1 Samuelit 15

• Cilat ushqime do të zgjidhje për të ngrënë? Cilat do të zgjidhje të mos i haje? Përse?

Lexo këtë thënie nga Presidenti Rasëll M. Nelson, duke kërkuar mënyrën se si qasja jonë për t’iu bindur urdhërimeve të Perëndisë duhet të ndryshojë nga mënyra se si e zgjedhim ushqimin tonë:

14:30

“[Kini] besim për t’i mbajtur të gjitha urdhërimet e Perëndisë, duke ditur se ato janë dhënë që t’i bekojnë fëmijët e Tij dhe t’u sjellin gëzim. [Ju] do të has[ni] njerëz që përzgjedhin se cilat urdhërime do të mbajnë dhe nuk i marrin parasysh të tjerat, të cilat vendosin t’i shkelin. Unë e quaj këtë ta trajtosh bindjen si përzgjedhja e ushqimeve në një vakt tip bufe. Ky zakon i përzgjedhjes dhe i të vendosurit, nuk do të funksionojë. Do të udhëheqë drejt mjerimit. Që të përgatitet të takohet me Perëndinë, një njeri i mban të gjitha urdhërimet e Tij. Duhet besim për t’iu bindur atyre dhe mbajtja e urdhërimeve të Tij do ta përforcojë atë besim.” (“Të Përballosh të Ardhmen me Besim”, Liahona, maj 2011, f. 34–35)

• Përse mund të zgjedhë dikush të mos i zbatojë urdhërime të caktuara nga Perëndia?

Reflekto mbi qasjen tënde për bindjen ndaj urdhërimeve të Perëndisë duke i përsiatur në heshtje pyetjet vijuese:

• Si përgjigjesh kur dëgjon një urdhërim ose standard që mund të mos jesh i sigurt se dëshiron ta zbatosh?

• Sa e rëndësishme është për ty përpjekja për t’iu bindur të gjitha urdhërimeve të Perëndisë?

Ndërsa studion sot, kërko ndihmën e Shpirtit për të kuptuar rëndësinë e përpjekjes për t’iu bindur të gjitha urdhërimeve të Perëndisë.

Pasi Zoti i tha Samuelit t’i lejonte izraelitët të kishin një mbret, Zoti e udhëzoi Samuelin të vajoste një të ri të quajtur Saul për të qenë mbreti (shih te 1 Samuelit 8–10). Kur u kërcënua nga një sulm prej filistejve, Sauli nuk iu bind Zotit duke ofruar një flijim që nuk ishte i autorizuar ta bënte (shih te 1 Samuelit 13:8–9). Samueli më pas i mësoi Saulit pasojat e mosbindjes së tij (shih te 1 Samuelit 13:10–14). Te kapitulli 15, ne shohim një model të ngjashëm kur Sauli nuk i ndjek udhëzimet e Zotit me saktësi.

Lexo te 1 Samuelit 15:1–3, 7–9, ku Zoti i dha Saulit dhe ushtrisë së tij urdhërime specifike. Ndërsa lexon, kërko se cilit prej urdhërimeve të Zotit zgjodhën t’i bindeshin Sauli dhe ushtria e tij dhe cilit zgjodhën të mos i bindeshin.

• Si mund t’i kishte ndihmuar Saulin dhe ushtrinë e tij e vërteta e dhënë mësim nga Presidenti Nelson?

Pas betejës me amalekitët, Samueli foli me Saulin rreth mosbindjes së tij dhe të ushtrisë së tij.

Lexo te 1 Samuelit 15:13–24, duke kërkuar qëndrimet dhe justifikimet që ndikuan në zgjedhjen e Saulit për të mos iu bindur urdhërimeve të Perëndisë.

Bëj një listë të disa urdhërimeve që njerëzit sot mund të zgjedhin t’i anashkalojnë ose shpërfillin.

Kërkojini secilit grup që të përzgjedhë një nga urdhërimet në listën e vet. Vërini ata të krijojnë një skenar në të cilin një adoleshent mund të tundohet të mos i bindet urdhërimit duke përvetësuar disa nga qëndrimet ose justifikimet që përcaktuan nxënësit nga 1 Samuelit 15. Ose mund të shihni “Honesty: You Better Believe It!” [“Ndershmëria: Bëni Mirë ta Besoni!”] (4:46), nga ChurchofJesusChrist.org. Ndalojeni materialin filmik te kodi kohor 1:27 dhe ftojini nxënësit të përdorin situatën e të resë si skenar. (Mund ta shfaqni përfundimin e materialit filmik pasi nxënësit t’u përgjigjen pyetjeve më poshtë.)

4:47

Duke përdorur skenarët e tyre, ftojini nxënësit t’i diskutojnë pyetjet më poshtë me grupin e tyre.

• Si mund të tundohet dikush në këtë situatë t’i përdorë qëndrimet ose justifikimet që përdori Sauli?

• Si mund të çojnë zgjedhjet për t’iu bindur ose për të mos iu bindur këtij urdhërimi përfundimisht drejt gëzimit ose mjerimit?

• Cilat mësime të lidhura me ungjillin mund të na ndihmojnë të zgjedhim t’i bindemi Perëndisë po të ishim në këtë situatë?

Plaku D. Tod Kristoferson, i Kuorumit të Dymbëdhjetë Apostujve, na ndihmoi të kuptojnë arsyen përse Ati Qiellor dhe Jezu Krishti na japin ligje që presin t’u bindemi:

13:12

“Dashuria e Atit dhe e Birit jepet lirisht, por përfshin gjithashtu edhe shpresa dhe pritshmëri. … [D]uke cituar Presidentin Nelson: ‘Ligjet e Perëndisë nxiten tërësisht nga dashuria e Tij e pafundme për ne dhe nga dëshira e Tij që ne të bëhemi gjithçka që mund të bëhemi’.

Ngaqë Ata ju duan, nuk dëshirojnë t’ju lënë ‘ashtu siç jeni’. Ngaqë Ata ju duan, dëshirojnë që ju të keni gëzim dhe sukses. Ngaqë Ata ju duan, dëshirojnë që ju të pendoheni sepse ky është shtegu drejt lumturisë. Por kjo është zgjedhja juaj – Ata e respektojnë lirinë tuaj të zgjedhjes. Ju duhet të zgjidhni që t’i doni Ata, t’u shërbeni Atyre, t’i zbatoni urdhërimet e Tyre. Atëherë Ata mund t’ju bekojnë si edhe t’ju duan më me bollëk.” (“Dashuria e Perëndisë”, Liahona, nëntor 2021, f. 18)

• Çfarë do t’i tregoje nga kjo thënie dikujt që ndien se urdhërimet e Perëndisë nuk janë shumë të rëndësishme?

• Si të ka ndihmuar zbatimi i një urdhërimi të caktuar të Perëndisë “të ke[sh] gëzim dhe sukses”?

Përzgjidh një nga veprimtaritë vijuese për ta përfunduar në ditarin tënd të studimit:

1. Imagjino sikur ke shokë që janë shenjtorë të ditëve të mëvonshme dhe që po justifikojnë shkeljen e urdhërimeve të caktuara. Ata të kanë ushtruar trysni që të bësh të njëjtën gjë. Shkruaje atë që dëshiron të mbash mend nga ky mësim për të të ndihmuar të ndjekësh urdhërimet e Perëndisë.

2. Plotëso hapësirat bosh: Dua t’u bindem urdhërimeve të Perëndisë sepse . Diçka që dua të mbaj mend nga ajo që ndjeva ose mësova sot, është .