« លោកុប្បត្តិ ២៩–៣៣ ៖ ‹ ទុកឲ្យព្រះឈ្នះ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« លោកុប្បត្តិ ២៩–៣៣ ៖ ‹ ទុកឲ្យព្រះឈ្នះ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ២៤–៣៣ ៖ មេរៀនទី ៣២
លោកុប្បត្តិ ២៩–៣៣
« ទុកឲ្យព្រះឈ្នះ »
ព្យាការីយ៉ាកុបជាគំរូមួយនៃការទុកឲ្យព្រះឈ្នះនៅក្នុងជីវិតរបស់គាត់ ។ គាត់បានខិតខំយ៉ាងខ្លាំង ដើម្បីរៀបអាពាហ៍ពិពាហ៍នៅក្នុងសេចក្ដីសញ្ញា ទទួលបានពរជ័យពីព្រះអម្ចាស់ក្នុងកិច្ចការប្រចាំថ្ងៃរបស់គាត់ និងធ្វើអ្វីដែលព្រះបានបង្គាប់ឲ្យគាត់ធ្វើ ដើម្បីផ្សះផ្សាទំនាក់ទំនងគ្រួសាររបស់គាត់ ។ មេរៀននេះអាចជួយសិស្សបង្កើនឆន្ទៈរបស់ពួកគេ ដើម្បីទុកឲ្យព្រះឈ្នះនៅក្នុងជីវិតរបស់ពួកគេ ។
ការរៀបចំសិស្ស ៖ សូមពិចារណាអញ្ជើញសិស្សឲ្យរាយបញ្ជីនូវរបៀបដែលព្រះជាឥទ្ធិពលក្នុងជីវិតរបស់ពួកគេ ។ ប្រសិនបើសិស្សចង់រៀនបន្ថែមលើប្រធានបទនេះ នោះពួកគេអាចស្តាប់ មើល ឬអានផ្នែកនានានៃសុន្ទរកថារបស់ប្រធាន រ័សុល អិម ណិលសុន « ទុកឲ្យព្រះឈ្នះ » ( ១៨:៥១ ) ។
វីដេអូ ៖ « ទុកឲ្យព្រះឈ្នះ » ( ១៨:៥១ ) ចាប់ពីនាទីទី ១២:១៨ ដល់ ១៣:០២ « Jacob and His Family » ( ៣:០០ )
សកម្មភាពរៀនសូត្រដែលអាចមាន
ឥទ្ធិពលទាំងឡាយនៅក្នុងជីវិតរបស់យើង
សូមពិចារណាអញ្ជើញសិស្សឲ្យធ្វើបញ្ជីមួយនៅក្នុងសៀវភៅកំណត់ហេតុការសិក្សារបស់ពួកគេនូវឥទ្ធិពលមួយចំនួននៅក្នុងជីវិតរបស់ពួកគេ ។ ពួកគេអាចរួមបញ្ចូលមិត្តភក្តិ គ្រូបង្រៀន ទីប្រឹក្សា បុគ្គលនៅលើប្រព័ន្ធផ្សព្វផ្សាយ ឪពុកម្តាយ ព្យាការី ព្រះអម្ចាស់ និងសូម្បីតែគំនិត និងមហិច្ឆតារបស់ពួកគេផ្ទាល់ក៏ដោយ ។
បន្ទាប់មក សូមអញ្ជើញពួកគេឲ្យត្រិះរិះពិចារណាចាត់ចំណាត់ថ្នាក់ឥទ្ធិពលធាតុនីមួយៗដែលមានក្នុងបញ្ជីនេះ ។ សិស្សអាចដាក់លេខ ១ ចំពោះឥទ្ធិពលខ្លាំងបំផុតក្នុងជីវិតរបស់ពួកគេ រួចលេខ ២ ជាដើម ។ ឬសិស្សអាចសរសេរពាក្យដូចជា « ខ្ពស់ » « មធ្យម » ឬ « ទាប » ដើម្បីបង្ហាញពីកម្រិតឥទ្ធិពលសម្រាប់ធាតុនីមួយៗ ។
មុនពេលពួកគេអានប្រយោគខាងក្រោម វាអាចមានប្រយោជន៍ក្នុងការពន្យល់ថា ការទុកឲ្យព្រះឈ្នះ គឺការអនុញ្ញាតឲ្យទ្រង់មានឥទ្ធិពលធំបំផុតនៅក្នុងជីវិតរបស់យើង ។
សូមអានសំណួរដ៏បំផុសគំនិតដូចខាងក្រោមនេះដោយប្រធាន រ័សុល អិម ណិលសុន ។ សូមពិចារណាអំពីរបៀបដែលបងប្អូននឹងឆ្លើយសំណួរទាំងនេះ ។
តើបងប្អូនស្ម័គ្រចិត្តទុកឲ្យព្រះឈ្នះនៅក្នុងជីវិតរបស់បងប្អូនដែរឬទេ ? តើបងប្អូនស្ម័គ្រចិត្តទុកឲ្យព្រះមានឥទ្ធិពលដ៏ខ្លាំងបំផុតនៅក្នុងជីវិតរបស់បងប្អូនដែរឬទេ ? តើបងប្អូននឹងអនុញ្ញាតឲ្យព្រះបន្ទូលទ្រង់ ព្រះបញ្ញត្តិរបស់ទ្រង់ និងសេចក្តីសញ្ញារបស់ទ្រង់មានឥទ្ធិពលលើអ្វីដែលបងប្អូនធ្វើរាល់ថ្ងៃដែរឬទេ ? តើបងប្អូននឹងអនុញ្ញាតឲ្យព្រះសូរសៀងរបស់ទ្រង់មានអាទិភាពលើសសំឡេងអ្នកដទៃដែរឬទេ ? តើបងប្អូនស្ម័គ្រចិត្តទុកឲ្យអ្វីក៏ដោយដែលទ្រង់ចង់ឲ្យបងប្អូនធ្វើ មានអាទិភាពជាងមហិច្ឆិតាផ្សេងទៀតទាំងអស់ដែរឬទេ ? តើបងប្អូនស្ម័គ្រចិត្តដើម្បីទុកឲ្យព្រះទ័យទ្រង់គ្របដណ្តប់លើចិត្តរបស់បងប្អូនដែរឬទេ ? ( « Let God Prevail » លីអាហូណា ខែវិច្ឆិកា ឆ្នាំ២០២០ ទំព័រ ៩៤ ) ។
សូមឲ្យសិស្សសរសេរចម្លើយរបស់ពួកគេចំពោះសំណួរទាំងនេះចូលក្នុងសៀវភៅកំណត់ហេតុការសិក្សារបស់ពួកគេ ។ ទាំងនេះអាចដាក់បញ្ចូលរបៀបដែលពួកគេស្ម័គ្រចិត្តទុកឲ្យព្រះឈ្នះ ឬមានឥទ្ធិពលធំបំផុតក្នុងជីវិតរបស់ពួកគេ ។ ពួកគេក៏អាចរួមបញ្ចូលវិធីដែលពួកគេមិនស្ម័គ្រចិត្ត និងហេតុអ្វីបានជាវាពិបាកសម្រាប់ពួកគេបានផងដែរ ។
សូមស្វែងរកការណែនាំពីព្រះវិញ្ញាណបរិសុទ្ធដើម្បីទទួលបាននូវការយល់ដឹង និងជំនួយដោះស្រាយរាល់កង្វល់ ឬការលំបាករបស់អ្នក និងដើម្បីជួយអ្នកទទួលអារម្មណ៍ថា កាន់តែមានបំណងប្រាថ្នាចង់ទុកឲ្យទ្រង់ឈ្នះកាន់តែច្រើនឡើងនៅក្នុងជីវិតរបស់អ្នក ។
គំរូរបស់យ៉ាកុប
មានគ្រាមួយ យ៉ាកុប « ភ័យខ្លាចជាខ្លាំង និងមានសេចក្តីថប់ព្រួយក្នុងទ្រូង » ( លោកុប្បត្តិ ៣២:៧ ) ដោយព្រួយបារម្ភចំពោះសុវត្ថិភាពរបស់គាត់ និងក្រុមគ្រួសាររបស់គាត់ ។ គាត់បាន « បោកចំបាប់ » ( លោកុប្បត្តិ ៣២:២៥ ) ពេញមួយយប់ ដោយបានតាំងចិត្តដើម្បីទទួលបានពរជ័យពីព្រះអម្ចាស់ សម្រាប់ស្ថានភាពលំបាកដែលគាត់បានជួបប្រទះ ។ ( អ្នកនឹងសិក្សាបន្ថែមទៀតអំពីស្ថានភាពនេះនៅពេលក្រោយក្នុងមេរៀននេះ ) ។ ជាការឆ្លើយតប ព្រះអម្ចាស់បានសន្យាថានឹងជួយយ៉ាកុប ប៉ុន្តែទ្រង់ក៏បានប្តូរឈ្មោះរបស់យ៉ាកុបផងដែរ ។
សូមអាន លោកុប្បត្តិ ៣២:២៨ ហើយគូសចំណាំពីអ្វីដែលព្រះអម្ចាស់បានប្តូរឈ្មោះយ៉ាកុបទៅ និងមូលហេតុអ្វី ។
សូមពិចារណាអញ្ជើញសិស្សឲ្យកត់ចំណាំនៅក្នុងព្រះគម្ពីររបស់ពួកគេថា អត្ថន័យមួយនៃឈ្មោះ អ៊ីស្រាអែល គឺ « ទុកឲ្យព្រះឈ្នះ » ( footnote 28b សូមមើល Bible Dictionary « Israel » )
មេរៀននេះផ្ដោតសំខាន់លើផ្នែកបីនៃជីវិតរបស់យ៉ាកុប ឬរបស់អ៊ីស្រាអែល ដែលគាត់ទុកឲ្យព្រះឈ្នះ ។ ពេលអ្នកសិក្សា សូមរកមើលឧទាហរណ៍នៃគោលការណ៍ខាងក្រោមនេះ ៖ ពេលយើងស្ម័គ្រចិត្តទុកឲ្យព្រះឈ្នះក្នុងជីវិតរបស់យើង នោះទ្រង់នឹងប្រទានពរដល់យើងក្នុងគ្រប់ការណ៍ទាំងអស់ ។
សូមរៀបចំសំណៅមេរៀនដូចខាងក្រោម ហើយធ្វើសកម្មភាពមួយក្នុងចំណោមសកម្មភាពដូចខាងក្រោម ៖
-
សូមផ្តល់សំណៅមេរៀនទាំងនេះដល់សិស្សបីនាក់ ឬក្រុមសិស្សមុនម៉ោង ហើយអញ្ជើញពួកគេឲ្យដឹកនាំថ្នាក់រៀនតាមរយៈឯកសារទាំងនោះ ។
-
សូមអញ្ជើញសិស្សឲ្យបំពេញសកម្មភាពទាំងបីជាក្រុមតូចៗ ។
-
សូមផ្តល់ទិដ្ឋភាពទូទៅជាមូលដ្ឋាននៃសំណៅមេរៀនទាំងបីនេះដល់សិស្ស ហើយអនុញ្ញាតឲ្យសិស្សជ្រើសរើសមួយ ឬពីរ ដើម្បីសិក្សា ។ របៀបមួយដើម្បីផ្តល់ទិដ្ឋភាពទូទៅគឺ សូមមើលវីដេអូ « Jacob and His Family » ( ៣:០០ ) ។
ប្រសិនបើសិស្សបានសិក្សាផ្នែកទាំងបីនេះជាក្រុមហើយ សូមអញ្ជើញពួកគេឲ្យចែកចាយនូវអ្វីដែលពួកគេបានរៀន និងថាតើវាអាចនឹងមានអត្ថន័យយ៉ាងដូចម្ដេចចំពោះពួកគេ ។ ប្រសិនបើពួកគេមិនបានលើកឡើងដោយឯកឯងទេ សូមសួរអំពីអ្វីដែលពួកគេបានរៀនអំពីព្រះអម្ចាស់ ។
សូមពិចារណាសុំឲ្យសិស្សចែកចាយឧទាហរណ៍ផ្សេងទៀតដែលពួកគេបានឃើញ អំពីបុគ្គលដែលទុកឲ្យព្រះឈ្នះក្នុងជីវិតរបស់ពួកគេ ។
ការទុកឲ្យព្រះឈ្នះនៅក្នុងជីវិតរបស់អ្នក
សូមចំណាយពេលបន្តិច ដើម្បីត្រិះរិះពិចារណាអំពីអ្វីដែលអ្នកបានរៀន ឬចង់ចងចាំចេញពីមេរៀននេះ ។ សូមស្វែងរកការណែនាំពីព្រះវិញ្ញាណបរិសុទ្ធ នៅពេលអ្នកបន្ថែមគំនិតរបស់អ្នកទៅក្នុងសៀវភៅកំណត់ហេតុរបស់អ្នក តាំងពីដើមមេរៀនមក ។ សូមដាក់បញ្ចូលហេតុផលដែលអ្នកអាចចង់ឲ្យព្រះឈ្នះនៅក្នុងជីវិតរបស់អ្នក ។ អ្នកក៏អាចបញ្ចូលនូវអ្វីដែលអ្នកមានអារម្មណ៍ថា អ្នកអាចធ្វើបាន ដើម្បីបង្កើនសេចក្ដីប្រាថ្នារបស់អ្នក ក្នុងការទុកឲ្យព្រះឈ្នះនៅក្នុងជីវិតរបស់អ្នក ។
បើវាមិនមែនជារឿងផ្ទាល់ខ្លួនពេកទេ សូមអញ្ជើញសិស្សឲ្យចែកចាយគំនិតរបស់ពួកគេ ។ សូមពិចារណាចែកចាយគំនិត និងទីបន្ទាល់របស់អ្នកផងដែរ ។