Pasiuna

Gitudloan ni Jesukristo ang Iyang mga disipulo sa pagserbisyo niadtong nanginahanglan. Naglakip kini niadtong mga gipriso o dugay nang gipriso. Miingon Siya nga, “sa matag higayon nga maghimo kamo niini alang sa usa sa labing ubos niining akong mga igsoon, gihimo ninyo kini alang kanako” (Mateo 25:40).

Ang Simbahan ni Jesukristo sa mga Santos sa Ulahing mga Adlaw maoy usa sa daghang mga organisasyon sa relihiyon ug komunidad nga nagtinabangay aron sa pagtabang niadtong naapektohan sa krimen ug pagkapriso. Gidapit kitang tanan sa pagsunod sa ehemplo ni Jesukristo pinaagi sa pag-atiman niadtong gipriso o dugay nang gipriso ug sa mga sakop sa ilang pamilya (tan-awa sa Mateo 25:35–40; Mosiah 18:8–9).

Ang Manluluwas nagpakita og kaluoy niadtong kanhi nabilanggo (tan-awa sa Lucas 23:43). Sa samang paagi, ang mga disipulo ni Kristo makatabang sa uban nga nabug-atan nga maghinulsol. Makatabang sila kanila sa pag-establisar og himsog nga mga sundanan alang sa malamposon nga pagpuyo ug pagbalik sa kaluwasan ug gugma sa Simbahan ni Kristo (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, kapitulo 32).

Alang sa dugang impormasyon, pag-email sa PrisonMinistry@ChurchofJesusChrist.org o tawag sa 1-801-240-2644.

6:55