Taofi

O nisi taimi, e pei lava e manaomia ona ou faaaogaina tekinolosi e lagona ai le fiafia pe fesootai atu ai i isi tagata. Pe ou te salusalu foi, ona ua ou lagona le tuuatoatasi po o lo’u nofonofo ua leai ni a’u mea e fai. O nisi taimi ou te tau atu ai i ni mea sauā, taufaafefe, pe faalefeusuaiga, ma ou te lē mautinoa pe faapefea ona tali atu.

Ua ou aoaoina e le afaina mo a’u le taofi ae fai se malologa. O le a taialaina ma lapataia au e le Agaga, ma o le a fesoasoani ia te au e mafaufau ai i le auala o loo ou amio ai ma lagonaina. Ona mafai lea ona ou filifili pe ou te manao e fai se isi filifiliga.

Ua ou iloa e aoga le:

• Valaau atu: Pe a ou vaai i anoliu e matagā e aumai ai lagona faanoanoa, tuuatoatasi, po o lagona ese, e mafai ona ou faapea atu, “E le o sa’o o’u lagona i lenei mea.”

• Fai se filifiliga e sili atu: E mafai ona ou tapēina le masini pe tapē le tatagi o o’u faailo. E mafai ona ou alu i fafo pe faase’e i se isi potu, e le o i ai se masini.

• Fesootai ma se tasi: E mafai ona ou talanoa i se uo po o se tagata o le aiga e uiga i o’u lagona. O nisi taimi e manaomia ai ona ou fesootai faafesagai ma se tasi, ae le o se telefoni.

3:45

Faamoemoega. Fuafuaga Taofi Tolu ni upu laiti e mafai ona ala mai ai se suiga tele.

O le a lau fuafuaga mo le faaaogaina o tekinolosi? E mafai ona e faaaogaina lenei itulau e tusi ai ni faamatalaga pe tusi ai i lalo ni faamanatu.