Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Exodo 2–4: “Tabangan ko Ikaw Pagsulti”

“Exodo 2–4: ‘Tabangan ko Ikaw Pagsulti,’” Manwal sa Magtutudlo sa Seminary sa Daang Tugon (2026)

“Exodo 2–4: ‘Tabangan ko Ikaw Pagsulti,’” Manwal sa Magtutudlo sa Seminary sa Daang Tugon

Exodo 1–6: Leksiyon 39

Exodo 2–4

“Tabangan ko Ikaw Pagsulti”

Jesus Christ appearing to the prophet Moses. Mist or a cloud hovers around the figure of the Savior.

Dihang mag-atubang kita og kalisdanan, mahigugmaon kitang giyahan sa Ginoo pinaagi sa Iyang mga propeta. Ilawom sa pagmando sa Paraon, naglisod ang mga anak sa Israel sa pagkabihag ug mituaw sila sa Ginoo. Gidungog sa Ginoo ang ilang mga pagtuaw ug gitawag si Moises isip usa ka propeta sa pagtabang nila. Kini nga leksiyon makatabang sa mga estudyante nga mas hingpit nga maapil ang mga pulong sa Ginoo pinaagi sa Iyang mga propeta diha sa ilang mga kinabuhi.

Pagpangandam sa estudyante: Dapita ang mga estudyante nga rebyohon ang bag-ohay lang nga mga pagtulun-an gikan sa propeta. Dayon dapita sila nga hisgotan sa usa ka sakop sa pamilya o higala kon sa unsang paagi ang pagsunod sa mga pagtulun-an sa propeta nagpanalangin sa ilang kinabuhi.

Posibleng mga Kalihokan sa Pagkat-on

Kang kinsa nga mga tingog ang angayng saligan

Ikonsiderar ang pagsugod sa klase pinaagi sa pagpakigbahin niini nga pahayag ug pagsukna sa mosunod nga mga pangutana.

Si Elder Neil L. Andersen sa Korum sa Napulog Duha ka Apostoles nakaobserbar:

16:4

Nagpuyo kita sa usa ka planeta nga daghang tingog ang nanawagan. Ang internet, ang atong mga smartphone, ang atong labihan ka daghang kapilian nga mga kalingawan nga ang tanan gustong mokuha sa atong pagtagad ug moimpluwensya kanato. (“Ang Propeta sa Dios,” Liahona, Mayo 2018, 26)

Paglista og pipila ka pananglitan sa mga tingog nga imong nakita o nadungog sa milabayng pipila ka adlaw.

Unsay imong namatikdan bahin sa lainlaing tinubdan sa impormasyon?
Sa unsang paagi ang mga pulong sa mga propeta lahi gikan sa ubang tingog?

Ikonsiderar ang pagpakita sa mosunod nga mga pamahayag sa pagsukod sa kaugalingon ug dapita ang mga estudyante nga hunahunaon ang ilang mga tubag.

Alang sa matag usa sa mosunod nga mga pamahayag, i-rate ang imong kaugalingon gamit ang sukdanan gikan sa 1 (dili gayod tinuod) hangtod 5 (tinuod kaayo):

Mas mosalig ko sa mga pulong sa mga propeta ug apostoles kay sa ubang mga tingog o mga impluwensiya.
Masaligon ko sa tambag ug direksiyon nga atong madawat gikan sa mga propeta ug mga apostoles sa Ginoo.
Naningkamot kong tun-an ang mga pulong sa mga propeta ug mga apostoles karon.

Samtang magtuon ang mga estudyante karon, dapita sila nga mamati sa mga impresyon gikan sa Espiritu bahin kon sa unsang paagi mas masunod nila sa hingpit ang tambag sa mga propeta ug apostoles diha sa ilang kinabuhi.

Gitawag sa Ginoo si Moises aron mahimong propeta

Bisan pa og natawo siya nga Israelinhon, gipadako si propeta Moises sa panimalay ni Paraon sa Ehipto. Dihang masuso pa si Moises, gisugo ni Paraon nga patyon ang tanang bag-ong nahimugso nga Israelinhon nga mga batang lalaki (tan-awa sa Exodo 1:22). Aron maluwas si Moises, gitago siya sa iyang inahan sa usa ka bukag ug gibutang kini duol sa sapa. Si Moises nakit-an sa anak nga babaye ni Paraon, kinsa mipadako kaniya isip iyang anak (tan-awa sa Exodo 2:1–10). Sa Ehipto, natudloan pag-ayo si Moises ug “bantogan sa pulong ug sa buhat” (Mga Buhat 7:22).

Sa dihang hamtong na, nakapatay si Moises og usa ka Ehiptohanon samtang gilabanan ang usa sa mga ulipon nga Israelinhon. Miikyas si Moises paingon sa Midian, diin siya nagpuyo uban sa usa ka high priest nga ginganlan og Jetro ug gipangasawa ang iyang anak nga babayeng si Sefora (tan-awa sa Exodo 2:11–21). Samtang nag-atiman og mga karnero sa Midian, adunay kasinatian si Moises uban kang Jehova.

Ipakita ang mosunod nga hulagway. Dapita ang mga estudyante sa paghunahuna nga sila si Moises samtang ilang basahon ang mosunod nga mga bersikulo ug tubagon ang mosunod nga mga pangutana diha sa gagmayng grupo. Dayon pwede nilang ipakigbahin sa klase ang labing mahinungdanon sa unsay ilang nakat-onan.

The Old Testament prophet Moses kneeling before the burning bush on Mount Sinai. Light is emanating from the bush.

Exodo 3:1–6. Unsay imong bation? Ngano man?

Exodo 3:7–14. Hain sa mga pagtulun-an sa Ginoo ang labing makahuloganon o labing makapahupay nganha nimo?

Aron tabangan ang mga estudyante nga makatutok kang Jesukristo samtang ilang tun-an kini nga mga bersikulo, ikonsiderar ang pagpakita og imahe sa Manluluwas diha sa tunga sa pisara. Pwede nimong dapiton ang mga estudyante nga magsulat og mga hugpong sa mga pulong bahin sa Manluluwas sa palibot sa imahe, nga naghulagway pinaagi sa Iyang mga pulong kon unsay atong makat-onan bahin Kaniya ug sa Iyang relasyon kang Moises ug sa mga anak sa Israel. Ang mga pananglitan sa mga panabot mahimong maglakip sa pagtawag ni Jesus kang Moises sa iyang ngalan (bersikulo 4), ang presensiya ni Jesus nakapabalaan sa yuta (bersikulo 5), nakita ni Jesus ang mga kalisdanan ug nadungog ang mga pagtuaw sa Iyang katawhan (bersikulo 7), ug si Jesus misaad nga ubanan si Moises (bersikulo 12).

Kon dili kini hisgotan sa mga estudyante, ipunting ngadto sa ulohan “AKO MAO” (Exodo 3:14). Ipasabot nga naggikan kini sa parehonglintunganay nga pulong nga Jehova, nga mahimong hubaron nga “Siya mao” o “Siya anaa.” Ang ngalan dali ra untang mailhan sa mga Israelinhon. Aron tabangan ang mga estudyante nga masabtan ang kaimportante niini nga ngalan, pwede kang mangutana kon nganong makahuloganon ang pagkahibalo nga ang Ginoo tinuod nga anaa ug kanunay nga anaa.

Human ipakigbahin sa mga estudyante ang ilang mga tubag, pwede nimong ipangutana ang mosunod.

Kon naa ka sa sitwasyon ni Moises, unsa kaha nga mga pangutana o kabalaka ang maanaa kanimo?

Ipasabot nga bisan og mipahayag na ang Ginoo kon kinsa Siya ug kon unsa ang Iyang mga gisaad, nabalaka gihapon si Moises bahin sa iyang buluhaton sa pagluwas ang Israel.

Basaha ang Exodo 4:10–15, nga mangita kon giunsa pagtubag sa Ginoo ang mga kabalaka ni Moises.

Unsay imong nakat-onan sa mga pulong sa mga propeta niini nga mga bersikulo?

Tabangi ang mga estudyante nga mailhan ang kamatuoran nga ang Ginoo namulong sa Iyang mga pulong pinaagi sa Iyang mga propeta.
Sa unsang paagi nga ang pagkahibalo niini nga mga kamatuoran makaapekto sa imong kinabuhi o sa imong mga desisyon?

Hinumdomi ang sinugdanan sa leksiyon ug ang lainlaing mga tingog aron makuha ang atong atensyon. Hunahunaa kon unsay pwede nimong ipakigbahin sa usa ka tawo aron tabangan sila nga mas makasabot nga ang Ginoo mamulong pinaagi sa mga propeta ug nga kinahanglan kitang maminaw sa mga propeta kay sa ubang mga tingog. Pwede nimong iapil ang imong nakat-onan gikan sa Exodo 3 ug ang bisan unsang kasinatian nimo, o sa imong kaila, nga nakatabang nimo sa pagkahibalo nga ang Ginoo mamulong sa Iyang mga pulong pinaagi sa Iyang mga propeta.

Dapita ang mga estudyante nga ipakigbahin kon unsay gusto nilang isulti. Usa ka posible nga follow-up nga pangutana mao ang “Sa unsang paagi kini nga pagsabot nakapanalangin nimo o sa usa ka tawo nga imong kaila?”

Ang paggamit sa mga pulong sa mga propeta sa Ginoo diha sa atong kinabuhi

Unsa ang pipila ka paagi nga atong madungog ug magamit ang mga pulong sa Ginoo, nga gihatag pinaagi sa Iyang mga propeta, diha sa atong mga kinabuhi?

Awhaga ang pipila ka estudyante nga mopakigbahin og mga pananglitan sa paggamit sa mga pagtulun-an sa mga propeta. Kon makatabang, pagpakigbahin og pipila ka ideya nga sama sa:

Paggamit sa piho nga tambag gikan sa bag-ohay lang nga pakigpulong sa kinatibuk-ang komperensiya.
Pagtuon sa mga pulong sa mga propeta kanunay, sama sa pagpaminaw sa usa ka pakigpulong sa kinatibuk-ang komperensiya kada buntag samtang nangandam paingon sa eskwelahan.
Paghimo og plano nga tun-an ang labing bag-o nga mga pakigpulong sa kinatibuk-ang komperensiya sa matag sakop sa Unang Kapangulohan ug Korum sa Napulong Duha ka Apostoles. (Kon naay digital access ang mga estudyante, pwede nilang gamiton ang feature nga Study Plans diha sa Gospel Library nga app.)

Isulat sa imong journal sa pagtuon kon unsaon nimo pagpaminaw ug paggamit ang pulong sa Ginoo pinaagi sa Iyang mga propeta diha sa imong personal nga kinabuhi. Isip kabahin sa imong plano, irekord ang unsay mga babag nga imo tingaling maatubang. Para sa kada babag, isulat kon unsaon nimo kini pagbuntog.

Ipasabot sa mga estudyante nga sila adunay kahigayonan sa umaabot nga leksiyon, Leksiyon 55: “Sukda ang Imong Nakat-onan 3,” aron sa pagsukod kon unsa na ang ilang nahimo sa pagpatuman sa ilang mga plano.

Taposa pinaagi sa pagpakigbahin sa imong pagpamatuod nga ang Ginoo mamulong pinaagi sa Iyang buhi nga mga propeta karon.

Dugang nga mga Kapanguhaan

Unsa pay atong nahibaloan bahin sa titulo nga “AKO MAO”?

Sa iyang mortal nga kinabuhi, gigamit sa Manluluwas kini nga titulo aron ipahibalo sa mga Judeo nga siya si Jehova (tan-awa sa Juan 8:56–59). Gipasabot usab Niya ang Iyang kaugalingon isip “ang Halangdon nga Ako Mao” diha sa Doktrina ug mga Pakigsaad (Doktrina ug mga Pakigsaad 29:1; 38:1; 39:1).

Unsaon nako pagpalig-on sa akong pagpamatuod nga ang mga propeta gitawag sa Dios?

Si Presidente Russell M. Nelson mipahayag:

Ang Ginoo nga si Jesukristo, nga maoy tag-iya niini nga Simbahan, nagtudlo og mga propeta ug apostoles aron ipamulong ang Iyang gugma ug itudlo ang Iyang mga balaod. …

Pangutan-a ang inyong Langitnong Amahan kon tinuoray ba kaming mga apostol ug mga propeta sa Ginoo. Pangutana kon nakadawat ba kami og mga pagpadayag bahin niini ug sa ubang butang. (“The Love and Laws of God” [Brigham Young University devotional, Sep. 17, 2019], 3, 5, speeches.byu.edu)

Si Sister Carol F. McConkie, kanhi sa Kinatibuk-ang Kapangulohan sa Young Women, mitudlo:

Samtang mainampoon kitang mobasa ug magtuon sa propetikanhong pulong uban ang pagtuo diha kang Kristo, sa tinuod nga katuyoan, ang Espiritu Santo mamulong sa kamatuoran sa atong mga hunahuna ug kasingkasing. (“Pagpuyo sumala sa mga Pulong sa mga Propeta,” Liahona, Nob. 2014, 79)

Angay ba kong mosalig kanunay sa mga pulong sa propeta?

Si Elder Neil L. Andersen sa Korum sa Napulog Duha ka Apostoles mipakigbahin:

16:4

Niadtong 1982, duha ka tuig sa wala pa matawag isip General Authority, si Brother Russell M. Nelson miingon: “Wala gyud ko mangutana sa akong kaugalingon, ‘Kanus-a man mamulong ang propeta isip usa ka propeta ug kanus-a man siya mamulong nga dili usa ka propeta?’ Ang akong kinaiya mao, ‘Unsaon man nako aron mas mahisama kaniya?’” Ug midugang siya, “Ang akong [pilosopiya mao] ang paghunong sa pagkwestyon kon ang pamahayag sa propeta doktrina ba o dili ug mag-focus lang sa pagsunod niini” [Russell M. Nelson, sa Lane Johnson, “Russell M. Nelson: A Study in Obedience,” Ensign, Ago. 1982, 24]. Mao kini kon giunsa sa usa ka mapaubsanon ug espiritwal nga tawo pagpili nga mohan-ay sa iyang kinabuhi. Karon, 36 ka tuig ang milabay, siya na ang propeta sa Ginoo. (“Ang Propeta sa Dios,” Liahona, Mayo 2018, 26)

Unsa kaha kon dili ko makasabot sa mga pulong sa propeta?

Si Presidente Henry B. Eyring sa Unang Kapangulohan mipasabot:

15:17

Usahay makadawat kita og tambag nga dili nato masabtan o morag dili mapuslanon ngari kanato nato, bisan human sa mainampingong pag-ampo ug paghunahuna. Ayaw ibalewala ang tambag, apan hupti kini pag-ayo. Kon ang usa ka tawo nga imong gisaligan mihatag kanimo og daw balas lamang uban ang saad nga kini adunay bulawan, maalamon tingali nga gunitan nimo kini diha sa imong kamot sa makadiyot, uyogon kini sa hinay. Sa matag higayon nga akong gibuhat kana uban sa tambag gikan sa usa ka propeta, human sa usa ka panahon ang bulawan nga mga tipik nagsugod sa pagpakita ug mapasalamaton ako. (“Finding Safety in Counsel,” Ensign, May 1997, 26)

Dugang nga mga Kalihokan sa Pagkat-on

Si Moises isip usa ka sama kang Kristo

Aron tabangan ang mga estudyante nga masabtan nga si Moises maoy usa ka sama o simbolo ni Kristo, pwede nimo silang dapiton nga itandi ang pagkaparehas tali sa Exodo 2 ug Mateo 2:13–16. Pwedeng ipasabot sa mga estudyante ang mga pagkaparehas nga sama sa:

Isip mga bata, si Moises ug si Jesus nailawom sa usa ka mando sa hari nga patyon ang Israelinhong mga bata.
Aron maluwas sa mando sa hari, si Jesus gidala ni Jose ug Maria ngadto sa Ehipto, ug si Moises gipadako sa panimalay sa usa ka Ehiptohanon.
Si Moises ug si Jesus gipadako aron luwason ang katawhan sa Dios gikan sa pagkaulipon.

Dayon pwede nimong pangutan-on ang mga estudyante kon sa unsang paagi kini nga mga pagkapareha nagtudlo ug nagpamatuod kang Jesukristo.

Pagsanong sa usa ka propeta

Aron tabangan ang mga estudyante nga masabtan kon unsaon nato pagsanong sa usa ka propeta, dapita sila nga basahon ang Exodo 4:29–31, nga mangita kon giunsa pagsanong sa mga Israelinhon kang Moises. Pwede usab nimong ipakigbahin ang mosunod nga pamahayag ni Presidente M. Russell Ballard (1928–2023) sa Korum sa Napulog Duha ka Apostoles:

Kon makadungog kita sa tambag sa Ginoo nga gipahayag pinaagi sa mga pulong sa Presidente sa Simbahan, ang atong pagsanong kinahanglan nga positibo ug dili langayon. (“His Word Ye Shall Receive,” Ensign, May 2001, 65)

Hisgoti kon unsay atong makat-onan gikan sa pagsanong sa katawhan ug sa pamahayag ni Presidente Ballard. Pangayo og mga pananglitan sa positibo ug dali nga pagsanong ug hisgoti kon nganong kadto nga mga pagpili makahimo og kalainan.

Tun-i ang mga kalihokan sa paggamit sa mga pulong sa mga propeta

Ania ang pipila ka paagi nga makapraktis ang mga estudyante sa paggamit sa mga pulong sa mga propeta diha sa ilang kinabuhi. Alang sa unang kalihokan, pwedeng tun-an sa digital nga paagi sa mga estudyante ang mga pulong sa mga propeta, o pwede kang mohatag og mga kopya sa mga edisyon sa kinatibuk-ang komperensiya sa Liahona o iprinta ang bag-ohay nga mga mensahe.

Dapita ang mga estudyante nga pangitaon ang kasamtangang mga mensahe gikan sa propeta ug mga apostoles (gikan sa mga post sa social media, mga pakigpulong sa kinatibuk-ang mga komperensiya, o uban pang mga pagtulun-an). Hangyoa ang mga estudyante nga pangitaon ang mga hugpong sa mga pulong nga makahuloganon para nila. Dapita sila sa pagsulat niini nga mga hugpong sa mga pulong diha sa pisara.
Pagpili og mga parapo o mga pagtulun-an gikan sa pipila sa labing bag-o nga mga pakigpulong sa propeta. Pagpili og mga kinutlo nga para nimo labing angay para sa imong mga estudyante. Andama kini nga mga kinutlo diha sa usa ka handout ug dapita ang mga estudyante nga tun-an ang mga kinutlo nga mora og ang Ginoo mismo ang direktang nakig-istorya nila. Pwede nilang markahan kon unsay ganahan kaayo nila.