“Pe Mafai Ea Ona Ou Toe Foi i le Tulaga Masani i le mavae ai o se Taumafaiga e Pule i le Ola?” Tagata Na Sao Mai Na Taumafaiga (2018).

Pe Mafai Ea Ona Ou Toe Foi i le Tulaga Masani?” Tagata Na Sao Mai Na Taumafaiga.

Pe Mafai Ea Ona Ou Toe Foi i le Tulaga Masani i le mavae ai o se Taumafaiga e Pule i le Ola?

O le a manaomia e tagata e manatu alolofa se taimi e faagasolo ai o latou lava mafaufauga ma lagona e uiga i lou taumafai e pule i le ola. Latou te ono lagonaina le tausalaina, mafaufau faapea sa tatau ona latou faia nisi mea e fesoasoani ai ia te oe. Ia latou taumafaiga e ofo atu le fesoasoani i le taimi nei, atonu latou te fai atu ni mea tiga ia te oe, taumafai ia e faasoa atu nisi faamatalaga nai lo mea na e logolelei e faasoa, pe matua ‘alofia atoa lava oe. E ono atili ai ona tiga ou lagona. Taumafai e vaai i le faamoemoega lelei o i tua atu o mea latou te fai mai ai pe fai foi. O nisi o sootaga atonu e eseese e le aunoa nai lo le mea na i ai—ma e le afaina lena mea. Ua ese foi oe i le taimi nei nai lo le mea sa e i ai muamua. E le suia ai le mea moni e faapea e taua pea lava oe, alofagia, ma e manaomia (tagai “Tatou Te Le Savavali Lava Na o i Tatou,” Thomas S. Monson, Liahona, Nov. 2013, 121–24).

Tuu atu ia te oe lava ia, ma isi, se taimi ia toe malosi ai ma manuia. Ia manatua le mea na saunoa i ai Elder Kent F. Richards o le Fitugafulu: “O le Faaola e le o se mataumea gugu. Ua loa ona Ia silafia patino ia tiga tatou te feagai. (“O Le Togiola Ua Ufitia ai Tiga Uma,” Liahona, Me 2011, 15). E le o tuua na o oe.

Punaoa a le Ekalesia ma Nuu po o Alalafaga

(O nisi o punaoa o loo lisiina atu i lalo e le i fatuina, faatumauina, pe pulea e Le Ekalesia a Iesu Keriso o le Au Paia o Aso e Gata Ai. Ua faamoemoe nei anomea e avea o ni punaoa faaopoopo aoga a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

“O Le Avea ma se Itu Tino, o Lo Tatou Tofi Paia Lea,” Bonnie D. Parkin, Liahona, Nov. 2004.
“Pe O I Ai Se Nofoaga mo A’u?” D. Todd Christofferson (vitio, suicide.ChurchofJesusChrist.org).
“E Malamalama Le Faaola ia te Au,” Jeffrey R. Holland (vitio, suicide.ChurchofJesusChrist.org).
“After an Attempt [Ina ua Mae’a se Taumafaiga],” American Foundation mo le Puipuiga o le Pule i le Ola.
“For Suicide Attempt Survivors [Mo i Latou na Faasaoina Mai le Taumafai e Pule i le Ola],”Leo o le Aoaoga mo le Faalauiloaina o le Fia Pule i le Ola.
“O fautuaga moni mo i latou o e sa taumafai e pule i le ola, ma ua mananao e toe foi mai i le olaga,” JD Schramm, TEDBlog, Jan. 14, 2014.