« ទំនុកដំកើង ២៣ ៖ ‹ ព្រះយេហូវ៉ាទ្រង់ជាអ្នកគង្វាលខ្ញុំ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ទំនុកដំកើង ២៣ ៖ ‹ ព្រះយេហូវ៉ាទ្រង់ជាអ្នកគង្វាលខ្ញុំ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ទំនុកដំកើង ១–២; ៨; ១៩–៣៣; ៤០; ៤៦ ៖ មេរៀនទី ១០២
ទំនុកដំកើង ២៣
« ព្រះយេហូវ៉ាទ្រង់ជាអ្នកគង្វាលខ្ញុំ »
ផ្អាកដើម្បីស្រមៃមើលការពិពណ៌នា និងការប្រៀបធៀបនៅក្នុងវគ្គបទគម្ពីរអាចនាំមកនូវភាពស្រស់ស្អាត និងថាមពលដល់ពាក្យដែលយើងអាន ។ នៅក្នុង ទំនុកដំកើង ២៣ ស្ដេចដាវីឌបានពិពណ៌នាអំពីទំនាក់ទំនងរបស់ទ្រង់ជាមួយព្រះយេស៊ូវគ្រីស្ទ តាមរយៈរូបភាពដ៏ស្រស់ស្អាតជាច្រើនដែលពិពណ៌នាអំពីសេចក្តីស្រឡាញ់ និងការយកព្រះទ័យទុកដាក់របស់ព្រះអង្គសង្គ្រោះ ។ មេរៀននេះអាចជួយសិស្សឲ្យមានអារម្មណ៍ទន់ភ្លន់ និងប្រកបដោយសេចក្ដីស្រឡាញ់របស់ព្រះគ្រីស្ទ តាមរយៈការបង្ហាញរូបភាពក្នុងព្រះគម្ពីរ ។
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីរបៀបដែលកិច្ចការពួកគេមើលឃើញរាល់ថ្ងៃ រំឭកពួកគេអំពីព្រះអង្គសង្គ្រោះ ។ ឧទាហរណ៍ ៖ « ភ្លៀងរំឭកខ្ញុំពីព្រះអង្គសង្គ្រោះ ព្រោះ … » ។ បន្ទាប់មក សូមអញ្ជើញពួកគេឲ្យអាន ទំនុកដំកើង ២៣ ហើយជ្រើសរើសការប្រៀបធៀបដែលដាវីឌបានធ្វើចំពោះព្រះអង្គសង្គ្រោះ ឬអ្វីដែលព្រះអង្គសង្គ្រោះធ្វើសម្រាប់យើង ។
សកម្មភាពរៀនសូត្រដែលអាចមាន
ការស្រមៃឃើញរូបភាពនៅក្នុងព្រះគម្ពីរ
ដើម្បីជួយសិស្សឲ្យអនុវត្តការរៀនពីរូបភាពនៅក្នុងព្រះគម្ពីរ សូមពិចារណាចាប់ផ្តើមថ្នាក់ដោយបង្ហាញរូបភាពនៃមនុស្សកំពុងកាន់ទុក្ខ និងមនុស្សកំពុងរាំ ។ បន្ទាប់មក សូមសួរសិស្សរបស់អ្នកនូវគំនិត ឬអារម្មណ៍អ្វីដែលកើតឡើងនៅពេលពួកគេគិតអំពីការកាន់ទុក្ខ ។ សិស្សអាចចែកចាយរឿងដូចជាទឹកភ្នែក ការបាត់បង់នរណាម្នាក់ ការឈឺចាប់ ឬទុក្ខសោក ។ សូមសួរសំណួរដូចគ្នានេះម្តងទៀតសម្រាប់ការរាំ ។
សូមអាន ទំនុកដំកើង ៣០:១១ ដោយរកមើលពីរបៀបដែលដាវីឌប្រើរូបភាពនៃការកាន់ទុក្ខ និងការរាំដើម្បីពិពណ៌នាអំពីព្រះចេស្ដានៃព្រះយេស៊ូវគ្រីស្ទ និងដង្វាយធួនរបស់ទ្រង់ ។
-
តើរូបភាពទាំងនេះជួយអ្នកឲ្យយល់ពីអ្វីដែលដាវីឌត្រូវបានបង្រៀនអំពីព្រះយេស៊ូវគ្រីស្ទ នៅពេលទ្រង់មានបន្ទូលថា « នោះទ្រង់បានផ្លាស់ការយំសោករបស់ទូលបង្គំឲ្យទៅជាសេចក្តីត្រេកអរទៅវិញ » ?
ពន្យល់សិស្សថាការប្រើរូបភាពទាំងនេះដើម្បីយល់ពី ខទី ១១ កាន់តែច្បាស់ គឺជាឧទាហរណ៍មួយនៃជំនាញសិក្សាអំពី ការគិតក្នុងចិត្ត ។ សូមពិចារណាអញ្ជើញសិស្សម្នាក់ឲ្យអានការពិពណ៌នាខាងក្រោមអំពីជំនាញសិក្សានេះ ។
ការគិតក្នុងចិត្ត គឺជាជំនាញសិក្សាដែលបង្កើតរូបភាពក្នុងចិត្តពីព័ត៌មានលម្អិតពិពណ៌នានៅក្នុងព្រះគម្ពីរ ។ យើងអាចស្រមៃឃើញថា អ្នកមានវត្តមាននៅក្នុងព្រឹត្តិការណ៍នានាដែលបានរៀបរាប់នៅក្នុងព្រះគម្ពីរ ។ យើងអាចផ្អាក និងបង្ហាញឃ្លាដូចជា « នោះទ្រង់បានផ្លាស់ការយំសោករបស់ទូលបង្គំឲ្យទៅជាសេចក្តីត្រេកអរទៅវិញ » ( ទំនុកដំកើង ៣០:១១ ) ។ ជំហានបន្ទាប់គឺការជញ្ជឹងគិតអំពីអ្វីដែលយើងអាចរៀនពីរូបភាព ។ ការធ្វើដូច្នេះអាចយាងអញ្ជើញព្រះវិញ្ញាណបរិសុទ្ធ នៅពេលយើងបង្អង់ល្បឿន ហើយស្វែងរកការយល់ដោយចិត្ត និងបេះដូងរបស់យើង ។
សូមជញ្ជឹងគិតសំណួរខាងក្រោមនេះ ។
-
តើអ្នកបង្អង់ល្បឿនក្នុងការគិតក្នុងចិត្តអ្វីដែលអ្នកកំពុងសិក្សានៅក្នុងព្រះគម្ពីរញឹកញាប់ប៉ុនណា ?
-
តើអ្នកគិតថាការបង្អង់ល្បឿនក្នុងការគិតក្នុងចិត្តពីអ្វីដែលអ្នកអានអាចជួយអ្នកឲ្យស្គាល់ព្រះអង្គសង្គ្រោះបានកាន់តែច្បាស់ដោយរបៀបណា ?
សូមយកចិត្តទុកដាក់លើការបំផុសគំនិតនៃព្រះវិញ្ញាណបរិសុទ្ធ ដើម្បីជួយអ្នករៀនអំពីព្រះយេស៊ូវគ្រីស្ទ នៅពេលអ្នកគិតក្នុងចិត្តពីការពិពណ៌នានៅក្នុង ទំនុកដំកើង ២៣ ថ្ងៃនេះ ។
« ព្រះយេហូវ៉ាទ្រង់ជាអ្នកគង្វាលខ្ញុំ »
ផ្នែកនៃមេរៀននេះផ្តល់ឲ្យសិស្សនូវឱកាសមួយដើម្បីអនុវត្តការគិតក្នុងចិត្តរួមគ្នាជាថ្នាក់មួយ មុនពេលសាកល្បងវាដោយខ្លួនឯង ។
សូមអាន ទំនុកដំកើង ២៣:១ ហើយគូសចំណាំរូបភាពដែលប្រើដើម្បីពិពណ៌នាអំពីព្រះយេស៊ូវគ្រីស្ទ ។
ដើម្បីជួយសិស្សស្វែងយល់បន្ថែមអំពីព្រះអង្គសង្គ្រោះ អ្នកអាចអញ្ជើញពួកគេឲ្យគិតក្នុងចិត្តពីទ្រង់ថាជាអ្នកគង្វាលរបស់យើង នៅពេលពួកគេអាន អេសេគាល ៣៤:១១–១៦ ឬ យ៉ូហាន ១០:១១–១៥ ឬនៅពេលដែលសិស្សក្នុងថ្នាក់ច្រៀងបទ « បណ្តូលចិត្តរបស់អ្នកគង្វាល » ( ទំនុកតម្កើង ល.រ. ២២១ ) ។ ពួកគេក៏ប្រហែលជាចង់ភ្ជាប់សេចក្តីយោងឆ្លង ឬភ្ជាប់វគ្គបទគម្ពីរទាំងនោះទៅនឹង ទំនុកដំកើង ២៣:១ ផងដែរ ។
សូមចំណាយពេលមួយនាទីដើម្បីព្យាយាមស្រមៃ ឬគិតក្នុងចិត្តនូវរូបភាពអ្នកគង្វាលដែលកំពុងមើលថែ ឬការពារចៀមរបស់ពួកគេ ។
បន្ទាប់មក សូមសរសេរសេចក្តីថ្លែងការណ៍អំពីព្រះយេស៊ូវគ្រីស្ទ ដែលអ្នករៀនពីការគិតក្នុងចិត្តនូវរូបភាពទ្រង់ជាអ្នកគង្វាលរបស់អ្នក ។
សូមពិចារណាដាក់បង្ហាញរូបភាពរបស់ព្រះយេស៊ូវគ្រីស្ទនៅលើក្ដារខៀន ដែលបានពិពណ៌នាថាជាអ្នកគង្វាល ដូចជារូបភាពដែលមាននៅខាងដើមនៃមេរៀននេះ ។ សូមអញ្ជើញសិស្សពីរបីនាក់ឲ្យសរសេរសេចក្ដីថ្លែងការណ៍របស់ពួកគេនូវសេចក្ដីពិតអំពីទ្រង់នៅលើក្ដារខៀនជុំវិញរូបភាពនោះ ។ សិស្សអាចចែកចាយសេចក្តីថ្លែងការណ៍ដូចជា ៖ ព្រះអម្ចាស់ខ្វល់ខ្វាយអំពីតម្រូវការរបស់ខ្ញុំ ។
-
តើព្រះយេស៊ូវគ្រីស្ទជាអ្នកគង្វាលនៅក្នុងជីវិតរបស់អ្នក ឬនៅក្នុងជីវិតមនុស្សនៅជុំវិញអ្នកដោយរបៀបណា ?
ការមកស្គាល់ព្រះយេស៊ូវគ្រីស្ទ
សូមពិចារណាផ្តល់ឱកាសដល់សិស្សដើម្បីស្គាល់ព្រះអង្គសង្គ្រោះកាន់តែច្បាស់ដោយអនុវត្តការគិតក្នុងចិត្តដោយខ្លួនឯង ឬជាក្រុមតូចៗ ។ សកម្មភាពខាងក្រោមគឺជារបៀបមួយដើម្បីធ្វើកិច្ចការនេះ ។ មុនពេលសិស្សចាប់ផ្ដើម សូមឲ្យក្រដាសសមួយសន្លឹកទៅសិស្សម្នាក់ៗ ។ អ្នកក៏ប្រហែលជាចង់ផ្តល់ខ្មៅដៃពណ៌ ឬហ្វឺតដែលសិស្សអាចប្រើដើម្បីគូររូបភាពផងដែរ ។
-
សូមសិក្សា ទំនុកដំកើង ២៣:២–៦ ។ បន្ទាប់មក សូមជ្រើសរើសខគម្ពីរមួយដែលលេចធ្លោសម្រាប់អ្នក ដើម្បីផ្តោតលើសកម្មភាពដែលនៅសេសសល់ ។
-
ការគិតក្នុងចិត្តនូវរូបភាពដែលស្តេចដាវីឌបានប្រើនៅក្នុងខគម្ពីររបស់អ្នក ដើម្បីពិពណ៌នាអំពីលក្ខណៈរបស់ព្រះយេស៊ូវគ្រីស្ទ ឬអ្វីមួយដែលទ្រង់ធ្វើសម្រាប់យើង ។ គូររូបភាពនៃអ្វីដែលអ្នកកំពុងគិតក្នុងចិត្ត ឬស្វែងរករូបភាពឌីជីថលដែលអាចតំណាងឲ្យអ្វីដែលអ្នកគិតនៅក្នុងគំនិតរបស់អ្នក ។
-
សូមសរសេរយ៉ាងហោចសេចក្តីថ្លែងការណ៍នៃសេចក្តីពិតមួយនៅលើក្រដាសរបស់អ្នកអំពីព្រះអង្គសង្គ្រោះ ដែលអ្នករៀនពីការគិតក្នុងចិត្តនូវការពិពណ៌នារបស់ដាវីឌ ។
-
កំណត់អ្វីដែលអ្នកបានរៀនផ្ទាល់ខ្លួនដោយការជញ្ជឹងគិត ( ឬពិភាក្សាជាមួយក្រុមរបស់អ្នក ) ថាហេតុអ្វីបានជាវាសំខាន់ចំពោះអ្នក ឬរបៀបដែលវាអាចពង្រឹងទំនាក់ទំនងរបស់អ្នកជាមួយព្រះវរបិតាសួគ៌ និងព្រះយេស៊ូវគ្រីស្ទ ។
នៅពេលសិស្សធ្វើកិច្ចការនេះ សូមពិចារណាដើរចុះឡើងក្នុងបន្ទប់ដើម្បីស្វែងយល់ពីពួកគេ និងជួយអ្នកដែលប្រហែលជាត្រូវការជំនួយនោះ ។ ប្រសិនបើសិស្សពិបាកគិតក្នុងចិត្តនូវរូបភាពនេះ អ្នកអាចសួរសំណួរដូចជា « តើការនៅក្បែរទឹក វាមានអារម្មណ៍យ៉ាងណាដែរ ? » ឬ « តើប្អូនៗគិតថា ព្រនង់ និងដំបងរបស់ទ្រង់អាចតំណាងឲ្យអ្វី ? » លើសពីនេះ ការសរសើរគំនូរ ឬការយល់ដឹងរបស់សិស្សអាចជារបៀបដ៏ល្អមួយដើម្បីលើកទឹកចិត្តពួកគេ និងពង្រឹងទំនាក់ទំនងរបស់អ្នកជាមួយពួកគេ ។
សិស្សអាចសរសេរសេចក្ដីថ្លែងការណ៍នៃសេចក្ដីពិតអំពីព្រះអង្គសង្គ្រោះដូចជា ៖ ព្រះអម្ចាស់កែព្រលឹងដែលនឿយហត់ និងបាក់បែកឡើងវិញ ( ខទី ៣ ) ឬ ព្រះអម្ចាស់នឹងថែទាំយើង សូម្បីតែក្នុងស្ថានភាពលំបាកក៏ដោយ ( ខទី ៥ ) ។
បន្ទាប់ពីសិស្សបញ្ចប់សកម្មភាពនេះហើយ សូមអញ្ជើញពួកគេឲ្យចែកចាយអ្វីដែលពួកគេបានរៀនអំពីព្រះយេស៊ូវគ្រីស្ទ ។ ដើម្បីធ្វើដូច្នេះ ពួកគេអាចបង្ហាញរូបភាពរបស់ពួកគេជុំវិញបន្ទប់ ចែកចាយអ្វីដែលពួកគេបានរៀនជាមួយសិស្ស ឬក្រុមផ្សេងទៀត ឬបន្ថែមអ្វីដែលពួកគេបានរៀនទៅលើក្តារខៀន ។ សូមពិចារណាសួរសំណួរដូចខាងក្រោមនេះ បន្ទាប់ពីសិស្សបានចែកចាយ ។
-
តើមានអ្វីខ្លះដែលអ្នកបានរៀនអំពីព្រះយេស៊ូវគ្រីស្ទ ដែលអ្នកអាចនឹងខកខាន បើអ្នកមិនបង្អង់ល្បឿនក្នុងការគិតក្នុងចិត្តនូវរូបភាពនៅក្នុង ទំនុកដំកើង ២៣ ដែរឬទេ ? បើមាន តើជាអ្វី ?
-
តើរូបមួយណាក្នុងចំណោមរូបភាពទាំងនេះ ដែលជួយអ្នកឲ្យមើលឃើញពីចរិតទន់ភ្លន់ និងសេចក្តីស្រឡាញ់របស់ព្រះយេស៊ូវគ្រីស្ទបំផុត ? ហេតុអ្វី ?
អ្នកអាចបញ្ចប់ដោយការលើកទឹកចិត្តសិស្សឲ្យប្រើការគិតក្នុងចិត្តនៅក្នុងការសិក្សាព្រះគម្ពីររបស់ពួកគេ ដើម្បីបន្តស្គាល់ព្រះអង្គសង្គ្រោះបានកាន់តែច្បាស់ ។ សូមពិចារណាចែកចាយទីបន្ទាល់របស់អ្នកអំពីសេចក្ដីពិតអំពីព្រះយេស៊ូវគ្រីស្ទដែលបានបង្រៀននៅក្នុង ទំនុកដំកើង ២៣ ។