Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Përfshirja e Zotit në të Mësuarit Tënd: Zoti do të Lartësojë dhe Forcojë Përpjekjet e Tua

“Përfshirja e Zotit në të Mësuarit Tënd: Zoti do të Lartësojë dhe Forcojë Përpjekjet e Tua”, Manuali i Mësuesit të Seminarit për Dhiatën e Vjetër (2026)

“Përfshirja e Zotit në të Mësuarit Tënd: Zoti do të Lartësojë dhe Forcojë Përpjekjet e Tua”, Manuali i Mësuesit të Seminarit për Dhiatën e Vjetër

Arritja e Suksesit në Shkollë: Mësimi 192

Përfshirja e Zotit në të Mësuarit Tënd

Zoti do të Lartësojë dhe Forcojë Përpjekjet e Tua

Në shkollimin tonë ne do të përballemi me pengesa ndërsa punojnë për të rritur njohurinë dhe kuptueshmërinë tonë për të vërtetën. Nuk është e nevojshme që të përballemi të vetëm me këto sfida. Ati Qiellor dhe Jezu Krishti kujdesen për ne dhe përparimin tonë dhe Ata duan të na ndihmojnë për përpjekjet tona në shkollë. Ky mësim mund t’i ndihmojë nxënësit ta përfshijnë Zotin në të mësuarit e tyre.

Përgatitja e nxënësve: Ftojini nxënësit të reflektojnë mbi mënyrën se si e kanë parë Zotin t’i ndihmojë ata ose dikë që ata e njohin, të mësojnë në shkollë. Ata mund të përgatiten për t’ia treguar këtë përvojë klasës.

Veprimtari të Mundshme të të Mësuarit

Sfidat në shkollë

Merreni parasysh ta filloni orën mësimore duke e ftuar një nxënës përpara klasës për të plotësuar një detyrë që kërkon ndihmën e të tjerëve. Për shembull, lidhjani sytë nxënësit dhe kërkojini atij t’i klasifikojë karamelet ose rruazat sipas ngjyrës. Nëse nxënësi e ka të vështirë në fillim, mund të bëni një pyetje të tillë si: “Si mund të të ndihmojnë të tjerët në dhomë?”

Si mund të lidhet ky demonstrim me përpjekjet tona për të mësuar në shkollë?
Cilat janë disa situata në shkollë ose me të mësuarit që mund të jenë sfiduese për adoleshentët?

Përgjigjet e nxënësve mund të përfshijnë gjëra si vështirësia me një temë specifike në shkollë, një sfidë e të mësuarit ose problemet me organizimin e kohës. Ju mund t’i renditni këto përgjigje në tabelë. Mund t’i inkurajoni nxënësit të shkruajnë një sfidë me të cilën po përballen aktualisht në të mësuarit e tyre. Kjo listë do të jetë e dobishme për t’iu referuar gjatë gjithë mësimit.

Zoti i bekon përpjekjet tona të drejta

Lexoje thënien vijuese nga Plaku Klark G. Gilbert, i Të Shtatëdhjetëve, duke kërkuar se ku mund të drejtohemi për ndihmë për sfidat në përpjekjet tona për të mësuar në shkollë.

“E di se ndjekja e arsimimit tuaj mund të jetë sfiduese dhe kërkon sakrificë. E di se sa shumë po punoni dhe ka shumë net të vështira ndërsa qëndroni zgjuar për t’i përfunduar detyrat, për të mësuar koncepte të reja dhe për të përballuar zotime të tjera kërkuese në jetën tuaj. Por mos u dorëzoni. Vazhdoni të demonstroni forcë të vërtetë vullneti. Por gjithashtu, jini të përgatitur për të kaluar nga forca e vullnetit në hir. Përfshini Zotin. Lutuni për ndihmën e Tij dhe Ai do t’i lartësojë përpjekjet tuaja. Dijeni se sa shumë ju duam. Më e rëndësishmja, dijeni se Zoti ju do dhe do t’ju forcojë në të gjitha përpjekjet tuaja të drejta për të mësuar dhe për t’u rritur dhe për t’u bërë më shumë si Ai.” (“From Grit to Grace” [takim shpirtëror i UBJ–Pathway Mbarëbotëror, 25 shtator 2018], f. 2, byupathway.edu)

Çfarë gjete që të sjell ty shpresë ose mund ta inkurajojë një adoleshent në të mësuarit e tij?

Ndërsa nxënësit flasin, ndihmojini ata të përcaktojnë një parim si: ndërsa e përfshijmë Zotin në të mësuarit tonë, Ai do të lartësojë dhe forcojë përpjekjet tona.
Si mund t’i bekojë, lartësojë ose forcojë Zoti përpjekjet tona kur e përfshijmë Atë në të mësuarit tonë?

Nxënësit mund të përmendin gjëra të tilla si mënyra se si Zoti mund t’i ndihmojë ata ta kujtojnë atë që kanë studiuar, të kenë durim me mësuesit dhe shokët e klasës ose të ndiejnë paqe gjatë një provimi. Ju mund të shpjegoni se Zoti shpesh do të na ndihmojë të mësojmë nëpërmjet Frymës së Shenjtë, që mund të na mbushë me paqe, mund të na ndihmojë të njohim të vërtetën dhe të ndriçojë mendjen tonë (shihni te Romakëve 15:13; Moroni 10:5; Doktrina e Besëlidhje 6:15).

Si ta përfshish Zotin në të mësuarit tënd

Pasi nxënësit ta plotësojnë fletushkën, merreni parasysh t’i ftoni ata të përzgjedhin një zëdhënës për të treguar atë që diskutoi grupi.

Bazuar në atë që ke studiuar, cilat janë disa gjëra specifike që mund të bëjmë për ta përfshirë Zotin në të mësuarit tonë?

Nëse nxënësit kanë nevojë për udhërrëfim shtesë, mund të jepni një pjesë ose të gjitha pikat vijuese si mënyra për ta përfshirë Zotin në të mësuarit tonë:

Vini re dhe jini mirënjohës për përmirësimet e vogla ose të qëndrueshme (2 Nefi 28:30).
Në lutje, kërkojini Atit Qiellor bekime specifike të tilla si pasja e guximit për të ngritur dorën, për të bërë pyetje dhe për të marrë ndihmë shtesë (Ethëri 2:18–23).
Pranojini dobësitë tuaja dhe ushtroni besimin te Zoti se Ai do t’ju ndihmojë për to (Moisiu 6:31–34; Moisiu 7:13).
Studiojini shënimet nga ora mësimore çdo ditë dhe kërkoni një bekim të priftërisë para një provimi ose detyre të rëndësishme (Doktrina e Besëlidhje 88:118).

Merreni parasysh t’i ftoni nxënësit të tregojnë një përvojë rreth mënyrës se si Zoti i ka lartësuar dhe forcuar ata ose dikë që ata njohin, ndërsa e kanë përfshirë Zotin në të mësuarit e tyre.

Përfshirja e Zotit në të Mësuarit Tonë

Jepuni nxënësve kohë për të bërë një plan për ta përfshirë Zotin në të mësuarin e tyre. Mund të paraqitni udhëzimet vijuese dhe t’i inkurajoni nxënësit ta shkruajnë planin e tyre në ditarin e tyre të studimit.

Mendo rreth sfidës së të mësuarit me të cilën po përballesh aktualisht. Plotësoje sa vijon në ditarin e studimit.

Çfarë je i gatshëm të provosh në detyrat e shkollës për ta përfshirë Atin Qiellor dhe Jezu Krishtin? Ji specifik/e në lidhje me atë që do të bësh.

Mund t’u kërkoni nxënësve të gatshëm ta tregojnë atë që u ndien të frymëzuar të bënin. Merreni parasysh të jepni dëshmi për Atin Qiellor dhe Jezu Krishtin dhe mënyrën se si Ata do të na bekojnë ndërsa i përfshijmë në të mësuarit tonë.

Burime Shtesë

Po nëse kam disa sfida që ma bëjnë të vështirë të mësoj?

Presidenti Diter F. Uhtdorf, asokohe i Presidencës së Parë, dha mësim:

19:13

“Edhe pse të gjithë kemi dobësi, ne mund t’i kapërcejmë ato. Në të vërtetë, është nëpërmjet hirit të Perëndisë që, nëse e përulim veten tonë dhe kemi besim, gjërat e dobëta mund të bëhen të forta.

Gjatë gjithë jetës sonë, hiri i Perëndisë dhuron bekime materiale dhe dhurata shpirtërore që i lartësojnë aftësitë tona dhe e pasurojnë jetën tonë. Hiri i Tij na pastron. Hiri i Tij na ndihmon të bëhemi më të mirët që mundemi.” (“Dhurata e Hirit”, Liahona, maj 2015, f. 108)

Presidenti Henri B. Ajring dha mësim:

“Zoti e di atë që Ai ka nevojë që ju të bëni si edhe atë që ju nevojitet të dini. Ai është i përzemërt dhe Ai është i gjithëditur. Pra, mund të prisni me siguri se Ai ka përgatitur mundësi që ju të mësoni në përgatitje për shërbimin që do t’ju jepet. Ju nuk do t’i dalloni ato mundësi në mënyrë të përsosur siç nuk i dallova unë. Por kur i vendosni gjërat shpirtërore të parat në jetën tuaj, ju do të bekoheni duke u ndier të drejtuar drejt një mësimi të caktuar dhe do të merrni shtysën për të punuar më fort. Do të kuptoni më vonë se fuqia juaj për të shërbyer është rritur dhe do të jeni mirënjohës.” (“Education for Real Life”, Ensign, tetor 2002, f. 18–19)

Përse duhet të drejtohem te Perëndia për ndihmë rreth të mësuarit tim?

Plaku Ronald A. Rasband, i Kuorumit të Dymbëdhjetë Apostujve, tha:

“Secili prej nesh është i çmuar dhe i dashur për Zotin, i cili shqetësohet, pëshpërit dhe kujdeset në mënyra të pashoqe për secilin prej nesh. Ai është pafundësisht më i mençur dhe më i fuqishëm se burrat dhe gratë e vdekshme. Ai i di sfidat tona, fitoret tona dhe dëshirat e drejta të zemrave tona.” (“Sipas Qëllimit Hyjnor”, Liahona, nëntor 2017, f. 56)

Presidenti Rasëll M. Nelson dha mësim:

“Të dashur vëllezër dhe motra, Perëndia është burimi i të gjithë së vërtetës. Kisha e Jezu Krishtit e Shenjtorëve të Ditëve të Mëvonshme e përqafon të gjithë të vërtetën që Perëndia ua përçon fëmijëve të Tij, qoftë e mësuar në një laborator shkencor ose e marrë nëpërmjet zbulesës së drejtpërdrejtë prej Tij.” (“Çfarë Është e Vërtetë?” Liahona, nëntor 2022, f. 30)

Veprimtari Plotësuese të të Mësuarit

Fillim ndryshe

Në vend që të ftoni një nxënës të plotësojë një detyrë në fillim të orës mësimore, mund të paraqitni figurat e një shkretëtire dhe një kopshti të tilla si dy figurat vijuese. Mund t’u kërkoni nxënësve ta tregojnë atë që u vjen në mendje kur mendojnë për një shkretëtirë krahasuar me herën kur mendojnë për një kopsht.

Lexo te Psalmeve 63:1 dhe Isaia 58:11, duke kërkuar atë që japin mësim këto vargje rreth Zotit.

Si lidhen këto figura me atë që mësove rreth Zotit?
Përse është uji një metaforë e fuqishme për Zotin?

Ndihmojini nxënësit të kuptojnë mënyrën se si Zoti e ushqen shpirtërisht qenien tonë dhe na mundëson të rritemi. Mund t’i ftoni nxënësit të marrin parasysh mënyrën se si Zoti mund t’i ushqejë shpirtërisht përpjekjet e tyre për të mësuar. Më pas, mund të kaloni te thënia nga Plaku Klark G. Gilbert rreth arsimimit.

Një shembull nga shkrimet e shenjta për përfshirjen e Zotit

Nxënësit mund të kenë dobi nga studimi i një shembulli nga shkrimet e shenjta ku dikush e përfshiu Zotin. Merreni parasysh ta përdorni veprimtarinë vijuese për të thelluar kuptueshmërinë e nxënësve për të vërtetën nga Plaku Gilbert.

Mund t’u shpjegoni nxënësve se Mbreti Nebukadnetsar i Babilonisë pa një ëndërr që e shqetësoi atë. Ai i urdhëroi dijetarët e mbretërisë së tij, duke përfshirë Danielin, t’i tregonin çfarë kuptimi kishte ëndrra. Nëse nuk mund ta bënin, mbreti tha se ata do të dënoheshin me vdekje. Danieli i kërkoi mbretit pak më shumë kohë, duke i premtuar të interpretonte ëndrrën (shihni te Daniel 2:1–16).

Ftojini nxënësit të lexojnë te Daniel 2:17–23, duke kërkuar atë që mund të mësojmë nga Danieli, që mund të na ndihmojë të kuptojmë mënyrën se si Zoti mund të jetë një pjesë e të mësuarit dhe arsimimit tonë. Mund të bëni një ose më shumë prej pyetjeve vijuese.

Çfarë mendoni se mund të ketë mësuar Danieli rreth Perëndisë nga kjo përvojë?
Si mendoni se shembulli i Danielit mund të frymëzojë ose t’i japë shpresë një adoleshenti/eje që ka një sfidë të vështirë me detyrat e shkollës?
Në çfarë mënyrash e ilustron përvoja e Danielit të vërtetën që jepet mësim nga Plaku Gilbert?

Një shembull i përfshirjes së Zotit nga një profet i ditëve të mëvonshme

Për t’i ndihmuar nxënësit të shohin një shembull bashkëkohor të së vërtetës që dha mësim Plaku Gilbert, ata mund të shohin shembullin vijues nga jeta e Presidentit Rasëll M. Nelson (nga kodi kohor 4:15 deri në 8:38) (Russell M. Nelson, “Sweet Power of Prayer”, Liahona, maj 2003, f. 7–8).

16:47

Më pas mund të bëni pyetje të tilla si vijueset.

Si e përfshiu Presidenti Nelson Zotin në përpjekjet e tij për të mësuar se si ta kryente këtë procedurë të pashembullt?
Si i lartësoi dhe i forcoi Zoti përpjekjet e Presidentit Nelson?

Mund të kuptoni se, megjithëse rrethanat tona janë të ndryshme nga të Presidentit Nelson, Zoti kujdeset për të mësuarit tonë në shkollë, vendin e punës ose në shtëpi. Megjithëse Zoti mund të mos vizatojë diagramin e një përgjigjeje në mendjen tonë, ka shumë mënyra të ndryshme se si Ai do t’i lartësojë dhe forcojë përpjekjet tona kur e përfshijmë Atë në proces.