn ansou me ke doadoahngki noumw dipwisou, idahwen oh ehu ohngete peneinei oh kompoakepahmw kan, wiahda wasahn sohte doadoahngki dipwisou kan ni ihmwomw, kawada ehu wasahn kakehlail dipwsou ong peneinei pwono, oh doadoahngki filter. Ia ekei soangen kamwekid kan me pahn sewese uhk oh noumw seri kan en wiahda pilipil mwahu duwen doadoahngki en deknoloti?

C. Uhdi: Kommoal ansou me anahn.

Melkahka kan 46:10

• Nennenla, oh ese me Ngehi iei Koht.

• Peidek pein uhk soangen peidek me rasehng “I kin soikala audepe kan me I ese sohte pwung de katepe?“ oh “I kehn Ngehno kohkohlahsang ie?“

Iren kaweid kan en kommoaldihsang doadoahngki noumw dipwisou kan me iangahki kihdi noumw dipwisou oh keilasang, kapakapki kehl, oh koasokoasoi ong emen aramas. Ia mwomwen ahmw peneinei pahn kommoaldihsang doadoahngki deknoloti ansou me anahn?

V. Koasoipenehn Pwihn

Met kitail koasoiaier duwen mwekid kei me pahn sewese kitail en kaunda doadoahngki en deknoloti, kitail ritingadahng koasoiahu ong pwihno pwon. I men rongasang kumwail koaros mwomwen amwail doadoahngki deknoloti oh ia mwomwen amwail kin nantihong nan amwail mour kan.

1. Soangen kahpwal dah me ke sohpai ni ahmw apwalih deknoloti nan ihmwomw?

2. Soangen kamehlel kesempwal dah me ke men kihong noumw seri kan ni ansoun doadoahngki en deknoloti?

3. Ia mwomwen deknoloti kawehla de sawas ehupenehn ahmw peneinei oh amwail koasoipene?

4. Soangen wiepe dah me ke kin doadoahngki deknoloti ni peneinei ehu? Ia mwomwen ah sewese de kawehla awail ansou ni peneinei ehu?

5. Ia mwomwen ahmw pahn kapahrekih kamwahu kan oh kasuwed kan en doadoahngki en deknoloti nan mour en ahmw peneinei ehu ehu rahn?

6. Ia mwomwen ahmw kilang deknoloti ah wie sewese ehn noumw seri sukuhl? Ia mwomwen ahmw ese me re kin doadoahngki ni pwung?

7. Ia mwomwen deknoloti ah kin doadoahk ong ni palien roson mwahu en noumw seri en? Soangen wiepe dah me ke wia pwe en katokehdi lipwe suwed akan?

8. Soangen kosonned dah mie ong deknoloti nan ihmwomw? Ia mwomwen ahmw kin katengidi irail?

9. Ia mwowmen ahmw koasoanehdi doadoahngki en deknoloti pwung ong noumw seri kan?

10. Iren sawas de utuht dah me ke anahne pwe ken katanga deknoloti nan ihmwomw?

11. Ia mwomwen deknoloti ah doadoahk ong ehupenehn ngehi oh nei seri kan?

12. Ia soangen kahpwal akan me ieiang doadoahngki en deknoloti nihmw? Ia mwomwen ahmw pahn kak katikehdi kahpwal pwukat?

13. Soangen kamehle kesempwal dah me ke men kihong noumw seri kan ni arail doadoahngki deknoloti? Ia mwomwen ahmw pahn kak wia karasaras men en soangen kamehlel kesempwal ko?

14. Ia mwomwen ahmw pahn wiahda koasoandi ong ahmw peneinei me pahn mwahu ong wasa kan me pahn wekidala oh mwahu ong kahpwal akan, ahpw kin kihdahte soanamwahu oh kosonned akan?

15. Ia mwomwen ahmw pahn doadoahngki deknoloti nin duwen dipwisou en doadoahk pwe en kalaudehla ehn noumw seri kan sukuhl oh arail kairda me weksang ah wia mehkot ieu me pahn kaperenih de kediropwih irail?

VI. Ire kan ong Kasukuhlki duwen Doadoahngki en Deknoloti Ni Ihmw

Tepkihda koasokoasoia duwen deknoloti ah pahn doadoahk nan atail mour oh mwomwen ah pahn doadoahk ong atail wiewia oh pepehm kan.

A. Kawehwe duwen kesempwalpen kaunda deknoloti

Ehukiwei mwomwen technology ah kak wia dipwisou en doadoahk mwahu, ahpw e pil kak wiahla kahpwal ni ansou me e kaun kitailda. Kawewehda me e inenen kesempwal en kaunda deknoloti pwe en dehr kaun kitailda.

B. Padahngki duwen iren kaweid kan ong kaunda deknoloti

Pwurehng tehk ehu ehu iren kaweid kan en kaunda deknoloti me sansal nan ire tohrohr kan (kahrepe, koasoandi, oh uhdi). Kawewe mwomwen ehu ehu iren kaweid kan ah kak sewese irail en kaunda doadoahngki en deknoloti

C. Koasoioene wiepe kan en doadoahngki iren kaweid pwukat ni ihmw

Koasoia soangosoangen ansou kan me deknoloti ah pahn kak wia kahpwal ehu, me duwehte kilekilang ansou reirei nan social media de mwadmwadong nan video game kan ansou reirei.

Koasoipene wiepe kan me kehn doadoahngki iren kaweid akan en kaunda deknoloti nan soangen ansou pwukat,me rasehng kapikada kosonned akan nan ehu ehu rahn akan, kawada wasahn sohte doadoahngki dipwisou kan, de kommoalsang ansou me anahn.

D. Kangoange ansoun koasokoasoipene oh loalemwahu

Kawewehda me e kesempwal en koasoia duwen doadoahngki deknoloti nan peneinei oh koaros en kin ahniki pwukoah en doadoahngki deknoloti.

Wiahda kasikipe oh kosonned akan ong ni doadoahngki en deknoloti ni ihmw oh kangoangehki koaros en kin idawehn.

E. Kin Tehkada oh kanaiehng

Kin tehkada noumw seri kan dod pwe kehn kilang iren arail kin kaunda deknoloti. Padahkiong irail en kin peki sawas ansou me re anahne oh ansou koaros kehn sewese oh kaweid ni ahr anahne.

F. Wia karasaras mwahu ong doadoahngki en deknoloti

Kawehwehda duwen kesempwalpen pahpa oh nohno kan ni karasaras kei en mwomwen doadoahngki deknoloti. Met wehwehki irail pohnese wehn ara doadoahngki deknoloti oh wiahda karasaras mwahu kei. Pahpa oh nohno kan kak kasalehiong seri kan me re kak pereniki deknoloti oh sohte mweidohng en kaunda arail mour oh pil doadoahngki deknoloti kak pahrekiong kamwekid kesempwal akan oh ehupene kan.

G. Doadoahngki kangoang mwahu

Koasoia duwen kangoang mwahu ah kak sawas oh kawada oh kakehlailih mwekid mwahu oh tiahk kan. Ansou me seri kan nantihong en kaunda arail doadoahngki en deknoloti oh kin pwukoahki, e inenen kesempwal en kapinga irail oh kangoange irail.

H. Wiahki nannanti en peneinei

Kangoange koaros nan peneineio en sawaspene en kawada ehuong deknoloti. Kaunda deknoloti kaiden ongete emen, ahpw ong peneineio pwon. Met kak iangahki koasoanehdi kosonned en peneinei kan ong doadoahngki en deknoloti, diar kamwekid teikan en wia ni peneinei ehu, oh kin koasokoasoipene ni saledek oh mehlel duwen kahpwal oh pweida kan en doadoahngki deknoloti.

I. Kanengamah oh wehweh

Iangih pahpa oh nohno kan ni ara koasoanehdi mwomwen ara kak wekidala mwekid kan oh tiahk kan en doadoahngki en deknoloti. Sewese irail en wewehki me met pahn ansou reirei oh pahn pweida mwurin ansou kis. E inenen kesempwal en kanengamah oh wehweh ni ansou me seri kan pahn nantihong kaunda arail doadoahngki deknoloti. Irail kak sawaski utuht oh kaweid ni arail wenla mwowe, oh kawawihla kisin powehdi kan ni seri kan kin pweidahng doadoahngki en deknoloti me mwahusang.

VII. Kaimwsekila

Deknoloti wia dipwisou en doadoahk kapwuriamwei ehu, ahpw e kak wia katoutou ehu ansou me kitail sohte kin doadoahngki mwahu. Sang ni atail pahn pein kaunda atail doadoahngki en deknoloti oh kawkaweid seri kan en wia soahngohte, kitail kak tengedi me e sohte pahn kaun kitailda. Tamataman kahrepen doadoahngki deknoloti iei en kasukuhlki oh wiahda, koasoanehdi mwowe ong pilipil mwahu kan, oh kommoal ansou kan me anahn. Kitail en pil tamataman iren Pwuhk Sarawi kan me kangoangehkin kitail en medewehki soahng kan me mehlel, me kesempwal, me pwung, me mwakelekel, me kaselel oh waun. Ni atail wia met, kitail kak sewese seri kan doadoahngki deknoloti mwahu oh pwung.