Семинарын сургалтын хөтөлбөрийг өөрийн болгох, тохируулан өөрчлөх

Шашны институт, семинарын зорилго бол “өсвөр үеийнхэнд болон залуучуудад Есүс Христэд мөн Түүний сэргээгдсэн сайн мэдээнд илүү гүн гүнзгий хөрвөгдөхөд нь туслах явдал” юм. Энэхүү зорилго нь суралцагчдын хөрвөлтийг гүнзгийрүүлэхэд туслах талаар ийн тусгасан байдаг. Үүнд:

Бид Есүс Христ, Түүний үлгэр жишээ, зан чанар, гэтэлгэх хүч зэрэг дээр төвлөрүүлэн суралцах туршлага бүрийг явуулдаг. Бид суралцагчдад Есүс Христийн сэргээгдсэн сайн мэдээг судрууд, бошиглогчдын үгс дээр байгаагаар нь суралцахад тусалдаг. Бид суралцагчдад суралцах үүргээ гүйцэтгэхэд тусалдаг. Бид сургалт бүрдээ Ариун Сүнсийг үүргээ гүйцэтгэхийг урьдаг.

Ийм суралцах туршлагыг өгөхөд тань туслах зорилгоор семинарын хөтөлбөрийг нарийн нямбай боловсруулан гаргасан. Хичээл бүр суралцах туршлагыг Есүс Христ дээр төвлөрүүлж, суралцагчдыг судруудаас, бошиглогчдын үгсээс сайн мэдээг суралцахад нь туслан дэмжиж, суралцах туршлагад өөрсдийн гүйцэтгэх үүргээ биелүүлэх боломжийг тэдэнд олгоход төвлөрдөг. Бид зорилгын энэ гурван чухал хэсгийг зааж буй хүмүүсээ хайрлах хайртай нэгтгэснээр Ариун Сүнсийг суралцах үйл явцад үүргээ биелүүлэхийг урьдаг. Аврагчийн арга барилаар заах нь гарын авлага нь “Сүнс бол жинхэнэ багш бөгөөд хөрвөлтийн үнэн эх сурвалж” болохыг онцолдог. Бид зөвхөн Сүнсээр заах үед Аврагчид гүн гүнзгий хөрвөх явц бодитоор тохиодог.

Танд дараах байдлаар дэмжлэг үзүүлэхийн тулд семинарын хөтөлбөрийг нарийн няхуур хянаж, илүү уялдуулан холбосон болно. Үүнд:

• Сургаалын үнэн зөв байлгах

• Сүнслэгээр өдөөгдсөн зохиогчийн зорилгыг тусгах

• Аврагчийн арга барилаар заах нь гарын авлага дахь Христийн адил заах зарчмуудыг хэрэгжүүлэхдээ аль алийг нь орхигдуулахгүй байх

• Суралцах үйл явцад сурч байгаа зүйлээ хуваалцах мөн харуулах боломжийг суралцагчдад олгох гэх мэт.

• Олон төрлийн заах арга барил ашигла.

Хичээл бэлдэж байхдаа олон чухал зүйлийг авч үзвэл зохино. Сургалтын хөтөлбөрийг өөрийн болгох нь юуг хэрхэн заах чиглэлийг танд өгнө. Энэ нь мөн сургаалын бат бөх суурь дээр үлдэхэд тусална.

Сургалтын хөтөлбөрийг өөрийн болгох зарим арга замыг доор өгөв. Үүнд:

• Хичээлийн зорилгыг анхааралтай унш. Энэ нь тойм материалд мөн хичээл бүрийн удиртгал хэсгийн сүүлийн өгүүлбэрт бий. Бүх агуулга, үйл ажиллагаа зэрэг нь энэхүү зорилго, сургалтын зорилтот үр дүнтэй нийцдэг.

• Хичээлийг бүрэн унш. Суралцагчдын унших сонгосон судар, тодруулсан үнэн, эшлэл, үйл ажиллагаа нь хичээлийн зорилготой хэрхэн нийцэж байгааг мөн эдгээр нь Есүс Христэд хэрхэн төвлөрч, сургаалыг зааж, хичээнгүй суралцахад хэрхэн урьж байгааг тунгаан бодоорой. Хичээлийн төгсгөлд хийх, суралцагчдад хичээлийн зорилгыг тайлбарлан үзүүлэх боломж олгох суралцах үйл ажиллагаанд сайн анхаарал хандуул.

• Та өөрийгөө суралцагчийн оронд тавьж, асуултад хариулж, үйл ажиллагааг хийж үз. Энэ нь танд Сүнсээр суралцах боломж олгож, ангидаа сэнхэрсэн буюу урам зориг дүүрэн орж, суралцагчдадаа мөн адил туршлага өгөхөд илүү сайн бэлтгэгдсэн байхад тусална.

• Хичээлийн хөтөлбөр дэх бүх төрлийн хичээлийг таны хувьд шинэ байсан ч ойлгон, заахыг эрэлхийл. (Хичээлийн төрлүүдэд Судар судлах хичээл, Төгс эзэмших сургаалыг давтах хичээл, Суралцахуйгаа үнэлэх хичээл, Амьдралд бэлтгэх хичээл зэрэг багтана.) Эдгээр суралцах туршлага бүр нь суралцагчдын Есүс Христэд болон Түүний сайн мэдээнд хөрвөх хөрвөлтийг гүнзгийрүүлэхэд өвөрмөц арга замаар хувь нэмэр оруулдаг.

Семинарын багшийн хувьд та суралцагчдадаа Есүс Христэд ирэхэд нь туслах онцгой үүрэг хариуцлага хүлээдэг. Та суралцагчидтайгаа тогтмол харилцаатай байснаараа тэднийг илүү сайн таньж мэдэн, хайрлах болно. Суралцагчдаа таньж мэдэн, хайрлах нь сургалтын хөтөлбөртөө хэзээ хэрхэн өөрчлөлт оруулах, Ариун Сүнсний өдөөлтийг хүлээн авах зэрэг таны чадварыг нэмэгдүүлнэ. Хичээлийн хөтөлбөрийг ашиглан хичээлээ бэлдэхдээ залбирлаар эхэл. Тэнгэрлэг Эцэг Ариун Сүнсээр дамжуулан суралцагчдын тань хэрэгцээ, чадварт илүү сайн тохирсон өөрчлөлтийг хичээлийн агуулгадаа оруулахыг мэдүүлнэ.

Дараах шалтгаанаар хичээлийг тохируулан өөрчилнө. Үүнд:

• Суралцагчдын одоо байгаа асуудал, асуултад нь туслах (Жөүнс ах-ын жишээг үзнэ үү.)

• Хичээлийн аль нэг хэсгийг суралцагчдынхаа хэрэгцээ, чадвар, соёл, боломжит эх сурвалж зэрэгт тулгуурлан тааруулах (Дүбэй эгч, Рэйэс ах, Родригэз эгч нарын жишээг үзнэ үү.)

• Сүмийн удирдагчдын сүүлд хийсэн мэдэгдэл, өгсөн удирдамж заавар, эх сурвалжийг ашиглах (Шмит эгч-ийн жишээг үзнэ үү.)

• Тухайн хичээлийн хэсгийг илүү үр дүнтэй заах арга замыг хайж олох Жишээлбэл: Суралцагчдын бодол санаа, зүрх сэтгэлийг суралцахад бэлтгэх эсвэл судрын түүхийг харуулсан видеог үзүүлэхийн оронд уг түүхийг жүжигчлэн үзүүлэхэд тэднийг урих байдлаар үзүүлэн хичээлийг өөрчлөх гэх зэрэг байж болно. (Ли ахын жишээг үзнэ үү.)

Сургалтын хөтөлбөрийг тохируулан өөрчлөхийн өмнө дараахтай ижил асуултуудыг өөрөөсөө асуу. Үүнд:

• Миний оруулсан өөрчлөлт нь Есүс Христ дээр төвлөрсөн, сургаалыг заасан мөн хичээнгүй суралцахад урьсан суралцах туршлагыг олгосон хэвээр байна уу?

• Миний оруулсан өөрчлөлт Ариун Сүнсний удирдамж мөн Аврагчийн арга барилаар заах нь гарын авлага дахь Христийн адил заах зарчмуудтай нийцэж байна уу?

• Өөрчлөлт нь зохиогчийн сүнслэгээр өдөөгдсөн зорилгыг тусгаж байна уу?

• Өөрчлөлт нь хөрвүүлэх зарчмууд дээр төвлөрч байна уу?

• Миний оруулсан өөрчлөлт суралцагчдад заах дараагийн хичээл, үнэлгээний туршлагад нь хэрхэн нөлөөлж болохыг би ойлгож байгаа юу?

Сургалтын хөтөлбөр дэх аль ч материалыг тохируулан өөрчилж болох хэдий ч дараах бүдүүвч зураг хичээлийн зарим хэсгийг бусад хэсэгтэй харьцуулахад хэрхэн тохируулан өөрчлөхөд илүү тохиромжтой болохыг харуулсан болно.

Жишээлбэл: Хичээлийн зорилго, бүлэг судрын хам сэдэв, тодруулсан үнэн зэргийг өөрчлөхийн оронд хичээл хэрхэн эхлэх, тодруулсан үнэний талаарх ямар жишээг багш хуваалцаж болохыг өөрчлөх нь илүү тохиромжтой. Ихэнх тохиолдолд зүүн гар талд байрлах зүйлсийг өөрийн болгож, баруун гар талд байрлах зүйлсийг тохируулан өөрчлөх боломжтой. Эдгээр нь зөвхөн зөвлөмж гэдгийг санаарай. Багш баруун гар талд байгаа бүх зүйлийг тохируулан өөрчлөх шаардлагагүйн адил зүүн гар талд байгаа бүх зүйлийг өөрийн болгох шаардлагагүй юм.

Тэнгэрлэг Эцэг үгсийг нь залбиран судалж, Өөрийнх нь хөвгүүд охидыг адислахаар хичээлээ бэлдэх явцад тань Ариун Сүнсээр дамжуулан удирдан чиглүүлэх болно. Тэрээр танд суралцагчдадаа илүү сайн туслахын тулд сургалтын хөтөлбөрт тусгасан зүйлсийг хэрхэн өөрийн болгож, хэзээ тохируулан өөрчлөхийг мэдэхэд тусалж чадна.