« ការធ្វើសកម្មភាពដោយសេចក្ដីជំនឿដើម្បីស្វែងរកចម្លើយ ៖ ការឆ្ពោះទៅមុខ ការទុកចិត្តលើព្រះអម្ចាស់ »សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ការធ្វើសកម្មភាពដោយសេចក្ដីជំនឿដើម្បីស្វែងរកចម្លើយ ៖ ការឆ្ពោះទៅមុខ ការទុកចិត្តលើព្រះអម្ចាស់ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ចំណេះចំណានខាងគោលលទ្ធិ ៖ មេរៀនទី ១៦៣
ការធ្វើសកម្មភាពដោយសេចក្ដីជំនឿដើម្បីស្វែងរកចម្លើយ
ការឆ្ពោះទៅមុខ ការទុកចិត្តលើព្រះអម្ចាស់
វាអាចជាការលំបាកក្នុងការរង់ចាំព្រះទ័យរបស់ព្រះវរបិតាសួគ៌ និងពេលវេលាដើម្បីទទួលបានចម្លើយចំពោះសំណួរនៃដំណឹងល្អរបស់យើង ។ ដំណើររឿងក្នុងព្រះគម្ពីរសញ្ញាចាស់ជាច្រើនបង្ហាញពីរបៀបដែលអ្នកដើរតាមព្រះបានបន្តធ្វើការជ្រើសរើសដែលបង្ហាញពីជំនឿ និងការទុកចិត្តរបស់ពួកគេលើទ្រង់ ខណៈពេលកំពុងស្វែងរកចម្លើយ ។ មេរៀននេះអាចជួយសិស្សឲ្យធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ នៅពេលពួកគេស្វែងរកចម្លើយចំពោះសំណួរនៃដំណឹងល្អរបស់ពួកគេ ។
ការរៀបចំសិស្ស ៖ អញ្ជើញសិស្សឲ្យអាន កថាខណ្ឌទី ៥–៧ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ។ ពួកគេអាចរៀបចំខ្លួនដើម្បីចែកចាយពីមូលហេតុដែលពួកគេគិតថាសកម្មភាពរបស់យើងមានសារៈសំខាន់ នៅពេលស្វែងរកចម្លើយចំពោះសំណួរ ឬកង្វល់អំពីដំណឹងល្អ ។
សកម្មភាពរៀនសូត្រដែលអាចមាន
ការរង់ចាំព្រះអម្ចាស់សម្រាប់ចម្លើយចំពោះសំណួរ
សូមពិចារណាបង្ហាញរូបភាពពីដំណើររឿងព្រះគម្ពីរសញ្ញាចាស់មួយចំនួននៃមនុស្សដែលប្រព្រឹត្តដោយសេចក្ដីជំនឿលើព្រះអម្ចាស់ ។ អ្នកអាចចាត់សិស្សជាក្រុមតូចៗនូវវគ្គបទគម្ពីរមួយដើម្បីសិក្សាដែលត្រូវជាមួយនឹងរូបភាពមួយក្នុងចំណោមរូបភាពទាំងនោះ ។ អ្នកអាចជ្រើសរើសរឿងដូចជា ៖
-
ស្ត្រីដ៏ស្មោះត្រង់នៅក្រុងសារិបតាក្នុងអំឡុងពេលមានអំណត់ ( ពង្សាវតាក្សត្រទី១ ១៧:៧–១២ ) ។
-
ណាម៉ាន់កំពុងស្វែងរកការព្យាបាលរោគឃ្លង់របស់គាត់ ( ពង្សាវតាក្សត្រទី២ ៥:១–៣, ៩–១០ ) ។
-
ការអំពាវនាវរបស់ហេណុកឲ្យផ្សាយដំណឹងល្អ ( ម៉ូសេ ៦:២៦–២៨, ៣១ ) ។
សិស្សអាចអានផ្នែកនៃរឿងដែលណែនាំពីស្ថានការណ៍ដែលប្រឈម ( សេចក្តីយោងក្នុងវង់ក្រចកខាងលើ ) ហើយឆ្លើយសំណួរខាងក្រោម ។ ( ពេលក្រោយនៅក្នុងមេរៀននេះ សិស្សនឹងសិក្សាពីរបៀបដែលបុគ្គលទាំងនេះប្រព្រឹត្តដោយសេចក្តីជំនឿ ) ។
-
តើស្ថានភាពរបស់បុគ្គលរូបនេះតម្រូវឲ្យមានសេចក្ដីជំនឿលើព្រះអម្ចាស់យ៉ាងដូចម្ដេច ?
-
តើការព្រួយបារម្ភ ឬកាលៈទេសៈអ្វីដែលយុវវ័យអាចប្រឈមមុខនៅសព្វថ្ងៃនេះ ដែលតម្រូវឲ្យពួកគេធ្វើសកម្មភាពដោយសេចក្តីជំនឿរបស់ពួកគេលើព្រះអម្ចាស់ ?
ប្រសិនបើវាមានប្រយោជន៍សម្រាប់សិស្សក្នុងការស្វែងរកឧទាហរណ៍នៃសំណួរសម័យទំនើបនេះ នោះអ្នកអាចបង្ហាញវីដេអូ « Act in Faith: The Stonemason » ( ៤:៥៧ ) ចាប់ពីនាទីទី ០:០០ ដល់ ១:៤៨ ហើយអញ្ជើញសិស្សឲ្យរកមើលស្ថានភាពប្រឈមដែលក្មេងវ័យជំទង់ទាំងពីរនាក់នេះបានប្រឈមមុខ ។ ពិចារណាជួយសិស្សឲ្យស្វែងរកសំណួរដែលក្មេងវ័យជំទង់មាន ។ អ្នកអាចអញ្ជើញសិស្សឲ្យសរសេរសំណួរនៅលើពាក់កណ្តាលក្ដារខៀន ។
4:56បន្ទាប់ពីសិស្សបានស្វែងរកសំណួរជាច្រើនហើយ អ្នកអាចអញ្ជើញពួកគេឲ្យឆ្លើយតបនៅក្នុងសៀវភៅកំណត់ហេតុការសិក្សារបស់ពួកគេ ។
-
តើនៅពេលណាដែលអ្នក ឬនរណាម្នាក់ដែលអ្នកស្គាល់មានសំណួរ ឬកង្វល់អំពីដំណឹងល្អ ?
-
តើមានរឿងអ្វីខ្លះដែលអ្នកបានធ្វើ ឬអាចធ្វើ ដើម្បីមានអារម្មណ៍ខិតជិតជាមួយព្រះអង្គសង្គ្រោះ នៅពេលអ្នកមានកង្វល់ ឬសំណួរអំពីដំណឹងល្អ ?
ការមានសំណួរ ឬកង្វល់អំពីព្រះវរបិតាសួគ៌ ព្រះយេស៊ូវគ្រីស្ទ ឬដំណឹងល្អរបស់ទ្រង់គឺជារឿងធម្មតា ។ គោលការណ៍បីយ៉ាងនៃការទទួលបានចំណេះដឹងខាងវិញ្ញាណអាចជួយយើងស្វែងរកសំណួរ ឬកង្វល់ពិបាកៗ ។ គោលការណ៍ទាំងនេះអាចជួយយើងយល់ពីរបៀបដើម្បីនៅជិតព្រះវរបិតាសួគ៌ និងព្រះយេស៊ូវគ្រីស្ទ នៅពេលយើងស្វែងរកចម្លើយ ។
សេចក្តីជំនឿគឺជាគោលការណ៍នៃសកម្មភាព
អ្នកអាចចែកចាយជាមួយសិស្សថា មេរៀនថ្ងៃនេះនឹងផ្តោតលើគោលការណ៍ទីមួយ ៖ ធ្វើសកម្មភាពដោយសេចក្តីជំនឿ ។ សូមពិចារណាសរសេរសេចក្ដីពិតមិនពេញលេញខាងក្រោមនៅលើក្ដារខៀន ៖ នៅពេលប្រឈមមុខនឹងសំណួរ ឬកង្វល់នៃដំណឹងល្អ យើងអាចធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទដោយ…
អ្នកអាចចម្លងតារាងខាងក្រោមដាក់នៅលើក្ដារខៀន ដោយអញ្ជើញសិស្សឲ្យស្វែងរកយ៉ាងហោចណាស់វិធីមួយដើម្បីបំពេញសេចក្តីពិតដែលមានអក្សរដិតពីកថាខណ្ឌនីមួយៗ ។
សូមអានកថាខណ្ឌទី ៥, ៦ និង ៧ នៃផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ដោយរកមើលវិធីដើម្បីបំពេញសេចក្តីថ្លែងការណ៍នេះនៅលើក្ដារខៀន ។
|
នៅពេលប្រឈមមុខនឹងសំណួរ ឬកង្វល់ខាងដំណឹងល្អ យើងអាចធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទដោយ… | |
|---|---|
|
កថាកណ្ឌទី ៥ | |
|
កថាកណ្ឌទី ៦ | |
|
កថាកណ្ឌទី ៧ |
-
ដោយប្រើកថាខណ្ឌនីមួយៗ តើអ្នកនឹងបំពេញសេចក្តីថ្លែងការណ៍នៅលើក្ដារខៀនដោយរបៀបណា ?
-
តើមានវិធីផ្សេងទៀតដើម្បីធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ដែលអ្នកនឹងបន្ថែមទៅក្នុងបញ្ជីនេះដែរឬទេ ?
សិស្សអាចបំពេញសេចក្តីថ្លែងការណ៍ដោយប្រើឃ្លាដូចជា ៖
… បន្តរក្សាព្រះបញ្ញត្តិ ។ ( កថាកណ្ឌទី ៥ )
… ពឹងផ្អែកលើអ្វីដែលយើងដឹងរួចហើយថាជាការពិត ។ ( កថាកណ្ឌទី ៦ )
… ជឿទុកចិត្តលើព្រះវរបិតាសួគ៌ រហូតដល់យើងទទួលបានចម្លើយ ។ ( កថាកណ្ឌទី ៧ )
អ្នកអាចប្រើចំណុចខាងក្រោមនេះ ដើម្បីផ្តល់ឱកាសដល់សិស្សឲ្យវាយតម្លៃថាតើពួកគេមានអារម្មណ៍ល្អប៉ុនណា នោះពួកគេអាចប្រើសេចក្ដីថ្លែងការណ៍នីមួយៗក្នុងចំណោមសេចក្ដីថ្លែងការណ៍ទាំងបីនេះ ដើម្បីដោះស្រាយសំណួរ ឬកង្វល់អំពីដំណឹងល្អរបស់ពួកគេ ។
សូមចំណាយពេលបន្តិចដើម្បីគិតពិចារណាពីវិធីទាំងនេះ ដើម្បីធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ នៅពេលអ្នកមានសំណួរ ។ នៅលើរង្វាស់ពី ១ ( តិចតួច ) ដល់ ៥ ( ខ្លាំងណាស់ ) តើអ្នកមានទំនុកចិត្តយ៉ាងណាក្នុងការធ្វើសកម្មភាពដោយសេចក្តីជំនឿលើព្រះអង្គសង្គ្រោះតាមវិធីទាំងនេះ ? យកចិត្តទុកដាក់ចំពោះការបំផុសគំនិតមកពីព្រះវិញ្ញាណ ដើម្បីជួយបង្កើនទំនុកចិត្តរបស់អ្នកនៅក្នុងផ្នែកដែលអ្នកដឹងថាអ្នកអាចធ្វើឲ្យប្រសើរឡើងបាន ។
សកម្មភាពដែលបង្ហាញពីសេចក្តីជំនឿរបស់យើងលើព្រះយេស៊ូវគ្រីស្ទ
ក្រុមទាំងឡាយអាចប្រើសេចក្តីយោងខាងក្រោមដើម្បីបន្តសិក្សាដំណើររឿងក្នុងព្រះគម្ពីរដែលពួកគេបានចាប់ផ្តើមនៅដើមមេរៀនដោយរកមើលពីរបៀបដែលបុគ្គលរូបនោះប្រព្រឹត្តដោយសេចក្តីជំនឿលើព្រះអម្ចាស់ ។
-
ស្ត្រីដ៏ស្មោះត្រង់នៅក្រុងសារិបតាក្នុងអំឡុងពេលអំណត់ ( ពង្សាវតាក្សត្រ ទី១ ១៧:១៣–១៦ )
-
ណាម៉ាន់កំពុងស្វែងរកការព្យាបាលរោគឃ្លង់របស់គាត់ ( ពង្សាវតាក្សត្រ ទី២ ៥:១១–១៥ )
-
ការអំពាវនាវរបស់ហេណុកឲ្យផ្សាយដំណឹងល្អ ( ម៉ូសេ ៦:៣៧–៣៩, ៧:១២–១៣ )
ប្រសិនបើអ្នកបង្ហាញការចាប់ផ្តើមនៃវីដេអូ « Act in Faith: The Stonemason » នៅដើមមេរៀន អ្នកអាចបង្ហាញការសន្និដ្ឋានរបស់មេរៀននោះចាប់ពីនាទីទី ១:៤៩ ដល់ ៤:៥៧ ។ សូមអញ្ជើញសិស្សឲ្យរកមើលរបៀបដែលព្រះអម្ចាស់បានប្រទានពរដល់ក្មេងជំទង់ នៅពេលពួកគេធ្វើសកម្មភាពដោយសេចក្តីជំនឿលើទ្រង់ ។
សិស្សអាចនឹងទទួលបានអត្ថប្រយោជន៍ពីការចែកចាយគំនិតដែលអាចជួយនរណាម្នាក់ធ្វើសកម្មភាពដោយសេចក្ដីជំនឿ នៅពេលប្រឈមមុខនឹងកង្វល់ ឬសំណួរអំពីដំណឹងល្អ ។ វិធីមួយដើម្បីធ្វើបែបនេះ គឺបង្ហាញសេចក្តីណែនាំដូចខាងក្រោម ។
ស្រមៃថាអ្នកត្រូវបានអញ្ជើញឲ្យផ្តល់ដំបូន្មានដល់នរណាម្នាក់ដែលមានសំណួរ ឬកង្វល់អំពីដំណឹងល្អ ។ ជ្រើសរើសយ៉ាងហោចណាស់ពីរខាងក្រោមដើម្បីបំពេញ ៖
-
ស្វែងរកវិធីដែលបុគ្គលរូបនេះអាចធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ដោយការឆ្លើយសំណួរខាងក្រោមនេះ ៖
-
តើបទបញ្ញត្តិអ្វីខ្លះដែលគាត់ ឬនាងអាចបន្តគោរពតាម ?
-
តើអ្នកសង្ឃឹមថាបុគ្គលរូបនេះបានស្គាល់ ឬចងចាំអ្វីអំពីព្រះវរបិតាសួគ៌ និងព្រះយេស៊ូវគ្រីស្ទ ?
-
តើគាត់ ឬនាងអាចធ្វើអ្វីខ្លះដើម្បីបង្ហាញការទុកចិត្តលើទ្រង់ទាំងទ្វេ ?
-
-
ស្វែងរកយ៉ាងហោចណាស់វគ្គបទគម្ពីរចំណេះចំណានខាងគោលលទ្ធិមួយ ឬវគ្គបទគម្ពីរផ្សេងទៀត ដែលអាចជួយបុគ្គលរូបនេះធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ។
-
សូមស្វែងរកសេចក្តីថ្លែងការណ៍មួយពីថ្នាក់ដឹកនាំសាសនាចក្រ ដែលអាចជួយបុគ្គលរូបនេះធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទ ។
បន្ទាប់ពីមានពេលគ្រប់គ្រាន់ហើយ សូមអញ្ជើញសិស្សឲ្យចែកចាយជាមួយដៃគូនូវដំបូន្មានដែលពួកគេអាចផ្តល់ឲ្យ ។ អ្នកក៏អាចផ្តល់ឱកាសដល់សិស្សឲ្យចែកចាយបទពិសោធន៍ដែលពួកគេបានធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទ នៅពេលកំពុងស្វែងរកចម្លើយ ឬពរជ័យនៃដំណឹងល្អ ។
ដាក់ផែនការដើម្បីធ្វើសកម្មភាពដោយសេចក្តីជំនឿ
សូមពិចារណាអំពីការអញ្ជើញសិស្សឲ្យដាក់ផែនការដើម្បីធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ នៅពេលពួកគេប្រឈមមុខនឹងសំណួរ ឬកង្វល់អំពីដំណឹងល្អ ។ វិធីមួយដើម្បីធ្វើការណ៍នេះគឺត្រូវចែកចាយការបំផុសគំនិតដូចខាងក្រោមដែលត្រូវឆ្លើយនៅក្នុងសៀវភៅកំណត់ហេតុសិក្សារបស់ពួកគេ ។ បើពេលវេលាអនុញ្ញាត អ្នកអាចអញ្ជើញសិស្សដែលស្ម័គ្រចិត្តដើម្បីចែកចាយអ្វីដែលពួកគេបានសរសេរ ។
-
អ្វីដែលខ្ញុំចង់ចងចាំអំពីការធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទគឺ ។
-
រឿងមួយដែលខ្ញុំចង់ធ្វើ ដើម្បីធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ នៅពេលមានសំណួរ ឬកង្វល់កើតឡើងលើកក្រោយគឺ ។