Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Moises 4:1–4: “Masusunod ang Inyong Kalooban, at ang Kaluwalhatian ay Mapasainyo Magpasawalang Hanggan.”

“Moises 4:1–4: ‘Masusunod ang Inyong Kalooban, at ang Kaluwalhatian ay Mapasainyo Magpasawalang Hanggan,’” Manwal ng Titser ng Seminary para sa Lumang Tipan (2026)

“Moises 4:1–4: ‘Masusunod ang Inyong Kalooban, at ang Kaluwalhatian ay Mapasainyo Magpasawalang Hanggan,’” Manwal ng Titser ng Seminary para sa Lumang Tipan

Genesis 3–4; Moises 4–5: Lesson 10

Moises 4:1–4

“Masusunod ang Inyong Kalooban, at ang Kaluwalhatian ay Mapasainyo Magpasawalang Hanggan”

Sa buhay bago tayo isinilang o sa premortal na buhay, pinili ng Ama sa Langit si Jesucristo na maging Tagapagligtas sa Kanyang plano. Palaging sinusunod ni Jesucristo ang kalooban ng Ama sa Langit, kahit na mahirap ito. Ang lesson na ito ay makatutulong sa mga estudyante na hangaring tularan ang halimbawa ni Jesucristo sa pagsunod sa Ama sa Langit.

Paghahanda ng estudyante: Anyayahan ang mga estudyante na mag-isip ng mga taong kakilala nila na ang halimbawang ipinapakita ay naghihikayat sa kanila na maging mas masunurin sa Ama sa Langit. Hilingin sa kanila na pumasok sa klase na handang magbahagi.

Mga Posibleng Aktibidad sa Pag-aaral

Pagsasagawa ng kalooban ng Ama sa Langit

Para simulan ang klase, maaari kang magbahagi ng isang pagkakataon kung saan may mahirap na ipinagawa ang Ama sa Langit sa isang tinedyer. Maaaring ito ay isang personal na karanasan o isang bagay na narinig mo. Ang sumusunod na kuwento ay isang halimbawa na maaari mong gamitin. Hikayatin ang mga estudyante na isipin ang mga pagkakataong nagkaroon sila ng ganoong pakiramdam.

Ibinahagi ni Brother M. Joseph Brough, dating miyembro ng Young Men General Presidency, ang sumusunod na kuwento tungkol sa kanyang anak na babae:

9:51

Mga kabataan, hinihingi ng Diyos sa inyo ang mahihirap na bagay. Isang 14 na taong gulang na dalagita ang lumahok sa paligsahan sa basketball. Pinangarap niya na makapaglaro sa high school basketball tulad ng kanyang ate. Pagkatapos ay nalaman niya na natawag ang mga magulang niya na pamunuan ang isang mission sa Guatemala.

Pagdating niya doon, nalaman niya na ilan sa mga klase niya ay itinuturo sa wikang Español, isang wika na hindi niya alam. Wala ni isang koponan ng sports ng kababaihan sa paaralan niya. Nakatira siya sa ika-14 na palapag ng isang gusali na may mahigpit na seguridad. At dagdag pa rito, hindi siya makalabas nang mag-isa para sa kanyang kaligtasan.

Narinig siya ng kanyang mga magulang na umiiyak hanggang sa makatulog bawat gabi sa loob ng maraming buwan. (“Itaas Mo ang Iyong Ulo at Magsaya,” Liahona, Nob. 2018, 14)

Kung kayo ang nasa sitwasyon ng dalagitang ito, ano kaya ang magiging pinakamahirap para sa inyo?

Pag-isipan ang mga sumusunod na tanong:

Ano ang isang mahirap na bagay na hiningi o maaaring hingin sa inyo ng Diyos?
Gaano kayo kahandang gawin ang mahirap na bagay na ito? Bakit?
Ano ang gusto ninyong matutuhan o madama sa lesson na ito na makatutulong sa inyo na maging mas handang gawin ang hinihiling o iniuutos ng Diyos?

Habang pinag-aaralan ng mga estudyante ang Moises 4:1–4, malalaman nila ang tungkol kay Jesucristo at sa Kanyang kahandaang gawin ang mahihirap na bagay na iniuutos ng Ama sa Langit. Hikayatin ang mga estudyante na hingin ang tulong ng Espiritu Santo para malaman kung paano makatutulong sa kanila ang halimbawa ng Tagapagligtas sa mahihirap na bagay na maaaring ipagawa sa kanila ng Diyos.

Ang katangian ni Cristo

Maaari mong ipaliwanag ang impormasyon sa sumusunod na talata upang tulungan ang mga estudyante na maunawaan ang konteksto ng passage na pag-aaralan nila ngayon.

Nabuhay tayo sa premortal na buhay kasama ang ating Ama sa Langit. Habang naroon, itinuro sa atin ang Kanyang plano upang tulungan tayong maging katulad Niya. Ang Moises 4:1–4 ay naglalaman ng salaysay tungkol sa Kapulungan sa Langit nang piliin si Jesucristo na maging Tagapagligtas natin. Sa mga talatang ito, nakikita natin ang katangian nina Jesucristo at Satanas sa pagtugon ng bawat isa sa kanila sa kalooban ng Ama sa Langit sa magkaibang paraan.

Maaari kang gumawa ng simpleng chart sa pisara tulad ng sumusunod para matulungan ang mga estudyante na makita nang malinaw ang pagkakaiba ni Jesucristo at ni Satanas.

Jesucristo	Satanas

Basahin ang Moises 4:1–4, at alamin kung ano ang matututuhan ninyo tungkol sa mga motibo at pag-uugali nina Jesucristo at Satanas.

Anyayahan ang mga estudyante na isulat sa pisara ang kanilang mga nalaman at talakayin ang natutuhan nila. (Maaaring mabanggit ng mga estudyante kung ilang beses ginamit ni Satanas ang salitang “Ako” at ang kanyang hangaring tumanggap ng karangalan. Sa kabilang banda, maaaring mapansin nila ang paggamit ng Tagapagligtas ng salitang “inyo” at ang Kanyang hangaring manatili sa Ama ang kaluwalhatian. Maaaring mapansin ng mga estudyante kung paano “naghimagsik laban” sa Ama si Satanas at “naghangad na wasakin ang kalayaan ng tao.” Sa kabilang banda, maaari nilang banggitin ang hangarin ng Tagapagligtas na sumunod sa kalooban ng Ama at tanggapin ang plano ng Ama.)

Ano ang itinuturo sa inyo ng mga talatang ito tungkol sa ugnayan ni Jesucristo at ng Kanyang Ama?

Ang isang katotohanan na maaaring matukoy ng mga estudyante sa talakayan ay mapagpakumbabang sumusunod si Jesucristo sa ating Ama sa Langit.

Ang mga sumusunod na salaysay tungkol sa Tagapagligtas ay makatutulong sa mga estudyante na matuto mula sa Kanyang halimbawa. Tulungan ang mga estudyante na maunawaan na kapag natutuhan pa nila ang tungkol sa pagsunod ng Tagapagligtas sa Ama, kahit na mahirap, ay makapagpapatindi sa ating hangaring tularan ang Kanyang halimbawa.

Basahin ang mga sumusunod na salaysay, at alamin ang palaging hangarin ni Jesucristo na sumunod sa Ama sa Langit, kahit na mahirap ito.

Lucas 2:49 (nang Siya ay 12 taong gulang)
Juan 8:28–29 (nang Siya ay adult na)
Mateo 26:36–39 (sa Halamanan ng Getsemani)
3 Nephi 11:10–11 (nang Siya ay nabuhay na mag-uli)

Talakayin sa mga estudyante ang natututuhan nila tungkol kay Jesucristo mula sa mga halimbawang ito. Pagkatapos ay anyayahan silang magbahagi ng iba pang halimbawa mula sa buhay ng Tagapagligtas nang mapagpakumbaba Siyang sumunod sa kalooban ng Ama.

Anyayahan ang mga estudyante na alalahanin ang mahirap na bagay sa kanilang buhay na naisip nila sa simula ng klase. Upang tulungan silang maiugnay ang natututuhan nila tungkol kay Jesucristo sa kanilang buhay, itanong ang tulad ng sumusunod:

Ano ang sinabi o ginawa ni Jesucristo na makakapagbigay-inspirasyon sa isang tao na piliing sumunod sa Ama sa Langit, kahit na mahirap ito?
Sino ang kilala ninyo na maituturing na magandang halimbawa ng pagsunod sa kalooban ng Ama sa Langit? Ano ang natutuhan ninyo mula sa kanyang halimbawa?
Ano ang humihikayat sa inyo na sundin ang kalooban ng Ama sa Langit, kahit na mahirap ito?

Pagtulad sa halimbawa ni Cristo

Ang dalagita mula sa kuwento sa simula ng lesson ay ang anak na babae ni Brother Brough. Kung ibinahagi mo ang kuwento ng kanyang anak, sabihin sa mga estudyante na matapang niyang hinarap ang tatlong taon na naglingkod ang kanyang mga magulang bilang mga lider sa misyon sa Guatemala.

Ibahagi ang sumusunod na karugtong ng kanyang kuwento, at anyayahan ang mga estudyante na alamin ang mga katangiang tulad ng kay Cristo sa kanyang halimbawa. Kung ibang kuwento ang ibinahagi mo sa simula ng klase, maaari kang magbahagi ng follow-up, tulad ng konklusyon ng kuwento o isa pang karanasan sa buhay ng tao ring iyon. Anyayahan ang mga estudyante na alamin ang mga katangiang tulad ng kay Cristo sa taong iyon.

Pagpapatuloy ni Brother Brough:

9:51

Sa pagtatapos ng aming mission, tinanong ko ang aking anak kung maglilingkod siya bilang isang full-time missionary. Ang sagot niya ay, “Hindi po, Itay, naglingkod na po ako.”

Ayos na po sa akin iyon! Ngunit mga anim na buwan mula noon, ginising ako ng Espiritu isang gabi at ipinaisip sa akin ito: “Tinawag ko ang anak mo na maglingkod bilang isang missionary.”

Ang reaksiyon ko ay “Ama sa Langit, napakarami na ng ibinigay niya.” Agad akong iwinasto ng Espiritu at naintindihan na hinihingi ng Diyos na maglingkod siya bilang missionary.

Kumain kaming mag-ama ng tanghalian sa labas. Mula sa kabilang dulo ng lamesa, sinabi ko, “Ganzie, alam mo ba kung bakit tayo nandito?”

Sinabi niyang, “Opo, Itay. Alam ninyo na kailangan ko pong magmisyon. Ayoko pong pumunta, pero pupunta ako.”

Dahil ang nais ng Ama sa Langit ang sinunod at hindi ang sariling kagustuhan, naglingkod siya sa Kanya nang buong puso, kakayahan, pag-iisip, at lakas. Tinuruan niya ang kanyang ama kung paano gumawa ng mahihirap na bagay. (“Itaas Mo ang Iyong Ulo at Magsaya,” Liahona, Nob. 2018, 14)

Isipin ang mga talatang nabasa mo ngayon tungkol kay Jesucristo. Paano tinularan ng dalagitang ito ang Kanyang halimbawa?

Sa inyong study journal, magsulat ng sagot sa sumusunod na dalawang tanong, na binibigyang-pansin ang mga ideya o impresyon mula sa Espiritu:

Ano ang natutuhan mo ngayon tungkol kay Jesucristo na makatutulong sa iyo na sumunod sa Ama sa Langit, kahit mahirap ang ipinagagawa Niya sa iyo?
Ano ang nais mong gawin dahil sa natutuhan o nadama mo ngayon?

Patotohanan ang halimbawa ni Jesucristo at ang Kanyang kakayahang tulungan tayong gawin ang iniuutos ng Diyos.

Karagdagang Resources

Paano naiiba ang mungkahi ni Satanas sa plano ng Ama sa Langit?

Itinuro ni Elder D. Todd Christofferson ng Korum ng Labindalawang Apostol:

Hindi lamang ito isang kaso ng pagsuporta ni Jesus sa plano ng Ama at ng pagmungkahi ni Lucifer ng kaunting pagbabago. Nasira marahil ng mungkahi ni Lucifer ang plano sa pamamagitan ng pag-aalis ng ating pagkakataong kumilos nang malaya. Nakabatay ang plano ni Lucifer sa pamimilit, lahat ng iba pang mga anak ng Diyos—lahat tayo—ay gagawin niyang mga tau-tauhan niya. …

At tandaan natin, hindi nagboluntaryo si Satanas na maging tagapagligtas natin. Hindi siya interesadong magdusa o mamatay para sa kahit na sino. Hindi siya magtitigis ng kahit isang patak mula sa kanyang dugo. Gusto niya ng kaluwalhatian, karangalan, at kapangyarihan ng Diyos nang walang anumang ginagawa. (“A Message at Christmas” [Brigham Young University devotional, Dis. 12, 2017], 3, 4, speeches.byu.edu)

Ano ang mga pagkakaiba ng mga motibo at hangarin ni Satanas at ni Jesus?

Ibinahagi ni Elder Dale G. Renlund ng Korum ng Labindalawang Apostol ang sumunod sa kanyang mensaheng “Piliin Ninyo sa Araw na Ito” (Liahona, Nob. 2018, 104–105):

13:49

Bakit napakahalaga ng kalayaang pumili sa plano ng Diyos?

Sinabi ni Elder Robert D. Hales (1932–2017) ng Korum ng Labindalawang Apostol:

Ang ating kalayaan—ang kakayahan nating pumili para sa ating sarili—ay mahalagang sangkap ng planong ito. Kung wala ang kalayaan, hindi tayo makapipili ng tama at uunlad. Gayunman, sa pamamagitan ng kalayaan ay makagagawa tayo ng mga maling pasiya, magkakasala, at mawawalan ng pagkakataong makapiling muli ang Ama sa Langit. Dahil dito, isang Tagapagligtas ang ilalaan upang magdusa para sa ating mga kasalanan at tutubusin tayo, kung tayo ay magsisisi. Sa pamamagitan ng Kanyang walang katapusang Pagbabayad-sala, isinakatuparan Niya “ang plano ng awa, upang tugunin ang hinihingi ng katarungan” [Alma 42:15]. …

Bagamat Siya ay “tinukso sa lahat ng mga paraan gaya rin naman natin” [Mga Hebreo 4:15], sa bawat pagpili at sa bawat pagkilos ay ginamit Niya ang kalayaan na maging ating Tagapagligtas—upang kalagin ang mga tanikala ng kasalanan at kamatayan para sa atin. At sa pamamagitan ng Kanyang perpektong buhay, itinuro Niya sa atin na kapag pinili nating gawin ang kalooban ng ating Ama sa Langit, ang ating kalayaan ay napangangalagaan, nadaragdagan ang ating mga oportunidad, at tayo ay sumusulong. (“Kalayaan: Mahalaga sa Plano ng Buhay,” Liahona, Nob. 2010, 24, 25)

Mga Karagdagang Aktibidad sa Pag-aaral

Ang Kapulungan sa Langit

Upang matulungan ang mga estudyante na maunawaan ang kanilang tungkulin sa Kapulungan at Digmaan sa Langit, ibahagi ang pahayag na ito ni Pangulong Dallin H. Oaks ng Unang Panguluhan.

Sa Kapulungan sa Langit … [l]ahat ng napakaraming mortal na isinilang sa mundong ito ay pinili ang plano ng Ama at ipinaglaban ito sa sumunod na digmaan sa langit. (“Ang Dakilang Plano,” Liahona, Mayo 2020, 93)

Dahil naunawaan natin na pinili nating sundin ang ating Ama sa Langit sa premortal na buhay, paano ito makapagbibigay sa atin ng mas malaking kumpiyansa na piliing sundin Siya ngayon? Paano ito nakakaapekto sa pagtingin natin sa iba sa ating paligid?

Maaari mo ring anyayahan ang mga estudyante na basahin ang Apocalipsis 12:7–11, at alamin kung paano natin nadaig si Satanas at ang kanyang mga tagasunod sa Digmaan sa Langit. Anyayahan ang mga estudyante na talakayin kung paano natin patuloy na madaraig si Satanas “dahil sa dugo ng Kordero” (Apocalipsis 12:11).

Ang papel na ginagampanan ng kalayaan sa plano ng Diyos

Sa simula ng lesson, tulungan ang mga estudyante na talakayin ang mga sitwasyon kung saan ang ilang pagpili ay hahantong sa mas limitadong mga pagpili sa hinaharap, tulad ng pagbabalewala sa mga karatulang “Bawal Lumangoy” at matangay ng mapanganib na agos.

Habang pinag-aaralan ng mga estudyante ang Moises 4:1–4, hikayatin silang hanapin ang mga pagkakaiba ng mga hangarin ni Jesucristo at ni Satanas. Ituro ang pariralang “naghangad na wasakin ang kalayaan ng tao” (talata 3). Upang mailarawan ang papel na ginagampanan ng kalayaang pumili sa plano ng Diyos, gamitin ang pahayag ni Elder Robert D. Hales sa bahaging Karagdagang Resources. Tulungan ang mga estudyante na matukoy ang katotohanang tulad ng ang kalayaang pumili ay mahalaga sa plano ng Ama sa Langit.

Hilingin sa mga estudyante na magbahagi ng mga paraan kung paano patuloy na tinatangka ni Satanas na wasakin ang ating kalayaang pumili sa pamamagitan ng pagtukso sa atin na gumawa ng mga pagpili na humahantong sa pagkabihag. Hilingin sa kanila na magbahagi ng mga paraan kung paano tayo hinihikayat ng Tagapagligtas na gumawa ng mga pagpili na humahantong sa kalayaan (tingnan ang 2 Nephi 2:27). Maaaring pag-aralan pa ng mga estudyante ang tungkol sa kalayaang pumili sa pamamagitan ng pagsasaliksik sa resources na matatagpuan sa “Kalayaang Pumili at Pananagutan” sa ilalim ng Mga Paksa at Mga Tanong sa Gospel Library.

Nabigyang-inspirasyon ng halimbawa ng Tagapagligtas

Maaaring makatulong sa mga estudyante na pag-aralan ang isang halimbawa kung paano nakatulong ang katotohanan na nakasulat sa bold letter sa lesson sa pagharap ng isang tao sa isang mahirap na bagay na ipinagagawa sa kanya ng Diyos. Maaari mong ipaliwanag na iniutos kay Martin Harris na tustusan ang pagpapalimbag ng Aklat ni Mormon sa pamamagitan ng pagsasangla ng malaking bahagi ng kanyang bukid, kabilang ang kanyang tahanan (tingnan sa Doktrina at mga Tipan 19:32–35). Nahirapan siyang gawin ito. Basahin ang itinuro sa kanya ng Tagapagligtas sa Doktrina at mga Tipan 19:16–19, 23–24, 26.

Paano makatutulong sa pagsunod natin sa Diyos ang natutuhan nating pagsasakripisyo at pagsunod ng Tagapagligtas sa Ama, kahit na mahirap ito?

Ipaliwanag na tinularan ni Martin Harris ang halimbawa ng Tagapagligtas at tinustusan ang Aklat ni Mormon sa pamamagitan ng pagsasakripisyo nang malaki.