Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Exodo 12–13, Bahin 2: “Buhata Ninyo Kini aron Paghandom Kanako”

“Exodo 12–13, Bahin 2: ‘Buhata Ninyo Kini aron Paghandom Kanako,’” Manwal sa Magtutudlo sa Seminary sa Daang Tugon (2026)

“Exodo 12–13, Bahin 2: ‘Buhata Ninyo Kini aron Paghandom Kanako,’” Manwal sa Magtutudlo sa Seminary sa Daang Tugon

Exodo 7–13: Leksiyon 43

Exodo 12–13, Bahin 2

“Buhata Ninyo Kini aron Paghandom Kanako”

Sa imong hunahuna, nganong importante ang paghinumdom sa Langitnong Amahan ug ni Jesukristo? Aron tabangan ang mga anak sa Israel nga mahinumdom nga giluwas Niya sila gikan sa Ehipto, gipasiugda sa Ginoo ang Kasaulogan sa Pagsaylo. Gihatagan kita og bag-ong paagi ni Jesukristo aron kanunay nato Siya nga hinumdoman dihang Iyang gipasiugda ang ordinansa sa sakramento. Kini nga leksiyon makatabang sa mga estudyante sa paghinumdom sa Manluluwas samtang mangandam ug moapil sila sa ordinansa sa sakramento.

Pagpangandam sa estudyante: Dapita ang mga estudyante nga ipakigbahin ang usa ka butang nga nakatabang nila sa paghinumdom sa Manluluwas sa wala pa, sa panahon, o human sa sakramento. Pwedeng maglakip kina sa paboritong litrato, kasulatan, himno, o kinutlo.

Posibleng mga Kalihokan sa Pagkat-on

Hinumdomi kanunay

Aron tabangan ang mga estudyante nga makaila sa kaimportante sa paghinumdom, pagpakita og litrato o butang nga makatabang nimo nga mahinumdoman ang usa ka butang o usa ka tawo nga importante para nimo. Pwede kining bisan unsang butang sama sa singsing sa kasal, usa ka litrato, o usa ka handomanan. Ipakigbahin og kadiyot kon sa unsang paagi kini nga butang makatabang nimo aron mahinumdoman ang tawo o panghitabo. Dayon dapita ang mga estudyante sa pagtubag sa mosunod nga mga pangutana.

Unsa ang usa ka butang o kinsa ang usa ka tawo nga gusto nimong mahinumdoman sa tibuok nimong kinabuhi? Ngano man?
Unsa ang pipila ka butang nga imong gihimo o nahimo aron matabangan ka nga mahinumdoman kini nga butang o tawo?

Pwede dayon nimong ipakita ang usa ka imahe ni Jesukristo. Dapita ang mga estudyante sa pagtan-aw sa imahe samtang mainampoon silang maghunahuna mahitungod sa Manluluwas. Mahimo dayon nimong ipakita ang mosunod nga mga pangutana aron tubagon sa mga estudyante diha sa ilang mga journal sa pagtuon.

Unsay imong gibati mahitungod sa Manluluwas?
Para nimo, unsay importanteng hinumdoman bahin Niya? Ngano man?

Sa imong pagtuon karon, tinguhaa ang giya sa Espiritu Santo aron tabangan ka nga makahibalo kon unsay imong mahimo aron mahinumdoman ang Manluluwas ug unsay Iyang nabuhat para nimo.

“Kining adlawa mahimong halandomon alang kaninyo”

Sa nag-unang leksiyon, ang “Exodo 12–13, Bahin 1,” gitun-an sa mga estudyante kon giunsa pagluwas sa Ginoo ang mga Israelinhon gikan sa Ehipto. Pwede nimong isulat sa pisara ang pulong nga Pagsaylo. Pwede nimong ipakita ang litrato sa Pagsaylo nga gigamit sa nag-unang leksiyon. Dayon dapita ang mga estudyante nga i-summarize kon unsay ilang nahinumdoman bahin sa milagro sa unang Pagsaylo (tan-aw sa Exodo 12:1–13).

Ikonsiderar ang paggrupo sa mga estudyante nga tinagtulo. Patun-i sa kada estudyante ang usa sa mosunod nga tudling ug dapita sila nga ipakigbahin ang ilang nakat-onan sa ubang sakop sa grupo.

Gisugo sa Ginoo ang Iyang katawhan nga himoon pag-usab ang pagpangaon sa Pagsaylo “sa tanan [nilang] kaliwatan” (Exodo 12:14). Basaha ang mosunod nga mga bersikulo, nga pangitaon ang mga pulong o hugpong sa mga pulong nga nagpakita kon unsay gusto sa Ginoo nga ilang hinumdoman ug buhaton:

Exodo 12:14, 17

Exodo 12:25–27

Exodo 13:3, 8–10

Unsay mahinumdoman sa mga Israelinhon bahin sa Ginoo dihang sila mangandam ug moambit sa pagpangaon sa Pagsaylo?
Sa imong hunahuna, giunsa pagpanalangin sa Ginoo ang mga Israelinhon tungod sa masulondon nga pag-apil sa Kasaulogan sa Pagsaylo?

Ang Pagsaylo ug ang sakramento

Jesus Christ seated at a table with His apostles. The apostles are watching Christ as He breaks bread and offers it to them in remembrance of His body and blood. The painting depicts the institution of the Sacrament at the Last Supper.

Basaha ang Lucas 22:13–15, 19–20, nga pangitaon ang bag-ong ordinansa nga gipasiugda sa Manluluwas.

Sa unsang paagi ang ordinansa sa sakramento parehas sa Pagsaylo? Sa unsang paagi nga kini managlahi?

Ang mosunod nga mga pangutana makatabang sa mga estudyante nga mailhan ang mga kamatuoran nga nahiangay sa ilang kinabuhi. Ang mga pangutana nga parehas niini makatabang sa mga estudyante nga makakita og personal nga kalabotan diha sa mga kasulatan nga ilang gitun-an. Ang ingon nga mga pangutana nagtugot usab sa Langitnong Amahan sa pagtudlo ug pagdasig sa mga estudyante sa personal nga paagi.

Alang sa dugang nga pagbansay sa pagtabang sa mga estudyante nga makakita og kalabotan diha sa mga kasulatan, tan-awa ang “Pagkat-on sa doktrina ni Jesukristo sa imong kaugalingon” diha sa Pagpalambo sa mga Kahanas sa Magtutudlo [2022], 29.
Unsang mga kamatuoran ang atong makat-onan samtang atong ikonsiderar kon nganong gihatag sa Langitnong Amahan ug ni Jesukristo ang mga ordinansa nga sama sa Pagsaylo kaniadto ug ang sakramento karon?

Ang mga estudyante mahimong mopakigbahin og lainlaing mga kamatuoran. Usa ka kamatuoran nga ila tingaling mailhan mao nga Ang Langitnong Amahan ug si Jesukristo naghatag og mga ordinansa nga sama sa Pagsaylo ug ang sakramento aron tabangan ta nga mahinumdoman Sila.

Gipasabot ni Elder Dale G. Renlund sa Korum sa Napulog Duha ka Apostoles ang usa ka rason kon nganong giawhag kita sa Langitnong Amahan ug ni Jesukristo nga hinumdoman Sila:

Ang atong Langitnong Amahan gusto nga kita mahinumdom sa Iyang pagkamaayo … sa impluwensiya niana nga paghinumdom diri kanato. Pinaagi sa pagkonsiderar sa Ilang pagkamabination, milapad ang atong panglantaw ug panabut. Pinaagi sa pagpamalandong sa Ilang kamanggiluy-on, mas mapaubsanon na kita, mainampoon, ug makanunayon. (“Hunahunaa ang Pagkamaayo ug Pagkahalangdon sa Dios,” Liahona, Mayo 2020, 41)

Sa unsang paagi nakaapekto nimo ang paghinumdom sa pagkamaayo sa Dios?

Paghinumdom sa Manluluwas sa wala pa, sa panahon, ug human sa sakramento

Ang mosunod nga kalihokan makatabang sa mga estudyante nga hinumdoman ang Manluluwas sa wala pa, sa panahon, ug human sa sakramento. Pwede kang maghatag og papel ug mga art supply. Dapita ang mga estudyante nga maghimo og parehas og poster, pamphlet, meme, o uban pang pahinumdom sa sakramento. Awhaga ang mga estudyante nga mahimong mamugnaon sa ilang mga disenyo.

Ang mga estudyante mahimong magbilin og luna diha sa likod sa ilang mga papel para sa kataposan sa leksiyon. Sa kataposan sa leksiyon, ang mga estudyante maghimo og mga plano sa pagbuhat og usa ka butang aron mas mahinumdoman ang Manluluwas sa wala pa, sa panahon, o human sa sakramento.

Aron matabangan kang mahinumdom sa pagkamaayo sa Dios samtang ikaw mangandam, moapil, ug mohinumdom sa ordinansa sa sakramento, himoa ang usa o labaw pa sa mosunod:

Ilista ang pipila sa mga simbolismo sa kasaulogan sa Pagsaylo nga imong natun-an. Isulat kon sa unsang paagi kini nga mga simbolismo sa Pagsaylo motabang nimo nga mahinumdoman ang Manluluwas sa dili pa ka moambit sa sakramento.
Basaha ang mga pag-ampo sa sakramento diha sa Doktrina ug mga Pakigsaad 20:77, 79. Ilista ang mga saad nga atong himoon dihang moambit kita sa sakramento. Dayon, ilista ang mga saad sa Ginoo. Pagsulat og mubo nga parapo kon sa unsang paagi ang paghunahuna bahin niini nga mga saad makatabang nimo nga mahinumdom sa Manluluwas panahon sa sakramento.
Ilista ang pipila ka tudling sa kasulatan o pamahayag gikan sa usa ka lider sa Simbahan nga gusto nimong basahon ug pamalandongan panahon sa sakramento. Pagpili og mga tudling o mga pamahayag nga makatabang nimo nga mahinumdom sa Manluluwas.
Pagpili og paborito nga himno sa sakramento. Ilista ang ulohan ug ang duha o tulo ka linya sa himno. Pagpili og mga linya nga makahuloganon nganha kanimo ug makatabang nimo sa paghinumdom sa Manluluwas human sa sakramento.

Pwedeng ipakigbahin sa mga estudyante kon unsay ilang nahimo uban sa ilang kapares, sa grupo, o sa klase. Pwede nimong awhagon ang mga estudyante sa pagdugang og mga ideya nga gipakigbahin sa ubang sakop sa klase.

Paghimo og plano sa paghinumdom sa Manluluwas

Pamalandonga sa hilom kon unsay imong nakat-onan ug gibati karong adlawa. Dapita ang Espiritu Santo sa pagtabang nimo nga ilhon ang usa ka butang nga imong mahimo aron mas mahinumdoman si Jesukristo sa wala pa, sa panahon, ug human sa sakramento.

Dapita ang mga estudyante nga gamiton ang pipila ka luna sa likod sa ilang mga papel sa pagtubag sa mosunod nga pangutana.

Unsang pipila ka piho nga mga butang nga imong mahimo aron mas mahinumdoman ang Manluluwas samtang ikaw mangandam, moapil, ug mamalandong sa sakramento?

Pwedeng ipakigbahin sa pipila ka andam nga mga estudyante kon unsay ilang gibati nga nadasig nga buhaton. Dapita ang mga estudyante nga dad-on ang ilang papel ngadto sa miting sa sakramento aron matabangan sila nga mahinumdoman ang ilang nakat-onan ug gibati. Ikonsiderar ang pagpakigbahin sa imong pagsaksi sa gahom nga pwedeng moabot sa atong kinabuhi samtang mas gihinumdoman nato ang Manluluwas samtang nangandam ug moapil sa sakramento.

Dugang nga mga Kapanguhaan

Exodo 12:17. Sa unsang paagi ang kasaulogan sa Pagsaylo maoy usa ka “tulomanon sa tanang panahon”?

Si Presidente Boyd K. Packer (1924–2015) sa Korum sa Napulog Duha ka Apostoles mipasabot:

Sa Getsemani ug Golgota ang dugo sa Manluluwas gipaagas. Sa nag-unang mga siglo ang Pagsaylo gipaila isip usa ka simbolo ug matang sa mga butang nga moabot. Usa kini ka ordinansa nga pagasundon sa hangtod (tan-awa sa Exodo 12). …

Human sa paglansang sa krus sa Ginoo, ang balaod sa sakripisyo wala na magkinahanglan sa pagpaagas og dugo. … Ang sakripisyo sukad niana mao ang usa ka mapainubsanong kasingkasing ug mahinulsolong espiritu—paghinulsol.

Ug ang Pagsaylo pagahinumduman sa hangtod isip ang sakramento, diin kita nagbag-o sa atong pakigsaad sa bunyag ug sa nag-ambit agi og handumanan sa lawas sa Kordero sa Dios ug sa Iyang dugo, nga gipaagas alang kanato. (“Atonement, Agency, Accountability,” Ensign, May 1988, 72)

Unsay angay nakong buhaton panahon sa sakramento?

Si Brother Milton Camargo, Unang Magtatambag sa Kinatibuk-ang Kapangulohan sa Sunday School, mingon:

Ang pagbag-o sa atong mga pakigsaad atol sa sakramento matag Dominggo usa ka dako nga oportunidad aron sa pagsusi sa atong kaugalingon ug magpunting pag-usab sa atong kinabuhi kang Jesukristo. Pinaagi sa pag-ambit sa sakramento, kita mipahayag nga kita “kanunay mohinumdom kaniya.” Ang pulong kanunay importante kaayo. Kini mopaabot sa impluwensiya sa Manluluwas ngadto sa tanang bahin sa atong kinabuhi. Kita dili mohinumdom lamang Kaniya diha sa simbahan o atol lang sa atong mga pag-ampo sa buntag o sa higayon lang nga kita anaa sa kabalaka ug adunay panginahanglan.

Oo, kita usahay mabalda. Kita makalimot. Kita malipat. Apan ang pagbag-o sa atong mga pakigsaad nagpasabot nga kita gusto nga kanunay makahinumdom sa Manluluwas, nga kita mosulay sa pagbuhat sa ingon sa tibuok semana, ug nga kita mopasalig pag-usab ug magpunting pag-usab Kaniya sa pag-ambit sa sakramento sa sunod semana. (“Magpunting kang Jesukristo,” Liahona, Mayo 2023, 65)

Asa ko makakat-on og dugang bahin sa kasaulogan sa Pagsaylo?

Makabasa ka og dugang bahin sa kasaulogan sa Pagsaylo diha sa “The Passover Supper” (Ensign, Abr. 2014, 74–75).

Dugang nga mga Kalihokan sa Pagkat-on

Alternatibong pagsugod

Dapita ang mga estudyante nga hunahunaon nga nakahibalo sila nga personal nga mobisita si Jesukristo sa sunod nilang miting sa sakramento. Dapita sila nga pamalandongan kon sa unsang paagi ang pagkahibalo nga moadto si Jesus makaimpluwensiya sa paagi sa ilang pagpangandam ug pag-apil sa miting sa sakramento.

Sa imong hunahuna, unsa kahay imong bation dihang motambong ka og miting sa sakramento uban sa Manluluwas nga mitambong?
Unsay imong buhaton nga lahi aron makapangandam alang sa pagsimba? Aron mangandam sa pag-ambit sa sakramento? Unsa ang susamang butang nga imong himoon?
Sa unsang paagi kini nga kasinatian makatabang nimo nga kanunayng hinumdoman si Jesukristo ug ang iyang maulaong sakripisyo dihang motambong ka sa umaabot nga mga miting sa sakramento?

Ang mga himno sa sakramento

Makatabang tingali sa mga estudyante nga masabtan ang kaimportante sa pagkanta sa mga himno sa sakramento isip kabahin sa paghinumdom sa Manluluwas. Pwede nimong pahinumdoman ang mga estudyante nga mikanta si Jesus og himno una miadto sa Tanaman sa Getsemani (tan-awa sa Marcos 14:26).

Gipahinumdoman kita ni Presidente Jeffrey R. Holland sa Korum sa Napulog Duha ka Apostoles:

Ang pagdumala ug pagpasa sa sakramento giunhan og usa ka himno nga kinahanglan natong kantahon tanan. Dili igsapayan kon unsa nga matang sa musika ang tingog nga anaa nato. Ang mga himno sa sakramento susama sa mga pag-ampo—ug ang tanan makahimo sa pag-ampo! …

Importante nga elemento sa atong pagsimba aron mahiusa sa maong liriko ug makapatandog nga mga pagpahayag sa pagpasalamat. (“This Do in Remembrance of Me,” Ensign, Nob. 1995, 68)

Ikonsiderar ang pagdapit sa mga estudyante nga ipakigbahin ang ilang mga kasinatian dihang nagkanta og himno sa sakramento nga nakatabang nila nga mobati ng mas duol sa Langitnong Amahan ug ni Jesukristo.

Pwede nimong dapiton ang mga estudyante nga mopili og paborito nilang himno sa sakramento nga ipakigbahin sa usa ka pares, mas gamayng grupo, o sa klase. Pwedeng mopakigbahin og usa ka paboritong linya gikan sa himno ug kon unsa kini ka makahuloganon kanila. Kon angay, pwede nimong patukaron o kantahon ang usa ka bersikulo gikan sa paboritong mga himno sa sakramento sa pipila ka estudyante. Samtang naminaw o nagkanta ang mga estudyante, pwede nimo silang dapiton nga ilhon ang mga linya gikan sa mga himno nga mipatigbabaw nila.

Mobati sa gahom sa paghinumdom sa Manluluwas

Sa bidyo nga “Nga Sila sa Kanunay Mohinumdom Kaniya” (6:29), mitudlo si Elder Claudio R. M. Costa sa Seventy og mga butang nga mahimo nato aron hinumdoman ang Manluluwas ug dugangan ang gahom sa ordinansa sa sakramento diha sa atong kinabuhi.

6:29

Ang bidyo nga “Makapadasig bisan og Mubo: Kanunayng Hinumdomi nga Giluwas Ka” (2:51), nga gihimo sa BYU Speeches, nagpakigbahin sa istorya sa usa ka tawo nga naluwas ang kinabuhi samtang mikatkat sa bato. Gipakigbahin sa mamumulong kini nga istorya aron sa pagtudlo nga pwede natong makapasidungog gayod sa Manluluwas pinaagi sa paghinumdom Kaniya.