Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Esterit, Pjesa 1: Pikërisht për një Kohë të Tillë

“Esterit, Pjesa 1: Pikërisht për një Kohë të Tillë”, Manuali i Mësuesit të Seminarit për Dhiatën e Vjetër (2026)

“Esterit, Pjesa 1: Pikërisht për një Kohë të Tillë”, Manuali i Mësuesit të Seminarit për Dhiatën e Vjetër

Esterit: Mësimi 94

Esterit, Pjesa 1

Pikërisht për një Kohë të Tillë

Mormon Messages: Having Courage & Trusting the Lord: Stand Up for What You Believe In

A e ke pyetur veten ndonjëherë përse Ati Qiellor të ka drejtuar në këtë vend, në këtë kohë dhe çfarë pune ka ai Ai për ty për të bërë? Një grua judease jetime e quajtur Ester mund të ketë pasur pyetje të ngjashme. Robërimi i Esterit në Persi e vendosi atë në pozicionin për ta ndihmuar Zotin për shpëtimin e popullit të Tij, judenjve. Ky mësim mund t’i ndihmojë nxënësit të dallojnë mënyrën se si Ati Qiellor na vendos në situata për ta ndihmuar Atë të përmbushë punën e Tij.

Përgatitja e nxënësve: Merreni parasysh t’u kërkoni nxënësve të përsiatin me lutje mënyrën se si Ati Qiellor mund ta përmbushë punën e Tij nëpërmjet tyre në këtë orë seminari, ose në lagjen apo degën e tyre, në shkollë, qytet ose familje

Veprimtari të Mundshme të të Mësuarit

Qëllimi hyjnor

Merreni parasysh ta filloni orën mësimore duke treguar një fushë shahu dhe gurët ose një figurë të një fushe shahu. Ftojini nxënësit të tregojnë atë që dinë rreth lojës së shahut. Nëse është e nevojshme, shpjegoni se loja luhet me lojtarët që i lëvizin gurët e tyre në pozicione strategjike për të fituar lojën. Mund t’i pyesni nxënësit se çfarë mendojnë se duhet për të qenë një lojtar i zoti i shahut. Nëse nxënësit nuk e përmendin, merreni parasysh të tregoni se lojtarët e zotë planifikojnë paraprakisht disa lëvizje të strategjisë së tyre të fitores ndërsa loja vazhdon. Mund t’u kërkoni më pas nxënësve të mendojnë rreth mënyrës se si jeta jonë mund të jetë si një lojë shahu, duke dhënë shpjegimin e Plakut Rasband.

Plaku Ronald A. Rasband, i Kuorumit të Dymbëdhjetë Apostujve, dha mësim:

“Jeta jonë është si një fushë shahu dhe Zoti na lëviz nga një vend në tjetrin – nëse u përgjigjemi nxitjeve shpirtërore. Kur e hedhim vështrimin prapa, ne mund ta shohim dorën e Tij në jetën tonë.” (“Sipas Qëllimit Hyjnor”, Liahona, nëntor 2017, f. 55)

Pse mendon se mund të jetë më e lehtë të vërejmë ndikimin e Perëndisë në jetën tonë duke kërkuar në të kaluarën, dhe jo në të tashmen?

Tregimi i Esterit demonstron mënyrën se si ndikimi i Perëndisë në jetën e Esterit e vendosi atë në pozicionin për të përmbushur punën e Tij. Në këtë mësim, do të studiosh pjesën e parë të këtij tregimi. Ndërsa studion, kërkoji me lutje Frymës së Shenjtë të të ndihmojë të dallosh mënyrën se si Ati Qiellor mund të të vendosë në situata për ta ndihmuar Atë të përmbushë punën e Tij.

Pikërisht për një kohë të tillë

Pasi persianët pushtuan Babiloninë, shumë judenj qëndruan në Persi, duke përfshirë Esterin dhe kujdestarin e saj, Mardokeun. Mbreti i Persisë, Asueroja, u zemërua me gruan e tij, Vashtin, dhe e largoi atë (shih tek Esterit 1:1–12). Duke kërkuar një nuse të re, Asueroja bëri thirrje që të gjitha gratë e Persisë të paraqiteshin përpara tij (shih tek Esterit 2:1–4).

Për t’i ndihmuar nxënësit të kuptojnë historinë e Esterit, mund t’i organizoni nxënësit në grupe të vogla për të studiuar një nga blloqet vijuese të shkrimeve të shenjta. Ftojini grupet ta përmbledhin pjesën e tyre të historisë për orën mësimore. Nëse doni, mund të mendoni një mënyrë interesante se si mund ta përmbledhin nxënësit tregimin e tyre. Ata mund të vizatojnë një simbol në një fletë letre për të përfaqësuar historinë (për shembull, një kurorë ose vello nuseje, një unazë mbretërore, një shpatë, ose një simbol grafik [emoji] të një fytyre që qan). Disa nxënës mund ta interpretojnë historinë ndërkohë që të tjerë e tregojnë atë.

Lexoje fragmentin që të është caktuar duke kërkuar rrethanat e vështira me të cilat u përballën Esteri dhe Mardokeu.

Esterit 2:5–11, 15–17

Esterit 3:1–13

Esterit 4:1–9

Ndërsa nxënësit shprehen, kini parasysh kohën, në mënyrë që nxënësit të mos shpenzojnë shumë kohë duke i përmbledhur këto tregime.

Si mendon se u ndien Ati Qiellor dhe Jezu Krishti për ngjarjet në këto vargje? Për Mardokeun? Për Esterin?

Lexo tek Esterit 4:10–14, duke kërkuar mënyrën se si Mardokeu e ndihmoi Esterin të shihte ndikimin që Ati Qiellor mund të ketë pasur në rrethanat e jetës së saj.

Nëse doni, mund t’i vini nxënësit të shenjojnë pyetjen “kush e di nëse është pikërisht për një kohë të tillë që ti ke arritur në pozitë mbretërore?” (vargu 14).

Plaku Rasband dëshmoi se Perëndia ndikon në rrethanat e jetës sonë për të përmbushur punën e Tij.

“Unë e di se Zoti do të na lëvizë në atë fushë shahu në dukje për të bërë punën e Tij. Ajo që mund të duket se është një rastësi, në fakt po mbikëqyret nga një Atë i dashur në Qiell, i cili mund të numërojë fijet e flokut të çdo koke. As edhe një harabel nuk bie përtokë pa dijeninë e Atit tonë. Zoti është në hollësitë e vogla të jetës sonë, dhe ato ngjarje e mundësi duhet të na përgatitin për t’i lartësuar familjet tona dhe të tjerët, ndërsa e ndërtojmë mbretërinë e Perëndisë në tokë. …

Ati Qiellor mund të na vendosë në situata me një qëllim të veçantë në mendje. Ai e ka bërë këtë në jetën time dhe Ai po e bën këtë në jetën tuaj.” (“Sipas Qëllimit Hyjnor”, Liahona, nëntor 2017, f. 55–56)

Çfarë të vërtetash mund të mësojmë rreth Atit Qiellor nga tregimi i Esterit dhe nga Plaku Rasband?

Ndërsa nxënësit i tregojnë përgjigjet e tyre, shkruani një të vërtetë në tabelë duke përdorur fjalët e nxënësve si Ati Qiellor na vendos në situata ku mund të ndihmojmë të përmbushet puna e Tij.

Shënim: Guximi i Esterit për të shkuar përpara mbretit për të shpëtuar popullin e saj, do të studiohet në Mësimin 95: “Esterit, Pjesa 2”.

Dallimi i udhërrëfimit të Atit Qiellor

Si të ka dhënë Zoti ty ose dikujt që ti njeh një mundësi për të qenë një mjet në duart e Tij?

Merreni parasysh të tregoni një përvojë kur ju i keni dalluar mundësitë që ju ka dhënë Ati Qiellor për të ndihmuar që të përmbushet puna e Tij.

Për t’i ndihmuar nxënësit të reflektojnë mbi mënyrën se si Ati Qiellor i ka vendosur ata në situata për të përmbushur punën e Tij, mund t’u jepni atyre kohë për t’i përsiatur në heshtje përgjigjet e tyre për pyetjen vijuese. Ata mund t’i shënojnë mendimet e tyre në ditarin e studimit.
Në ç’mënyrë mendon se mund të të përshkruajë ty thënia e Mardokeut te vargu 14?

Nëse e ndieni se nxënësve u nevojitet më shumë ndihmë për t’i dalluar këto mundësi në jetën e tyre, në vend të kësaj mund t’i vini nxënësit të plotësojnë veprimtarinë vijuese.

Në ditarin e studimit, shkruaj emrin e dikujt në jetën tënde (nga familja, shkolla, kisha, ose mjedis tjetër). Pastaj përgjigju për të paktën njërën prej pyetjeve vijuese në ditarin tënd.

Çfarë prove ke parë që Ati Qiellor e ka vendosur atë person në jetën tënde “pikërisht për një kohë të tillë”? (Esterit 4:14)?
Kur e ke parë dorën e Atit Qiellor të të vendosë rreth njerëzve të veçantë ose në situata të caktuara “pikërisht për një kohë të tillë”? (Esterit 4:14)?

Si të jetë e nevojshme, mund t’i ftoni nxënësit t’ia tregojnë klasës atë që shkruan. Merreni parasysh t’i inkurajoni nxënësit të veprojnë sipas çdo mbrese shpirtërore që mund të kenë pasur gjatë mësimit.

Burime Shtesë

Si bashkëpunon ndikimi hyjnor i Zotit me parimin e lirisë së zgjedhjes?

Motra Uendi W. Nelson na kujtoi:

“Miqtë e mi të dashur, në jetën para lindjes juve dhe mua na u caktuan misione të mrekullueshme për t’i përmbushur sa jemi në tokë.

Ju dhe unë kemi mundësi për t’i përmbushur misionet tona në vdekshmëri, por nuk jemi të detyruar t’i përmbushim. Askush nuk do të na detyrojë. Ne kemi lirinë e zgjedhjes për të zgjedhur si ta shpenzojmë kohën dhe energjinë tonë, talentet dhe burimet tona. Në fakt, ajo që zgjedhim të bëjmë është në fakt pjesë e provës sonë.

Zgjedhja është juaja dhe imja. A do të zgjedhim të bëjmë çdo gjë që duhet për t’i përmbushur misionet e mrekullueshme për të cilat u dërguam në tokë? …

Vëllezërit dhe motrat e mia të dashura, këto janë njëmend ditët e mëvonshme! Nuk ka pasur kurrë një kohë si kjo në historinë e kësaj toke. Kurrë! Para lindjes, ju dhe unë u zotuam që të bënim një punë të madhërishme ndërkohë që do të ishim këtu në tokë. Dhe me ndihmën e Zotit, do ta bëjmë atë!” (“Shpresa e Izraelit” [takim shpirtëror mbarëbotëror për rininë, 3 qershor 2018], Gospel Library [Biblioteka e Ungjillit])

Si mund të bëhem një mjet në duart e Zotit?

Plaku Karlos A. Godoi, i Presidencës së Të Shtatëdhjetëve, tha:

“Vëllezër dhe motra, a do të jeni të gatshëm të jeni një mjet në duart e Zotit? A do të jeni të gatshëm të jeni një nga këta engjëj? Të jeni një emisar, i dërguar nga Perëndia, nga kjo anë e velit, për dikë për të cilin Ai është i shqetësuar? Ai ka nevojë për ju. Ata kanë nevojë për ju. …

Vëllezër dhe motra, unë besoj tek engjëjt! Ne jemi të gjithë këtu sot, një ushtri gjigante engjëjsh të veçuar për këto ditë të mëvonshme, për t’iu dhënë shërbesë të tjerëve si zgjatje të duarve të një Krijuesi të dashur. Unë ju premtoj se nëse jemi të gatshëm të shërbejmë, Zoti do të na japë mundësi të jemi engjëj shërbestarë. Ai e di se kush ka nevojë për ndihmë engjëllore dhe Ai do t’i vendosë ata në shtegun tonë. Zoti i vendos ata që kanë nevojë për ndihmë engjëllore në shtegun tonë çdo ditë.” (“Unë Besoj tek Engjëjt”, Liahona, nëntor 2020, f. 87, 88)

Plaku Siro Shmail, i Të Shtatëdhjetëve, shpjegoi mënyrën se si mund t’i dallojmë më mirë mundësitë për të përmbushur qëllimet e Zotit:

“Ashtu si Zoti bëri me Esterin, Ai na vendos atje ku mund të ndihmojmë për të përmbushur qëllimet e Tij. Për këtë arsye, ne duhet të jemi të gatshëm dhe të denjë kur përballemi me mundësitë që paraqet Ai.

Mundësitë për të qenë mjete në duart e Zotit, janë kudo përreth nesh. Përgjegjësia jonë është të jemi të përgatitur për të vepruar. Shpesh ne nuk e dimë se kur apo si do të paraqiten ato mundësi. Nevojitet që ne të jetojmë të denjë për shoqërimin e Frymës së Shenjtë dhe të kemi një zemër të gatshme. Atëherë Zoti do të na udhërrëfejë për të bërë atë që Ai ka nevojë që ne të bëjmë.” (“Një Mjet në Duart e Zotit”, Liahona, korrik 2022, f. 43)

Veprimtari Plotësuese të të Mësuarit

Çdo pjesëz e figurëformueses ka rëndësi për Perëndinë

Për t’i ndihmuar nxënësit të dallojnë pjesën e rëndësishme që mund të luajnë në planin e Atit Qiellor, mund të pritni një figurë në pjesëza të figurëformueses, të mjaftueshme për secilin nxënës. Ftojini nxënësit t’i shkruajnë emrat e tyre në pjesëzat e figurëformueses. Më pas nxënësit mund të plotësojnë figurëformuesen. Mund të ftoni një diskutim me një pyetje si vijuesja:

Çfarë na mëson kjo veprimtari rreth rëndësisë së secilit pjesëtar të kësaj ore seminari?

Material filmik plotësues i historisë së Esterit

Ndërsa nxënësit studiojnë historinë e Esterit, mund të jetë e dobishme t’i shtoni bllokut të shkrimeve të shenjta materialin filmik të historisë. Pasi grupet ta tregojnë pjesën e tyre të historisë së Esterit, mund të shfaqni segmentet vijuese të materialit filmik “For Such a Time as This” [“Pikërisht Për një Kohë të Tillë”]:

Pjesa 1: Kodi kohor 00:00 deri në 01:50.

Pjesa 2: Kodi kohor 01:51 deri në 05:08.

Pjesa 3: Kodi kohor 05:09 deri në 11:10.

13:44

Fundi i historisë së Esterit (kodi kohor 11:10 deri në 13:44 do të mbulohet në Mësimin 95: “Esterit, Pjesa 2”).

Të tjerë që u dërguan për ta ndihmuar Zotin të përmbushte punën e Tij

Nxënësit mund të kenë dobi duke parë shembuj të tjerë të shkrimit të shenjtë për dorën e Zotit në jetën e njerëzve për të përmbushur punën e Tij. Një mënyrë për ta bërë këtë është t’i ftoni nxënësit të përzgjedhin dikë nga shkrimet e shenjta ose nga historia e Kishës, historinë e të cilit e ndiejnë se demonstron ndikimin hyjnor të Zotit. Nëse nxënësve u nevojitet udhërrëfim, mund t’i përzgjidhni disa nga fragmentet vijuese për t’ua treguar atyre:

Ruthi dhe Naomi: Ruthit 1:14–19
Nëna në Sarepta dhe Elija: 1 Mbretërve 17:8–16
Shërbëtorja e vogël dhe Naamani: 2 Mbretërve 5:1–3
Abishi dhe lamanitët: Alma 19:16–17
Oliver Kaudëri dhe Jozef Smithi: Joseph Smith – Historia 1:66–67

Nxënësit mund të përgatitin një paraqitje të shkurtër për personin që përzgjodhën dhe mënyrën se si e shohin Atin Qiellor ta ketë vendosur këtë person në rrethana për të përmbushur punën e Tij.

Zoti na fton t’u shërbejmë të tjerëve në emrin e Tij

Për t’i ndihmuar nxënësit të shohin mënyrën se si ne mund ta ndihmojmë Zotin të përmbushë punën e Tij ndërsa u japim shërbesë të tjerëve, mund të shfaqni materialin filmik “One-on-One (Ministering with Love)” [“Vetëm për Vetëm (Dhënia e Shërbesës me Dashuri)”] nga kodi kohor 1:21 deri në 5:55.

13:2

Presidenti Nelson jep shembuj të vendosjes hyjnore të Atit Qiellor në jetën e tij te “Sweet Power of Prayer” [“Fuqia e Ëmbël e Lutjes”] (Liahona, maj 2003, f. 8) nga kodi kohor 4:21 deri në 8:21 dhe “Një Lutje drejtuar Motrave të Mia” (Liahona, nëntor 2019, f. 96) nga kodi kohor 8:28 deri në 10:52.

16:47

15:33