Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Ezdras: Përgatitja për të Frekuentuar Shtëpinë e Zotit

“Ezdras: Përgatitja për të Frekuentuar Shtëpinë e Zotit”, Manuali i Mësuesit të Seminarit për Dhiatën e Vjetër (2026)

“Ezdras: Përgatitja për të Frekuentuar Shtëpinë e Zotit”, Manuali i Mësuesit të Seminarit për Dhiatën e Vjetër

Ezdras 1; 3–7; Nehemias 2; 4–6; 8: Mësimi 92

Ezdras

Përgatitja për të Frekuentuar Shtëpinë e Zotit

Niveli ynë i përgatitjes për ngjarjet e rëndësishme në jetën tonë mund të ndikojë shumë në përvojën që kemi. Shumë izraelitë mundën të përjetonin gëzim të thellë pas vitesh përgatitjeje fizike dhe shpirtërore për të rindërtuar dhe adhuruar në tempullin e Perëndisë. Ati ynë Qiellor dhe Shpëtimtari na kanë bekuar edhe me mundësi për të përjetuar gëzim duke adhuruar në shtëpinë e Zotit. Përpjekjet tona për t’u përgatitur për atë bekim mund të ndikojnë në përvojën tonë. Ky mësim mund t’i ndihmojë nxënësit të ndiejnë një dëshirë më të madhe për t’u përgatitur që ta adhurojnë Zotin në tempullin e Tij të shenjtë.

Përgatitja e nxënësve: Ftojini nxënësit të bëjnë një listë të gjërave afatshkurtra, si dhe afatgjata, që mund t’i bëjnë për t’u përgatitur për ta adhuruar Zotin në tempull. Më pas ata mund të marrin parasysh mënyrën se si përgatitja e tyre mund të ndikojë në përvojën e tyre në tempull.

Veprimtari të Mundshme të të Mësuarit

Pritja me padurim për të shkuar në tempull

Mund ta filloni orën mësimore duke i ftuar nxënësit të shkruajnë në tabelë disa ngjarje të ardhshme që ata presin me padurim t’i përjetojnë. Shembujt mund të përfshijnë diplomimin, martesën dhe karrierat. Nxënësit mund të zgjedhin më pas një ngjarje nga tabela dhe t’i tregojnë një partneri një ose dy gjëra që mund t’i bëjë dikush për t’u përgatitur për atë ngjarje.

Merreni parasysh të paraqitni figurën vijuese të tempullit të Solt-Lejkut kur ishte thuajse gati për t’u përkushtuar në vitet 90 të shekullit të 19-të.

Lexoje thënien vijuese nga Presidenti Uillford Udraf (1807–1898), duke kërkuar diçka për të cilën ai ishte përgatitur dhe e kishte pritur me padurim për shumë vite.

“[Në përkushtimin e tempullit të Solt-Lejkut] Presidenti Uillford Udraf u ngrit më pas për t’iu drejtuar shenjtorëve. ‘E kam pritur me padurim këtë ditë për pesëdhjetë vitet e fundit të jetës sime’, tha ai.” (Saints: The Story of the Church of Jesus Christ in the Latter Days, vëll. 2, No Unhallowed Hand, 1846–1893 [2020], f. 663–664)

Çfarë di ti rreth tempujve që mund ta ketë shtyrë Uillford Udrafin të priste me padurim përfundimin e tempullit të Solt-Lejkut?

Nëse nxënësit nuk e përmendën Perëndinë ndërsa iu përgjigjën pyetjes së mëparshme, mund t’i ndihmoni ata ta bëjnë atë lidhje duke bërë një pyetje si: “Çfarë lidhje shihni ndërmjet frekuentimit të tempullit dhe marrëdhënies sonë me Atin Qiellor dhe Jezu Krishtin?”

Ftojini nxënësit t’i shkruajnë mendimet e tyre rreth pyetjeve vijuese në ditarin e studimit. Nëse doni, mund të shpjegoni se gjetja e kohës për të reflektuar mbi ndjenjat dhe përvojat tona të tanishme mund të na ndihmojë të përgatitemi për të mësuar nga Fryma e Shenjtë.
Cilat janë ndjenjat e mia ndërsa pres me padurim të frekuentoj tempullin në të ardhmen?
Çfarë po bëj për ta përgatitur veten që ta adhuroj Zotin në shtëpinë e Tij?

Gëzim në shërbimin e tempullit

Rreth vitit 605 pr.K., babilonasit e pushtuan Jerusalemin dhe filluan t’i internonin judenjtë e robëruar në Babiloni. Në vitin 587 pr.K., ata e shkatërruan tempullin dhe internimet u shtuan. Rreth 50 vite më vonë, Persia e pushtoi Babiloninë nën komandën e mbretit Kir.

Nëse nxënësit tuaj kujtojnë shpalljen e një tempulli në zonën e tyre, mund t’ua kujtoni atë përvojë ndërsa i lexojnë vargjet vijuese. Ose mund t’u kërkoni nxënësve të përpiqen të imagjinojnë mënyrën se si do të ndihen nëse në zonën e tyre do të shpallej një tempull.

Lexo tek Ezdras 1:1–3, duke kërkuar atë që Perëndia e frymëzoi mbretin Kir të bënte.

Çfarë mendimesh dhe ndjenjash mendon se mund të kenë pasur judenjtë? Përse?

Përfundimisht, rreth 50 000 judenj u kthyen në Jerusalem për të rindërtuar tempullin nën drejtimin e Zorobabelit (shih tek Ezdras 2:1–2, 64–65). Si një përmbushje e profecisë (shih tek Isaia 44:28; Jeremia 29:10), tempulli u ndërtua 70 vjet pasi ishte shkatërruar.

Lexo tek Ezdras 6:15–16, 22 dhe shenjo mënyrën se si u ndien judenjtë kur më në fund tempulli u përkushtua pas shumë vitesh pune të lodhshme dhe përgatitjeje shpirtërore.

Ndërsa nxënësit vazhdojnë ta studiojnë tregimin për njerëzit tek libri i Ezdras, ftojini ata të kërkojnë prova për këtë të vërtetë: Ndërsa përgatitemi për ta adhuruar Zotin në tempull, Ai do të na bekojë me gëzim. Nëse doni, mund ta shkruani këtë të vërtetë në tabelë.

Ndihmojini nxënësit të kuptojnë se si ndodh kjo e vërtetë në jetën e një adoleshenti. Një mënyrë për ta bërë këtë është ta ftoni klasën të përshkruajë shkurtimisht dy adoleshentë: një që thjesht frekuenton tempullin dhe një që përgatitet ta adhurojë Zotin në tempull.

Para se të bëni pyetjen vijuese, mund t’i ftoni nxënësit të përsiatin përvojat që kanë pasur duke u përgatitur për tempullin, ose me frekuentimin e tij.

Si mund të na sjellë gëzim adhurimi i Zotit në tempull?

Për t’u dhënë nxënësve një shembull të mënyrës se si adhurimi i Zotit në tempull mund të sjellë gëzim, merreni parasysh të shihni përvojën e Plakut Kevin R. Dankan, i Të Shtatëdhjetëve, te “Hearts, Love, and the Temple” [“Zemrat, Dashuria dhe Tempulli”], në dispozicion në byui.edu/devotionals nga kodi kohor 21:46 deri në 24:05.

Pas materialit filmik, mund t’i ftoni nxënësit të tregojnë mënyrën se si marrëdhënia jonë me Atin Qiellor dhe Jezu Krishtin mund të forcohet nëpërmjet adhurimit në tempull.

Përgatitja për të frekuentuar tempullin

Thënia vijuese mund t’i ndihmojë nxënësit të kalojnë nga të mësuarit rreth judenjve që ndërtuan tempullin në Jerusalem në përgatitjen e tyre për të adhuruar në tempull. Nxënësit mund ta shkruajnë ose ta bashkëngjitin thënien në shkrimet e tyre të shenjta pranë vargjeve te Ezdras 6:15–16.

Presidenti Rasëll M. Nelson dha mësim:

“Nga disa anë, është më e lehtë të bësh një tempull sesa të bësh një popull të përgatitur për një tempull.” (“Fjala e Mbylljes”, Liahona, nëntor 2019, f. 122–123)

Ftojini nxënësit të tregojnë arsyet përse mund të jetë më e lehtë të ndërtosh një tempull sesa të jesh i përgatitur për ta adhuruar Zotin në tempull.

Ne mund të mësojmë rreth përgatitjes për të adhuruar Zotin në tempull duke studiuar përvojën e judenjve me rindërtimin e tempullit në Jerusalem.

Pasi nxënësit ta kenë plotësuar fletushkën, sigurohuni që ata të kenë kohë për të diskutuar idetë që u bënë përshtypje.

Merreni parasysh t’i paraqitni pyetjet e mëposhtme. Bëni tri kolona në tabelë të titulluara “1”, “2”, dhe “3”. Ftojini nxënësit ta shkruajnë emrin e tyre në kolonën nën numrin e pyetjes që do të ishin të gatshëm t’i përgjigjeshin. Ftoni vullnetarë nga secila kolonë që t’ia tregojnë përgjigjet e tyre klasës.

Si mendon se përgatitja për të frekuentuar shtëpinë e Zotit mund të na ndihmojë të përjetojmë gëzim ndërsa frekuentojmë tempullin?
Si të ka bekuar Zoti me gëzim ndërsa ke frekuentuar tempullin?
Çfarë di ti rreth Atit Qiellor dhe Jezu Krishtit që do të të shtynte të përgatiteshe për të frekuentuar shtëpinë e Tyre të shenjtë?

Merreni parasysh të jepni dëshminë tuaj për gëzimin që marrim nga Zoti kur përgatitemi për ta adhuruar Atë në tempull.

Burime Shtesë

Përse është e nevojshme të përgatitem për të frekuentuar tempullin?

Presidenti Rasëll M. Nelson shpjegoi:

“Të gdhendura në çdo tempull janë fjalët ‘shenjtëri Zotit’. Ajo deklaratë i përcakton të dy, si tempullin edhe qëllimet e tij, si të shenjta. Ata që hyjnë në tempull gjithashtu duhet të mbajnë tiparin e shenjtërisë. Ndërsa tempuj përgatiten për njerëzit, njerëzit duhet të përgatiten për tempullin.” (“Përgatituni për Bekimet e Tempullit”, Liahona, tetor 2010, f. 41)

Përse ia vlen bërja e sakrificave për të frekuentuar tempullin?

Presidenti Tomas S. Monson (1927–2018) shpjegoi:

21:20

“Një shkallë sakrifice është shoqëruar gjithmonë me ndërtimin e tempujve dhe me pjesëmarrjen në tempull. Janë të panumërt ata që kanë punuar dhe janë përpjekur për të siguruar, për vete dhe për familjet e tyre, bekimet që gjenden në tempujt e Perëndisë.

Përse kaq shumë njerëz janë të gatshëm të japin kaq shumë me qëllim që të marrin bekimet e tempullit? Ata që i kuptojnë bekimet e përjetshme, të cilat vijnë nga tempulli, e dinë se nuk ka sakrificë tepër të madhe, nuk ka çmim tepër të lartë, nuk ka betejë tepër të vështirë, me qëllim që të marrin ato bekime. Ata do të udhëtojnë në çfarëdo largësie, do të kapërcejnë çfarëdo pengese dhe do të durojnë çdo shqetësim. Ata e kuptojnë se ordinancat shpëtuese të marra në tempull, që na lejojnë të kthehemi një ditë tek Ati ynë Qiellor në një marrëdhënie familjare të përjetshme dhe të na jepen bekime dhe fuqi që nga lart, ia vlejnë çdo sakrificë dhe çdo përpjekje.” (“Tempulli i Shenjtë – Një Fener për Botën”, Liahona, maj 2011, f. 92)

Veprimtari Plotësuese të të Mësuarit

Pengesat në ndërtimin e tempujve të ditëve të sotme

Mund të jetë interesante për nxënësit që të shohin disa shembuj të ditëve të sotme të pengesave që kanë ndeshur shenjtorët në ndërtimin e tempujve. Si fillim, mund të shihni përvojën e Plakut Kevin R. Dankan, të Të Shtatëdhjetëve, te “Një Zë Gëzimi!”, nga kodi kohor 5:42 deri në 6:39. Ftojini nxënësit të përcaktojnë përse Satani kërkon ta ndalojë ndërtimin e tempujve.

9:46

Mund të tregoni më pas një ose më shumë nga shembujt vijues për ta zhvilluar më tej atë që nxënësit mësuan tek Ezdras 4:4–5, 24.

Lexoni “A Mountain of a Challenge” [“Një Sfidë sa një Mal”] për të parë mënyrën se si shenjtorët në Samoan amerikane pritën më shumë se 40 vjet për të parë ndërtimin e një tempulli në Pago–Pago pas shpalljes në vitin 1977 të planeve për të ndërtuar një tempull atje.

Shikojeni materialin filmik “God Will Use You, God Will Bless You” [“Perëndia Do T’ju Përdorë, Perëndia Do T’ju Bekojë”] nga kodi kohor 5:14 deri në 12:41. Peshkopi Din M. Dejvis, anëtar i mëparshëm i Peshkopatës Kryesuese, tregoi mënyrën se si u kapërcyen pengesat në ndërtimin e Tempullit të Pensilvanisë në Filadelfia.

Mund të diskutoni më pas mënyrën se si gëzimi që gjendet në shtëpinë e Zotit mund t’i ketë shtyrë shenjtorët në përpjekjet e tyre për të ndërtuar tempullin.

Ta shohim veten tonë në tempull

Një mënyrë se si mund të përgatitemi për të frekuentuar tempullin është ta shohim veten në tempull. Për t’i ndihmuar nxënësit të kuptojnë se çfarë do të thotë kjo, mund të shfaqni materialin filmik “See Yourself in the Temple” [“Shikojeni Veten Tuaj në Tempull”] nga Plaku Kuentin L. Kuk, i Kuorumit të Dymbëdhjetë Apostujve, nga kodi kohor 3:04 deri në 3:48.

16:23

Më pas mund të drejtoni një diskutim se çfarë do të thotë ta shikojmë veten tonë në tempull. Nxënësit mund të përcaktojnë mënyrat se si mund ta bëjnë këtë. Ata mund të përzgjedhin më pas një gjë që duan ta bëjnë më mirë për ta parë veten në tempull.

Ezdras 8: Fuqia e agjërimit dhe e lutjes

Nxënësit mund të kenë dobi nga të mësuarit rreth bekimeve të agjërimit dhe të lutjes nga libri i Ezdras. Për ta bërë këtë, merreni parasysh të shpjegoni sa vijon:

Më shumë se 60 vjet pas përfundimit të tempullit në Jerusalem, mbreti Artaksers i Persisë dërgoi në Jerusalem një shkrues judeas të quajtur Ezdra, për të emëruar udhëheqësit e shtetit (shihni tek Ezdras 7:25) dhe për të paraqitur një ofertë për të zbukuruar tempullin. Duke kërkuar udhërrëfimin dhe mbrojtjen e Zotit, Ezdra vendosi që ai dhe populli i tij duhej të agjëronin dhe të luteshin.

Nxënësit mund të lexojnë më pas tek Ezdras 8:21, 23, 31, duke kërkuar atë që mund të mësojnë rreth bekimeve të agjërimit dhe të lutjes.

Cilat janë disa mënyra se si Zoti mund të na bekojë ndërsa agjërojmë dhe lutemi?

Për bekimet shtesë të agjërimit, referojini nxënësit në fragmentin e zotërimit doktrinor tek Isaia 58:6–7. Mund t’i ndihmoni gjithashtu nxënësit ta kuptojnë atë që mund të bëjnë për të agjëruar dhe për t’u lutur. Merreni parasysh të përdorni pjesën “Fasting and Fast Offerings” [“Agjërimi dhe Ofertat e Agjërimit”] në Tema dhe Pyetje te Gospel Library [Biblioteka e Ungjillit].

Çfarë përvojash keni pasur me agjërimin dhe lutjen? Çfarë bekimesh keni marrë nga Zoti?