Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Psalmeve 61–86: “O Perëndi, Vëri Veshin Lutjes Sime”

“Psalmeve 61–86: ‘O Perëndi, Vëri Veshin Lutjes Sime’”, Manuali i Mësuesit të Seminarit për Dhiatën e Vjetër (2026)

“Psalmeve 61–86: ‘O Perëndi, Vëri Veshin Lutjes Sime’”, Manuali i Mësuesit të Seminarit për Dhiatën e Vjetër

Psalmeve 49–51; 61–66; 69–72; 77–78; 85–86: Mësimi 105

Psalmeve 61–86

“O Perëndi, Vëri Veshin Lutjes Sime”

A women with her hands together, she is praying

Ndoshta mund të të vijnë ndër mend çaste në jetën tënde kur dëshirove të afroheshe pranë Atit Qiellor. Shumë prej psalmeve janë lutje të çiltra që japin një shembull të afrimit me Atin Qiellor me besim të përulur. Lutja është një mjet i fuqishëm që e lejon këdo kurdoherë t’i thërrasë Perëndisë për ngushëllim, forcë ose udhërrëfim. Si me shumë mjete, ne mund të mësojmë ta përdorim lutjen më me efektshmëri. Ky mësim do t’i ndihmojë nxënësit të komunikojnë në mënyrë më kuptimplotë me Atin Qiellor nëpërmjet lutjes.

Përgatitja e nxënësve: Merreni parasysh t’i ftoni nxënësit t’i kushtojnë vëmendje mënyrës se si ndihen se po lidhen me Atin Qiellor në lutjet e tyre nga tani deri në orën mësimore të radhës.

Veprimtari të Mundshme të të Mësuarit

Të qenit i kujdesshëm kundrejt të qenit rastësor

Para orës mësimore, shkruani “i kujdesshëm” dhe “rastësor” në tabelë. Sigurohuni që nxënësit t’i kuptojnë përkufizimet vijuese të këtyre fjalëve. I kujdesshëm: i bërë me mendim ose vëmendje. Rastësor: i qetësuar ose i pashqetësuar.

Merreni parasysh t’i organizoni nxënësit në dyshe ose në grupe të vogla për të treguar se si mendojnë se do të dukej të jesh i kujdesshëm ose rastësor në veprimtaritë vijuese. Përndryshe, mund t’i ftoni dyshet ose grupet të gjejnë ide të gjërave për të cilat janë të kujdesshëm dhe gjërave për të cilat janë rastësorë.

Të luajturit e një sporti

Të mësuarit e një instrumenti

Detyrat e shkollës

Pasi nxënësit të kenë pasur një mundësi për të folur, shkruani “lutja” në tabelë.

Si mund të duket të jesh i kujdesshëm ose rastësor në lutje?

Ftojini nxënësit të mendojnë rreth mënyrës se si po u qasen tani lutjeve të tyre. Në vijim është një mënyrë për ta bërë këtë gjë. Sigurojini nxënësit se ata nuk do t’i ndajnë përgjigjet e tyre me askënd tjetër.

Merri parasysh në heshtje përgjigjet e tua për pyetjet vijuese:

A do t’i konsideroje lutjet e tua më të kujdesshme apo më rastësore? Përse?
Si mund të bekoheshe nëse lutjet e tua do të ishin më të kujdesshme dhe më kuptimplota?

Shumë prej psalmeve janë lutje të çiltra që japin një shembull të afrimit me Atin Qiellor me besim të përulur. Ndërsa i studion këto psalme, ji i ndjeshëm ndaj mendimeve dhe ndjenjave nga Fryma e Shenjtë rreth mënyrës se si të komunikosh në mënyrë më kuptimplotë me Atin Qiellor nëpërmjet lutjes.

Psalmet mund të na mësojnë rreth lutjes

Për t’i ndihmuar nxënësit të kuptojnë mënyrat se si mund të komunikojnë në mënyrë më kuptimplotë me Atin Qiellor në lutje, merreni parasysh t’i paraqitni fragmentet vijuese të shkrimit të shenjtë dhe pyetjet në tabelë. Nxënësit mund të lexojnë një fragment, më pas të mendojnë rreth mënyrës se si ai përgjigjet për një ose më shumë prej pyetjeve.

Mund të jetë e dobishme të luani muzikë instrumentale të qetë ndërsa nxënësit studiojnë.

Lexo të paktën tre prej fragmenteve vijuese të shkrimit të shenjtë, duke kërkuar përgjigjet për një ose më shumë prej pyetjeve që pasojnë.

Psalmeve 55:16–17

Psalmeve 61:1–3

Psalmeve 63:1–7

Psalmeve 69:13–18

Psalmeve 86:3–12

Kur duhet t’i lutem Atit Qiellor?
Si mund të jem më i kujdesshëm në lutjet e mia?
Cili duhet të jetë qëndrimi im kur i qasem Atit Qiellor në lutje?

Ftojini nxënësit të tregojnë atë që zbuluan. Si pjesë e diskutimit, shkruani thënien e paplotë vijuese në tabelë: Lutjet tona ndaj Atit Qiellor mund të bëhen më kuptimplota ndërsa ne …

Kërkojuni nxënësve ta plotësojnë thënien me atë që mësuan rreth lutjes nga psalmet që lexuan. Disa shembuj të asaj që mund të thonë nxënësit përfshijnë:

lutemi në çdo kohë të ditës (shihni te Psalmeve 55:16–17).

lutemi kur ndihemi të dërrmuar (shihni te Psalmeve 61:2).

lutemi për çlirim (shihni te Psalmeve 69:13–18).

lutemi për mëshirë (shihni te Psalmeve 86:3–5).

lutemi me një qëndrim dashurie, nderimi dhe lavdërimi (shihni te Psalmeve 63:4–6; 86:8–13).

Lutja me dashuri dhe nderim për Atin Qiellor

Kjo pjesë e mësimit përqendrohet në këtë të vërtetë: Lutjet tona ndaj Atit Qiellor mund të bëhen më kuptimplota ndërsa lutemi me një qëndrim dashurie, nderimi dhe lavdërimi.

Një mënyrë se si mund t’i lutemi Atit Qiellor me një qëndrim dashurie dhe nderimi të madh është nëpërmjet tonit dhe gjuhës së lutjes sonë.

Presidenti Dallin H. Ouks, i Presidencës së Parë, dha mësim:

“Gjuha e veçantë e lutjes vjen në forma të ndryshme në gjuhë të ndryshme, por parimi është gjithmonë i njëjtë. Ne duhet t’i trajtojmë lutjet ndaj Atit tonë Qiellor me fjalë që folësit e gjuhës [përkatëse] ta lidhin me dashurinë, respektin, nderimin dhe afërsinë. …

… Ne dëshirojmë të ndjekim mësimin e Shpëtimtarit: ‘Por kur ju luteni, mos përdorni përsëritje të kota siç bëjnë paganët, sepse ata mendojnë se do t’u plotësohet lutja se kanë përdorur shumë fjalë.’ [Mateu 6:7; shihni gjithashtu tek 3 Nefi 13:7.] Lutjet tona duhet të jenë të thjeshta, të drejtpërdrejta dhe të sinqerta.” (“The Language of Prayer”, Ensign, maj 1993, f. 16)

Mund të shpjegoni se ne mund të tregojmë dashuri, respekt dhe nderim ndaj Atit Qiellor duke iu drejtuar Atij me anë të fjalëve “ty, ti, tënde dhe e jotja”. Për më shumë informacion, shihni “The Language of Prayer”, Ensign, maj 1993.

Mendo rreth gjuhës që përdor në lutjet e tua dhe mënyrës se si ajo i reflekton ndjenjat e tua për Atin Qiellor.

Përse mund t’ia vlejë përpjekja për të përdorur gjuhë me respekt dhe nderim në lutjet e tua?

Lexo te Mateu 6:5–13 duke kërkuar mënyrën se si Jezu Krishti e mishëroi dashurinë dhe nderimin ndaj Atit Qiellor në lutje.

Çfarë mëson nga mësimet dhe shembulli i Shpëtimtarit që mund të ndikojë në mënyrën se si lutesh?
Si e ka bekuar lutja e sinqertë jetën tënde?

Zbatimi

Diagrami vijues mund t’i ndihmojë nxënësit të mendojnë rreth mënyrave se si ta zbatojnë atë që mësuan rreth lutjes. Ftojini nxënësit ta vizatojnë diagramin në ditarët e tyre. Më pas ftojini ata t’i shkruajnë përgjigjet për pyetjet në grafik në secilën pjesë.

Ndihmojini nxënësit të dallojnë se ato që shkruan janë gjëra që ata mund të fillojnë t’i zbatojnë sot. Ftojini ata të veprojnë sipas një ose dy gjërave që shkruan. Nëse nxënësit munden, mund t’i ftoni të bëjnë një fotografi të grafikut të tyre për të kujtuar atë që shkruan.

Merreni parasysh të jepni dëshminë tuaj për mënyrën se si mund të komunikojmë me Atin Qiellor në mënyra kuptimplota nëpërmjet lutjes.

Burime Shtesë

Si mund të ndihmojë lutja në kohë të trazuara?

Presidenti M. Rasëll Ballard (1928–2023) dha mësim:

“Gjatë muajve të fundit kam pasur mbresën se mënyra më e mirë për të ndihmuar në situatën e tanishme në botë, është që të gjithë njerëzit të mbështeten më plotësisht te Perëndia dhe t’i kthejnë zemrat e tyre drejt Tij nëpërmjet lutjes së sinqertë. Përulja e vetes dhe kërkimi i frymëzimit qiellor për të duruar apo mposhtur atë që është përpara nesh, do të jetë mënyra jonë më e sigurt dhe më e mundshme për të shkuar përpara me vetëbesim në këto kohë të trazuara. …

Sa e madhe është fuqia e lutjes dhe sa të nevojshme janë sot në botë lutjet tona të besimit në Perëndi dhe Birin e Tij të Dashur! Le ta kujtojmë dhe vlerësojmë fuqinë e lutjes!” (“Prandaj Rrini Zgjuar dhe Lutuni Kurdoherë”, Liahona, nëntor 2020, f. 78, 79)

Si mund t’i bëjmë më domethënëse lutjet tona?

Plaku Dejvid A. Bednar, i Kuorumit të Dymbëdhjetë Apostujve, tha:

“Unë dëshmoj se lutja bëhet më domethënëse ndërsa ne këshillohemi me Zotin në të gjitha veprimet tona, ndërsa shprehim mirënjohje të çiltër dhe ndërsa lutemi për të tjerët me një qëllim të vërtetë dhe një zemër të sinqertë.

Unë dëshmoj se Ati Qiellor jeton dhe Ai i dëgjon dhe i përgjigjet çdo lutjeje të zellshme.” (“Lutuni Kurdoherë”, Liahona, nëntor 2008, f. 44)

Çfarë mund të na ndihmojë ndërsa kërkojmë përgjigje për lutjet tona?

Presidenti Rasëll M. Nelson dha mësim:

“Lutuni në emrin e Jezu Krishtit për shqetësimet tuaja, frikën tuaj, dobësitë tuaja – po, pikërisht dëshirat e zemrës suaj. Dhe më pas dëgjoni! Shkruajini mendimet që ju vijnë në mendje. Shënojini ndjenjat dhe pasojini me veprimet që nxiteni t’i bëni. Kur e përsëritni këtë proces ditë pas dite, muaj pas muaji, vit pas viti, ju do të ‘rriteni drejt parimit të zbulesës’ [Mësimet e Presidentëve të Kishës: Jozef Smith (2007), f. 132].” (“Zbulesë për Kishën, Zbulesë për Jetën Tonë”, Liahona, maj 2018, f. 95)

Presidenti Diter F. Uhtdorf, asokohe i Presidencës së Parë, tregoi:

“Perëndia përkujdeset për ju. Ai do të dëgjojë dhe Ai do t’iu japë përgjigje pyetjeve tuaja vetjake. Përgjigjet ndaj lutjeve tuaja do të vijnë sipas vetë mënyrës së Tij dhe në vetë kohën e Tij dhe, si rrjedhim, ju keni nevojë të mësoni ta dëgjoni zërin e Tij. Perëndia dëshiron që ju ta gjeni udhën e kthimit tek Ai dhe Shpëtimtari është udha.” (“Marrja e një Dëshmie për Dritën dhe të Vërtetën”, Liahona, nëntor 2014, f. 21)

Veprimtari Plotësuese të të Mësuarit

Ajo që dinte psalmisti rreth Atit Qiellor

Të mësuarit rreth Atit Qiellor mund t’i ndihmojë nxënësit t’i qasen Atij në lutje. Nëse keni kohë shtesë në mësim, para se të kaloni te pjesa e zbatimit, merreni parasysh t’i ftoni nxënësit të lexojnë referencat vijuese të shkrimeve të shenjta. Mund të jetë e dobishme për nxënësit që të organizohen në dyshe dhe të vënë një partner të lexojë dy grupet e para të vargjeve dhe partneri tjetër të lexojë grupin e tretë të vargjeve. Ftojini nxënësit të lexojnë vargjet duke kërkuar atë që kuptoi psalmisti rreth Perëndisë që mund të ndikojë në lutjet e tyre.

Psalmeve 62:5–8

Psalmeve 63:7

Psalmeve 86:8–10, 13, 15–16

Pasi nxënësit t’i kenë lexuar dhe treguar gjetjet e tyre, mund ta diskutoni pyetjen vijuese me klasën:

Si mund ta ndihmojë njohuria e këtyre gjërave rreth Atit Qiellor dikë që të lutet më me zell?
Çfarë dini ju rreth Atit Qiellor që mund t’ju ndihmojë në lutjet tuaja?

Gjeni kohë për lutje

Për t’i ndihmuar nxënësit të gjejnë kohë për të komunikuar me Atin Qiellor në lutje, merreni parasysh të shfaqni materialin filmik “Face to Face with President Eyring and Elder Holland” [“Ballë për Ballë me Presidentin Ajring dhe Plakun Holland”] nga kodi kohor 44:35 deri në 46:09. Presidenti Xhefri R. Holland tregon mënyrat se si ai dhe bashkëshortja e tij Patrisha gjetën kohë për t’u lutur.

96:16

Pas materialit filmik, mund t’i ftoni nxënësit ta tregojnë atë që mësuan ose menduan. Nxënësit mund të ftohen të lënë mënjanë një kohë të caktuar çdo ditë për lutje.

Shpresë dhe besim në rininë tonë

Psalmeve 71:5 mund të përdoret për t’i ndihmuar nxënësit të kenë shpresë te Perëndia dhe t’i mirëbesojnë Atij gjatë rinisë së tyre.

Ndonjëherë të rinjtë mund ta nënvlerësojnë rëndësinë e ndjekjes së ungjillit në vitet e rinisë, duke menduar se do ta ndjekin atë në mënyrë më të qëllimshme kur të jenë të rritur. Mund të jetë me vlerë për nxënësit të mendojnë rreth fuqisë që Perëndia mund të ketë në jetën e tyre ndërsa i mirëbesojnë Atij. Ftojini nxënësit të lexojnë te Psalmeve 71:5 dhe Alma 38:2 duke menduar rreth rëndësisë së mirëbesimit te Perëndia në rininë e tyre. Mund t’i vini nxënësit të diskutojnë sa vijon:

Përse mendoni se është e rëndësishme të mësojmë në rininë tonë që të kemi shpresë dhe mirëbesim te Perëndia?
Në ç’mënyrë ka qenë Perëndia një burim force ose shprese për ju në rininë tuaj?

“E vërteta do të mbijë nga toka” (Psalmeve 85:11)

Për t’i ndihmuar nxënësit të studiojnë rreth ardhjes në dritë të Librit të Mormonit, mund t’i organizoni nxënësit në dyshe dhe ta ftoni secilin të lexojë një nga vargjet vijuese, duke kërkuar profecitë e Librit të Mormonit: Psalmeve 85:11, Isaia 29:4 dhe Moisiu 7:62. Nëse është e nevojshme, ndihmojini ata të shohin se secili i referohet fjalës së Perëndisë që del nga toka (ose dheu), duke iu referuar fletëve të arta që ishin të fshehura në tokë që Jozef Smithi t’i gjente dhe t’i përkthente.

Si ju ka ndihmuar Libri i Mormonit të afroheni më pranë Atit Qiellor dhe Jezu Krishtit?

“Unë Lutem Kur”

Nëse dëshironi, mund të shfaqni materialin filmik “I Pray When” [“Unë Lutem Kur”] (1:56) si pjesë e diskutimit rreth kohës kur duhet t’i lutemi Atit Qiellor. Mund t’i pyesni më pas nxënësit se cilat ide panë që përsëriten në shkrimet e shenjta që i studiuan te Psalmeve, ose mund t’u kërkoni të tregojnë raste të tjera kur luten.

1:56

“A Je Vërtet Aty?”

Materiali filmik muzikor “Are You Really There?” [“A Je Vërtet Aty?”] (3:46) përshkruan individë që drejtohen tek Ati Qiellor në lutje dhe marrin përgjigje për lutjet e tyre. Mund ta shfaqni këtë material filmik për t’i ndihmuar nxënësit të mendojnë rreth lutjeve të tyre dhe të ndiejnë shpresën se Ati Qiellor do t’u përgjigjet lutjeve të tyre.

3:45