Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

1 Samuelit 16: “Zoti Shikon Zemrën”

“1 Samuelit 16: ‘Zoti Shikon Zemrën’”, Manuali i Mësuesit të Seminarit për Dhiatën e Vjetër (2026)

“1 Samuelit 16: ‘Zoti Shikon Zemrën’”, Manuali i Mësuesit të Seminarit për Dhiatën e Vjetër

1 Samuelit 8–10; 13; 15–16: Mësimi 73

1 Samuelit 16

“Zoti Shikon Zemrën”

Christ healing a man at the Pool of Bethesda

Zoti i zbuloi Samuelit se Ai kishte zgjedhur Davidin për të pasuar Saulin si mbret të Izraelit. Nëpërmjet kësaj përvoje, Samueli mësoi se Zoti na sheh ndryshe nga ç’e shohin njerëzit zakonisht njëri-tjetrin. Ky mësim mund t’i ndihmojë nxënësit të ndiejnë rëndësinë e të parit të vetes dhe të të tjerëve siç i shohin Ati Qiellor dhe Jezu Krishti.

Përgatitja e nxënësve: Ftojini nxënësit të lexojnë te 1 Samuelit 16:7. Kërkojuni atyre të renditin afër vargut ndryshimet ndërmjet asaj që vlerësojnë ndonjëherë të tjerët te njerëzit, dhe asaj që Ati Qiellor vlerëson te ne.

Veprimtari të Mundshme të të Mësuarit

Vlerë e fshehur

Merreni parasysh ta filloni orën mësimore duke i ndihmuar nxënësit të kuptojnë se ne nuk mund ta shohim gjithmonë vlerën e diçkaje nga paketimi ku është futur. Për ta bërë këtë, mund të paraqitni dy sende identike në dy paketime të ndryshme, ose mund të paraqitni sende me vlerë të ndryshme në dy paketime identike. Para se të zbuloni se çfarë kanë brenda, ftojeni një nxënës që të zgjedhë se cilin paketim pëlqen më shumë. Pyeteni atë përse e zgjodhi atë paketim. Më pas zbuloni atë që kanë brenda të dyja paketimet.

Çfarë problemesh mund të vijnë nga gjykimi i njerëzve të tjerë, ose edhe nga gjykimi i vetvetes, bazuar vetëm në atë që mund të shohim?
Ku ndryshon mënyra se si na sheh Perëndia nga mënyra se si mund ta shohim njëri-tjetrin?

Merreni parasysh të paraqitni nxitjet vijuese për vetëreflektim.

Përsiati dhe plotësoji nxitjet vijuese në ditarin tënd të studimit:

Kur dikush më takon për herë të parë, mendoj se ka më shumë gjasa të vërejë .
Unë besoj se Ati Qiellor sheh cilësitë vijuese tek unë, që shumë të tjerë nuk i shohin: .
Kur takohem për herë të parë me njerëz të tjerë, prirem të vë re .
Po të mund t’i shihja të tjerët siç i sheh Ati Qiellor, mund të më ndihmonte të .

Ndërsa studion te 1 Samuelit 16 sot, ftoje me lutje Frymën e Shenjtë të të ndihmojë të ndiesh rëndësinë e të parit të vetes dhe të të tjerëve më shumë siç i sheh Perëndia.

Zoti e dërgon Samuelin të vajosë mbretin e ardhshëm

Për t’i lejuar të gjithë nxënësit të marrin pjesë në mënyrë aktive, merreni parasysh t’i vini ata në dyshe. Ftojini partnerët të lexojnë dy fragmentet më poshtë dhe të diskutojnë mbi pyetjet që pasojnë. Para se nxënësit të lexojnë, sigurohuni që të dinë se, për shkak të mosbindjes së Saulit, Zoti nuk e refuzoi atë si mbret të Izraelit (shihni te 1 Samuelit 13:13–14; 15:26–28).

Lexo te 1 Samuelit 16:1–5 për të parë përse Zoti e dërgoi Samuelin në Bethlehem.

Nëse Zoti do të të kishte dhënë përgjegjësinë e Samuelit për të vajosur një mbret të ri, çfarë cilësish do të kishe kërkuar te bijtë e Isait?

Lexo vargjet 6–13, duke kërkuar të vërtetat që Zoti dha mësim ndërsa Samueli u përpoq të përcaktonte mbretin e ardhshëm.

Çfarë mësove nga ky tregim që është e rëndësishme që njerëzit sot ta kuptojnë?

Kur partnerët të mbarojnë së treguari atë që mësuan, ftojeni secilën dyshe të shkruajë në tabelë një të vërtetë bashkë me numrin e vargut ku e gjeti atë.

Nxënësit mund të shkruajnë një larmi të vërtetash me fjalët e tyre, të tilla si: Perëndia sheh potencialin tonë të vërtetë duke parë zemrat tona në vend të pamjes sonë të jashtme.
Çfarë ke mësuar nga shkrimet e shenjta dhe udhëheqësit e Kishës rreth cilësive që vlerëson Zoti?
Si mendon, si do të ishin ndryshe marrëdhëniet tona me të tjerët po ta shihnim veten dhe njëri-tjetrin më shumë siç na sheh Zoti?

Ndihmojini nxënësit ta thellojnë kuptueshmërinë e tyre

Mundësitë vijuese janë metoda të ndryshme që nxënësit ta thellojnë kuptueshmërinë e tyre për atë që dha mësim Zoti te 1 Samuelit 16:7. Zgjidhni metodat që e ndieni se janë më të mirat për nxënësit tuaj.

Para se të paraqitni mundësinë ose mundësitë e zgjedhjes suaj, merreni parasysh t’i ndihmoni nxënësit ta lidhin atë që do të studiojnë, me jetën reale. Mund ta bëni këtë duke paraqitur një situatë të shkurtër me të cilën mund të ndihmojnë nxënësit. Për shembull, mund t’u kërkoni atyre të kërkojnë gjërat që mund t’ia tregojnë dikujt që ndihet i shpërfillur ose i gjykuar keq nga njerëzit rreth vetes. Ose mund t’i ftoni nxënësit të kërkojnë gjërat që mund t’ia tregojnë dikujt që ndien se Zoti nuk e kupton në të vërtetë.

Mundësia 1

Merreni parasysh t’i vendosni nxënësit në dyshe. Vëreni secilin nxënës që të studiojë një thënie të ndryshme. Nxënësit mund t’ia tregojnë më pas atë që mësojnë partnerit të tyre. Nëse dëshironi, mund të paraqitni ose jepni kopje të thënieve.

Presidenti Diter F. Uhtdorf, asokohe i Presidencës së Parë, tha:

“Interesimi i Atit Qiellor për ju nuk varet nga sa të pasura, apo të bukura, apo të shëndetshme, apo të zgjuara jeni. Ai nuk ju sheh sikurse ju sheh bota; Ai sheh se kush jeni me të vërtetë. Ai shikon zemrën tuaj. Dhe ju do, sepse ju jeni fëmija e Tij.” (“Udhëtimi Juaj i Mrekullueshëm për në Shtëpi”, Liahona, maj 2013, f. 128)

Motra Mishel D. Krejg, më parë e Presidencës së Përgjithshme të Të Rejave, shpjegoi:

“Jezu Krishti i sheh njerëzit thellësisht. Ai i sheh individët, nevojat e tyre dhe se cilët mund të bëhen ata. Atje ku të tjerët panë peshkatarë, mëkatarë ose tagrambledhës, Jezusi pa dishepuj; atje ku të tjerët panë një burrë të pushtuar nga djaj, Jezusi pa përtej vuajtjes së jashtme, e pranoi atë njeri dhe e shëroi atë.

Edhe në jetët tona të ngarkuara, ne mund ta ndjekim shembullin e Jezusit dhe t’i shohim individët – nevojat e tyre, besimin e tyre, shqetësimin e tyre dhe se cilët mund të bëhen ata.” (“Sy për të Parë”, Liahona, nëntor 2020, f. 16)

Mundësia 2

Nxënësit mund të kërkojnë te lista e fragmenteve të zotërimit doktrinor te materiali Dokumenti Bazë i Zotërimit Doktrinor (2023) fragmente që i ndihmojnë të kuptojnë se si ndihet Perëndia rreth nesh dhe se sa përsosurisht na njeh Ai. Nxënësit mund të punojnë në grupe me nga katër veta, ku çdo nxënës kërkon fragmente që gjejnë zbatim nga një prej katër veprave standarde. (Shembujt që ata mund të tregojnë, përfshijnë vargjet tek Abraham 3:22–23; Jeremia 1:4–5; Hebrenjve 12:9; Alma 7:11–13; Doktrina e Besëlidhje 18:10–11.)

Mundësia 3

Shfaqni për nxënësit një material filmik që i ndihmon të kuptojnë mënyrën se si na sheh Perëndia ose që tregon dikë tjetër duke i parë të tjerët siç i sheh Ai. Ftojini nxënësit të mendojnë dhe të përgatiten për të treguar situata nga jeta reale kur mund ta përdorin atë që mësojnë nga materiali filmik. Materiali filmik “Identiteti Ynë i Vërtetë” (3:39), në dispozicion në ChurchofJesusChrist.org, është një shembull që mund ta përdorni.

3:44

Përvojat vetjake

Kjo pjesë e mësimit mund t’i ndihmojë nxënësit të ndiejnë rëndësinë e të parit të vetes dhe të të tjerëve siç i shohin Ati Qiellor dhe Jezu Krishti. Të kujtuarit dhe tregimi i përvojave mund ta ftojnë Frymën e Shenjtë të dëshmojë për të vërtetat që po mësojnë nxënësit.

Mund të jetë e dobishme të paraqitni mundësitë vijuese.

Zgjidh njërën nga mundësitë vijuese dhe shënoji mendimet e tua në ditarin e studimit. Sigurohu që të përfshish atë që ke mësuar rreth Perëndisë sot nga shkrimet e shenjta ose udhëheqësit e Kishës.

Shkruaj rreth dikujt që duket se sheh të mirën tek ti edhe nëse është në dijeni të disa prej dobësive dhe gabimeve të tua. Si vepron ndikimi i tij në mënyrën se si ndihesh për veten tënde? Si të kujton ndikimi i tij mënyrën se si të shohin Ati Qiellor dhe Jezu Krishti?
Shkruaj rreth dikujt që ke arritur ta duash dhe admirosh ndërsa ke arritur ta njohësh më mirë. Çfarë sheh tani tek ai që të tjerët mund të mos e shohin ose që nuk e pe kur e takove për herë të parë? A ndien ndonjë mbresë nga Fryma e Shenjtë për mënyrën se si mund ta ndihmosh atë ta shohë veten siç e sheh ti ose mënyrën se si e shohin Ati Qiellor dhe Jezu Krishti?

Ftoni vullnetarë të tregojnë pjesë të asaj që shënuan në ditarët e tyre të studimit.

Burime Shtesë

Si mund të ndikojë të parit e të tjerëve siç i sheh Perëndia, te mënyra se si i trajtoj ata?

Presidenti Henri B. Ajring, i Presidencës së Parë, tha:

“[Shpëtimtari] do t’ju mësojë t’i shihni [të tjerët] nëpërmjet syve të Tij, që do të thotë të shohësh përtej pamjes së jashtme dhe brenda zemrës (shihni te 1 Samuelit 16:7). … Nëse ecni me Shpëtimtarin mjaft gjatë, ju do të mësoni ta shihni cilindo si fëmijë të Perëndisë me potenciale të pafundme, pavarësisht se si mund ta ketë pasur të kaluarën. Dhe nëse vazhdoni të ecni me Shpëtimtarin, ju do të zhvilloni një dhuratë tjetër që Ai ka – aftësinë për t’i ndihmuar njerëzit ta shohin atë potencial te vetja dhe kështu të pendohen.” (“Ec me Mua”, Liahona, maj 2017, f. 84, 85)

Plaku S. Mark Palmer, i Të Shtatëdhjetëve, dha mësim:

10:43

“Teksa mësojmë t’i shohim të tjerët siç i sheh Zoti në vend që t’i shohim me sytë tanë, dashuria jonë për ta do të rritet dhe kështu do të rritet edhe dëshira jonë për t’i ndihmuar ata. Ne do të shohim potencial brenda të tjerëve që ata me shumë gjasa nuk e shohin te vetja. Me dashuri si të Krishtit ne nuk do të kemi frikë të flasim me guxim, sepse ‘dashuria e përsosur e nxjerr jashtë frikën’ [1 Gjon 4:18]. Dhe ne nuk do të dorëzohemi kurrë, duke e mbajtur mend se ata, të cilët janë më të vështirët për t’u dashur, kanë nevojën më të madhe për dashuri.” (“Atëherë Jezusi e Vështroi në Fytyrë, Ndjeu Dashuri për Të”, Liahona, maj 2017, f. 116)

Si mund të bëhemi më shumë si Ati Qiellor në mënyrën se si i shohim dhe i trajtojmë të tjerët?

Motra Mishel D. Krejg, më parë e Presidencës së Përgjithshme të Të Rejave, shpjegoi:

9:45

“Kërkoni t’i shihni të tjerët ashtu siç i sheh Ai – si bijtë dhe bijat e Tij të vërtetë me potencial të pafundmë dhe hyjnor. Pastaj veproni duke i dashur, duke u shërbyer dhe duke e pohuar vlerën dhe potencialin e tyre sipas nxitjeve. Kur ky bëhet modeli i jetës sonë, ne do ta gjejmë veten duke u bërë ‘pasues të vërtetë të … Jezu Krisht[it]’ [Moroni 7:48]. Të tjerë do të jenë në gjendje t’i mirëbesojnë zemrës sonë me zemrën e tyre. Dhe në këtë model ne do të zbulojmë gjithashtu vetë identitetin dhe qëllimin tonë të vërtetë.” (“Sy për të Parë”, Liahona, nëntor 2020, f. 17)

Veprimtari Plotësuese të të Mësuarit

Fillim ndryshe

Për t’i ndihmuar nxënësit të kuptojnë problemin e gjykimit të të tjerëve në bazë të pamjes së jashtme ose situatës në të cilën ndodhen, merreni parasysh të shfaqni një figurë të dikujt të tillë si vijuesja. Kërkojuni nxënësve të gjejnë çfarë mund të supozojnë njerëzit rreth këtij personi (personaliteti, qëndrimi, mënyra se si i trajton të tjerët, nëse është i besueshëm, se si ndihet në lidhje me Perëndinë e me radhë).

Më pas tregojuni atyre një figurë të dikujt që duket i lumtur dhe i suksesshëm, të tillë si vijuesja. Kërkojuni nxënësve të marrin me mend se çfarë mund të supozojnë njerëzit rreth këtij personi.

Ftojini nxënësit të tregojnë se si gjykimi i të tjerëve në bazë të pamjes së tyre të jashtme ose situatës është një problematikë. (Nëse dëshironi, mund t’u kujtoni nxënësve se disa nga njerëzit më shpirtmirë dhe më të drejtë që kanë jetuar ndonjëherë, u gjykuan në mënyrë të gabuar, duke përfshirë Abinadin, Jozef Smithin dhe madje Jezu Krishtin.)

Kërkojuni nxënësve të diskutojnë arsyen përse Ati Qiellor mund të na shohë për atë që jemi.

Më pas vazhdoni me mësimin duke përdorur nxitjet për vetëreflektim që gjenden në fillim të mësimit.

Materiale të tjera filmike për pjesën “Mundësia 3”

Mund të shfaqni një nga materialet filmike vijuese për pjesën e mësimit “Mundësia 3”:

“Looking through Windows” [“Të Parit Përmes Dritareve”] (2:19) mund t’i ndihmojë nxënësit të kuptojnë rëndësinë e shqyrtimit të vetë jetës sonë në vend që të gjykojnë të tjerët.

2:19

“Pray for Eyes to See as He Sees” [“Lutuni që të Keni Sy për të Parë siç Sheh Ai”] (6:26) mund t’i ndihmojë nxënësit të duan të bëhen më shumë si Jezu Krishti në mënyrën se si i shohin të tjerët.

6:27

1 Samuelit 16:14–23. Ndikimi i muzikës

Për t’i ndihmuar nxënësit të dallojnë ndikimin që mund të ketë muzika në jetën e tyre, merreni parasysh t’u kërkoni dy ose tre nxënësve të tregojnë një varg të parapëlqyer të një himni ose një kënge nga faqja e internetit Muzika për Rininë. Merreni parasysh ta ftoni klasën ta këndojë ose dëgjojë vargun. Ftojini nxënësit të tregojë përse tekstet janë kuptimplota për ta. Kërkojuni nxënësve të tregojnë se si i ndihmon të ndihen muzika lartësuese. Nëse dëshironi, mund të tregoni se si muzika lartësuese ju ka ndihmuar ta ndieni Frymën e Shenjtë ose të përgatiteni për sakramentin.

Më pas ftojini nxënësit të lexojnë te 1 Samuelit 16:14–23, duke kërkuar ndikimin që pati muzika te Sauli. (Sigurohuni që nxënësit të dinë se Përkthimi prej Joseph Smith-it i vargjeve 14, 15, 16 dhe 23 qartëson se shpirti i lig që e shqetësonte Saulin, nuk ishte nga Perëndia.)

Kërkojuni nxënësve të tregojnë se si e kanë përdorur muzikën lartësuese për të ndihmuar veten në jetën e tyre.

Skenarë

Për t’i ndihmuar nxënësit ta zbatojnë atë që kanë mësuar, merreni parasysh t’u paraqitni atyre disa skenarë në fund të mësimit. Pyetini nxënësit se si të vërtetat që mësuan te 1 Samuelit 16, mund t’i ndihmojnë në ato situata. Shembujt përfshijnë:

Kohët e fundit lagjja juaj mbështeti një peshkop të ri ose presidente të Të Rejave. Thirrja e tij/saj u duk se habiti shumë njerëz. Ju dëgjoni padashur dikë të thotë se udhëheqësi i ri nuk është i përshtatshëm për atë pozicion.
Sapo dolët nga një intervistë me një anëtar të peshkopatës. Ai ju jep një thirrje që nuk ndiheni të kualifikuar ta pranoni. Ju i kërkuat atij kohë për t’u menduar dhe lutur rreth saj para se të merrni një vendim përfundimtar.
Ndërsa shërbeni si një misionar, një grua që shfaqet e shqetësuar, ju afrohet në rrugë. Ajo ju pyet me zë të lartë se çfarë mund t’i tregoni rreth Jezusit.