Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Paglakip sa Ginoo diha sa Imong Pagkat-on: Padak-on ug Palig-onon sa Ginoo ang Imong mga Paningkamot

“Paglakip sa Ginoo diha sa Imong Pagkat-on: Padak-on ug Palig-onon sa Ginoo ang Imong mga Paningkamot,” Manwal sa Magtutudlo sa Seminary sa Daang Tugon (2026)

“Paglakip sa Ginoo diha sa Imong Pagkat-on: Padak-on ug Palig-onon sa Ginoo ang Imong mga Paningkamot,” Manwal sa Magtutudlo sa Seminary sa Daang Tugon

Magmalamposon sa Pag-eskwela: Leksiyon 192

Paglakip sa Ginoo diha sa Imong Pagkat-on

Padak-on ug Palig-onon sa Ginoo ang Imong mga Paningkamot

Sa atong pag-eskwela, makaatubang kita og mga babag samtang naningkamot tang modako ang atong kahibalo ug pagsabot sa kamatuoran. Dili nato kinahanglang atubangon kini nga mga hagit nga nag-inusara. Ang Langitnong Amahan ug si Jesukristo nagpakabana kanato ug sa atong pag-uswag, ug gusto Nila kitang tabangan sa atong mga paningkamot diha sa eskwelahan. Kini nga leksiyon makatabang sa mga estudyante nga apilon ang Ginoo diha sa ilang pagkat-on.

Pagpangandam sa estudyante: Dapita ang mga estudyante nga pamalandongan kon giunsa nila pagkakita nga sila o ang ilang kaila gitabangan sa Ginoo nga makakat-on diha sa eskwelahan. Pwede silang mangandam aron ipakigbahin kini nga kasinatian ngadto sa klase.

Posibleng mga Kalihokan sa Pagkat-on

Mga hagit diha sa eskwelahan

Ikonsiderar ang pagsugod sa klase pinaagi sa pagdapit sa usa ka estudyante sa atubangan sa classrom nga kompletohon ang buluhaton nga nagkinahanglan og tabang sa uban. Pananglitan, taptapi ang mata sa estudyante ug hangyoa siya nga iponon ang mga kendi o beads nga parehas og kolor. Kon maglisod sa sinugdan ang estudyante, pwede kang mangutana og sama sa, “unsaon ka pagtabang niadtong mga anaa sa classroom?”

Sa unsang paagi gipakita niini ang atong mga paningkamot nga makakat-on diha sa eskwelahan?
Unsa ang pipila ka sitwasyon diha sa eskwelahan o sa pagkat-on nga tingali mahagiton para sa mga tin-edyer?

Apil tingali sa mga tubag sa mga estudyante ang naglisod sa usa ka pihong subject sa eskwelahan, kalisdanan sa pagkat-on, o mga problema sa pagdumala sa oras. Pwede nimong ilista kini nga mga tubag diha sa pisara. Pwede nimong awhagon ang mga estudyante nga isulat ang hagit nga giatubang nila karon diha sa ilang pagkat-on. Makatabang ang listahan aron tan-awon kini sa tibuok leksiyon.

Panalanginan sa Ginoo ang atong matarong nga mga paningkamot

Basaha ang mosunod nga pahayag gikan kang Elder Clark G. Gilbert sa Seventy, nga pangitaon kon asa kita modangop alang sa tabang para sa mga hagit diha sa atong mga paningkamot nga mokat-on diha sa eskwelahan.

Nahibalo ko nga dili sayon ang pagpadayon sa imong pag-eskwela ug nagkinahanglan kini og sakripisyo. Nasayod ko kon unsa ka dako ang imong pagpaningkamot ug adunay lisod nga mga gabii dihang kinahanglan kang mopulaw aron mahuman ang mga asaynment, magkat-on og bag-ong mga konsepto, ug dumalaon ang uban pang dagkong responsibilidad sa imong kinabuhi. Pero kaya na nimo. Padayong ipakita ang tinuod nga kamalahutayon. Pero, pangandam usab nga mahimong grasya ang kamalahutayon. Apila ang Ginoo. Pag-ampo alang sa Iyang tabang, ug Siya mopadako sa imong mga paningkamot. Hibaloi kon unsa kadako ang among gugma ninyo. Ug labaw sa tanan, hibaloi nga gimahal ka pag-ayo sa Ginoo ug palig-onon ka sa tanan nimong matarong nga mga paningkamot nga makakat-on ug mouswag og mahimong mas mahisama Niya. (“From Grit to Grace” [debosyonal sa BYU–Pathway Worldwide, Sep. 25, 2018], 2, byupathway.edu)

Unsay imong nakaplagan nga naghatag nimog paglaom o makaawhag sa usa ka tin-edyer diha sa ilang pagkat-on?

Samtang mopakigbahin ang mga estudyante, tabangi sila sa pag-ila og usa ka baroganan nga sama sa samtang atong apilon ang Ginoo sa atong pagkat-on, Iyang padak-on ug palig-onon ang atong mga paningkamot.
Sa unsang paagi panalanginan, padak-on, o palig-onon sa Ginoo ang atong paningkamot dihang apilon nato Siya sa atong pagkat-on?

Hisgotan tingali sa mga estudyante ang butang nga sama sa kon sa unsang paagi sila tabangan sa Ginoo nga mahinumdoman unsa ang ilang natun-an, magpailob sa mga magtutudlo ug mga classmate, o mobatig kalinaw panahon sa eksamin. Pwede nimong ipasabot nga sagad tabangan kita sa Ginoo nga makakat-on pinaagi sa Espiritu Santo, kinsa magpuno nato og kalinaw, motabang natong mahibalo sa kamatuoran, ug maghatag og kahayag sa atong mga hunahuna (tan-awa ang Roma 15:13; Moroni 10:5; Doktrina ug mga Pakigsaad 6:15).

Kon unsaon pag-apil sa Ginoo sa imong pagkat-on

Human makompleto sa mga estudyante ang handout, ikonsiderar ang pagdapit nila nga mopili og tigpamaba aron ipakigbahin unsa ang gihisgotan sa grupo.

Base sa imong gitun-an, unsang pipila ka pihong butang ang atong mahimo aron maapil ang Ginoo sa atong pagkat-on?

Kon gikinahanglan ang dugang giya sa mga estudyante, pwede nimong ipakigbahin ang pipila o tanan sa mosunod nga mga paagi aron iapil ang Ginoo sa atong pagkat-on:

Bantayi ug pasalamati ang ginagmay ug kanunay nga mga pag-uswag (2 Nephi 28:30).
Diha sa pag-ampo, hangyoa ang Langitnong Amahan para sa pihong mga panalangin nga sama sa pagbaton og kaisog nga iisa ang imong kamot, mangutana, ug mangayo og dugang tabang (Ether 2:18–23).
Dawata ang inyong mga kahuyang ug pagpakitag hugot nga pagtuo diha sa Ginoo nga tabangan kamo Niya niini (Moises 6:31–34; Moises 7:13).
Tun-i ang mga mubo nga sulat gikan sa klase kada adlaw ug pangayog panalangin sa pagkapari sa dili pa ang importanteng test o asaynment (Doktrina ug mga Pakigsaad 88:118).

Ikonsiderar ang pagdapit sa mga estudyante nga ipakigbahin ang usa ka kasinatian kon sa unsang paagi gipadako ug gipalig-on sa Ginoo sila o ang ilang kaila samtang ilang giapil ang Ginoo diha sa ilang pagkat-on.

Pag-apil sa Ginoo diha sa atong pagkat-on

Hatagig panahon ang mga estudyante nga planohon ang pag-apil sa Ginoo diha sa ilang pagkat-on. Pwede nimong ipakitay ang mosunod nga mga instruksiyon ug awhaga ang mga estudyante nga isulat ang ilang plano diha sa ilang journal sa pagtuon.

Hunahunaa ang hagit nga giatubang ninyo karon diha sa inyong pagkat-on. Kompletoha ang mosunod diha sa imong journal sa pagtuon.

Unsang bahina sa inyong pag-eskwela gusto ninyong sulayan nga iapil ang Langitnong Amahan ug si Jesukristo? Mahimong piho sa unsa ang inyong himoon.

Pwede nimong hangyoon ang mga estudyante nga andam mopakigbahin sa ilang gibati nga nadasig sila sa paghimo. Ikonsiderar ang pagpakigbahin sa imong pamatuod sa Langitnong Amahan ug ni Jeskristo ug kon sa unsang paagi kita Nila panalanginan samtang ato Silang apilon sa atong pagkat-on.

Dugang nga mga Kapanguhaan

Unsa kaha kon naa koy mga hagit nga nakapalisod nako sa pagkat-on?

Si Presidente Dieter F. Uchtdorf, kanhi sa Unang Kapangulohan, mitudlo:

19:13

Bisan og kitang tanan adunay mga kahuyang, kita makabuntog niini. Sa tinuod pinaagi sa grasya sa Dios nga, kon kita magpaubos sa atong mga kaugalingon ug magbaton og hugot nga pagtuo, ang mahuyang nga mga butang malig-on.

Sa atong tibuok nga kinabuhi, ang grasya sa Ginoo naghatag og temporal nga mga panalangin ug espiritwal nga mga gasa nga mopalambo sa atong mga abilidad ug mopabuhong sa atong kinabuhi. Ang Iyang grasya makahashas kanato. Ang Iyang grasya motabang kanato nga mahimong labing maayo. (“Ang Gasa sa Grasya,” Liahona, Mayo 2015, 108-109)

Si Presidente Henry B. Eyring mitudlo:

Ang Ginoo nasayud og unsay Iyang gusto nga angay ninyong buhaton ug unsay angay ninyong masayran sa pagbuhat niini. Siya maloloy-on ug Siya nakahibalo sa tanan. Busa ikaw makahimo uban sa pagsalig sa pagpaabut nga Siya nag-andam og mga kahigayunan alang kanimo nga makakat-on alang sa serbisyo nga imong ihatag. Dili kamo hingpit nga makaila niadtong mga kahigayunan, sama sa nahitabo kanako. Apan kon inyong ibutang ang espirituhanong mga butang og una sa inyong kinabuhi kamo mapanalanginang mobati nga gigiyahan ngadto sa siguro nga pagkat-on, ug kamo maagni sa pagkugi pa gayud og maayo. Sa ulahing bahin imong mailhan nga midako ang imong gahom sa pagserbisyo, ug ikaw magmapasalamaton. (“Education for Real Life,” Ensign, Okt. 2002, 18–19)

Nganong kinahanglan kong modangop sa Dios alang sa tabang sa akong pagkat-on?

Si Elder Ronald A. Rasband sa Korum sa Napulog Duha ka Apostoles miingon:

Ang matag usa kanato bililhon ug gihigugma sa Ginoo, kinsa nagpakabana, naghunghong, ug nagbantay kanato sa mga paagi nga talagsaon sa matag usa kanato. Sa walay kinutuban Siya mas maalamon ug mas gamhanan kay sa mortal nga mga tawo. Nasayud Siya sa atong mga hagit, mga kadaugan, ug matarung nga mga tinguha sa atong kasingkasing. (“Pinaagi sa Balaan nga Plano,” Liahona, Nob. 2017, 56)

Si Presidente Russell M. Nelson mitudlo:

Minahal nga mga kaigsoonan, ang Dios mao ang tinubdan sa tanang kamatuoran. Ang Simbahan ni Jesukristo sa mga Santos sa Ulahing mga Adlaw mihangop sa tanang kamatuoran nga gipasabot sa Dios ngadto sa Iyang mga anak, nakat-onan man sa siyantipiko nga laboratoryo o nadawat pinaagi sa direkta nga pagpadayag gikan Kaniya. (“Unsa Ang Tinuod?” Liahona, Nob. 2022, 30)

Dugang nga mga Kalihokan sa Pagkat-on

Laing paagi sa pagsugod

Imbes dapiton ang mga estudyante nga kompletohon ang usa ka buluhaton sa sinugdanan sa klase, pwede kang magpakita og mga hulagway sa disyerto ug garden sama sa mosunod nga mga hulagway. Pwede nimong hangyoon ang mga estudyante nga ipakigbahin ang ilang mahunahunaan kon itandi ang disyerto ngadto sa usa ka garden.

Basaha ang Salmo 63:1 ug Isaias 58:11, nga pangitaon kon unsay gitudlo niini nga mga bersikulo bahin sa Ginoo.

Sa unsang paagi kini nga mga hulagway may kalabutan sa imong nakat-onan bahin sa Ginoo?
Nganong gamhanan kaayong itandi sa tubig ang Ginoo?

Tabangi ang mga estudyante nga mailhan kon sa unsang paagi espirituhanong gialamahan sa Ginoo ang atong mga kalag aron kita motubo. Pwede nimong dapiton ang mga estudyante nga ikonsiderar kon sa unsang paagi espirituhanong gialimahan sa Ginoo ang ilang mga paningkamot nga mokat-on. Dayon pwede nimong ibalhin sa pahayag gikan kang Elder Clark G. Gilbert bahin sa edukasyon.

Usa ka ehemplo sa kasulatan sa pag-apil sa Ginoo

Makabenepisyo tingali ang mga estudyante sa pagtuon sa usa ka ehemplo gikan sa kasulatan diin giapil sa usa ka tawo ang Ginoo. Ikonsiderar ang paggamit sa mosunod nga kalihokan aron palawman ang pagsabot sa mga estudyante sa kamatuoran gikan ni Elder Clark.

Pwede nimong ipasabot sa mga estudyante nga si Hari Nabucodonosor sa Babilonia adunay damgo nga nakahasol niya. Gisugo niya ang maalamong mga tawo sa iyang gingharian, apil si Daniel, nga isulti kaniya ang kahulogan sa damgo. Kon dili nila kini mahimo, miingon ang hari nga pamatyon sila. Gihangyo ni Daniel ang hari og gamayng dugang nga panahon, nga nagsaad nga iyang hubaron ang damgo (tan-awa ang Daniel 2:1–16).

Dapita ang mga estudyante nga basahon ang Daniel 2:17–23, nga pangitaon kon unsay atong makat-onan kang Daniel nga motabang natong masabtan kon sa unsang paagi ang Ginoo mahimong bahin sa atong pagkat-on ug edukasyon. Pwedeng nimong ipangutana sa usa o kapin pa sa mosunod.

Sa inyong hunahuna, unsa kahay nakat-onan ni Daniel bahin sa Dios niini nga kasinatian?
Sa imong hunahuna, sa unsang paagi ang ehemplo ni Daniel makadasig o makahatag og paglaom sa usa ka tin-edyer nga adunay malisod nga hagit sa eskwelahan?
Sa unsang mga paagi gipakita sa kasinatian ni Daniel ang kamatuoran nga gitudlo ni Elder Gilbert?

Usa ka ehemplo sa pag-apil sa Ginoo gikan sa propeta sa ulahing mga adlaw

Aron tabangan ang mga estudyante nga makakitag modernong ehemplo sa kamatuoran nga gitudlo ni Elder Gilbert, pwedeng tan-awon sa mga estudyante ang mosunod nga ehemplo gikan sa kinabuhi ni Presidente Russell M. Nelson (gikan sa time code 4:15 hangtod 8:38) (Russell M. Nelson, “Sweet Power of Prayer,” Liahona, May 2003, 7–8).

16:47

Dayon pwede nimong ipangutana ang sama sa mosunod.

Sa unsang paagi giapil ni Presidente Nelson ang Ginoo sa iyang mga paningkamot sa pagkat-on kon unsay himoon sa dili matag-an nga umaabot?
Sa unsang paagi gipadako ug gipalig-on sa Ginoo ang mga paningkamot ni Presidente Nelson?

Pwede nimong ilhon nga bisan pag lainlain tag kahimtang kang Presidente Nelson, nagpakabana ang Ginoo bahin sa atong pagkat-on diha sa eskwelahan, trabahoan, o sa balay. Bisag dili kita hatagan sa Ginoo og dayagram sa tubag diha sa atong mga hunahuna, adunay lainlaing paagi nga Iyang padak-on ug palig-onon ang atong mga paningkamot dihang ato Siyang iapil sa proseso.