Indibidwal nga Pagpangandam

Katuyoan sa Buhat—Ang Ginoo nasayod sa mga kasingkasing ug sa mga hunahuna sa Iyang tanan nga anak (tan-awa sa Alma 18:32). Ang katuyoan sa pagpangalagad sa prisohan mao ang pagbuhat sa kabubut-on sa Ginoo samtang atong tabangan ang mga hamtong ug ang mga batan-on nga binilanggo nga moduol ngadto ni Jesukristo, maghinulsol, mamaayo, ug mangandam alang sa pag-uswag subay sa dalan sa pakigsaad alang sa mabungahon nga kinabuhi.

Pagsabot sa mga Panginahanglan—Ang Dios mopanalangin ug mohatag sa panginahanglan sa tagsa-tagsa sa Iyang mga anak (tan-awa sa 3 Nephi 11:15). Adunay bili ang pagtuon kon sa unsang paagi ang pagkabilanggo makaapekto sa mga indibidwal, mga pamilya, mga bata, ug katilingban. Samtang kanunay kamong makighimamat sa mga hamtong nga nabilanggo, molambo ang inyong pagsabot sa kasagarang mga panginahanglan nga gipakigbahin sa kadaghanan ingon man sa indibidwal nga mga panginahanglan sa usa ka tawo.

Pagsabot sa Balaod—Ang kada nasod adunay talagsaong mga balaod, mga lagda, ug naandan nga mga buhat nga modumala sa pagkabilanggo. Ang mga lider ug mga miyembro kinahanglang molihok sulod sa legal nga mga limitasyon nga gi-establisar sa ilang rehiyon. Ang mga chaplain sa prisohan ug ubang mga opisyal makatabang sa pag-angkon og klaro nga pagsabot kon asa kutob ang tukmang permisyon sa atong mga paningkamot sa pagpangalagad.

• Ikonsiderar unsa ang gitudlo sa mga kasulatan mahitungod sa mga pulong nga bilanggoan ug pagkaulipon. Itandi kini sa inyong mga gimbuhaton sa pagtabang niadtong nabilanggo.

• Samtang maghunahuna kamo mahitungod sa mga panginahanglan niadtong inyong tabangan, paghimo og lista sa mga kasinatian sa kinabuhi nga gibati ninyo nga makatabang ninyo sa pagpangalagad nga adunay gahom.

• Susiha ang mga kapanguhaan nga gimantala sa kasaligan nga mga tinubdan aron mas makahibalo pa mahitungod sa mga reyalidad sa pagkabilanggo.

• Sa pagpasabot sa inyong trabaho, hunahunaa ang mga panginahanglan sa mga pamilya ug sa mga bata sa inyong komunidad nga adunay binilanggo nga minahal. Aduna bay wala matubag nga mga panginahanglan nga matubag sa konseho sa ward aron makahimo og kalainan?

• Ipamilyar ang mga lagda ug mga kinahanglanon aron makahimo sa pagbisita sa binilanggo nga mga hamtong diha sa prisohan diin kamo mangalagad.

• Patabang sa chaplain sa prisohan aron ipaila ang inyong kaugalingon ug ipahibalo kaniya nga naghinam-hinam kamo sa paghatag og suporta kaniya ug niadtong nangita og suporta gikan sa Simbahan.

• Bidyo sa istorya ni Hanna

  

  3:58

• Bidyo sa istorya ni Mark

  

  7:19

• “Usa ka Mensahe sa Paglaom alang Niadtong mga Nabilanggo”

• “Pagpangalagad Niadtong mga Nabilanggo”