Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Esterit, Pjesa 2: “Në Qoftë se Duhet të Vdes, do të Vdes”

“Esterit, Pjesa 2: ‘Në Qoftë se Duhet të Vdes, do të Vdes’”, Manuali i Mësuesit të Seminarit për Dhiatën e Vjetër (2026)

“Esterit, Pjesa 2: ‘Në Qoftë se Duhet të Vdes, do të Vdes’”, Manuali i Mësuesit të Seminarit për Dhiatën e Vjetër

Esterit: Mësimi 95

Esterit, Pjesa 2

“Në Qoftë se Duhet të Vdes, do të Vdes”

Screenshot from the video Esthers Courage

Si ndjekës të Jezu Krishtit, të gjithë ne kemi raste kur është e nevojshme të demonstrojmë guxim, megjithëse rrethanat tona mund të jenë të ndryshme. Esteri demonstroi guxim teksa u mbështet te Zoti ndërkohë që përballej me vdekjen e mundshme, me qëllim që të shpëtonte popullin e saj. Ky mësim mund t’i ndihmojë nxënësit të veprojnë me guxim për të bërë vullnetin e Zotit.

Përgatitja e nxënësve: Ftojini nxënësit të përgatiten për të dhënë një shembull të kohës kur dikush që njohin demonstroi guxim për të bërë vullnetin e Zotit

Veprimtari të Mundshme të të Mësuarit

Një thirrje për guxim

Merreni parasysh ta filloni orën mësimore duke treguar një përvojë kur dikush tregoi guxim, si ai në historinë vijuese.

Presidenti Tomas S. Monson tregoi historinë vijuese:

16:18

“Teksa shërbeja në Flotën Detare të Shteteve të Bashkuara në Luftën II Botërore, mësova për veprime të guximshme, raste trimërie dhe shembuj guximi. Një rast, të cilin nuk do ta harroj kurrë, ishte guximi i heshtur i një detari 18-vjeçar – jo i fesë sonë – i cili nuk ishte tepër krenar për t’u lutur. Nga 250 burra në kompani, ai ishte i vetmi që çdo natë binte në gjunjë pranë shtratit të tij, nganjëherë në mes të talljeve të kërcënuesve dhe përqeshjeve të mosbesuesve. Me kokë të ulur, ai i lutej Perëndisë. Kurrë nuk u lëkund. Kurrë nuk u ligështua. Ai kishte guxim.” (“Ji i Fortë dhe Guximtar”, Liahona, maj 2014, f. 67)

Për kë mendon kur dëgjon fjalën guxim?
Cilat janë situatat ku adoleshentët shenjtorë të ditëve të mëvonshme mund të nevojitet të tregojnë guxim?

Përsiat për një situatë specifike, për shembull në shkollë, në shtëpi ose me shokët, ku ti ndien se Ati Qiellor mund të dojë që ti të tregosh guxim më të madh. Shkruaje këtë situatë në ditarin e studimit.

Ndërsa studion pjesën e mbetur të historisë së Esterit, ftoje Frymën e Shenjtë të të ndihmojë të dish se si Ati Qiellor dhe Jezu Krishti mund të të ndihmojnë të përballesh me atë situatë me guxim.

Guximi i Esterit

Mormon Messages: Having Courage & Trusting the Lord: Stand Up for What You Believe In

Esteri u bë mbretëresha e mbretit Asuero të Persisë. Kujdestari i Esterit, Mardokeu, nuk pranoi të binte përmbys para Hamanit, ministrit kryesor të mbretit. Hamani u zemërua dhe mori leje nga mbreti për të shkatërruar të gjithë judenjtë në mbretëri. Mardokeu i kërkoi Esterit të kërkonte ndërhyrjen e mbretit, duke i thënë asaj se mbase Perëndia e kishte vendosur në atë pozitë “pikërisht për një kohë të tillë” (Esterit 4:14).

Nëse nxënësit kanë nevojë për ndihmë për t’iu përgjigjur pyetjes vijuese, mund t’i ftoni ata të lexojnë tek Esterit 4:10–11.

Përse do të kërkonte guxim të madh vajtja përpara mbretit?

Lexo tek Esterit 4:15–17, duke kërkuar mënyrën se si Esteri tregoi guxim ndërsa u përgatit për t’iu afruar mbretit.

Çfarë të bën përshtypje rreth Esterit?
Çfarë parimesh mund të mësojmë nga vargjet 15–17 që mund të na ndihmojnë kur kemi nevojë për guxim?

Falënderojini nxënësit për parimet kuptimplota që dhanë. Nëse nuk është përmendur më parë, mund t’i ndihmoni ata të përcaktojnë parimin vijues: Ndërsa mbështetem tek Ati Qiellor dhe Jezu Krishti, Ata do të më japin guxim.
Çfarë prove sheh që Esteri u mbështet te Zoti? Si mund ta ketë ndihmuar kjo atë?

Vepra të guximshme

Fragmentet vijuese të shkrimit të shenjtë mund t’i ndihmojnë nxënësit të shohin mënyrën se si Zoti vazhdoi ta bekonte Esterin me guxim.

Merreni parasysh t’i organizoni nxënësit në grupe të vogla ose në dyshe. Caktojini secilit grup ose dysheje një nga fragmentet vijuese të shkrimit të shenjtë. Ose nxënësit brenda të njëjtit grup mund të studiojnë secili njërin nga fragmentet dhe të përgatiten për t’ia treguar njëri-tjetrit.

Studio njërin nga fragmentet vijuese të shkrimit të shenjtë, duke kërkuar mënyrën se si Esteri tregoi guxim.

Esterit 5:1–4. Esteri iu afrua mbretit.
Esterit 7:1–4. Esteri, mbreti dhe Hamani shtruan një gosti private.
Esterit 8:3–6. Esteri diskutoi me mbretin dekretin e tij për të vrarë judenjtë.

Më pas diskutoni për pyetjet vijuese:

Në ç’mënyrë ishin veprimet e Esterit një demonstrim i guximit?
Çfarë mendon se është e nevojshme të dijë një person rreth Perëndisë për të bërë zgjedhjen që bëri Esteri?

Ftojini nxënësit e gatshëm t’ia tregojnë klasës atë që diskutuan.

Ndihmesa ndaj nxënësve që ta vendosin Jezu Krishtin në qendër të të mësuarit të tyre e fton Frymën e Shenjtë të dëshmojë për Të. Kjo mund t’i ndihmojë nxënësit të kenë një përvojë më vetjake dhe më të fuqishme të të mësuarit. Një mënyrë se si mund ta bëni këtë është duke e lidhur historinë e Esterit me jetën dhe shembullin e Jezu Krishtit.

(Për trajnim shtesë mbi ndihmesën ndaj nxënësve për ta lidhur atë që po mësojnë me jetën dhe shembullin e Jezu Krishtit, shihni pjesën “Theksojeni shembullin e Jezu Krishtit” te Zotësitë për Përmirësimin e Mësuesve [2022], f. 5.)

Paraqitni një figurë të Jezu Krishtit në tabelë. Merreni parasysh të bëni njërën ose të dyja pyetjet vijuese.
Në ç’mënyrë ta kujton Esteri Shpëtimtarin?
Cilët janë shembujt nga jeta e Shpëtimtarit ku Ai demonstroi guxim?

Për t’i përgatitur nxënësit t’i tregojnë përvojat e tyre, merreni parasysh t’u shfaqni nxënësve një material filmik të tillë si “Having Courage and Trusting the Lord” [“Pasja e Guximit dhe Mirëbesimit te Zoti”] (3:18), në dispozicion në ChurchofJesusChrist.org.

3:18
Kur ka qenë një rast që ti ose dikush që e njeh, u mbështet te Zoti dhe u bekua me guxim?

Vepra ime vetjake e guximit

Sugjerimet vijuese mund t’i ndihmojnë nxënësit ta zbatojnë atë që mësuan nga tregimi i Esterit.

Reflekto mbi situatën për të cilën mendove në fillim të mësimit. Kërko udhërrëfim nga Shpirti ndërsa përsiat se si mund të demonstrosh guxim dhe të mbështetesh te Zoti në atë situatë.

Lexo tek Esterit 4:16 përsëri, duke theksuar thënien vijuese: “… pastaj do të hyj te mbreti; megjithëse një gjë e tillë është kundër ligjit; dhe në qoftë se duhet të vdes, do të vdes”.

Për t’i ndihmuar nxënësit të theksojnë thënien te vargu 16, ata mund ta shenjojnë ose theksojnë atë nëse dëshirojnë. Më pas, merreni parasysh t’i ftoni ata ta rishkruajnë thënien në ditarin e studimit duke përdorur nxitjet më poshtë.

Riformuloje këtë thënie për të reflektuar përkushtimin tënd për të treguar guxim dhe për t’u mbështetur te Zoti në situatën tënde. Për të të ndihmuar ta bësh këtë, merre parasysh të plotësosh nxitjet vijuese:

Pastaj unë do të (veprimi që do të doje të bëje për të treguar guxim). Dhe nëse (një pasojë e mundshme), unë (diçka që do të bësh për t’u mbështetur te Zoti).

Mund të jetë e dobishme të jepni një shembull, të tillë si vijuesi:

Imagjinoni sikur ndieni se Ati Qiellor dëshiron që të keni guxim për të ndaluar së përdoruri gjuhën e ashpër dhe fyese me miqtë tuaj. Mund ta riformuloni vargun tek Esterit 4:16 si në vijim: “Pastaj unë nuk do të përdor më fjalë të këqija, as kur bëj shaka. Dhe nëse shokët e mi më ngacmojnë ose më përqeshin, atëherë do të lutem për forcë që të vazhdoj të përpiqem.”

Ftojini nxënësit e gatshëm ta tregojnë atë që shkruan. Nëse koha e lejon, nxënësit mund t’i japin këshillë njëri-tjetrit lidhur me situatat që tregojnë.

Dëshmoni për shembullin e Zotit për guximin. Shprehni bindjen tuaj në aftësinë e nxënësve për t’i përballuar sfidat e tyre me guxim ndërsa mbështeten te Zoti për të bërë vullnetin e Tij.

Burime Shtesë

Si mund të bekohem për demonstrimin e guximit si të Krishtit?

Plaku Geri E. Stivenson, i Kuorumit të Dymbëdhjetë Apostujve, dha mësim:

10:35

“Unë premtoj se Zoti do t’ju fuqizojë. ‘Sepse Perëndia nuk na ka dhënë frymë frike, por force’ [2 Timoteut 1:7]. Ai do t’ju shpërblejë për guximin dhe sjelljen tuaj të drejtë – me lumturi dhe gëzim. Një guxim i tillë do të jetë rezultat i besimit tuaj në Jezu Krisht dhe në Shlyerjen e Tij, i lutjeve tuaja dhe i bindjes tuaj ndaj urdhërimeve.” (“Ji Trim me Guxim, Fuqi dhe Energji”, Liahona, nëntor 2012, f. 52)

Presidenti Tomas S. Monson nxiti:

16:18

“Ne të gjithë do të hasim frikë, do të përjetojmë tallje dhe do të ndeshemi me kundërshtim. Paçim – ne të gjithë – guximin për t’iu kundërvënë mendimit të përgjithshëm, guximin për ta mbrojtur parimin. Guximi, jo kompromisi, e sjell buzëqeshjen dhe miratimin e Perëndisë. Guximi bëhet një virtyt i gjallë dhe tërheqës kur mbahet parasysh jo vetëm si një gatishmëri për të vdekur si burrë, por si vendosmëria për të jetuar denjësisht. Ndërsa ecim përpara, duke u përpjekur që të jetojmë siç duhet, ne sigurisht do të marrim ndihmë nga Zoti dhe mund të gjejmë ngushëllim në fjalët e Tij.” (“Ji i Fortë dhe Guximtar”, Liahona, maj 2014, f. 69)

Cilët janë mësimet shtesë që mund të mësoj nga libri i Esterit?

Presidentja Kamill N. Xhonson, Presidente e Përgjithshme e Shoqatës së Ndihmës, shpjegoi:

10:8

“Esteri është një shembull tjetër i bukur i lejimit të Perëndisë që të triumfojë. Në vend që t’i përmbahej një tregimi të kujdesshëm për të shpëtuar veten, ajo ushtroi besim, duke ia lënë tërësisht në dorë Zotit veten e saj. …

Esteri qe e gatshme ta linte Shpëtimtarin të shkruante historinë e saj ndonëse nëpërmjet thjerrave të vdekshmërisë, fundi mund të kishte qenë tragjik. Lumturisht, mbreti e priti Esterin dhe judenjtë në Persi shpëtuan.

Patjetër, shkalla e guximit të Esterit rrallëherë kërkohet prej nesh. Por që ta lëmë Perëndinë të triumfojë, ta lëmë Atë që të jetë autori dhe plotësuesi i historive tona, kërkohet nga ne që t’i mbajmë urdhërimet dhe besëlidhjet që kemi bërë. Mbajtja e urdhërimeve dhe e besëlidhjeve tona është ajo që do të na e hapë linjën e komunikimit për të marrë zbulesë nëpërmjet Frymës së Shenjtë. Dhe nëpërmjet manifestimeve të Shpirtit do të ndodhë që ta ndiejmë dorën e Mësuesit që i shkruan historitë tona me ne.” (“Ftojeni Krishtin të Jetë Autori i Historisë Suaj”, Liahona, nëntor 2021, f. 81)

Veprimtari Plotësuese të të Mësuarit

Një mënyrë ndryshe e leximit të historisë së Esterit

Për një mënyrë ndryshe të studimit të historisë së Esterit nën kreun “Vepra të guximshme”, nxënësit mund të ftohen ta lexojnë tregimin në një mënyrë që ngjan me mënyrën se si ai lexohet në festën judease të Purimit. Historia e Esterit u lexohet me zë të lartë fëmijëve si pjesë e këtij kremtimi. Kur lexohet emri Mardoke, ata të gjithë brohorasin; kur lexohet emri Haman, ata të gjithë e fishkëllejnë ose shfaqin mosmiratim.

Ftojini dy nxënës që të lexojnë shkrimet e shenjta vijuese ndërkohë që një nxënës tjetër lexon pjesën e tregimtarit.

Tregimtari: Pasi mbreti e pyeti Esterin se çfarë donte prej tij, ajo e pyeti nëse ai dhe Hamani do të vinin në një gosti që ajo do të përgatiste për ta. Mbreti dhe Hamani e pranuan ftesën.

Nxënësi 1: Esterit 5:9, 12–14

Tregimtari: Mbreti nuk mundi të flinte natën përpara gostisë. Ai kërkoi që t’i lexonin disa raporte zyrtare dhe mësoi se Mardokeu i kishte shpëtuar jetën duke ndaluar një tentativë për vrasje. Si rrjedhojë, ai i kërkoi Hamanit që t’i jepte një nder të madh Mardokeut, duke ushqyer më tej urrejtjen e Hamanit për Mardokeun dhe judenjtë.

Nxënësi 2: Esterit 7:1–6, 9–10

Tregimtari: Pasi vdiq Hamani, mbreti Asueros nxori një dekret të dytë për të mbrojtur judenjtë dhe u dha atyre pushtet për të shkatërruar armiqtë e tyre brenda mbretërisë. Festa e Purimit u krijua për t’i ndihmuar judenjtë të kujtonin çlirimin e tyre nga Hamani. Mardokeu u ngrit si i dyti për nga autoriteti në mbretëri.

Rëndësia e agjërimit

Nëse nuk dhatë mësim rreth agjërimit në Mësimin 92: Ezdras, mund ta theksoni atë në këtë mësim. Pasi nxënësit të studiojnë te Esterit 4:15–17, mund t’i pyesni përse mendojnë se Esteri dhe judenjtë zgjodhën të agjëronin gjatë rrethanave kaq të vështira. Mund të paraqitni më pas thënien vijuese:

Plaku Horhe F. Zebalos, i Të Shtatëdhjetëve, dha mësim:

“Agjërimi na jep forcë shpirtërore dhe na përgatit që të jemi qëndrestarë ndaj sprovave të kësaj jete.” (“Ndërtimi i një Jete Qëndrestare ndaj Kundërshtarit”, Liahona, nëntor 2022, f. 51)

Ndihmojini nxënësit të përcaktojnë një të vërtetë, të tillë si: Zoti mund të na bekojë me forcë shpirtërore ndërsa agjërojmë me sinqeritet. Nxënësit mund të tregojnë shembuj të tjerë që dinë nga shkrimet e shenjta ose nga jeta e tyre ku Zoti e bekoi dikë me forcë shpirtërore si rezultat i një agjërimi të sinqertë.

Krenaria dhe zemërimi mund të çojnë në rënie

Nëse nxënësit do të kishin dobi nga një diskutim për rreziqet e krenarisë dhe të zemërimit, merreni parasysh t’i ftoni nxënësit të lexojnë tek Esterit 3:1–6, 8–11 dhe 5:9–14. Nxënësit mund të kërkojnë ndjenjat, fjalët dhe veprimet e Hamanit. Pyetini nxënësit se çfarë mësojnë rreth Hamanit dhe nxitjeve të tij. Më pas merreni parasysh të lexoni ose të përmblidhni kapitullin te Esterit 7 për të parë se çfarë i ndodhi Hamanit.

Nxënësit mund të vlerësojnë atë që nxit ndjenjat dhe veprimet e tyre. Ftojini ata të drejtohen tek Ati Qiellor për ndihmë kur vënë re ndonjë prej këtyre ndjenjave ose veprimeve në jetën e tyre.