Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Gjyqtarët 6–8: “Por Unë do të Jem me Ty”

“Gjyqtarët 6–8: ‘Por Unë do të Jem me Ty’”, Manuali i Mësuesit të Seminarit për Dhiatën e Vjetër (2026)

“Gjyqtarët 6–8: ‘Por Unë do të Jem me Ty’”, Manuali i Mësuesit të Seminarit për Dhiatën e Vjetër

Gjyqtarët 2–4; 6–8; 13–16: Mësimi 66

Gjyqtarët 6–8

“Por Unë do të Jem me Ty”

Gideon's band of 300 men feign an attack on their enemy.

Pasi izraelitët u lutën për çlirim, Zoti thirri Gedeonin që t’i çlironte ata nga armiqtë e tyre. Zoti e tregoi forcën e Tij duke i ndihmuar izraelitët ta mposhtnin një ushtri me më shumë se 135 000 ushtarë me vetëm 300 nga burrat e Gedeonit. Ky mësim mund t’i ndihmojë nxënësit të ndiejnë një dëshirë më të madhe për t’u mbështetur te Jezu Krishti për forcë.

Përgatitja e nxënësve: Ftojini nxënësit të gjejnë një shkrim të shenjtë që tregon forcën që mund të marrim nga Zoti. Ejani në klasë të përgatitur për ta treguar atë.

Veprimtari të Mundshme të të Mësuarit

Llojet e ndryshme të forcës

Kush janë disa njerëz që do t’i konsideroje si “të fortë”?
Cilat janë mënyrat e ndryshme se si një person mund të shihet si i fortë?

Shpjegoni se një lloj force është aftësia e një personi për t’u mbështetur te Zoti.

Merreni parasysh t’u jepni nxënësve mundësinë për të vlerësuar se sa shumë mbështeten te Zoti në situatat sfiduese me të cilat mund të përballen. Mund të përdorni situatat vijuese ose të mendoni për të tjera që kanë më shumë lidhje me nxënësit tuaj.

Mendo se sa gjasa ka që të mbështetesh te forca e Perëndisë në situata të ndryshme. Për secilën situatë të renditur më poshtë, përcakto se ku do ta vendosje veten në diagramin vijues.

Marrja e vendimeve të rëndësishme
Përballja me një lëndim ose sëmundje
Përmirësimi si person
Përballimi i sfidave me familjen ose miqtë

Ndërsa studion rreth Gedeonit sot, lutu që Ati Qiellor të të ndihmojë të ndiesh rëndësinë e mbështetjes te Zoti për forcë në jetën tënde. Kushtoju vëmendje mendimeve ose ndjenjave që mund të të dërgojë Perëndia nëpërmjet Frymës së Shenjtë.

Gedeoni dhe izraelitët

Për t’i ndihmuar nxënësit të kuptojnë kontekstin e kapitullit te Gjyqtarët 6, mund të rishikoni grafikun e ciklit të krenarisë nga Mësimi 65: “Gjyqtarët 2–4”. Mund edhe të lexoni ose përmblidhni paragrafin vijues.

Gjyqtarët 6 përshkruan një rast tjetër kur izraelitët e harruan Zotin dhe i humbën bekimet e Tij. Një grup njerëzish, të quajtur madianitë, filluan t’i shtypnin izraelitët. Për shtatë vjet, madianitët plaçkitën drithin dhe kafshët e izraelitëve gjatë periudhave të korrjes. Për rrjedhojë, izraelitët vuajtën nga varfëria. Në dëshpërim, ata iu drejtuan Zotit për ndihmë. Pasi izraelitët e kujtuan Zotin dhe e thërritën Atë, Ai u dha një njeri të drejtë të quajtur Gedeon për t’i çliruar nga armiqtë e tyre.

Mbështetja te Zoti

Pasi nxënësit ta kenë mbaruar fletushkën, ftojini ata të japin një përmbledhje të asaj që mësuan nga historia e Gedeonit.

Kërkojuni disa nxënësve të tregojnë të vërtetën që shkruan për veprimtarinë e studimit 3. Sa vijon është një shembull: Nëse mbështetemi te Zoti, Ai do të na bekojë me forcën e Tij.

Cilat janë mënyrat e ndryshme se si Zoti mund të na forcojë?
Si mund të mbështetemi te Zoti sot?

Për ta kuptuar më tej këtë të vërtetë, ftojini nxënësit të imagjinojnë sikur shoku i tyre u dërgon një mesazh me celular. Shoku është në një situatë ku ndien se forca e tij nuk është e mjaftueshme. Vërini nxënësit të tregojnë disa shembuj se si mund të jetë kjo situatë. Kërkojini klasës të përzgjedhë një situatë që e ndien se do të ishte më kuptimplotë për t’u trajtuar sot.

Përgatit një përgjigje që mund t’ia dërgosh mbrapsht me mesazh. Shkruaje atë në ditarin tënd të studimit. Nëse dëshiron, vizato një telefon me flluska ligjërimi dhe shkruaje përgjigjen tënde brenda. Përgjigjja jote duhet të përfshijë të paktën dy nga vijueset:

1. Si mund të ndihmojë shembulli i Gedeonit.

2. Si mund ta ndihmojnë shkrimet e tjera të shenjta shokun tënd që të mbështetet te Zoti. (Disa shembuj janë Fjalët e Urta 3:5–6; Filipianëve 4:13; Alma 26:12; Ethëri 12:27. Mund të kërkosh gjithashtu zërin “Vetëbesim” tek Udhëzuesi për Shkrimet e Shenjta.)

3. Çfarë di rreth Zotit që të ndihmon të mbështetesh tek Ai.

4. Përvojat që ke pasur kur e ke ndier Zotin të të forcojë përtej aftësive të tua.

Përfundimi

Ftojini nxënësit të kërkojnë udhërrëfimin e Atit Qiellor ndërsa u përgjigjen pyetjeve vijuese në ditarët e tyre të studimit.

Cila është një fushë në jetën tënde ku ti ndien se forca jote nuk është e mjaftueshme?
Çfarë di ose çfarë ke mësuar rreth Zotit që do të të ndihmonte të mbështetesh tek Ai?
Si ndihesh në lidhje me Zotin dhe ndihmën e Tij?

Burime Shtesë

Si mund të mbështetem te Zoti?

Plaku Dejvid A. Bednar, i Kuorumit të Dymbëdhjetë Apostujve, shpalli:

“Në shumë prej pasigurive dhe sfidave që hasim në jetën tonë dhe në këtë vepër të madhe të ditëve të mëvonshme, Perëndia kërkon që ne të bëjmë më të mirën, t’i mirëbesojmë Atij, të jemi të përfshirë me zell dhe të veprojmë e jo thjesht të detyrohemi të veprojmë. Ne mund të mos shohim engjëj, të dëgjojmë zëra qiellorë apo të marrim mbresa shpirtërore tronditëse. Shpeshherë mund të vazhdojmë përpara duke shpresuar e duke u lutur – por pa siguri absolute – që të jemi duke vepruar sipas vullnetit të Perëndisë. Por, kur i nderojmë besëlidhjet tona dhe zbatojmë urdhërimet, ne mund të ecim me vetëbesimin që Perëndia do t’i drejtojë hapat tanë.” (“Elder Bednar Shares Five Lessons about the Spirit of Revelation with New Mission Leaders”, Church News, 10 korrik 2018)

Çfarë është e nevojshme të bëj për të parë mrekulli në jetën time?

Presidenti Rasëll M. Nelson dha mësim:

17:17

“Moroni na siguroi se ‘Perëndia nuk ka pushuar së qeni një Perëndi mrekullish’ [Mormoni 9:15]. Çdo libër në shkrimet e shenjta dëfton se sa i gatshëm është Zoti të ndërhyjë në jetën e atyre që besojnë tek Ai. Ai ndau Detin e Kuq për Moisiun, e ndihmoi Nefin të merrte fletët prej tunxhi dhe e rivendosi Kishën e Tij nëpërmjet Profetit Jozef Smith. Për secilën prej këtyre mrekullive u desh kohë dhe ato mund të mos kenë qenë saktësisht ajo që ata individë i kërkuan Zotit fillimisht.

Në po të njëjtën mënyrë, Zoti do t’ju bekojë me mrekulli nëse besoni tek Ai, ‘pa dyshuar asgjë’ [Mormoni 9:21]. Bëjeni punën shpirtërore që nevojitet për të kërkuar mrekulli. Kërkojini Perëndisë në lutje që t’ju ndihmojë të ushtroni atë lloj besimi. Ju premtoj se mund ta përjetoni vetë faktin që Jezu Krishti ‘i jep forcë të lodhurit dhe rrit fuqinë e të këputurit’ [Isaia 40:29]. Pak gjëra do ta përshpejtojnë hovin tuaj shpirtëror më shumë sesa të kuptuarit se Zoti po ju ndihmon të lëvizni një mal në jetën tuaj.” (“Fuqia e Hovit Shpirtëror”, Liahona, maj 2022, f. 99–100)

Veprimtari Plotësuese të të Mësuarit

Gjyqtarët 6:25–28. Heqja e ndikimeve të padrejta nga jeta jonë

Nëse dëshironi t’i kushtoni më shumë kohë historisë së Gedeonit që prish altarin e Baalit dhe ndërton një altar flijimesh, merreni parasysh sa vijon.

Gjatë kohës së Gedeonit, izraelitët kishin adhuruar Baalin, një perëndi i rremë i kanaanejve. Lexoni ose kujtoni atë që ndodhi te Gjyqtarët 6:25–27.

Çfarë donte Zoti që të hiqte Gedeoni dhe me çfarë donte që ta zëvendësonte atë?
Cilat simbole të Krishtit shihni te vargu 26? (Ndihmojini nxënësit të shohin që oferta për djegie është simbol i Krishtit dhe që ofrohej mbi një gur, gjithashtu një simbol i Krishtit.)
Si mendoni, çfarë donte Zoti që njerëzit të dallonin nga ajo që kishte bërë Gedeoni?

Ftojini nxënësit të mendojnë rreth disa prej burimeve të rreme të forcës që i kërkojmë ndonjëherë. Kërkojuni atyre të përsiatin se si mund t’i zëvendësojnë ato burime me një përqendrim te Krishti për forcë. Nëse dëshironi, mund të tregoni pjesën filmike në vijim nga biseda e Presidentit Rasëll M. Nelson “Mundeni Botën dhe Gjeni Prehje” (Liahona, nëntor 2022, f. 97).

18:44

Gjyqtarët 13–16. Sansoni, një njeri me potencial të madh

Merreni parasysh ta krahasoni tregimin për Gedeonin me tregimin për Sansonin duke përdorur disa ose të gjitha pikat vijuese.

Pak pas suksesit të Gedeonit, izraelitët ranë sërish në mëkat dhe paudhësi (shihni te Gjyqtarët 8). Në fund Zoti zgjodhi një burrë tjetër për ta çliruar Izraelin.

Shqyrtoni figurat më poshtë që paraqesin Sansonin, një nga gjyqtarët që Zoti thirri që t’i çlironte izraelitët nga filistejtë.

Çfarë dini rreth Sansonit?

Sansoni njihej për forcën që i kishte dhënë Perëndia. Megjithatë, ndërkohë që ndonjëherë e përdorte dhuratën e tij të forcës siç duhej, jeta e tij përfundoi në tragjedi për shkak se përfundimisht u mbështet në forcën dhe fuqinë e tij dhe jo të Zotit.

Lexoni dy ose tre nga fragmentet më poshtë, që ilustrojnë karakterin dhe përparësitë e Sansonit.

Gjyqtarët 14:2 (martohet jashtë besëlidhjes)

Gjyqtarët 14:19 (shfaros njerëzit prej zemërimit)

Gjyqtarët 15:5–6 (kërkon hakmarrje)

Gjyqtarët 16:1 (shkon te një prostitutë)

Gjyqtarët 16:4–6 (dashurohet me një grua mashtruese, Delilahën)

Gjyqtarët 16:28 (shqetësohej vetëm për hakmarrjen për veten e tij)

Çfarë mund të mësojmë nga përvojat e Sansonit në krahasim me ato të Gedeonit?
Çfarë keni mësuar rreth mbështetjes te Zoti ndërkohë që përdorni gjithashtu forcën tuaj sa më mirë të mundeni?