Toetuʻú: ʻAmanaki Leleí mo e Melinó fakafou ʻi he Fakamoʻuí mo ʻEne Fakaleleí

Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
  - Toetuʻú: Vakai Fakalūkufuá
  - Lēsoni ʻo e Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

“Toetuʻú: ʻAmanaki Leleí mo e Melinó fakafou ʻi he Fakamoʻuí mo ʻEne Fakaleleí,” Fuakava Motuʻá – Tohi Lēsoni ʻa e Faiako Seminelí (2026)

“Toetuʻú: ʻAmanaki Leleí mo e Melinó fakafou ʻi he Fakamoʻuí mo ʻEne Fakaleleí,” Fuakava Motuʻá – Tohi Lēsoni ʻa e Faiako Seminelí

Toetuʻú

ʻAmanaki Leleí mo e Melinó fakafou ʻi he Fakamoʻuí mo ʻEne Fakaleleí

Jesus Christ tells the people to bring their little children, they sit around Him during His ministry in the Americas.

Naʻe ʻomi ʻe he Fakamoʻui ko Sīsū Kalaisí ha ʻamanaki lelei mo e nonga ʻi ha ngaahi founga ʻoku ngalingali taʻemalava ʻi he fakakaukau ʻa e niʻihi kehé. Naʻá Ne fakamoʻui ʻa e kuí, mahakí, mo e pipikí. Naʻá Ne toe fakamoʻui ʻa e maté. Ko hono aofangatukú, fakafou ʻi Heʻene mamahí, pekiá, mo e Toetuʻú, naʻá Ne ikunaʻi ai ʻa e angahalá mo e maté maʻá e faʻahinga kotoa pē ʻo e tangatá. ʻOku tau fakamanatua mo manatua ʻa e Fakamoʻuí ʻi he Toetuʻú. ʻE lava ke tokoni ʻa e lēsoni ko ʻení ke fakakaukau ʻa e kau akó ki he melino mo e ʻamanaki lelei ʻoku foaki ange ʻe Sīsū Kalaisi kiate kinautolú.

Teuteu ʻa e tokotaha akó: Fakaafeʻi e kau akó ke nau fai ha taha ʻo e ngaahi ʻekitivitī ʻe fā kuo fakafika ʻi he fakaʻosinga ʻo e lēsoní. Hangē ko ʻení, ako ʻa e fakamatala “Ko e Kalaisi Moʻuí” ʻo kumi ʻa e ngaahi kupuʻi lea ʻoku fakamoʻoni ki he nonga mo e ʻamanaki lelei ʻoku foaki mai ʻe he Fakamoʻuí. Poupouʻi kinautolu ke nau omi mateuteu ke vahevahe ʻa e ngaahi kupuʻi lea naʻa nau saiʻia taha aí.

Ngaahi ʻEkitivitī Ako ʻOku Ala Fakahokó

Ko e mole pe maʻu ʻa e ʻamanaki leleí mo e melinó

Tā ʻa e fakatātā ko ʻení ʻi he palakipoé.

Te ke lava ʻo kole ki he kau akó ke nau fakakaukauloto naʻa nau nofo ʻi ʻIsileli pea siotonu ʻi he moʻui ʻa e Fakamoʻuí. Fai ange ʻa e fehuʻi ko ʻení:

Ko e hā ha ngaahi aʻusia mei he moʻui ʻa e Fakamoʻuí naʻá ne mei ʻoatu ha ʻamanaki lelei lahi ange kiate koe?

Hili hono vahevahe ʻe he kau akó ha ngaahi sīpinga ʻe niʻihi, te ke fie puke hake ha fakatātā ʻo Sīsū Kalaisi ʻi he kolosí, hangē ko e “Ko e Tutukí,” pea fakamatalaʻi ange mahalo ko e momeniti ʻeni naʻe ʻahiʻahiʻi ai ha niʻihi ʻo e kau ākongá ke siva ʻenau ʻamanakí. (Naʻe pekia ʻa e Fakamoʻuí, pea naʻe teʻeki ai ha taha ʻe toetuʻu kimuʻa.)

Fakaʻaliʻali leva ha fakatātā ʻo e Toetuʻu ʻa e Fakamoʻuí, hangē ko e “Ko Kalaisi mo Mele ʻi he Fonualotó,” pea fehuʻi ange pe naʻe mei uesia fēfē nai ʻe he meʻá ni ʻa ʻenau ʻamanaki leleí.

Ko e hā ha ngaahi ʻuhinga ʻe niʻihi ʻe ala ʻahiʻahiʻi ai ʻa e kakaí ke siva ʻenau ʻamanakí ʻi he ʻahó ni?
Ko e hā ha ngaahi ʻuhinga ʻe niʻihi ʻe lava ke maʻu ai ʻe he kakaí ha ʻamanaki lelei ʻo fakafou ʻi he Fakamoʻuí he ʻahó ni?

Fakakaukau ke hiki e ngaahi tali ʻa e kau akó ʻi he palakipoé ʻi he tafaʻaki ʻo e tao totonú. Fakamatalaʻi ange te tau lava ʻo fakahoko ha ʻekitivitī tatau ʻaki hono fetongi e foʻi lea ko e ʻamanaki leleí ki he melino.

Fakaʻaongaʻi ha kiʻi taimi ke fakalaulauloto ai ki he founga ʻoku tokoniʻi ai koe ʻe he Fakamoʻuí ke ke ongoʻi ʻa e ʻamanaki leleí mo e melinó ʻi hoʻo moʻuí. Fakalaulauloto foki ki he ngaahi ʻuhinga te ke ala ongoʻi ai hangē ʻoku mōlia hoʻo ʻamanaki leleí mo e melinó. Fakakaukau ki he ʻuhinga te ke ala fiemaʻu ai ha ʻamanaki lelei mo ha nonga lahi ange ʻi hoʻo moʻuí.

ʻI he lēsoni ko ʻení, fekumi ki he fakahinohino ʻa e Laumālie Māʻoniʻoní ke tokoniʻi koe ke ke fakakaukau ki he nonga mo e ʻamanaki lelei ʻoku foaki atu ʻe Sīsū Kalaisi maʻau mo e faʻahinga kotoa ʻo e tangatá.

ʻAmanaki lelei mo e melino ʻi heʻetau moʻuí

ʻOku tau fakamanatua ʻi he Toetuʻú ʻa e Toetuʻu ʻa Sīsū Kalaisí, ʻa e kakato ʻo ʻEne feilaulau fakalelei maʻatautolú. ʻI hoʻo lau ʻa e lea ko ʻeni meia Palesiteni Lāsolo M. Nalesoní, kumi ʻa e ʻamanaki lelei ʻe lava ke ʻomi ʻe he Fakamoʻuí ki heʻetau moʻuí.

5:12

ʻI he taimi naʻe mamahi ai ʻa e Fakamoʻuí koeʻuhí ko ʻetau ngaahi angahalá mo e vaivaí, pekia ʻi he kolosí, pea toe tuʻú, naʻá Ne fakafoʻou ai ʻa e talanoa ki he faʻahinga ʻo e tangatá. Koeʻuhí ko Ia, ʻoku ʻikai fiemaʻu ia ke tau fehangahangai tokotaha pē mo hotau ngaahi vaivaí, angahalá, mo e tailiilí. Koeʻuhí ko Ia, ʻoku ʻikai ko e ngataʻangá ʻa e maté. ʻE hoko mai ʻa e Toetuʻú kiate kinautolu kotoa pē kuo moʻuí. Koeʻuhí ko Ia, ʻe lava ke fakataha ʻa e ngaahi fāmilí ʻo taʻengata. Koeʻuhí ko Sīsū Kalaisi, ʻoku tau fakamanatua ai ʻa e Toetuʻú. Pea ko e Toetuʻú ʻoku fekauʻaki ia mo e melinó mo e ʻamanaki leleí. …

… ʻI he faʻahitaʻu Toetuʻu ko ʻení, ʻofa te tau moihū mo fakahīkihikiʻi Ia ʻi he melino, ʻamanaki lelei, maama, mo e moʻoni ʻokú Ne ʻomi kiate kitautolú. (“The Peace and Hope of Easter,” vitiō, ChurchofJesusChrist.org)

Te ke fakamatalaʻi fakanounou fēfē nai e meʻa naʻe akoʻi ʻe Palesiteni Nalesoní?

ʻE lava ke vahevahe ʻe he kau akó ha ngaahi fakakaukau kehekehe. Fakamālō ange ʻi heʻenau ngaahi talí. Ko e taha ʻo e ngaahi tefitoʻi moʻoni te tau lava ʻo akó ʻoku fakafou ʻi he mamahi, pekia, mo e Toetuʻu ʻa e Fakamoʻuí, te tau lava ai ʻo maʻu ʻa e melinó mo e ʻamanaki leleí ʻi heʻetau moʻuí.
Ko e hā ha ngaahi founga naʻe vahevahe ʻe Palesiteni Nalesoni ʻe lava ke ʻomi ai ʻe he Fakamoʻuí ha ʻamanaki lelei mo ha nonga kiate kitautolu?
ʻOkú ke pehē ko e hā ʻoku tokoni ai hono ʻiloʻi fekauʻaki mo e mamahi, pekia, mo e Toetuʻu ʻa e Fakamoʻuí ke tau fekumi ki he ʻamanaki leleí mo e melinó ʻiate Iá?

Ngaahi fakamoʻoni ʻo e Fakamoʻuí

ʻE tokoni ʻa e ʻekitivitī ko ʻení ke mahino lelei ange ki he kau akó ʻa e founga te tau lava ai ʻo maʻu ʻa e melinó mo e ʻamanaki leleí ʻo fakafou ʻia Sīsū Kalaisi. Fakakaukau ke fakaʻaliʻali ‘a e ngaahi fakahinohino mo e fakamoʻoni fakafolofola ko ʻení ʻi he palakipoé. Fakaafeʻi e kau akó ke nau ako ha niʻihi ʻo e ngaahi veesi ko ʻení pe ngaahi veesi kehe ʻoku fakamoʻoni ki he Fakamoʻuí. Pe te ke lava ʻo vahe ʻa e potufolofola takitaha ki ha kau ako kehekehe. ʻE lava leva ke vahevahe ʻe he kau akó mo e kalasí ʻa e meʻa ʻoku nau ʻilo fekauʻaki mo e founga ʻoku ʻomi ai ʻe he Fakamoʻuí ʻa e ʻamanaki leleí mo e melinó ki heʻetau moʻuí.

Lau ha niʻihi ʻo e ngaahi potufolofola ko ʻeni ʻi he Fuakava Motuʻá, ʻo kumi e ngaahi kupuʻi lea ʻoku nau fakamatalaʻi e meʻa ʻe lava ke fakahoko ʻe he Fakamoʻuí maʻatautolú. Fakalaulauloto ki he founga ʻokú Ne ʻomi ai ʻa e ʻamanaki leleí mo e melinó ki heʻetau moʻuí.

Fakaafeʻi ʻa e kau akó ke vahevahe ha ngaahi kupuʻi lea naʻa nau maʻu naʻe mahuʻingamālie kiate kinautolu. Mahalo te ke loto ke nau hiki e ngaahi kupuʻi lea ko ʻení ʻi he palakipoé ofi ki he foʻi tao “Ko hono maʻu ʻa e ʻamanaki leleí”. Fehuʻi ange pe ko e hā naʻe mahuʻingamālie ai ʻa e ngaahi kupuʻi leá. Mahalo te ke fie poupouʻi foki e kau akó ke fakaʻilongaʻi e ngaahi kupuʻi lea ʻoku vahevahe ʻe he niʻihi kehé.

Fakakaukau ki he ʻamanaki lelei mo e melino ʻoku foaki ʻe he Fakamoʻuí

Ke tokoni ke fakakaukau ʻa e kau akó ki he ʻamanaki lelei mo e melino ʻoku fakafou mai ʻi he Fakamoʻuí, fakaafeʻi e kau akó ke nau fakahoko fakakalasi ha ʻekitivitī ʻe taha pe ua mei he ngaahi ʻekitivitī ko ʻení. Te ke lava ʻo fili ʻa e niʻihi ʻokú ke ongoʻi ʻe ʻaonga pe tokoni taha ki he kau akó. Pe te ke lava ʻo fakamatalaʻi fakanounou ʻa e ngaahi filí pea tuku ki he kau akó ke nau fili, ko ha kalasi, ʻa e ngaahi ʻekitivitī ʻoku nau fie fakahokó. Te ke lava foki ʻo fakaafeʻi e kau akó ke nau faʻu haʻanau fakakaukau pē ʻanautolu pea ʻahiʻahi ia.

Ako ʻa e “Ko e Kalaisi Moʻuí,” naʻe tohi ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá, ʻo kumi ʻa e ngaahi kupuʻi lea ʻoku fakamoʻoni ki he melino mo e ʻamanaki lelei ʻoku foaki ʻe he Fakamoʻuí. ʻE lava ke vahevahe ʻe he kau akó ʻa e meʻa naʻa nau maʻú mo e ʻuhinga ʻoku ʻuhingamālie ai ia kiate kinautolú.
Fili ha ngaahi himi pe ngaahi hiva kehe ʻoku nau akoʻi fekauʻaki mo e nonga mo e ʻamanaki lelei ʻoku foaki ʻe he Fakamoʻuí. Hivaʻi ha taha ʻo kinautolu. Hili iá pea vahevahe ha ngaahi kupuʻi lea mei he himi ko iá ʻoku mahuʻingamālie kiate koé. Ko e ngaahi sīpinga ʻe niʻihi ko e “Te U Maʻu ʻI Fē ʻa e Melinó?,” Ngaahi Himí, fika 63; “Ko Hoku Huhuʻi,” Ngaahi Himí, fika 67; mo e “ʻOku Ongo ʻa e ʻOfá,” Tohi Hiva ʻa e Fānaú, 42–43.
Lau ʻa e fakamatala ko ʻeni meia Palesiteni Lāsolo M. Nalesoní pe mamata ʻi he “The Peace and Hope of Easter, President Russell M. Nelson Palm Sunday Invitation” mei he taimi 3:50 ki he 5:11. Vahevahe ʻa e founga ʻoku tokoni ai ʻa e ʻalu ki he lotú pe fanongo ki he konifelenisi lahí ke tau fakakaukau ki he melino mo e ʻamanaki lelei ʻoku foaki mai ʻe he Fakamoʻuí.

5:12

ʻI he Toetuʻu ko ʻení, ʻoku ou poupou atu ke tau tokanga taha ki he Fakamoʻuí. Kapau ʻokú ke kumi ha feituʻu ke moihū ai, haʻu ʻo kau mo kimautolu. ʻI he Sāpate Toetuʻu [pe ofi] ki ai, ʻe fonu ʻa e konifelenisi lahi fakaemāmani lahi ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he ngaahi pōpoaki mo e hiva ʻoku fakatefito ʻia Kalaisí. Te tau tānaki [tonu pea] ʻi he ʻinitanetí ke moihū ki hotau Huhuʻí. Kātaki haʻu ʻo kau mo kimautolu. Fakaafeʻi ho ngaahi kaungāmeʻá!

ʻOku moʻui ʻa Sīsū Kalaisi! ʻI Heʻene hoko ko hotau Fakamoʻui toetuʻu mo fakaleleí, ʻokú Ne tuʻu mateuteu ke tokoniʻi kitautolu ke tau tupulaki mei he ngaahi meʻa fakaofo mo taʻeʻamanekina ʻi heʻetau moʻuí. ʻI he faʻahitaʻu Toetuʻu ko ʻení, ʻofa te tau moihū mo fakahīkihikiʻi Ia ʻi he melino, ʻamanaki lelei, maama, mo e moʻoni ʻokú Ne ʻomi kiate kitautolú. (“The Peace and Hope of Easter, President Russell M. Nelson Palm Sunday Invitation,” vitiō, ChurchofJesusChrist.org)

Vahevahe ha ngaahi aʻusia ʻo ha taimi naʻá ke ongoʻi ai pe ko ha taha ʻokú ke ʻilo, ha ʻamanaki lelei mo e melino fakafou ʻi he Fakamoʻui ko Sīsū Kalaisí.

Fakaʻosí

Toe vakai ki he fakatātā ʻi he palakipoé. Fakamatalaʻi ange neongo ʻe ala ʻahiʻahiʻi kotoa kitautolu ʻi ha ngaahi taimi ke siva ʻetau ʻamanakí, ka te tau lava ʻo fili ke fekumi ki he ʻamanaki leleí mo e melinó ʻo fakafou ʻi he Fakamoʻuí.

Hiki ʻi hoʻo tohinoa folofolá ʻa e ʻuhinga ʻokú ke fie maʻu ai ʻa e ʻamanaki lelei mo e melino ʻa e Fakamoʻuí ʻi hoʻo moʻuí. Hili iá peá ke hiki leva ha ngaahi meʻa te ke fie fai ke tukutaha ai hoʻo tokangá ʻi he Fakamoʻuí mo ʻEne ʻamanaki leleí mo e melinó. ʻE lava ke kau heni hono manatuʻi e ngaahi potufolofola mo e kupuʻi lea mei he “Ko e Kalaisi Moʻuí” naʻá ke ako he ʻaho ní.

Fakakaukau ke ʻoange ki he kau akó ha faingamālie ke vahevahe ʻenau ngaahi fakakaukau mo e fakamoʻoni ki he Fakamoʻuí pea mo e ʻamanaki lelei mo e melino ʻokú Ne foakí.

Ngaahi Maʻuʻanga Tokoni Kehe

ʻE tāpuekina fēfē kitautolu ʻi hono maʻu ʻa e ʻamanaki lelei ʻia Sīsū Kalaisí?

Naʻe pehē ʻe Palesiteni M. Lāsolo Pālati (1928–2023) ʻo e Kōlomu ʻo e Kau ʻAposetolo ʻe Toko Hongofulu Mā Uá:

15:45

ʻOku ou lea ki he ʻamanaki lelei ʻia Kalaisí ʻo ʻikai ko ha fakakaukau fakaumiuminoa pē. Ka, ʻoku ou lea ki he ʻamanaki leleí mo ha fakatuʻamelie ʻe hoko ʻo moʻoní. ʻOku mahuʻinga ʻa e faʻahinga ʻamanaki lelei peheé ki hono ikunaʻi ʻo e filí, tanumaki ha mālohi mo e ivi fakalaumālié, pea mo hono ʻiloʻi ʻoku ʻofaʻi kitautolu ʻe heʻetau Tamai Taʻengatá pea ko ʻEne fānau ʻa kitautolu ʻoku tau kau ki Hono fāmilí. (“ʻAmanaki Lelei ʻia Kalaisi,” Liahona, Mē 2021, 54, taimi 5:33 ki he 6:08)

Ngaahi ʻEkitivitī Fakalahi ki he Akó

ʻOku fakamoʻoni ha palōfita ʻo e Tohi ʻa Molomoná ki he ʻamanaki lelei ʻoku maʻu fakafou ʻia Sīsū Kalaisí.

Kapau ʻe tokoni ke ako ha folofola ʻi he Tohi ʻa Molomoná ke fai ha fakamoʻoni lahi ange ki he moʻoni mataʻāʻā ʻi he lēsoni ko ʻení, fakakaukau ki he meʻa ko ʻení: ʻI he Molonai 7, ʻoku lea ʻaki ʻe Molonai e akonaki ʻa ʻene tamai ko Molomoná. Fakaafeʻi e kau akó ke nau lau e Molonai 7:40–41 pea fakamatalaʻi fakanounou ʻa e meʻa naʻe akoʻi ʻe Molomoná mo e founga ʻe lava ke tokoni ai kiate kinautolú. ʻE lava foki ke lau ʻe he kau akó ʻa e Molonai 7:42–44 ke vakai ki he founga ʻoku felāveʻi ai ʻa e ʻamanaki lelei ʻia Sīsū Kalaisí ki he tuí mo e manavaʻofá.

Ngaahi ʻekitivitī lahi ange ki he fakaʻosinga ʻo e lēsoní:

Kapau ʻe ʻaonga, ʻe lava ke fakahoko ʻa e ngaahi ʻekitivitī ko ʻení ʻi he fakaʻosinga ʻo e lēsoní:

Fakaafeʻi e kau akó ke nau faʻu ha kaati pe pousitā ʻo ha kupuʻi lea fakafolofola ʻokú ne ʻomi kiate kinautolu ha ʻamanaki lelei ʻia Sīsū Kalaisi. Te nau lava ʻo fokotuʻu ia ʻi ha feituʻu te nau sio maʻu pē ki ai. Pe, te nau lava ʻo fokotuʻu ha veesi ko e wallpaper ʻi heʻenau telefoní.
Fai ha tohi pe pōpoaki telefoni ki ha taha ʻokú ke ʻiloʻi ke fakatupulaki ʻenau ʻamanaki lelei ʻi he Fakamoʻuí. Te ke lava ʻo fakakau ai ha potufolofola pe kupuʻi lea manako mei he lēsoní, ko ha fakamoʻoni, pe ko ha meʻa kehe ʻoku ueʻi koe ʻe he Laumālie Māʻoniʻoní ke ke vahevahe.

ʻOku fakamoʻoni ʻa e kau palōfita ʻo e kuongamuʻá mo onopōní ki he feilaulau fakalelei ʻa e Fakamoʻuí.

Kapau ʻe tokoni ke ako ʻe he kau akó ʻa e founga naʻe kikite ai e kau palōfita ʻi he Fuakava Motuʻá ki he Fakalelei ʻa Sīsū Kalaisí mo e founga naʻe fakahoko ai e ngaahi kikite ko ʻení, fakakaukau ke tohi ʻa e foʻi lea ko e kikite ʻi he palakipoé. ʻEke ki he kau akó ha ngaahi fehuʻi hangē ko ʻení:

Ko e hā ʻa e kikite?
Ko e hā ha ngaahi sīpinga ʻo e ngaahi meʻa naʻe hoko pe ngaahi moʻoni ʻoku mahuʻinga feʻunga ki he ʻEikí ke kikiteʻi mai kiate kitautolu ʻo fakafou ʻi Heʻene kau palōfitá?

Mahalo kuo fakahoko ʻe he kau akó ʻa e ʻekitivitī ʻi he Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí: Fuakava Motuʻá 2026 ʻi he kaveinga, “Prophets ancient and modern testify of the Savior’s atoning sacrifice.” Fakakaukau ke hiki ʻa e kaveinga ko iá, ʻa ia ko ha moʻoni foki, ʻi he palakipoé kae pehē ki he saati ʻoku ʻi ai e ngaahi veesi folofolá. Kapau naʻe fai ʻe he kau akó ʻa e ʻekitivitī ko ʻení ʻi ʻapi, fakaafeʻi kinautolu ke nau toe vakaiʻi ha ngaahi potufolofola ʻe niʻihi ke manatuʻi ʻa e meʻa naʻa nau akó. Kapau ʻoku ʻikai, fakaafeʻi kinautolu ke nau lau ha ngaahi potufolofola ʻe niʻihi ʻo kumi e meʻa ʻoku nau ako fekauʻaki mo e Fakamoʻuí. Kapau ʻe ʻaonga, te ke lava ʻo vahe ʻa e ngaahi veesi kehekehé ki ha kau ako pe kulupu kehekehe ʻo e kau akó.

Hili hono vahevahe ʻe he kau akó ʻa e meʻa naʻe makehe kiate kinautolú, fakakaukau ke fakaʻaliʻali ange kiate kinautolu ha fakamoʻoni ʻa ha palōfita ʻi onopooni fekauʻaki mo Sīsū Kalaisi. ʻOku maʻu ha ngaahi vitiō kehekehe ʻi he peesi Easter ʻi he ChurchofJesusChrist.org. Ko ha ngaahi sīpinga ʻeni ʻe niʻihi:

“Because of Jesus Christ We Can Navigate Life’s Challenges,” (Palesiteni Russell M. Nelson)

“Finding Strength in Jesus Christ,” (Palesiteni Dallin H. Oaks)

Pe te ke lava ʻo fakaafeʻi e kau akó ke nau ako ʻa e “Ko e Kalaisi Moʻuí,” naʻe tohi ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá.

Fakaafeʻi e kau akó ke lekooti ʻenau fakamoʻoni ki he Fakamoʻuí. ʻE lava ke kau ai ʻenau ngaahi fakakaukau mo e ngaahi ongo fekauʻaki mo e Fakalelei ʻa e Fakamoʻuí. Te nau lava foki ʻo fakakau ai ha ngaahi fakamoʻoni fakafolofola ʻoku nau fakamoʻoni ki he ngaahi moʻoni tatau. ʻE lava leva ke vahevahe ʻe he kau akó ʻenau ngaahi fakakaukaú mo e fakamoʻoní mo e kalasí pe ʻi ha kiʻi kulupu tokosiʻi.