Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծնունդ 12, 17. Աբրահամյան ուխտը

«Ծնունդ 12, 17. Աբրահամյան ուխտը», Հին Կտակարան․ Սեմինարիայի ուսուցչի ձեռնարկ (2026)

«Աբրահամ 12, 17. Աբրահամյան ուխտը», Հին Կտակարան․ Սեմինարիայի ուսուցչի ձեռնարկ

Ծնունդ 12–17, Աբրահամ 1–2․ Դաս 23

Ծնունդ 12, 17

Աբրահամյան ուխտը

The Old Testament prophet Abraham kneeling in prayer on the plains of Mamre. Abraham's wife, Sarah, is standing in the doorway of a tent in the background. Sarah is watching Abraham. There is desert scenery in the background.

Տերն ու Աբրահամը ուխտ կապեցին, որն այժմ հայտնի է որպես Աբրահամյան ուխտ: Երբ մենք այսօր Աստծո հետ ուխտեր ենք կապում և պահում, կարող ենք Նրանից ստանալ նույն օրհնությունները, ինչ ստացել է Աբրահամը: Այս դասը կօգնի ուսանողներին բացատրել Աբրահամյան ուխտը և ինչպես է այն առնչվում իրենց հետ:

Ուսանողի նախապատրաստում․ ուսանողներին առաջարկեք որոնել «Աբրահամյան ուխտը» Gospel Library հավելվածում կամ Սուրբ գրքերի ուղեցույցում, կամ «Աբրահամյան ուխտը» Աստվածաշնչի բառարանում և կիսվել իրենց գտածով:

Հնարավոր ուսումնական վարժություններ

Աբրահամյան ուխտը

Ուսանողներին առաջարկեք պատկերացնել, որ հաղորդության ժողովի ժամանակ իրենց խնդրել են ելույթ ունենալ Աբրահամյան ուխտի մասին: Որպեսզի օգնեք ուսանողներին գնահատել, թե որքանով են իրենք պատրաստ անել դա, առաջարկեք նրանց գրել և պատասխանել հետևյալ հարցերին իրենց օրագրերում:

Ի՞նչ է Աբրահամյան ուխտը:
Ինչպե՞ս կարող եմ ստանալ Աբրահամյան ուխտը:
Ի՞նչ նշանակություն ունի ինձ համար Աբրահամյան ուխտը։

Վստահեցրեք ուսանողներին, որ սարսափելի չէ, եթե իրենք շատ բան չգիտեն Աբրահամյան ուխտի մասին: Հայտնեք նրանց, որ դասի ընթացքում կարող են ավելացնել իրենց պատասխանները: Խրախուսեք նրանց Սուրբ Հոգուց խնդրել ճշմարտացիության վերաբերյալ իրենց սովորածի հաստատումը:

Նշում. Այս դասը կենտրոնանում է այն բանի վրա, թե որոնք են Աբրահամյան ուխտի օրհնությունները, և ինչու են դրանք կարևոր մեզ համար: Դաս 24. «Աբրահամ 2.9–11»․ կենտրոնացած է Աբրահամյան ուխտի մեր պարտականությունների վրա:

Ի՞նչ է Աբրահամյան ուխտը:

Հիշեք, որ Աբրահամը ցանկանում էր «հայրերի օրհնությունները» և լինել «արդարության հետևորդը» (Աբրահամ 1.2): Տերը խոստացավ դնել Իր անունն Աբրահամի վրա և նրան քահանայություն տալ (տես Աբրահամ 1.18):

Կարող եք գրատախտակին գծել հետևյալ աղյուսակը: Ուսանողներին առաջարկեք ուսումնասիրել առաջին սյունակի հատվածները և գրատախտակին՝ համապատասխան հատվածների կողքին գրել իրենց գտած օրհնությունները: Նրանք դասի ընթացքում կուսումնասիրեն երկրորդ սյունակի հատվածները:

Աբրահամին խոստացված Տիրոջ օրհնությունները

Ինձ խոստացված Տիրոջ օրհնությունները

Ծնունդ 12․2, 17․1–2, 4–6

Ծնունդ 12․3, 17․7

Ծնունդ 12․7, 17․8

Աբրահամ 2․11

Վարդապետություն և Ուխտեր 132․19–22, 30–31

Աբրահամ 2․9–11

Վարդապետություն և Ուխտեր 88․18–20

Վարդապետություն և Ուխտեր 84․33–38

Կարդացեք Ծնունդ 12.2–3, 7, 17․1–8, Աբրահամ 2.11 հատվածները՝ փնտրելով այն օրհնությունները, որոնք Աստված շնորհել է Աբրահամին:

Երբ ուսանողները կարդում են սուրբ գրությունները, կարող եք շրջել սենյակով: Ավելի հավանական է, որ ուսանողներից մի քանիսը հարցեր կտան, երբ ուսուցիչը կմոտենա իրենց, ուստի շրջեք դասարանով ուսանողների կարդալու ժամանակ։ Նրանց համար հեշտ կլինի ձեզանից օգնություն խնդրելը: Երբ ուսանողներն ավարտեն, առաջարկեք նրանց կիսվել իրենց գտածով։

Ի՞նչ գտաք:
Այդ խոստումներն ի՞նչ են ուսուցանում ձեզ Աստծո մասին:

Ուսանողները կարող են գտնել ստորև բերված որոշ օրհնությունները.

Ծնունդ 12․2, 17․1–2, 4–6՝ բազում ազգերի հայր, անչափ բազմացած, խիստ շատ աճ[ած] (եբրայերենում Աբրամ անունը նշանակում է «բարձրյալ հայր», իսկ Աբրահամ անունը նշանակում է «շատերի հայր»):
Ծնունդ 12․3, 17․7՝ երկրի բոլոր ընտանիքները պիտի օրհնվեն նրա սերնդի միջոցով. Աստծո ուխտը շարունակվելու է Աբրահամի հետնորդների հետ
Ծնունդ 12․7, 17․8՝ Քանանի երկիր
Աբրահամ 2.11՝ քահանայություն

Ուսանողները կարող են նաև բացահայտել «թագավորներ դուրս կգան» արտահայտությունը (Ծնունդ 17.6): Խոսքն այն թագավորների մասին է, որոնք կառավարելու են թե Իսրայելը, թե Հուդան. սակայն ավելի կարևոր է հասկանալ, որ այն վերաբերում է Հիսուս Քրիստոսին (տես Մատթեոս 1.1, Հայտնություն 19.16):

Կարող եք նշել, որ Աստծո կնքած ուխտն Աբրահամի հետ հայտնի է որպես Աբրահամյան ուխտ: Բացատրեք, որ Աստված իր մեծագույն օրհնություններն է տալիս Իր զավակներին: Աստված Աբրահամի հետ կապած այս ուխտը մի քանի անգամ վերահաստատեց նրա կյանքի ընթացքում (տես Ծնունդ 13.14–17, 15.5, 18, 22.15–18, Աբրահամ 2.8–12, 3.14):

Ինչպե՞ս կարող եմ ստանալ Աբրահամյան ուխտը:

Կիսվեք Նախագահ Նելսոնի հետևյալ խոսքերով, որպեսզի օգնեք ուսանողներին տեսնել, թե Աբրահամյան ուխտն ինչպես է առնչվում իրենց հետ (տես նաև Գաղատացիներին 3.27–29, Աբրահամ 2.10):

Նախագահ Ռասսել Մ. Նելսոնն ուսուցանել է, թե մեզանից յուրաքանչյուրն ինչպես կարող է ստանալ այս նույն օրհնությունները, որոնք Աստված խոստացել է Աբրահամին.

Երբ մենք ընդունում ենք ավետարանը և մկրտվում ենք, մեզ վրա ենք վերցնում Հիսուս Քրիստոսի սուրբ անունը: Մկրտությունն այն դուռն է, որով անցնելիս մենք դառնում ենք բոլոր այն խոստումների ժառանգորդը, որոնք Տերը հնում տվել էր Աբրահամին, Իսահակին, Հակոբին և նրանց սերունդներին։

«Նոր և հավիտենական ուխտը» (Վարդապետություն և Ուխտեր 132․6) և Աբրահամյան ուխտն ըստ էության նույնն են. երկու եղանակ՝ արտահայտելու այն ուխտը, որն Աստված կապեց մահկանացու տղամարդկանց և կանանց հետ տարբեր ժամանակներում: …

… [Դ]ուք և ես մկրտության ժամանակ անհատապես կանգնել ենք ուխտի ճանապարհին։ Ապա, տաճարում ավելի լիարժեք ենք կանգնել այդ ճանապարհի վրա։ Աբրահամյան ուխտի օրհնությունները տրվում են սուրբ տաճարներում։ Այդ օրհնությունները մեզ թույլ են տալիս հարություն առնելուց հետո «ժառանգել գահեր, արքայություններ, իշխանություններ, զորություններ, տիրապետություններ, բոլոր բարձրությունները և խորությունները, դեպի մեր «վեհացումը և փառքը բոլոր բաներում» [Վարդապետություն և Ուխտեր 132․19]»։ («Հավիտենական ուխտը», Լիահոնա, հոկտ. 2022, 4, 6)

Ինչպե՞ս կամփոփեիք այն, ինչ մենք կարող ենք սովորել Նախագահ Նելսոնից Աբրահամյան օրհնությունների մասին:

Օգնեք ուսանողներին նշել հետևյալ ճշմարտությունը. երբ մենք ուխտեր ենք կապում Աստծո հետ և պահում դրանք, դառնում ենք Աբրահամին տրված օրհնությունների ժառանգորդները:

Ի՞նչ նշանակություն ունի ինձ համար Աբրահամյան ուխտը։

Ուսանողներին առաջարկեք ուսումնասիրել երկրորդ սյունակի հատվածները և իրենց օրագրերում գրել, թե ինչպես են Աբրահամին խոստացված օրհնությունները խոստացվել նաև իրենց: Ուսանողների համար օգտակար կլինի ուսումնասիրել այս հատվածները զույգերով կամ փոքր խմբերով:

Ուսանողները կարող են գտնել ստորև բերված որոշ օրհնությունները.

Վարդապետություն և Ուխտեր 132.19–22, 30–31՝ հավերժական ընտանիքներ («սերունդների շարունակություն» և «կյանքի շարունակություն»)
Աբրահամ 2.9–11՝ ավետարանը հասանելի է երկրի վրա ապրող բոլոր ընտանիքներին. փրկություն և վեհացում
Վարդապետություն և Ուխտեր 88.18–20 («դա» վերաբերում է երկրին)՝ ժառանգություն սելեստիալ արքայությունում (տես նաև Եբրայեցիներին 11.8, 13–16)
Վարդապետություն և Ուխտեր 84.33–38՝ քահանայության օրհնությունները, ներառյալ այն ամենը, ինչ Հայրն ունի

Ինչո՞ւ են այս խոստացված օրհնությունները կարևոր ձեզ համար:
Այս օրհնություններն ի՞նչ են ձեզ ուսուցանում ձեր հանդեպ Աստծո զգացմունքների մասին:

Աբրահամյան ուխտը Երկնային Հոր ծրագրի համատեքստում տեսնելու համար կարող եք հարցնել ուսանողներին, թե ինչն է թույլ տալիս մեզ ստանալ իրենց նշած օրհնությունները: Կարող եք ուսանողներին առաջարկել խորհել կամ կիսվել իրենց մտքերով: Կարող եք նաև կիսվել Նախագահ Նելսոնի հետևյալ խոսքերով.

Նախագահ Ռասսել Մ. Նելսոնը բազմիցս նշել է, թե ինչն է մեզ հնարավորություն տալիս ստանալ Աբրահամյան ուխտի օրհնությունները.

Փրկչի քավող զոհաբերությունը հնարավորություն տվեց Հորը կատարել Իր զավակներին տված խոստումները: … Աբրահամյան ուխտի կատարումն իրագործելի է դառնում մեր Փրկչի՝ Տեր Հիսուս Քրիստոսի Քավության շնորհիվ: Հիսուս Քրիստոսն Աբրահամյան ուխտի կենտրոնն է։ («Հավիտենական ուխտը», Լիահոնա, հոկտ. 2022, 7)։

Բացատրեք Աբրահամյան ուխտը

Ուսանողներին առաջարկեք ավելացնել իրենց պատասխանները դասի սկզբից գրված պատասխաններին.

Ի՞նչ է Աբրահամյան ուխտը:
Ինչպե՞ս կարող եմ ստանալ Աբրահամյան ուխտը:
Ի՞նչ նշանակություն ունի ինձ համար Աբրահամյան ուխտը։

Ուսանողների ընկալումն ամրացնելու համար կարող եք առաջարկել նրանց բաժանվել զույգերի և միմյանց բացատրել Աբրահամյան ուխտը: Խրախուսեք նրանց փորձել, թե արդյոք իրենք կարող են տալ հակիրճ, բայց ամբողջական պատասխաններ: Բացատրելով այս ուխտը հնարավորինս քիչ քանակությամբ բառերով՝ ուսանողները կարող են ավելի հստակ հասկանալ այն:

Վկայեք այն օրհնությունների և խոստումների մասին, որոնք Աստված առաջարկում է մեզ Աբրահամյան ուխտի միջոցով:

Լրացուցիչ նյութեր

Որո՞նք են Աբրահամյան ուխտի խոստումները:

Նախագահ Ռասսել Մ. Նելսոնն ասել է.

14:20

Ուխտը, որն Աստված կապեց Աբրահամի, իսկ ավելի ուշ վերահաստատեց Իսահակի և Հակոբի հետ, անսահման մեծ կարևորություն ունի: Այն պարունակում է մի շարք խոստումներ, ներառյալ սրանք.

Հիսուս Քրիստոսը պետք է ծնվեր Աբրահամի սերնդից:

Աբրահամի սերունդը բազմաթիվ կլիներ, լիազորված լինելով ունենալու հավերժական աճ և նաև կրելու քահանայություն:

Աբրահամը պետք է դառնար շատ ազգերի հայրը:

Որոշակի երկրներ պետք է ժառանգվեն նրա սերնդի կողմից:

Երկրի բոլոր ազգերը կօրհնվեն նրա սերնդի կողմից:

Եվ այդ ուխտը կլիներ հավիտենական՝ նույնիսկ մինչև «հազար ազգ»:

(«Ուխտեր», Լիահոնա, նոյեմբեր 2011, 87)

Կարո՞ղ ենք մենք Աստծո հետ կապել նույն ուխտերը, որոնք Աբրահամն է կապել:

Նախագահ Ռասսել Մ. Նելսոնն ուսուցանել է․

Ադամն ու Եվան, Նոյն ու նրա կինը, Աբրահամն ու Սարան, Լեքին ու Սարիան և Հիսուս Քրիստոսի այլ նվիրված աշակերտներ աշխարհի ստեղծումից ի վեր Աստծո հետ կապել են նույն ուխտերը: Նրանք ստացել են նույն արարողությունները, որոնք մենք, որպես Աստծո վերականգնված Եկեղեցու անդամներ, ներկայումս ստանում ենք մկրտության ժամանակ և տաճարներում: («Եկ, հետևիր ինձ», Լիահոնա, մայիս 2019, 89)

Ինչպե՞ս է տոհմի հռչակումն իմ հայրապետական օրհնության մեջ առնչվում Աբրահամյան ուխտին:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Կամ անմիջական տոհմով կամ որդեգրմամբ, [մենք] Աստծո կողմից Աբրահամին տրված խոստումների օրինական ժառանգորդներ[ն] ենք: Մենք Աբրահամի սերունդն ենք։ Հայրապետական օրհնություն ստանալու հիմնական պատճառներից մեկն է՝ օգնել մեզ ավելի լիարժեքորեն ընկալել, թե ով ենք մենք՝ որպես Աբրահամի սերունդ և գիտակցել այն պատասխանատվությունը, որը դրված է մեզ վրա: («Becoming a Missionary», Լիահոնա, նոյեմբեր 2005, 47)

Յոթանասունից երեց Կազուհիկո Յամաշիտան ուսուցանել է․

Երբ դուք հայտարարություն ստանաք տոհմի վեաբերյալ, կիմանաք, որ դուք Իսրայելի տնից եք և Աբրահամի սերնդից: Հասկանալով դրա կարևորությունը, կենտրոնացեք խոստումների վրա, որոնք Տերը տվել է Իսրայելի տան համար՝ Աբրահամի միջոցով: («Երբ ստանալ ձեր հայրապետական օրհնությունը,» Լիահոնա, մայիս 2023, 89)

Օժանդակ ուսումնական վարժություններ

Ուխտերի դերը Հիսուս Քրիստոսի ավետարանում

Եթե ուսանողներն օգնության կարիք ունենան կապել Աբրահամյան ուխտը Հիսուս Քրիստոսի ավետարանում մեր կապած ուխտերի հետ, դիտեք «Elder Nelson Talks about Covenants» (4:45) տեսանյութը։ Խնդրեք ուսանողներին փնտրել, թե ինչու են ուխտերն այդքան կարևոր Աստծո ծրագրում:

4:45

Ծնունդ 17․8: «Ես կլինեմ նրանց Աստվածը»

Որպեսզի օգնեք ուսանողներին ավելի լավ հասկանալ Աստծո հետ կապած իրենց ուխտի հարաբերությունները, կարող եք նշել մի կրկնվող գախափար Ծնունդ 17.7–8 հատվածներում։ Տերը խոստանում է «Աստված լինե[լ] քեզ համար» (հատված 7) և ասում է. «Ես նրանց Աստվածը կլինեմ» (հատված 8): Ուսանողներին առաջարկեք կատարել Աբրահամ 1.18 և Սաղմոս 48.14 հատվածների խաչաձև հղումն իրենց սուրբ գրություններում կամ հղումներ դեպի Gospel Library հավելվածը: Երբ ուսանողները կարդան բոլոր երեք հատվածները, խրախուսեք նրանց փնտրել բառեր և արտահայտություններ, որոնք կօգնեն հասկանալ, թե ինչ է նշանակում, որ Տերը լինի մեր Աստվածը: Կարող եք տալ նմանատիպ հարցեր.

Ըստ ձեզ, ի՞նչ է նշանակում, երբ Նա ասում է, որ «Աստված կլինի քեզ համար»:
Ի՞նչ այլ բաներ կան մեր կյանքում, որոնցով կարող ենք գայթակղվել և աստվածացնել դրանք:
Ինչո՞ւ եք ընտրել Տիրոջը՝ որպես ձեր Աստված:

Ուսանողներին առաջարկեք այս տարի Հին Կտակարանն ուսումնասիրելիս փնտրել Տիրոջը՝ որպես մեր Աստված ընտրելու կամ մերժելու հետևանքները: