Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եզրաս․ Նախապատրաստվեք այցելել Տիրոջ տուն

«Եզրաս․ Նախապատրաստվեք այցելել Տիրոջ տուն», Հին Կտակարան․ Սեմինարիայի ուսուցչի ձեռնարկ (2026)

«Եզրաս․ Նախապատրաստվեք այցելել Տիրոջ տուն», Հին Կտակարան․ Սեմինարիայի ուսուցչի ձեռնարկ

Եզրաս 1, 3–7, Նեեմիա 2, 4–6, 8. Դաս 92

Եզրաս

Նախապատրաստվեք այցելել Տիրոջ տուն

Կյանքի կարևոր իրադարձություններին մեր պատրաստվածության աստիճանը կարող է մեծապես ազդել մեր ունեցած փորձառությունների վրա: Աստծո տաճարը վերակառուցելու և այդ տաճարում երկրպագելու համար տարիներ շարունակ ֆիզիկապես և հոգևոր առումով նախապատրաստվելուց հետո շատ իսրայելացիներ մեծ ուրախություն ապրեցին: Մեր Երկնային Հայրը և Փրկիչը նաև օրհնել են մեզ ուրախություն զգալու հնարավորություններով՝ երկրպագելով Տիրոջ տանը: Այդ օրհնությանը նախապատրաստվելու մեր ջանքերը կարող են ազդեցություն ունենալ մեր փորձառության վրա: Այս դասը կօգնի ուսանողներին ավելի մեծ ցանկություն զգալ՝ նախապատրաստվելու երկրպագել Տիրոջը Իր տաճարում:

Ուսանողի նախապատրաստում․ առաջարկեք ուսանողներին կազմել կարճաժամկետ և երկարաժամկետ քայլերի ցանկ, որ իրենք կարող են անել՝ տաճարում Տիրոջը երկրպագելուն պատրաստվելու համար: Այնուհետև նրանք կարող են մտածել, թե ինչպես կարող է իրենց պատրաստվածությունն ազդել իրենց տաճարային փորձառության վրա:

Հնարավոր ուսումնական վարժություններ

Անհամբեր սպասելով տաճարին

Կարող եք սկսել դասը՝ ուսանողներին առաջարկելով գրատախտակին գրել այն ապագա իրադարձությունները, որոնց իրենք անհամբեր սպասում են: Օրինակներ կարող են լինել՝ ուսումնական հաստատությունն ավարտելը, ամուսնությունը կամ կարիերան: Այնուհետև ուսանողները կարող են ընտրել մեկ իրադարձություն գրատախտակից և զուգընկերոջ հետ կիսվել մեկ կամ երկու քայլով, որ մարդը կարող է անել՝ այդ իրադարձությանը նախապատրաստվելու համար:

Կարող եք ցուցադրել Սոլթ Լեյքի տաճարի հետևյալ պատկերը, երբ այն գրեթե պատրաստ էր նվիրագործման՝ 1890-ականներին:

Կարդացեք նախագահ Վիլֆորդ Վուդրուֆի (1807–98) հետևյալ խոսքերը՝ տեսնելով, թե ինչին էր նա նախապատրաստվում և անհամբեր սպասում երկար տարիներ:

[Սոլթ Լեյքի տաճարի նվիրագործման ժամանակ] նախագահ Վիլֆորդ Վուդրուֆը կանգնեց՝ դիմելով Սրբերին: «Ես անհամբեր սպասել եմ այս օրվան իմ կյանքի վերջին հիսուն տարիների ընթացքում»,- ասաց նա: (Saints: The Story of the Church of Jesus Christ in the Latter Days հատոր 2, No Unhallowed Hand, 1846–1893 [2020], 663–64)

Ի՞նչ գիտեք տաճարների մասին, որի պատճառով, հավանաբար, Վիլֆորդ Վուդրուֆն անհամբեր սպասում էր Սոլթ Լեյքի տաճարի ավարտին:

Եթե ուսանողները չնշեն Աստծո հետ մեր հարաբերությունները՝ նախորդ հարցին պատասխանելիս, կարող եք օգնել նրանց տեսնել այդ կապը՝ տալով հետևյալ հարցը. «Ի՞նչ կապ եք տեսնում տաճար այցելելու և Երկնային Հոր և Հիսուս Քրիստոսի հետ մեր հարաբերությունների միջև»:

Առաջարկեք ուսանողներին գրել հետևյալ հարցերի վերաբերյալ իրենց մտքերը սուրբ գրությունների ուսումնասիրության իրենց օրագրում։ Կարող եք բացատրել, որ մեր ներկայիս զգացմունքների և փորձառությունների մասին խորհելուն ժամանակ տրամադրելը կարող է օգնել մեզ նախապատրաստվել Սուրբ Հոգուց սովորելուն:
Ինչպիսի՞ն են իմ զգացմունքները, մինչ ես սպասում եմ ապագայում տաճար այցելելուն:
Ի՞նչ եմ ես անում, որպեսզի նախապատրաստվեմ երկրպագելու Տիրոջը Նրա տանը:

Ուրախություն տաճարային ծառայության մեջ

Ք․ա․ մոտավորապես 605 թվականին բաբելոնացիները գրավեցին Երուսաղեմը և սկսեցին Բաբելոն արտաքսել գերեվարված հրեաներին։ Ք.ա. 587 թվականին նրանք ավերեցին տաճարը, և արտաքսումներն ավելի սաստկացան։ Մոտ 50 տարի անց Պարսկաստանը գրավեց Բաբելոնը՝ Կյուրոս թագավորի հրամանատարությամբ։

Եթե ձեր ուսանողները հիշում են իրենց տարածքում տաճար կառուցելու հայտարարության մասին, կարող եք հիշեցնել նրանց այդ փորձառության մասին՝ հետևյալ հատվածները կարդալիս: Կամ կարող եք առաջարկել ուսանողներին փորձել պատկերացնել, թե ինչ կզգան իրենք, եթե իրենց տարածքում հայտարարվի տաճարի կառուցման մասին:

Կարդացեք Եզրաս 1․1–3 հատվածները՝ փնտրելով, թե Աստված ինչ պատվիրեց Կյուրոս թագավորին անել։

Ձեր կարծիքով, ինչպիսի՞ մտքեր և զգացումներ կարող էին ունենալ հրեաները: Ինչո՞ւ։

Ի վերջո, մոտ 50․000 հրեա վերադարձավ Երուսաղեմ՝ Զորաբաբելի ղեկավարությամբ տաճարը վերակառուցելու համար (տես Եզրաս 2․1–2, 64–65)։ Ինչպես մարգարեացված էր՝ (տես Եսայի 44․28, Երեմիա 29․10) տաճարը վերակառուցվեց ավերվելուց 70 տարի անց։

Կարդացեք Եզրաս 6․15–16, 22 հատվածները և նշեք, թե ինչ զգացին հրեաները, երբ տաճարը վերջապես նվիրագործվեց երկար տարիների քրտնաջան աշխատանքից և հոգևոր նախապատրաստությունից հետո:

Եզրասի ժողովրդի պատմությունը ուսումնասիրելիս առաջարկեք ուսանողներին տեսնել այս ճշմարտության ապացույցը. Եթե մենք նախապատրաստվենք՝ երկրպագելու Տիրոջը տաճարում, Նա կօրհնի մեզ ուրախությամբ։ Կարող եք այս ճշմարտությունը գրել գրատախտակին։

Օգնեք ուսանողներին հասկանալ, թե ինչպես կարող է դրսևորվել այս ճշմարտությունը դեռահասի կյանքում: Դա անելու եղանակներից մեկը դասարանին առաջարկելն է հակիրճ նկարագրել երկու դեռահասների. մեկին, որը պարզապես այցելում է տաճար, և մյուսին, որը նախապատրաստվում է երկրպագելու Տիրոջը տաճարում:

Նախքան հետևյալ հարցը տալը, կարող եք առաջարկել ուսանողներին խորհել տաճար այցելելու կամ այցելության համար նախապատրաստվելու այն փորձառությունների մասին, որոնք իրենք ունեցել են։

Տիրոջը տաճարում երկրպագելն ինչպե՞ս կարող է մեզ ուրախություն պատճառել:

Ուսանողներին օրինակ տրամադրելու համար, թե ինչպես կարող է Տիրոջը տաճարում երկրպագելը ուրախություն պարգևել, դիտեք Յոթանասունից երեց Քևին Ռ. Դանքընի փորձառությունը «Hearts, Love, and the Temple» տեսանյութում՝ 21:46-24:05, որը հասանելի է byui.edu/devotionals կայքում։

Տեսանյութից հետո կարող եք առաջարկել ուսանողներին կիսվել, թե ինչպես կարող են ամրապնդվել մեր հարաբերությունները Երկնային Հոր և Հիսուս Քրիստոսի հետ՝ տաճարային երկրպագության միջոցով:

Նախապատրաստվեք այցելել տաճար

Հետևյալ հայտարարությունը կարող է օգնել ուսանողներին հրեաների կողմից Երուսաղեմում տաճար կառուցելու մասին սովորելուց անցնել իրենց նախապատրաստությանը՝ տաճարում երկրպագելու համար. Ուսանողները կարող են գրել այս խոսքերը կամ դրանց հղումը տեղադրել իրենց սուրբ գրություններում՝ Եզրաս 6.15–16 հատվածների կողքին։

Նախագահ Ռասսել Մ. Նելսոնն ուսուցանել է․

Որոշ առումներով, տաճար կառուցելն ավելի հեշտ է, քան տաճարին պատրաստ ժողովուրդ ստեղծելը: («Ամփոփիչ ելույթ», Լիահոնա, նոյ. 2019, 122–23)

Առաջարկեք ուսանողներին կիսվել պատճառներով, թե ինչու կարող է ավելի հեշտ լինել տաճար կառուցելը, քան տաճարում Տիրոջը երկրպագելու համար նախապատրաստվելը:

Մենք կարող ենք սովորել տաճարում Տիրոջը երկրպագելուն նախապատրաստվելու մասին՝ ուսումնասիրելով Երուսաղեմի տաճարը վերակառուցելու հրեաների փորձառությունը:

Երբ ուսանողները կատարեն աշխատաթերթի առաջադրանքները, ժամանակ տվեք նրանց քննարկելու իրենց համար կարևոր մտքերը:

Կարող եք ցուցադրել հետևյալ հարցերը. Գրատախտակի վրա կազմեք երեք սյունակ՝ «1», «2» և «3»: Առաջարկեք ուսանողներին գրել իրենց անունը այն հարցի համարն ունեցող սյունակում, որին նրանք պատրաստ են պատասխանել: Մի քանի պատրաստակամ ուսանողի առաջարկեք դասարանի հետ կիսվել իրենց մտքերով:

Ձեր կարծիքով, Տիրոջ տուն այցելելուն նախապատրաստվելն ինչպե՞ս կարող է օգնել մեզ ուրախություն զգալ, երբ մենք այցելենք տաճար:
Ինչպե՞ս է Տերը օրհնել ձեզ ուրախությամբ, երբ դուք այցելել եք տաճար:
Ի՞նչ գիտեք Երկնային Հոր և Հիսուս Քրիստոսի մասին, որը կարող է մոտիվացնել ձեզ նախապատրաստվել այցելելու Նրանց սուրբ տունը։

Կարող եք կիսվել ձեր վկայությամբ այն ուրախության մասին, որը մենք ստանում ենք Տիրոջից, երբ պատրաստում ենք մեզ երկրպագելու Նրան տաճարում:

Լրացուցիչ նյութեր

Ինչո՞ւ պետք է պատրաստեմ ինձ տաճար այցելելուն:

Նախագահ Ռասսել Մ. Նելսոնը բացատրել է․

Յուրաքանչյուր տաճարի վրա փորագրված է հետևյալ խոսքերը. «Սրբություն Տիրոջը»: Այդ սահմանումը նշանակում է, որ և՛ տաճարը, և՛ դրա նպատակները սուրբ են: Նրանք, ովքեր տաճար են մտնում, նույնպես սրբություն են կրում իրենց մեջ: Ինչպես տաճարներն են պատրաստվում մարդկանց համար, այնպես էլ մարդիկ պետք է պատրաստվեն տաճարի համար: («Prepare for the Blessings of the Temple», Լիահոնա, հոկտեմբեր 2010, 41)

Ինչո՞ւ է կարևոր զոհաբերություններ կատարել տաճար այցելելու համար:

Նախագահ Թոմաս Ս. Մոնսոնը (1927–2018) բացատրել է․

21:24

Մեծ զոհաբերություններ են կատարվել տաճարի կառուցման և տաճար այցելելու համար: Անթիվ անդամներ են աշխատել ու մաքառել, որպեսզի իրենք և իրենց ընտանիքները օրհնություններ ստանան Աստծո տաճարներում:

Ինչո՞ւ են այդքան շատ մարդիկ ցանկանում այդքան շատ տալ՝ տաճարի օրհնությունները ստանալու համար: Ովքեր հասկանում են տաճարից եկող հավերժական օրհնությունները, գիտեն, որ ոչ մի զոհաբերություն այդքան մեծ չէ, ոչ մի գին այդքան ծանր չէ, ոչ մի մաքառում այդքան դժվար չէ այդ օրհնությունները ստանալու համար: Չկան ավելորդ կիլոմետրեր՝ քայլելու համար, չափից շատ խոչընդոտներ՝ հաղթահարելու համար կամ չափից շատ անհարմարություններ՝ դիմանալու համար։ Նրանք հասկանում են, որ տաճարում ստացվող փրկարար արարողությունները, որոնք թույլ են տալիս մի օր վերադառնալ մեր Երկնային Հոր մոտ՝ հավերժական ընտանիք, և օժտվել օրհնություններով ու բարձրյալի զորությամբ, արժեն ամեն զոհաբերություն և ամեն ջանք: («Սուրբ Տաճար՝ փարոս աշխարհին», Լիահոնա, մայիս 2011, 92)

Օժանդակ ուսումնական վարժություններ

Ժամանակակից տաճարների կառուցման խոչընդոտները

Ուսանողների համար կարող է հետաքրքիր լինել տեսնել խոչընդոտների որոշ ժամանակակից օրինակներ, որոնց բախվել են Սրբերը տաճարներ կառուցելիս: Սկզբում կարող եք դիտել Յոթանասունից երեց Քևին Ռ. Դանքընի փորձառությունը «Ձայն ուրախության», տեսանյութում՝ 5:42-6:39։ Առաջարկեք ուսանողներին բացահայտել, թե ինչու է սատանան ձգտում դադարեցնել տաճարների կառուցումը:

9:46

Այնուհետև կարող եք կիսվել հետևյալ օրինակներից մեկով կամ մի քանիսով՝ ամրացնելու այն, ինչ ուսանողները սովորեցին Եզրաս 4.4–5, 24 հատվածներում:

Կարդացեք «A Mountain of a Challenge» նյութը՝ տեսնելու, թե ինչպես Ամերիկյան Սամոայի Սրբերը սպասեցին ավելի քան 40 տարի՝ տեսնելու Պագո Պագոյում կառուցված տաճարը, այն պահից, երբ 1977 թվականին հայտարարվեց այնտեղ տաճար կառուցելու ծրագրի մասին:

Դիտեք «God Will Use You, God Will Bless You» տեսանյութը 5:14-12:41։ Նախագահող Եպիսկոպոսության նախկին անդամ եպիսկոպոս Դին Մ. Դեյվիսը պատմել է, թե ինչպես են հաղթահարվել Ֆիլադելֆիայի (Փենսիլվանիա) տաճարի կառուցման հետ կապված խոչընդոտները:

Այնուհետև կարող եք քննարկել, թե ինչպես Տիրոջ տանը տրվող ուրախությունը կարող է ոգևորել Սրբերին՝ տաճարը կառուցելու իրենց ջանքերում:

Տեսեք ինքներդ ձեզ տաճարում

Տաճար հաճախելու համար նախապատրաստվելու եղանակներից մեկը ինքներս մեզ տաճարում տեսնելն է: Որպեսզի օգնեք ուսանողներին հասկանալ, թե դա ինչ է նշանակում, կարող եք ցուցադրել Տասներկու Առաքյալների Քվորումից երեց Քվենթին Լ. Քուքի «See Yourself in the Temple» ելույթի տեսանյութը՝ 3:04-3:48:

16:23

Այնուհետև կարող եք քննարկում ծավալել այն մասին, թե ինչ է նշանակում ինքներս մեզ տեսնել տաճարում: Ուսանողները կարող են նշել այն եղանակները, որոնցով իրենք կարող են դա անել: Այնուհետև նրանք կարող են ընտրել մի բան, որ իրենք ավելի լավ են ուզում անել՝ տաճարում իրենց տեսնելու համար:

Եզրաս 8․ Ծոմի և աղոթքի զորությունը

Ուսանողների համար օգտակար կլինի ծոմապահության և աղոթքի օրհնությունների մասին սովորել Եզրասի գրքից: Որպեսզի օգնեք նրանց դա անել, կարող եք բացատրել հետևյալը.

Երուսաղեմում տաճարն ավարտելուց ավելի քան 60 տարի անց Պարսկաստանի Արտաշես թագավորը Եզրաս անունով մի հրեա դպիրի ուղարկեց Երուսաղեմ` կառավարող ղեկավարներ նշանակելու (տես Եզրաս 7․25) և ընծա մատուցելու` տաճարը գեղեցկացնելու համար: Փնտրելով Տիրոջ առաջնորդությունն ու պաշտպանությունը՝ Եզրասը որոշեց, որ ինքը և իր ժողովուրդը պետք է ծոմ պահեն և աղոթեն:

Այնուհետև ուսանողները կարող են կարդալ Եզրաս 8.21, 23, 31 հատվածները՝ փնտրելով, թե ինչ կարող են իմանալ ծոմապահության և աղոթքի օրհնությունների մասին:

Ինչպե՞ս կարող է Տերն օրհնել մեզ, երբ մենք ծոմ պահենք և աղոթենք։

Ծոմապահության այլ օրհնությունների մասին իմանալու համար ուսանողներին առաջարկեք կարդալ Եսայի 58․6–7-ում գտնվող վարդապետության սերտման հատվածը։ Կարող եք նաև օգնել ուսանողներին հասկանալ, թե իրենք ինչ կարող են անել ծոմ պահելու և աղոթելու համար: Կարող եք օգտվել Ավետարանի գրադարան հավելվածի Թեմաներ և հարցեր բաժնի «Fasting and Fast Offerings» ենթաբաժնից։

Ծոմապահության և աղոթքի ի՞նչ փորձառություններ եք ունեցել։ Ի՞նչ օրհնություններ եք ստացել Տիրոջից։