Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Exodo 5–6: Pagbuhat sa Kabubut-on sa Ginoo, Bisan Unsa Pay Resulta

“Exodo 5–6: Pagbuhat sa Kabubut-on sa Ginoo, Bisan Unsa Pay Resulta,” Manwal sa Magtutudlo sa Seminary sa Daang Tugon (2026)

“Exodo 5–6: Pagbuhat sa Kabubut-on sa Ginoo, Bisan Unsa Pay Resulta,” Manwal sa Magtutudlo sa Seminary sa Daang Tugon

Exodo 1–6: Leksiyon 40

Exodo 5–6

Pagbuhat sa Kabubut-on sa Ginoo, Bisan Unsa Pay Resulta

The Old Testament prophet Moses and his brother Aaron standing in the Court of the Pharaoh of Egypt. Moses and Aaron are petitioning for the release of the Israelites from bondage. A guard is standing by the Pharaoh.

Human siya gitawag sa Ginoo sa pagluwas sa Israel gikan sa pagkabihag sa Ehipto, gihangyo ni Moises si Paraon nga buhian ang katawhan sa Ginoo. Midumili ang Paraon ug gidugangan hinuon ang mga palas-anon sa mga Israelinhon. Bisan pa sa tubag ni Paraon, mipadayon si Moises sa pagtuman sa unsay gisugo sa Ginoo kaniya nga buhaton. Kini nga leksiyon makatabang sa mga estudyante nga mailhan nga ang mga saad sa Ginoo makadasig kanila sa pagbuhat sa Iyang kabubut-on, bisan unsa pay resulta nianang tungora.

Pagpangandam sa estudyante: Dapita ang mga estudyante sa pagtambong sa klase nga andam sa pagpakigbahin sa ilang mga tubag sa mosunod nga pangutana: Ang pagsunod ba kang Jesukristo mas nakapasayon o nakapalisod sa imong kinabuhi?

Posibleng mga Kalihokan sa Pagkat-on

Pagsunod kang Jesukristo

Hangyoa ang mga estudyante nga ikonsiderar kon unsaon nila pagtubag kon ang usa ka tawo mangutana nila sa mosunod:

Ang pasunod ba kang Jesukristo mas makapasayon o makapalisod sa imong kinabuhi?

Aron hisgotan kini nga pangutana, pwede nimong isulat ang Mas Sayon ug Mas Lisod isip mga ulohan diha sa pisara ug isulat ang mga rason sa mga estudyante alang sa ilang tubag ilawom sa nahiangay nga ulohan. Ikonsiderar ang pagpasabot sa pipila ka estudyante sa ilang mga tubag.

Gihangyo ni Moises si Paraon nga buhian ang mga Israelinhon

Pwede nimong ipasabot nga sa Exodo 5–7, si Moises ug ang mga Israelinhon tingali naghunahuna kon ang pagsunod sa Manluluwas mas makapasayon o mas makapalisod ba sa kinabuhi. Aron tabangan ang mga estudyante nga masabtan ang konteksto sa Exodo 5–7, ikonsiderar ang pagdapit sa mga sakop sa klase nga ipakigbahin ang unsay ilang nahinumdoman bahin kang Moises ug sa mga anak sa Israel gikan sa Leksiyon 39: “Exodo 2–4.” Kon kinahanglan, dapita ang usa ka estudyante nga basahon ang mosunod nga summary.

Ang mga anak sa Israel naulipon sa mga Ehiptohanon sulod sa daghang henerasyon. Nadungog sa Ginoo ang pagtuaw sa Iyang katawhan ug gitawag si Moises aron luwason sila gikan sa pagkaulipon (tan-awa sa Exodo 3:9–10).

Basaha ang Exodo 5:1–2, nga mangita kon unsay giingon ni Moises ug Aaron kang Paraon gikan sa Ginoo.

Unsay tubag ni Paraon?

Ikonsiderar ang pagsulat diha sa pisara sa tubag ni Paraon: “Kinsa man ang Ginoo?” Pwede nimong pangutan-on ang mga estudyante kon nganong kini nga pangutana importante nga matubag nato sa atong kaugalingon. Ang sunod nga seksiyon sa leksiyon mopasabot niini nga pangutana.

Tungod sa iyang kasuko, mas gilisud-lisod ni Paraon ang mga kinabuhi sa mga Israelinhon pinaagi sa pagdugang sa ilang inadlawng trabahoon (tan-awa sa Exodo 5:6–9). Mireklamo ang mga Israelinhon kang Moises ug Aaron bahin sa ilang nadugangan nga trabahoon (tan-awa sa Exodo 5:20–21).

Kon ikaw si Moises, unsa kahay imong bation?

Basaha ang Exodo 5:22–23, nga maghunahuna kon unsaon nimo pag-summarize kon unsay giingon ni Moises sa Ginoo.

Sa unsang paagi kita makasabot kang Moises diha sa Exodo 5:22–23?

Pwedeng ipakigbahin sa mga estudyante ang ilang gibati dihang dili dayon nila makita ang mga panalangin human gisunod ang Ginoo. Seguroa nga paminawon ang ilang mga tubag ug mga pagbati.

Ipakita ang mosunod nga pagsukod sa kaugalingon, ug dapita ang mga estudyante nga pamalandongan ang ilang mga tubag.

Kompletoha ang mosunod nga kapahayag sa paagi nga labing makapakita sa imong gibati. Pwede kang mopili og sobra sa usa ka tubag:

Dihang dili nako dayon makita ang mga panalangin human sa pagsunod sa Langitnong Amahan ug ni Jesukristo, mobati ko nga …

Kon makabenepisyo ang mga estudyante gikan sa mga pag-aghat niini nga pagsukod sa kaugalingon, pwede nimong isulat ang mosunod nga mga pulong diha sa pisara aron ilang kapilian: napakyas, naglibog, nasuko, nasagmuyo, determinado, malaomon, masaligon, malinawon. Pwede usab nilang idugang kon unsay ilang himoon niini nga mga sitwasyon.

Samtang magpadayon ka sa pagkat-on karon, pangitaa ang mga kamatuoran bahin kang Jesukristo nga makatabang nimo sa pagsunod Kaniya bisan pa og lisod kini ug dili dayon makita ang mga panalangin. Hatagi og pagtagad ang mga impresyon gikan sa Espiritu Santo nga makatabang nimo sa imong personal nga mga kahimtang.

Ang mga saad sa Ginoo

Samtang basahon sa mga estudyante ang mosunod nga mga tudling, ikonsiderar ang pagdapit nila nga markahan ang tanang pamahayag diin ang Ginoo nagpasabot sa Iyang kaugalingon (mga pamahayag nga nagsugod sa Ako, Ko, Kanako, ug Nako). Ang pagmarka sa mga kasulatan makatabang sa mga estudyante nga daling makita ug mahinumdoman ang importanteng mga panglantaw ug kamatuoran nga ilang nakat-onan.

Basaha ang Exodo 6:1–8; 7:1–2, 5, nga mangita kon unsay gitudlo sa Ginoo kang Moises bahin sa Iyang kaugalingon.

Unsay imong nakat-onan bahin sa Ginoo gikan sa Iyang mga saad ngadto kang Moises?

Pwedeng isulat sa mga estudyante ang ilang mga tubag ubos sa “Kinsa man ang Ginoo?” diha sa pisara. Ang mga tubag sa mga estudyante mahimong maglakip sa mosunod nga lista:

Siya ang Labing Gamhanan nga Dios (6:2–3).

Siya mahinumdom ug motuman sa Iyang mga saad (6:3–5).

Misaad Siya nga buhian ang mga Israelinhon gikan sa pagkaulipon (6:6; 7:5), ihatag kanila ang yuta sa Canaan (6:4, 8), ug mahimong ilang Dios (6:7)

Padayong buhata ang kabubut-on sa Ginoo

Hinumdomi kon unsay gibati ni Moises sa nangagi. Basaha ang Exodo 7:6, ug markahi kon unsay gihimo ni Moises ug Aaron human makakat-on gikan sa Ginoo ug makadungog sa Iyang mga saad.

Kon ikaw si Moises, hain sa mga saad sa Ginoo ang makatabang tingali nimo sa pagbalik kang Paraon? Ngano man?
Unsa nga kamatuoran ang atong makat-onan gikan sa kasinatian ni Moises?

Gamit ang kaugalingon nilang mga pulong, pwedeng ilhon sa mga estudyante ang kamatuoran nga sama sa mosunod: Kon motuo kita sa Ginoo ug sa Iyang mga saad, kita makasalig ug makasunod Kaniya bisan kon dili nato dayon makita ang mga resulta.

Aron matabangan ang mga estudyante nga masabtan kon sa unsang paagi kini nga kamatuoran magamit sa mga sitwasyon nga ilang maatubang, ikonsiderar ang pagpakigbahin sa mosunod nga pamahayag. Ang andam nga mga estudyante mahimong mobasa og kusog sa kada parapo ngadto sa klase.

Si Elder D. Todd Christofferson sa Korum sa Napulog Duha ka Apostoles mihatag og importanteng tambag alang kanato samtang maghulat kita sa gisaad nga mga panalangin sa Ginoo:

13:17

Ang uban wala makasabot sa mga saad sa Dios sa pagsabot nga ang pagkamasulundon ngadto Kaniya mosangpot og piho nga mga sangpotanan sa gipiho nga panahon. Sila tingali maghunahuna, “Kon ako makugihong moserbisyo og full-time nga misyon, ang Dios mopanalangin nako og malipayon nga kaminyoon ug mga anak” o “Kon ako maglikay nga maghimo og buluhaton sa eskwelahan atol sa Igpapahulay, ang Dios mopanalangin nako og taas nga mga grado” o “Kon ako mobayad sa ikapulo, ang Dios mopanalangin nako sa trabaho nga akong gusto.” … Kita kinahanglan nga dili maghunahuna sa plano sa Dios nga sama sa cosmic vending machine diin kita (1) mopili sa gitinguha nga panalangin, (2) mosuksok sa gikinahanglan nga gidaghanon sa maayong mga buhat, ug (3) ang gi-order moabot dayon.

Ang Dios motuman gayod sa Iyang mga pakigsaad ug mga saad sa matag usa kanato. Kita dili kinahanglan nga mabalaka niana. Ang makatubos nga gahom ni Jesukristo … makasiguro nga ang Dios makatuman ug motuman sa Iyang mga saad. Importante nga atong tahoron ug sundon ang Iyang mga balaod, apan dili ang tanang panalangin nga pinasikad base sa kamasulundon sa balaod giporma, gidesinyo, ug may tagal sumala sa atong mga gilaoman. Kita maningkamot sa atong labing maayo apan kinahanglan nga itugyan ngadto Kaniya ang pagdumala sa mga panalangin, temporal man o espirituwal. (“Ang Atong Relasyon sa Dios,” Liahona, Mayo 2022, 78)

Unsa ang mipatigbabaw kanimo gikan niini nga pamahayag?

Pahinumdomi ang mga estudyante nga usa ka butang nga atong nakat-onan bahin sa Ginoo mao nga Siya mahinumdom ug motuman sa Iyang mga saad (tan-awa sa Exodo 6:3–5).

Ipasabot nga gituman sa Ginoo ang Iyang mga saad ngadto kang Moises (tan-awa sa Exodo 20:2; Deuteronomio 7:6; 14:2; Josue 24:5–7, 13). Kon naa pay igong panahon, pwede nimong isulat kini nga mga pakisayran diha sa pisara ug ipapangita sa mga estudyante ang katukma nga katumanan niini nga saad.

Sama ra nga gitudloan sa Ginoo si Moises og dugang bahin sa Iyang kaugalingon pinaagi sa pagsubli sa Iyang mga saad, mas mailhan usab nato ang Ginoo pinaagi sa pag-ila sa mga saad nga Iyang gihimo ngari kanato. Ang pagrebyo niini nga mga saad makatabang nato sa pagsunod Niya, bisan pa og dili dayon nato madawat ang mga resulta.

Ilha ang tulo ka saad nga gihimo sa Ginoo nganha kanimo diha sa mga kasulatan o gikan sa bag-ohay lang nga pagtulun-an pinaagi sa Iyang pinili nga mga sulugoon. Mahimo nimong makit-an ang mga saad diha sa:

Mga tudling sa doktrinal nga kahanas o uban pang mga kasulatan.
Alang sa Kalig-on sa mga Kabatan-onan: Usa ka Giya sa Paghimo og mga Pagpili.
Bag-ohay lang nga mga pakigpulong sa kinatibuk-ang komperensiya.

Human ang igong panahon, pwede nimong dapiton ang andam nga mga estudyante nga ipakigbahin ang unsay ilang nakat-onan o gibati samtang ilang gitun-an ang pipila sa mga saad. Awhaga ang mga estudyante nga padayong mosalig sa Ginoo bisan pa sa diha-diha nga resulta.

Dugang nga mga Kapanguhaan

Sa unsang paagi ako mapanalanginan dayon kon wala nako makita ang mga panalangin nga akong gitinguha?

Si Sister Andrea Muñoz Spannaus sa Kinatibuk-ang Kapangulohan sa Young Women mipasabot:

Samtang pilion usab nimo nga maghupot sa hugot nga pagtuo ug paglaom para sa mga panalangin nga imong gitinguha, makita nimo nga kanunay kang giubanan sa Langitnong Amahan ug ni Jesukristo. Kanunay. Makabaton kita og paglaom sa Iyang mga saad bisan kon ang piho nga mga panalangin nga atong gitinguha dili pa maabot. Makapabilin kita nga matinud-anon bisan samtang kita naghulat. (“How Can We Continue to Have Faith When Promised Blessings Don’t Seem to Come?” YA Weekly, Abr. 29, 2022, ChurchofJesusChrist.org)

Unsay akong mahimo kon ang mga panalangin morag dili gihapon moabot bisan sa akong pagkamasulundon?

Si Elder Dale G. Renlund sa Korum sa Napulog Duha ka Apostoles mipakigbahin:

15:10

Kon ang gitinguhang panalangin gikan sa Dios wala madawat—bisan pa—dili kamo angayang mabalaka, nga magalibog unsa pay inyong buhaton. Apan hinoon, mopatalinghog sa tambag ni Joseph Smith nga “magmalipayon sa pagbuhat sa tanang mga butang nga ubos sa [inyong] gahom; ug unya … magmalinawon, uban ang labing dako nga kasiguroan, nga makasaksi sa … [gahom sa Dios] … nga ipadayag” [Doktrina ug mga Pakigsaad 123:17]. Ang ubang panalangin gitagana alang sa umaabot, bisan sa pinakabanggiitang mga anak sa Dios. (“Magmadagayaon [Buhong] sa mga Panalangin,” Liahona, Mayo 2019, 72)

Unsay gikinahanglan aron mahimong sumusunod ni Jesukristo?

Si Presidente Jeffrey R. Holland sa Korum sa Napulog Duha ka Apostoles mipasabot:

13:6

Aron mahimong usa ka sumusunod ni Jesukristo, ang tawo usahay gikinahanglan nga mopas-an og palas-onon … ug moadto kon diin ang sakripisyo gikinahanglan ug ang pag-antos dili kalikayan. Ang tinuod nga Kristiyano dili makasunod sa Agalon ngadto lamang sa mga butang nga iyang ganahan. Dili. Kita mosunod Kaniya bisan asa, lakip na, kon gikinahanglan gayod, ngadto sa mga natad nga puno sa mga luha ug kasamok, diin usahay kita mahimong magbarog sa hilabihan nga pag-inusara. (“Gituboy diha sa Krus,” Liahona, Nob. 2022, 78)

Dugang nga mga Kalihokan sa Pagkat-on

Alternatibong pagsugod

Aron tabangan ang mga estudyante nga makita ang koneksiyon tali sa ilang kinabuhi ug sa Exodo 5–6, ikonsiderar ang pagsugod sa klase uban angpangutana nga sama sa:

Unsa ang pipila ka ehemplo sa makatagbaw dayon o gitinguha pag-ayo nga matang sa mga butang nga imong mahimo sa imong kinabuhi?

Pwede nimong ipakigbahin ang mosunod nga pamahayag gikan ni Presidente Dieter F. Uchtdorf, kanhi sa Unang Kapangulohan.

Nagpuyo kita sa kalibotan nga nagtanyag og fast food, dihadiha nga pagpadala og mensahe, naa dayon nga orihinal nga mga salida, ug dihadiha nga mga tubag sa walay hinungdan kaayo o tulugkaron nga mga pangutana. Kita dili gusto nga maghulat. Ang pipila gani saputon lang dayon kon ang ilang linya diha sa grocery mas hinay nga moirug kaysa niadtong naglibut kanila. (“Ipadayon ang Pagpailub,” Liahona, Mayo 2010, 56)

Sa unsang paagi kini nga paagi sa pagdawat kon unsay atong gusto parehas, o lahi, sa pagdawat og mga panalangin sa Dios?
Unsa ang pipila ka pananglitan sa mga panalangin nga atong gitinguha gikan sa Dios nga dili nato dayon madawat?
Unsay pipila ka paagi nga kita makabenepisyo pinaagi sa dili dayon pagkadawat sa mga panalangin nga atong gitinguha gikan sa Dios?

Ang ehempo sa Manluluwas sa paghimo sa kabubut-on sa Iyang Amahan

Makakat-on ang mga estudyante gikan sa ehemplo sa Manluluwas sa matinud-anong pagsunod sa kabubut-on sa Langitnong Amahan, bisan unsa pa ang resulta. Pwedeng basahon sa mga estudyante ang 3 Nephi 27:13 ug ilhon kon nganong mianhi sa kalibotan ang Manluluwas. Dapita ang mga estudyante nga maghunahuna og mga pananglitan sa kasulatan nga nagpakita nga gihimo sa Manluluwas ang kabubut-on sa Amahan bisan pa sa mubo og tagal nga negatibong mga resulta. Pipila sa posibleng mga pananglitan naglakip sa Marcos 3:1–6; 11:15–18; Lucas 22:41–44; Juan 11:43–53; 1 Nephi 19:9–10.

Pwede nimong dapiton ang mga estudyante nga ipakigbahin kon unsay labing importante nila gikan sa ehemplo sa Manluluwas. Pwede usab nimong hisgotan kon sa unsang paagi makatabang nato ang paghinumdom sa ehemplo sa Manluluwas dihang maglisod ta og tuman sa kabubut-on sa Dios.

Uban pang pananglitan sa pagbuhat sa kabubut-on sa Langitnong Amahan

Kon makabenepisyo ang mga estudyante sa pagtuon sa uban pang mga pananglitan sa mga indibiduwal nga, sama kang Moises, padayong nagmatinud-anon sa kabubut-on sa Ginoo bisan lisod ang paghimo niini, pwede nimong isulat ang mosunod nga mga ngalan (o uban pang ngalan nga imong mahunahunaan) diha sa pisara: Jose sa Ehipto, Nephi, Abinadi, Joseph Smith.

Pwedeng ipakigbahin sa mga estudyante ang ilang nakat-onan gikan niini nga mga indibidwal nga makatabang nila dihang maglisod sila sa pagbuhat sa maayo.

Mga artikulo sa magasin sa Simbahan

Aron matabangan ang mga estudyante nga makita ang modernong mga pananglitan sa mga indibidwal nga matinud-anong nagbuhat sa unsay gisugo sa Ginoo kanila nga buhaton bisan unsa pay dihadiha nga resulta, ikonsiderar ang pagpabasa nila sa usa o duha sa mosunod nga mga artikulo:

“Ang Akong Pakigbisog sa Kabalaka diha sa Simbahan.” Usa ka 17 anyos nga batan-ong babaye ang mipakigbahin sa iyang kasinatian sa pagpadayon sa pagtambong sa simbahan bisan pa sa iyang kabalaka.
“Magpakabuhi ‘Ingon og’ Natuman Na ang mga Saad sa Dios.” Usa ka single adult ang mipakigbahin og tulo ka ideya nga makatabang nato nga matinud-anong mopadayon dihang ang piho nga mga saad wala pa matuman sa atong kinabuhi.