Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Mga Maghuhukom 2–4: Pagdangop sa Ginoo alang sa Kaluwasan

“Mga Maghuhukom 2–4: Pagdangop sa Ginoo alang sa Kaluwasan,” Manwal sa Magtutudlo sa Seminary sa Daang Tugon (2026)

“Mga Maghuhukom 2–4: Pagdangop sa Ginoo alang sa Kaluwasan,” Manwal sa Magtutudlo sa Seminary sa Daang Tugon

Mga Maghuhukom 2–4; 6–8; 13–16: Leksiyon 65

Mga Maghuhukom 2–4

Pagdangop sa Ginoo alang sa Kaluwasan

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

Human misulod sa gisaad nga yuta ang mga anak sa Israel, gipili nilang supakon ang sugo sa Ginoo nga papahawaon ang tanang daotang lumulupyo. Isip resulta, daghang Israelinhon ang nakasundog sa daotang binuhatan niining mga tawhana ug nawad-an sa proteksiyon sa Ginoo. Apan, sa matag panahon nga motuaw ang mga Israelinhon ngadto sa Ginoo alang sa kaluwasan, Siya “magpadala og tawo aron pagluwas kanila” (Mga Maghuhukom 3:9). Kini nga leksiyon makatabang sa mga estudyante nga masabtan ang papel sa Manluluwas isip atong Tigluwas.

Pagpangandam sa estudyante: Dapita ang mga estudyante sa paghunahuna og panahon sa dihang giluwas (o gibuhian) sa Manluluwas ang usa ka tawo diha sa mga kasulatan, usa ka tawo nga ilang kaila, o ang ilang kaugalingon mismo. Pwedeng ilhon sa mga estudyante ang kon unsay gihimo sa mga indibidwal aron makapangayo og tabang sa Manluluwas aron makalingkawas.

Posibleng mga Kalihokan sa Pagkat-on

Mga Sundanan

Aron andamon ang mga estudyante sa pagkat-on bahin sa espirituhanon nga sundanan diha sa basahon sa Mga Maghuhukom, ikonsiderar ang pagpakita sa mosunod nga mga pattern sa numero. Dapita ang gamayng grupo sa mga estudyante sa pagbutang sa nawala nga mga numero.

Pangitaa ang sunod nga duha ka numero para sa matag mosunod nga mga han-ay:

A. 2, 4, 6, 8, 10, 12, ,

B. 1, 3, 7, 13, 21, 31, ,

C. 1, 4, 3, 6, 5, 8, 7, ,

D. 10, 11, 6, 8, 4, 7, 4, ,

Kon nagkinahanglan og tabang ang mga estudyante, pwede nimong ipakigbahin ang mosunod nga mga sundanan:

A: +2

B: +2, +4, +6, ug padayon

C: +3, −1, +3, −1

D: +1, −5, +2, −4, +3, −3, ug padayon

Unsa ang pipila ka sitwasyon sa atong kinabuhi diin makatabang tingali ang pag-ila sa mga sundanan?
Nganong importante ang pag-ila sa espirituhanon nga mga sundanan sa atong kinabuhi?

Samtang tun-an nimo karong adlawa ang espirituhanon nga sundanan nga nasinati sa mga Israelinhon diha sa basahon sa Mga Maghuhukom, hunahunaa kon sa unsang paagi kini magamit sa imong kinabuhi. Dapita ang Espiritu Santo nga mas tudloan pa ka bahin sa Langitnong Amahan ug kang Jesukristo samtang imong tun-an kini nga sundanan.

Ang sikulo sa sala ug kaluwasan

Dihang misulod ang mga Israelinhon sa gisaad nga yuta, gisugo sila sa Ginoo nga papahawaon ang daotang mga lumulupyo (tan-awa sa Deuteronomio 7:1–4). Daghang Israelinhon ang mipili nga dili hingpit nga tumanon kini nga sugo. Gipasagdan nila nga magpabilin ang pipila sa daotang mga lumulupyo (tan-awa sa Mga Maghuhukom 1:21, 27–28). Sa Mga Maghuhukom 2–4, atong makat-onan ang espirituhanon nga sundanan, o sikulo, nga nasinatian sa mga Israelinhon kay balikbalik silang misupak sa Langitnong Amahan ug kang Jesukristo.

Ikonsiderar ang pagpakita sa mosunod nga siklo diha sa pisara. Dapita ang mga estudyante sa pagkopya niini diha sa ilang mga journal sa pagtuon.

A diagram depicting the cycle of sin and deliverance in the book of Judges with four sections connected by blue arrows.

Dapita ang mga estudyante sa pagtuon sa mosunod nga mga bersikulo uban sa usa ka pares o gamayng grupo, nga pangitaon ang sundanan sa kinaiya nga nahitabo diha sa mga Israelinhon. Pwede nga ipamubo sa mga estudyante ang kada hugpong sa mga bersikulo gamit ang usa ka pulong o hugpong sa mga pulong. Dayon, pwede nilang isulat ang maong pulong o hugpong sa mga pulong diha sa haom nga kahon sa ilang mga diagram.

1. Mga Maghuhukom 3:5–7 (Timan-i: Ang Baalim mao ang plural sa Baal, usa ka bakak nga dios nga gisimba sa Canaan.

2. Mga Maghuhukom 3:8

3. Mga Maghuhukom 3:9 (unang hugpong sa mga pulong sa bersikulo)

4. Mga Maghuhukom 3:9–11

Human matun-i sa mga estudyante ang mga bersikulo, dapita sila sa pagpakigbahin sa mga pulong o hugpong sa mga pulong nga ilang giapil sa ilang mga diagram. Kon kinahanglan, pwede nimong itanyag ang mosunod nga mga sugyot para sa kada kahon: 1. Sala; 2. Mga sangpotanan; 3. Tuaw ngadto sa Ginoo; 4. Kaluwasan pinaagi sa Ginoo. Aron tabangan ang mga estudyante nga irekord kini nga siklo diha sa ilang mga kasulatan, pwede nimo silang dapiton nga isulat ang pulong o hugpong sa mga pulong gikan sa kada kahon ngadto sa kada hugpong sa mga bersikulo.

Dayon ipakita ang mosunod nga mga instruksiyon. Hatagi og pipila ka minuto ang mga estudyante sa pagtuon sa pipila o sa tanan nga mga kapanguhaan.

Aron makita ang ubang mga pananglitan niini nga siklo sa Mga Maghuhukom 2–4, tun-i ang pipila sa mosunod nga mga kapanguhaan. Samtang imong bantayan ang lainlaing elemento sa siklo, pwede nimo kining butangan og timaan diha sa imong mga kasulatan. (Timan-i: Dili tanang elemento sa siklo ang makita sa kada hugpong sa mga bersikulo.)

Mga Maghuhukom 2:10–18

Mga Maghuhukom 3:12–15, 26–30

Mga Maghuhukom 4:1–4, 14–16

Unsay atong makat-onan bahin sa Langitnong Amahan ug kang Jesukristo gikan niini nga siklo sa Mga Maghuhukom 2–4?

Samtang ipakigbahin sa mga estudyante ang ilang mga tubag sa nag-unang pangutana, ikonsiderar ang pagtudlo ngadto sa ilang mga panglantaw nga nagpakita sa gugma ug mga hiyas sa Dios. Usa ka paagi sa paghimo niini mao ang paghimo og simpleng mga pahayag human makigbahin ang mga estudyante. Pwede kang moingon og, “Salamat sa imong panglantaw bahin sa pagkamaluluy-on nga kinaiya ni Jesukristo” o “Mapasalamaton ko sa imong pahinumdom sa gahom sa Manluluwas nga luwason ta” o “Nganong importante ang pagkahibalo nga ang Langitnong Amahan anaa usab niana nga hiyas nga imong nabantayan sa Manluluwas?” (Alang sa dugang nga pagbansay sa pagtabang sa mga estudyante nga modangop kang Jesukristo, tan-awa ang “Tabangi ang mga Tigkat-on sa Pagpalig-on sa Ilang Relasyon ngadto sa Langitnong Amahan ug kang Jesukristo” diha sa Pagpalambo sa mga Kahanas sa Magtutudlo [2022], 9.)

Ang pipila ka kamatuoran nga madiskobrehan tingali sa mga estudyante bahin sa Ginoo gikan niini nga mga tudling mao ang:

Kon pilion nato nga supakon ang Ginoo, mawala nato ang Iyang paggiya ug proteksiyon sa atong kinabuhi.

Samtang mopili ta sa pagdangop sa Ginoo ug pagtawag sa Iyang ngalan, luwason ta Niya.
Sa imong hunahuna, sa unsang paagi makaapektar sa imong kinabuhi ang pagkasabot niini nga mga kamatuoran?

Ang Tigluwas

Ipasabot nga usa sa mga titulo sa Manluluwas mao ang Tigluwas (tan-awa sa 2 Samuel 22:2). Pwedeng basahon ug itandi sa mga estudyante ang Mosiah 7:33 sa Mga Maghuhukom 3:9. Hangyoa sila sa pagpakigbahin kon sa unsang paagi ang mga indibidwal nga mitabang sa pagluwas sa mga Israelinhon sa basahon sa Mga Maghuhukom nagsimbolo kang Jesukristo.

Aron tabangan ang mga estudyante nga mohunong kadiyot ug gamiton sa personal ang ilang nakat-onan, pwede nimong isulat sa pisara ang “ako” diha sa tunga sa siklo. Dapita ang mga estudyante sa pagpamalandong kon asa sila karon sa siklo. Hangyoa sila sa paghunahuna og mga situwasyon sa ilang mga kinabuhi diin kinahanglan nila ang pagluwas sa Manluluwas.

Si Elder Kyle S. McKay sa Seventy mipamatuod kon sa unsang paagi si Jesukristo mao ang Talagsaong Tigluwas:

11:40

Ako mosaksi nga si Jesukristo ang Talagsaong Tigluwas, ug sa Iyang pangalan, mosaad ko nga kon moduol kamo Kaniya uban sa tinuod ug hingpit nga katuyoan sa kasingkasing, Siya moluwas kaninyo gikan sa tanang hulga nga mopaus-os o moguba sa inyong kinabuhi o kalipay. (“Ang Diha-diha nga Kaayo sa Dios,” Liahona, Mayo 2019, 107)

Unsay imong gihunahuna o gibati samtang imong gipamalandong kini nga pahayag?

Ikonsiderar ang paghatag og panahon sa mga estudyante nga ilista diha sa ilang mga journal o sa pisara ang bisan unsang hulga nga “mopaus-os o moguba sa [ilang] kinabuhi o kalipay.” Kon makatabang, pwedeng tun-an sa mga estudyante ang artikulo nga “Ang Manluluwas Makapalingkawas Kanato” (Jessica Z. Strong, Alang sa Kalig-on sa mga Kabatan-onan, Dis. 2022, 2–4), nga pangitaon ang mga pananglitan.

Tupad sa listahan nga ilang gihimo, pwedeng isulat sa mga estudyante ang ilang mga tubag sa mosunod nga mga pangutana.
Unsa ang pipila ka mga paagi nga maluwas kita sa Manluluwas dihang modangop kita Kaniya?

Tabangi ang mga estudyante nga madiskobrehan ang dugang nga mga paagi nga maluwas kita sa Manluluwas kon modangop kita Kaniya. Pwede nilang hunahunaon ang mga pananglitan sa pagluwas sa Manluluwas diha sa mga kasulatan, sa ilang kinabuhi mismo, o sa kinabuhi sa mga tawo nga ilang nailhan. Pwede nimong dapiton ang mga estudyante sa pagpangita og mga kasulatan nga nagtudlo bahin sa gahom sa Ginoo sa pagluwas, sama sa Alma 36:27–29; 38:5. Pwede usab nilang basahon ang “7 ka Paagi ang Ginoo Makaluwas Kaninyo” (David A. Edwards, Alang sa Kalig-on sa mga Kabatan-onan, Abr. 2022, 18–20).

Dapita ang mga boluntaryo nga mopakigbahin sa ilang mga panglantaw. Pwede pod nimo silang dapiton nga ipasabot kon sa unsang paagi ang paghinumdom niini nga mga pananglitan makapalig-on sa ilang pagtuo ug pagsalig sa Manluluwas.

Ipakita ang pagsabot

Aron tabangan ang mga estudyante nga ipakita ang ilang pagsabot sa papel sa Manluluwas isip Tigluwas, ipakita ang mosunod nga mga instruksiyon. Pwede nilang kompletohon ang kalihokan uban ang kapares o ang gamayng grupo.

Paghimo og senaryo bahin sa usa ka batan-on nga nagkinahanglan sa pagluwas sa Manluluwas gikan sa usa ka partikular nga sitwasyon.
Pagsulat og parapo nga nagpamubo sa imong nakat-onan bahin kon sa unsang paagi ang Manluluwas makaluwas niini nga tawo.

Ikonsiderar ang pagpakompleto sa mga estudyante sa lakang 1 ug dayon ipakigbahin ang ilang senaryo ngadto sa laing pares o grupo. Dayon, pwede nilang kompletohon ang lakang 2 agig tubag sa senaryo sa laing grupo.

Pwede nimong taposon kini nga leksiyon pinaagi sa pagpakigbahin og usa ka kasinatian o pamatuod sa gahom sa Manluluwas sa pagluwas.

Dugang nga mga Kapanguhaan

Unsa ang papel sa mga maghuhukom sa Israel diha sa basahon sa Mga Maghuhukom?

Ang basahon sa Mga Maghuhukom ginganlan alang sa lain-laing mga tigmando, gitawag og “mga maghuhukom” (Mga Maghuhukom 2:16–19), kinsa mao ang importanteng mga tawo sa basahon. Kini nga mga maghuhukom sa kinatibuk-an mga lider sa militar ug mga manggugubat kaysa mga magsasangyaw sa pagkamatarong (tan-awa sa Bible Dictionary, “Judges, the”).

Nganong importante ang regular nga pagdangop sa Ginoo?

Si Elder Dieter F. Uchtdorf sa Korum sa Napulog Duha ka Apostoles mipasabot:

13:44

Ang basahon sa Mga Maghuhukom nagrekord nga human sa kamatayon ni Josue, “ang sunod nga kaliwatan … wala makaila sa Ginoo, o sa mga butang nga gibuhat niya alang sa Israel” [Mga Maghuhukom 2:10].

Bisan pa man sa makapahingangha nga langitnong mga pagpanginlabot, mga pagbisita, mga pagluwas, ug milagrosong mga kadaogan nga nasaksihan sa mga anak sa Israel atol sa tibuok kinabuhi ni Moises ug Josue, sulod sa usa ka henerasyon ang mga tawo misalikway sa Dalan ug misugod sa paglakaw sumala sa ilang kaugalingong mga tinguha. Ug, siyempre, wala kadto magdugay ug nag-antos sila sa mga sangpotanan tungod niana nga kinaiya.

Usahay kining pagbiya sa kamatuoran molungtad og pipila ka henerasyon. Usahay mahitabo kini sa pipila lang ka tuig o gani mga bulan. Apan kitang tanan lagmit nga makasinati niini. Bisan unsa pa kalig-on ang atong miaging espirituhanon nga mga kasinatian, isip mga tawo kita lagmit nga mahisalaag. (“Inadlaw nga Pagpahiuli,” Liahona, Nob. 2021, 78)

Unsaon nako pagkadawat sa pagluwas sa Ginoo?

Si Presidente Henry B. Eyring sa Unang Kapangulohan mitudlo:

Gusto kanunay sa Ginoo nga tultolan kita ngadto sa pagkaluwas pinaagi sa pagkahimo natong mas matarong. Nagkinahanglan kana og paghinulsol. Ug gikinahanglan ang pagpaubos. Mao nga ang pamaagi sa pagkaluwas nagkinahanglan kanunay og pagpaubos aron makahimo ang Ginoo sa pag-agak kanato pinaagi sa kamot kon asa man kita gusto Niyang dad-on latas sa mga kasamok ug ngadto sa pagkabalaan. (“The Power of Deliverance” [debosyonal sa Brigham Young University, Ene. 15, 2008], 4, speeches.byu.edu)

Mga Maghuhukom 4:4. Unsa ang propeta nga babaye?

Usa ka babaye kinsa nakadawat sa pagpamatuod ni Jesus ug nagpahimulos sa espiritu sa pagpadayag. Ang babaye nga propeta wala maghupot sa pagkapari o sa mga yawe niini. Bisan og diyotay lamang nga mga babaye diha sa mga kasulatan nga gitawag og mga babaye nga propeta, daghan ang nanagna, sama nila ni Rebekah, Hannah, Elisabet, ug Maria. (Giya ngadto sa mga Kasulatan, “Propeta nga Babaye,” Librarya sa Ebanghelyo)

Dugang nga mga Kalihokan sa Pagkat-on

Mga pagpili ug mga sangpotanan

Makabenepisyo tingali ang mga estudyante gikan sa pagpakigbahin sa ilang nakat-onan bahin sa mga pagpili ug mga sangpotanan sa sikulo sa sala ug kaluwasan diha sa Basahon sa mga Maghuhukom. Pwede nilang gamiton ang ilang nakat-onan diha sa mga sitwasyon sa tinuod nga kinabuhi. Aron makatabang niini, pwede nimong hatagan ang mga estudyante og mugbo nga mga senaryo nga nagrepresentar sa mga tawo diha sa lainlaing “mga kahon” sa siklo. Ang mosunod mao ang mga pananglitan:

Usa ka batan-on ang nagrebelde batok sa Dios.
Usa ka batan-on ang nanlimbasog sa adiksyon ug sa pagbati nga walay pulos tungod sa mga pagpili nga ilang gihimo.
Usa ka batan-on ang mipili nga mapainubsanong modangop sa Ginoo ug maghinulsol sa kanhing mga sayop.
Maayo ang dagan sa kinabuhi sa usa ka batan-on. Dili perpekto ang ilang kinabuhi, pero mibati sila nga gipanalanginan sa Ginoo sa daghang paagi.

Pwedeng motubag sa senaryo ang mga estudyante pinaagi sa paghatag og tambag nga ila tingaling ihatag sa usa ka tawo nga naa sa maong sitwasyon. Mahimo kang mangutana og sama sa mosunod:

Unsang mga tambag o pasidaan ang imong ihatag niini nga batan-on?
Unsay ipahimo nimo kaniya?
Unsay gusto nimong ipahinumdom kaniya bahin sa Ginoo?

Mga Maghuhukom 4–5. Deborah

Aron tabangan ang mga estudyante nga makita kon sa unsang paagi ang hugot nga pagtuo sa usa ka tawo kang Jesukristo makatabang sa uban nga pilion ang paglihok uban sa hugot nga pagtuo, ikonsiderar ang pagtan-aw sa “Deborah ang Babayeng Propeta” (2:10). Si Deborah maoy usa sa mga maghuhukom nga gigamit sa Ginoo aron luwason ang Israel.

2:9

Dayon, pwedeng ipakigbahin sa mga estudyante ang uban pang pananglitan sa kasulatan, o mga pananglitan sa ilang kinabuhi mismo, sa mga tawo kansang hugot nga pagtuo makapadasig sa mga estudyante nga mosalig sa Ginoo.

Pagserbisyo sa ubang mga dios

Nagkinahanglan tingali og tabang ang mga estudyante sa pagkonektar sa mga pagpili nga gihimo sa mga anak sa Israel ngadto sa ilang kaugalingong kinabuhi. Ikonsiderar ang pagpabasa kanila sa Mga Maghuhukom 2:11–13, 17, 19; 3:7. Tabangi sila nga mailhan nga gibiyaan sa mga anak sa Israel ang Ginoo ug misimba sa ubang mga dios. Pwede tingali nimong ilhon nga sa daghang kultura karon, tingali katingad-an ang paghunahuna sa pagsimba og mga butang. Hinoon, mahitabo ang idolatriya kon ibutang nato sa atong mga kasingkasing ug pagsalig ngadto sa bisan unsang butang nga labaw kay sa Ginoo (tan-awa sa Mga Pagtulun-an sa mga Presidente sa Simbahan: Spencer W. Kimball, 181). Pwede nimong parespareson ang mga estudyante. Pwedeng ilista sa usa ka pares ang “mini nga mga dios sa modernong panahon” nga mahimong sundon sa mga tawo ug mga paagi nga ang pagsunod niining mini nga mga dios nga maoy hinungdan nga biyaan sa mga tawo ang Ginoo. Ang mga pananglitan mahimong maglakip sa mga artista, kwarta, o sikat nga kultura. Ang laing pares mahimong molista sa mga paagi nga atong masunod ang Langitnong Amahan ug ang mga panalangin nga moabot sama sa atong gibuhat. Mahimong ipakigbahin sa managpares ang ilang mga nalista ngadto sa usag usa.