Eseta: Faamoemoe ma le Filemu e Ala i le Faaola ma Lana Togiola

Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
  - Eseta: Vaaiga Aoao
  - Lesona o le Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

“Eseta: Faamoemoe ma le Filemu e Ala i le Faaola ma Lana Togiola,” Tusi Lesona a le Faia’oga Seminare o le Feagaiga Tuai (2026)

“Eseta: Faamoemoe ma le Filemu e Ala i le Faaola ma Lana Togiola,” Tusi Lesona a le Faia’oga Seminare o le Feagaiga Tuai

Eseta

Faamoemoe ma le Filemu e Ala i le Faaola ma Lana Togiola

Jesus Christ tells the people to bring their little children, they sit around Him during His ministry in the Americas.

Ua aumaia e le Faaola o Iesū Keriso le faamoemoe ma le filemu i auala na manatu isi e le mafai.Sa Ia faamalolo i tauaso, e mama’i, ma e pipili.Sa Ia toe faatuina mai e ua oti.I se iuga tupito lava, e ala i Ona puapuaga, maliu, ma le Toetu, na Ia faatoilaloina ai le agasala ma le oti mo tagata uma.Tatou te faamanatu ma manatua le Faaola i le Eseta.O lenei lesona e mafai ona fesoasoani i tagata a’oga e manatunatu ai i le filemu ma le faamoemoe ua ofoina e Iesū Keriso ia i latou.

Sauniuniga a le tagata a’oga: Valaaulia tagata a’oga e fai se tasi o gaoioiga e fa ua faanumeraina i le faaiuga o le lesona.Mo se faataitaiga, suesue le pepa o faamatalaga “Le Keriso Soifua” ma vaavaai mo fasifuaitau o loo molimau i le filemu ma le faamoemoe ua ofoina mai e le Faaola.Uunaia i latou e o mai saunia e faasoa mai a latou fasifuaitau e fiafia iai.

Gaoioiga e Ono Mafai Ona Aoaoina Ai

Leiloaina ai po o le mauaina ai o le faamoemoe ma le filemu

Tusi le kalafi lenei i luga o le laupapa.

E te ono fai atu i tagata a’oga e faaata sa latou ola i Isaraelu ma molimauina le soifuaga o le Faaola.Fai atu le fesili lenei:

O a ni aafiaga mai le soifuaga o le Faaola atonu na tuuina atu ai ia te oe le faamoemoe sili atu?

A maea ona faasoa mai e tagata a’oga ni nai faataitaiga, e mafai ona e u’u i luga se ata o Iesū Keriso i luga o le satauro, e pei o le “Le Faasatauroga,” ma faamatala atu atonu o se taimi lea na faaosoosoina ai nisi o so’o faapea ua leai se faamoemoe.(Na maliu le Faaola, ma e leai se tasi na toetu muamua.)

Ona faaali atu lea o se ata o le Toetu o le Faaola, e pei o le “Keriso ma Maria i le Tuugamau,” ma fesili atu pe faapefea e lenei mea na tupu atonu ona aafia ai lo latou faamoemoe.

O a nisi o mafuaaga e ono faaosoosoina ai tagata faapea ua leai se faamoemoe i aso nei?
O a nisi o mafuaaga e ono maua ai e tagata le faamoemoe e ala i le Faaola i aso nei?

Mafaufau e tusi tali a tagata a’oga i luga o le laupapa i tafatafa o ‘aū talafeagai.Faamalamalama atu e mafai ona tatou faia se gaoioiga talitutusa e ala i le suiina o le upu faamoemoe i le filemu.

Faaalu se taimi e manatunatu ai pe faapefea e le Faaola ona fesoasoani ia te oe ia lagona le faamoemoe ma le filemu i lou olaga.Ia mafaufau loloto foi i mafuaaga e te ono lagona ai ua faasolo ina leai o se faamoemoe ma se filemu.Mafaufau pe aisea e te ono manaomia ai le faateleina o le faamoemoe ma le filemu i lou olaga.

I lenei lesona atoa, saili le taitaiga a le Agaga Paia e fesoasoani ia te oe e manatunatu ai i le filemu ma faamoemoe ua ofoina mai e Iesū Keriso ia te oe ma tagata uma.

Faamoemoe ma le filemu i o tatou olaga.

I le Eseta, tatou te faamanatuina ai le Toetu o Iesū Keriso, le faataunuuina o Lana taulaga togiola mo i tatou.A o e faitau le faamatalaga lenei mai ia Peresitene Russell M. Nelson, vaavaai mo le faamoemoe ua mafai ona aumaia e le Faaola i o tatou olaga.

5:12

Ina ua Ia puapuagatia mo a tatou agasala ma vaivaiga, maliu i luga o le satauro, ma toetu mai, sa toe tusia [atoa] e le Faaola le talaaga o tagata.Ona o Ia, tatou te le tau taulimaina ai na o i tatou o tatou vaivaiga, agasala, ma popolega.Ona o Ia, o le oti ua le o le mutaaga lea.O le a oo mai le toetu i e uma na soifua mai.Ona o Ia, e mafai ona faatasia aiga e faavavau.Ona o Iesū Keriso, ua tatou faamanatuina ai le Eseta.Ma o le Eseta e uiga atoa uma i le filemu ma le faamoemoe. …

… I lenei vaitau o le Eseta, ia tatou tapuai ma viia o Ia mo le filemu, faamoemoe, malamalama, ma le upumoni ua Ia aumaia ia i tatou.(Vitiō “The Peace and Hope of Easter[Le Filemu ma le Faamoemoe o le Eseta],”, ChurchofJesusChrist.org)

E faapefea ona e aoteleina mea na aoao mai e Peresitene Nelson?

E ono faasoa mai e tagata aoga malamalamaaga eseese.Faafetai atu ia i latou mo a latou tali.O se tasi o mataupu faavae e mafai ona tatou aoaoina e faapea e ala mai puapuaga o le Faaola, maliu, ma le Toetu, e mafai ai ona tatou maua le filemu ma le faamoemoe i o tatou olaga.
O a nisi o auala na faasoa mai e Peresitene Nelson e faapea e mafai e le Faaola ona aumaia le faamoemoe ma le filemu ia i tatou?
Aisea e te manatu ai o le malamalama ai e uiga i puapuaga o le Faaola, maliu, ma le Toetu e fesoasoani ia i tatou i le sailia o le faamoemoe ma le filemu e ala ia te Ia?

O Molimau i le Faaola

O lenei gaoioiga o le a fesoasoani i tagata a’oga ia malamalama lelei atili i le auala e mafai ai ona tatou maua le filemu ma le faamoemoe e ala ia Iesū Keriso.Mafaufau e faaaliina atu faatonuga nei ma mau faasino i luga o le laupapa.Valaaulia tagata a’oga e suesue ni nai fuaiupu nei po o isi fuaiupu o lo o molimau mai i le Faaola.Pe e mafai [foi] ona e atofa atu mau ta’itasi i tagata a’oga eseese.Ona mafai lea e tagata a’oga ona faasoa mai i le vasega mea na latou maua e uiga i le auala e aumaia ai e le Faaola le faamoemoe ma le filemu i o tatou olaga.

Faitau nisi o mau nei i le Feagaiga Tuai, ma vaavaai mo fasifuaitau o loo faamatala ai mea e mafai ona faia e le Faaola mo i tatou.Mafaufau loloto i le auala na te Ia aumaia ai le faamoemoe ma le filemu i o tatou olaga.

Iopu 19:25–26

Salamo 16:8–11

Salamo 30:2–5

Salamo 33:18–22

Isaia 1:18

Isaia 12:2

Isaia 25:8–9

Isaia 40:28–31

Ieremia 17:7–8

Valaaulia tagata a’oga e faasoa mai fasifuaitau na latou maua e anoa ia i latou.E te ono manao latou te tusia nei fasifuaitau i luga o le laupapa i tafatafa o le ‘aū “Mauaina o le faamoemoe”.Fesili atu ia i latou pe aisea e anoa ai nei fasifuaitau.E te ono manao foi e uunaia tagata a’oga e faailoga fasifuaitau e faasoa mai e isi.

Manatunatu i le faamoemoe ma le filemu ua ofoina mai e le Faaola

Ina ia fesoasoani i tagata a’oga e manatunatu i le faamoemoe ma le filemu e oo mai e ala mai le Faaola, valaaulia tagata a’oga e fai se tasi pe lua o gaoioiga nei o se vasega.E mafai ona e filifili gaoioiga e te lagona o le a sili ona aoga i tagata a’oga.Pe e mafai foi ona e aoteleina o filifiliga ma tuuina atu i tagata a’oga e filifili, o se vasega, poo le fea o gaoioiga latou te mananao e faatino.E mafai foi ona e valaaulia tagata a’oga e fatu ni o latou lava manatu ma faataitai.

Suesue le “Le Keriso Soifua,” tusia e le Au Peresitene Sili ma le Korama a Aposetolo e To’asefululua, ma vaavaai mo fasifuaitau o loo molimau i le filemu ma le faamoemoe ua ofoina mai e le Faaola.E mafai e tagata a’oga ona faasoa mai mea ua latou maua ma pe aisea e anoa ai ia i latou.
Filifili viiga po o isi pese o loo aoao mai ai le filemu ma le faamoemoe ua ofoina mai e le Faaola.Usu se tasi o ia viiga/pese.Ona faasoa atu lea o fasifuaitau mai lena viiga e anoa ia te oe.O nisi o faataitaiga o le “O Fea e Mafai ona Ou Liliu Iai mo le Filemu,” Viiga, no. 129; “O lo o Soifua Lo’u Togiola,” Viiga, no. 135; ma le “Ua Ou Lagonaina le Alofa o Lo’u Faaola,” Tusipese a Tamaiti, 74.
Faitau le faamatalaga lenei mai ia Peresitene Russell M. Nelson pe matamata le “The Peace and Hope of Easter[Le Filemu ma le Faamoemoe o le Eseta], Valaaulia a Peresitene Russell M. Nelson i le Aso Sa Laupama” mai le taimi faailo 3:50 i le 5:11.Faasoa atu pe faapefea e le auai ai i le lotu poo le faalogologo ai i konefesi aoao ona fesoasoani ia i tatou e manatunatu ai i le filemu ma faamoemoe ua ofoina mai e le Faaola.

5:12

I lenei Eseta, ou te faamalosiau outou ia taulai atu i le Faaola.Afai o lo o e saili mo se nofoaga e tapuai ai, faamolemole auai faatasi ma i matou.I le [poo le latalata] i le Aso Sa o le Eseta, o le konefesi aoao i le lalolagi atoa a le Ekalesia a Iesū Keriso o le Au Paia o Aso e Gata Ai, o le a faatumulia i savali ma musika e totonugalemu ia Keriso.O le a tatou potoppoto ai [i le tino ma] e faaaoga ai televise e tapuai ai o lo tatou Togiola.Faamolemole auai faatasi ma i matou.Valaaulia au uo!

O lo o soifua Iesū Keriso!I le avea ai ma o tatou Faaola toetu ma le togiola, ua tula’i o Ia e saunia e fesoasoani ia i tatou ia tuputupu a’e mai mea mataina ma mea e le’i faamoemoeina i o tatou olaga.I lenei vaitau o le Eseta, ia tatou tapuai ma viia o Ia mo le filemu, faamoemoe, malamalama, ma le upumoni ua Ia aumaia ia i tatou.(Vitiō “The Peace and Hope of Easter[Le Filemu ma le Faamoemoe o le Eseta], o le Valaaulia a Peresitene Russell M. Nelson o le Aso Sa o le Laupama,” ChurchofJesusChrist.org)

Faasoa atu aafiaga o se taimi na e lagona ai pe lagona e se isi e te iloa le faamoemoe ma le filemu e ala i le Faaola o Iesū Keriso.

Faaiuga

Toe faasino atu i le kalafi o loo i luga o le laupapa.Faamalamalama atu e ui e ono tofotofoina i tatou uma i nisi o taimi ia leai se faamoemoe, e mafai ona tatou filifili e saili le faamoemoe ma le filemu e ala i le Faaola.

I totonu o lau api talaaga o mau, tusi mafuaaga e te manaomia ai le faamoemoe ma le filemu o le Faaola i lou olaga.Ona tusi lea o ni nai mea e te manao e faatino, ina ia taulai atu ai i le Faaola ma Lona faamoemoe ma le filemu.E mafai ona aofia ai le manatuaina o mau ma fasifuaitau mai “Le Keriso Soifua” na e suesueina i le asō.

Mafaufau e tuu atu i tagata a’oga se avanoa e faasoa mai ai o latou manatu ma molimau o le Faaola ma le faamoemoe ma le filemu ua Ia ofoina mai.

Gaoioiga Faaopoopo e Aoao Ai

Ua molimau mai se perofeta o le Tusi a Mamona i le faamoemoe e oo mai e ala ia Iesū Keriso.

Afai e aoga le suesue i se mau o le Tusi a Mamona e tuuina atu ai se molimau faaopoopo o le upumoni faamamafaina i lenei lesona, mafaufau i mea nei: I le Moronae 7, ua ta’ua ai e Moronae aoaoga a lona tamā, [o] Mamona.Valaaulia tagata a’oga e faitau le Moronae 7:40–41 ma aotele aoaoga a Mamona ma le auala e mafai ai ona aoga ia i latou.E mafai foi e tagata a’oga ona faitau le Moronae 7:42–44 e iloa ai pe faapefea ona fesootai le faamoemoe o loo ia Iesū Keriso ma le faatuatua ma le alofa mama.

O gaoioiga faaopoopo mo le faaiuga o le lesona:

Afai e aoga, o gaoioiga nei e mafai ona tuuina atu i le faaiuga o le lesona:

Valaaulia tagata a’oga e fai se kata po o se pepa lautele o se fasifuaitau o mau e aumaia ia i latou le faamoemoe ia Iesū Keriso.E mafai ona latou tuuina i se nofoaga o le a latou vaai soo atu iai.O se isi auala, e mafai ona latou seti se fuaiupu e fai ma faavaa i luga o a latou telefoni.
Tusi se tusi po o se feau tusitusia i se isi e te iloa ina ia faateleina ai lo latou faamoemoe i le Faaola.E te ono faaaofia ai se mau e te fiafia iai po o se upusii mai le lesona, se molimau, po o se mea ua uunaia ai oe e le Agaga Paia e faasoa atu.

Ua molimau mai perofeta anamua ma aso nei i le taulaga togiola a le Faaola.

Afai o le a aoga mo tagata a’oga le suesue pe faapefea e perofeta i le Feagaiga Tuai ona valoia le Togiola a Iesū Keriso ma le auala na faataunuuina ai nei valoaga, mafaufau e tusi le upu valoaga i luga o le laupapa.Fai atu i tagata aoga fesili e pei o nei:

O le a le valoaga?
O a ni faataitaiga o mea na tutupu po o upumoni ua lava le taua mo le Ali’i e vavalo ai e uiga i nei mea ia i tatou e ala i Ana perofeta?

Atonu na fai e tagata a’oga le gaoioiga i le O Mai, Mulimuli Mai Ia te A’u—Mo Tagata Ta’ito’atasi ma Aiga: Feagaiga Tuai 2026 i lalo o le ulutala, “Ua molimau mai perofeta anamua ma ona po nei i le taulaga togiola a le Faaola.”Mafaufau e tusi lena ulutala, ma o se upumoni foi, i luga o le laupapa faapea le siata o lo o iai fuaiupu o mau.Afai na faia e tagata a’oga lenei gaoioiga i le fale, valaaulia i latou e toe iloilo ni nai fuaitau ina ia manatua mea na latou aoaoina.Afai e leai, valaaulia i latou e faitau ni nai fuaitau ma vaavaai mo mea ua latou te aoaoina e uiga i le Faaola.Afai e aoga, e mafai ona e atofa atu ni nai fuaiupu eseese i tagata a’oga po o vaega eseese.

A maea ona faasoa mai e tagata a’oga mea na tulaga ese ia i latou, mafaufau e faaali atu ia i latou se molimau a se perofeta o ona po nei e uiga ia Iesū Keriso.O vitiō eseese o lo o maua i le itulatu o le Eseta i le ChurchofJesusChrist.org.O nisi nei o faataitaiga:

“Because of Jesus Christ We Can Navigate Life’s Challenges[Ona o Iesū Keriso E Mafai Ona Tatou Faatautaia Luitau o le Olaga],” (Peresitene Russell M. Nelson)

“Finding Strength in Jesus Christ[Mauaina o le Malosi ia Iesū Keriso],” (Peresitene Dallin H. Oaks)

Po o lou valaaulia foi o tagata a’oga e suesue le “Le Keriso Soifua,” na tusia e le Au Peresitene Sili ma le Korama a Aposetolo e To’asefululua.

Valaaulia tagata a’oga e faamaumau a latou lava molimau o le Faaola.E mafai ona latou faaaofia ai o latou manatu ma lagona e uiga i le Togiola a le Faaola ma A’u.E mafai foi ona latou faaaofia ai mau faasino o lo o molimau i upumoni lava e tasi.Ona mafai lea e tagata a’oga ona faasoa mai o latou manatu ma molimau i le vasega pe i se vaega to’alaiti.