Սեմինարիա
Ղուկաս 2.40-52

Ղուկաս 2.40-52

Հիսուսն «աճում էր և զօրանում հոգիով»

Jesus teaching in the temple as a young boy.

Երբ Փրկիչը երիտասարդ տղամարդ էր, Նա այնպիսի զորությամբ էր ուսուցանում ավետարանը, որ նույնիսկ տաճարի ուսուցիչները «զարմացած էին նրա իմաստութեան և պատասխանների վերայ» (Ղուկաս 2.47): Այս դասը նպատակ ունի ամրապնդել Հիսուս Քրիստոսին միանալու ձեր ցանկությունը՝ ձգտելով զարգանալ մտավորապես, ֆիզիկապես, հոգեպես և սոցիալապես: Դուք նաև հնարավորություն կունենաք գնահատել ձեր ընթացիկ նպատակները Անձնական զարգացում․ Երիտասարդների ուղեցույց գրքույկում (2019) կամ նոր նպատակներ ստեղծել:

Կենտրոնանալ ուսանողների փորձառության վրա Ուսանողները յուրացնում են նյութը, երբ եռանդունորեն ընդգրկված են ուսումնական գործընթացում և ապրում են ավետարանով: Ուսուցանելիս կենտրոնացեք այն բանի վրա, թե ինչ պիտի զգա և անի ուսուցիչը՝ անձնական հայտնություն հրավիրելու և դարձը խորացնելու համար: Ընդլայնելով իրենց գիտելիքները և ապրելով ավետարանով՝ ուսանողները խորապես դարձի կգան դեպի Փրկիչն և Նրա ավետարանը:

Ուսանողի պատրաստում. Խնդրեք ուսանողներին վերհիշել Երեխաների և երիտասարդների ծրագրի շրջանակներում դրած իրենց նպատակները: Խնդրեք նրանց հիշել, թե այդ նպատակներն ինչպես են օգնում իրենց ավելի շատ նմանվել Հիսուս Քրիստոսին: Հնարավորության դեպքում խնդրեք նրանց դասարան բերել Անձնական զարգացում․ Երիտասարդների ուղեցույց գրքույկի օրինակը:

Հնարավոր ուսումնական վարժություններ

Հիսուսն աճում ու զարգանում էր, երբ պատանի էր

Ցուցադրեք հետևյալ նկարները և ուսանողներին մեկ կամ երկու րոպե տվեք դրանք ուսումնասիրելու համար: Եթե այդ նկարներն անհասանելի են, խնդրեք ուսանողներին պատկերացնել Հիսուսին մեծանալիս:

Ուսումնասիրեք Փրկիչի պատանեկության այս նկարները: Մտածեք, թե նկարներն ինչ մանրամասներ են պատմում Հիսուսի մասին:

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.
Christ as a youth learning carpentry skills in a carpenter’s shop. Joseph, the husband of Mary, is watching him.
Jesus Christ depicted as a child with his mother Mary. Christ is kneeling beside Mary and resting His clasped hands on Mary’s lap. Mary has her head bowed as she and the young Christ pray. There is an oil lamp burning on a table next to the mother and son.
Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Խրախուսեք ուսանողներին ակնածանքով վերաբերվել Փրկիչին՝ հետևյալ հարցերին պատասխանելիս: Հարցերից մեկը կարող է լինել. «Ի՞նչ կկամենայք իմանալ Փրկիչի պատանեկության մասին»:

  • Իմանալով, թե ինչպիսին էր Հիսուսը պատանեկության տարիներին, ինչպե՞ս կարող եք օգնել ձեզ` որպես պատանի:

Մենք քիչ մանրամասներ ունենք Հիսուսի պատանեկության մասին, բայց եղածները կարող են մեծ օրհնություն և ուղեցույց լինել աճելու և կատարելագործվելու ձեր ջանքերի համար: Փրկիչի պատանեկության մասին սովորելիս փնտրեք այնպիսի ճշմարտություններ, որոնք ձեզ կօգնեն իմանալ, թե որ հատվածների վրա պետք է կենտրոնանաք, երբ փորձում եք ավելի շատ նմանվել մեր Երկնային Հորն ու Հիսուս Քրիստոսին:

Կարդացեք Ղուկաս 2․40-52-ը և Ջոզեֆ Սմիթ Թարգմանություն, Մատթեոս 3.24–26 հատվածները (Աստվածաշնչի հավելվածում)՝ փնտրելով մանրամասներ, թե ինչպիսին էր Փրկիչը, երբ պատանի էր: Դուք կարող եք նշել ձեր գտածը:

Կարող եք դիտել նաև «Պատանի Հիսուսը ուսուցանում է տաճարում» տեսաֆիլմը (2:30), որը մատչելի է ChurchofJesusChrist.org կայքում:

2:29

Նկատի ունեցեք, որ «զօրանում հոգիով» արտահայտությունը ( Ղուկաս 2.40 , տես նաև Ջոզեֆ Սմիթ Թարգմանություն, Մատթեոս 3.24 [Աստվածաշնչի հավելվածում]) նշանակում է, որ Հիսուսն աճում էր կամ լցվում հոգևոր զորությամբ: Օգտակար կլինի իմանալ, որ ըստ Ջոզեֆ Սմիթի Թարգմանություն, Ղուկաս 2.46 հատվածի ( Ղուկաս 2.46 , ծանոթագրություն c), պատանի Հիսուսը չէր լսում բժիշկներին կամ դպիրներին և նրանց հարցեր էր տալիս, սակայն «նրանք լսում էին նրան և հարցեր տալիս»:

  • Այս պատմությունը ձեզ ի՞նչ է ուսուցանում այն մասին, թե ինչպիսին էր Փրկիչը, երբ պատանի էր:

  • Ի՞նչ է ուսուցանում հատված 52-ը ձեզ այն մասին, թե ինչպես էր Հիսուսն աճում ու զարգանում Իր պատանեկության տարիներին:

Ղուկաս 2.52 հատվածից մենք սովորում ենք, որ մենք հետևում ենք Հիսուս Քրիստոսի օրինակին, երբ կատարելագործվում ենք մտավորապես, ֆիզիկապես, հոգեպես և սոցիալապես:

Գրատախտակին գրեք կամ ցուցադրեք հետևյալ բառերը. Մտավորապես, Ֆիզիկապես, Հոգևորապես և Սոցիալապես: Ապա տվեք հետևյալ հարցերը.

  • Սուրբ գրություններից ի՞նչ օրինակներ գիտեք, երբ Հիսուս Քրիստոսը ցուցադրում է Իր կարողությունները այս չորս ոլորտներում:

  • Ի՞նչ պատճառներով եք ցանկանում հետևել Փրկիչի օրինակին այս չորս ոլորտներում:

Դասի այս մասի նպատակն է օգնել ուսանողներին օգտագործել Անձնական զարգացում․ Երիտասարդների ուղեցույց գրքույկը՝ նպատակներ դնելու համար: Ուշադիր եղեք այն ուսանողների հանդեպ, ովքեր հետաքրքրված չեն կամ ծանոթ չեն այս գրքույկին:: Այն ուսանողները, ովքեր արդեն աշխատում են իրենց զարգացման նպատակների վրա, կարող են օգտակար լինել քննարկման ընթացքում:

Կարող եք հաղորդագրություն ուղարկել ծնողներին և Եկեղեցու ղեկավարներին՝ տեղեկացնելով, որ ուսանողները քննարկել են այս նպատակները սեմինարիայում: Դա կօգնի ծնողներին և ղեկավարներին երիտասարդների հետ իրենց հետագա շփումների ժամանակ:

Մարգարեները մարտահրավեր են ուղարկել Եկեղեցու երիտասարդներին՝ հետևել Ղուկաս 2.52 հատվածում ներկայացված Փրկիչի օրինակին, իսկ Եկեղեցու ղեկավարները ներկայացրել են Անձնական զարգացում․ Երիտասարդների ուղեցույց գրքույկը՝ ձեզ օգնելու համար:

Դիտեք «Դուք այստեղ եք, որպեսզի բացահայտեք, թե ով եք դուք» տեսաֆիլմը (2:59) և փնտրեք, թե ինչպես կարող եք հետևել Փրկիչի օրինակին՝ Երեխաների և երիտասարդների ծրագրի նպատակները դնելիս: Այս տեսաֆիլմը մատչելի է ChurchofJesusChrist.org կայքում:

2:59

Դասարանի ուսանողների թվից կախված, ուսանողները կարող են բաժանվել չորս խմբի՝ զարգացման չորս ոլորտներից մեկը քննարկելու համար: Խրախուսեք ուսանողներին միասին քննարկել, թե նրանք ինչ եղանակներով կարող են աճել ու զարգանալ այս ոլորտներում և ինչ նպատակներ կարող են դնել: Քննարկման վերջում խնդրեք յուրաքանչյուր խմբից մի անդամի կիսվել իր գաղափարներով:

Անձնական զարգացում․ Երիտասարդների ուղեցույց գրքույկի նպատակն է «ամրացնել ձեր հավատքը առ Հիսուս Քրիստոս՝ օգնելով ձեզ և ձեր ընտանիքին առաջ ընթանալ ուխտի արահետով, երբ հանդիպեք կյանքի դժվարություններին» («Ովքե՞ր են երեխաներն ու երիտասարդները» ChurchofJesusChrist.org կայքում): Այս գրքույկի տպագիր օրինակից բացի կա նաև թվայինը: Դուք կարող եք գտնել այն Gospel Library և Gospel Living հավելվածներում:

Հետևելով Փրկիչի օրինակին՝ դուք նույնպես կարող եք համաչափ աճել ձեր կյանքի այս չորս ոլորտներում՝ հոգևոր, սոցիալական, ֆիզիկական և մտավոր: Նպատակներ դնելիս փնտրեք Սուրբ Հոգու ոգեշնչումը: Լսեք այն հուշումները, որոնք կարող են օգնել ձեզ տեսնել, թե Տերն ինչպես է ցանկանում օգնել ձեզ կենտրոնացնել ձեր զարգացումը Իրեն ավելի շատ նմանվելու վրա: Կարող եք որոշ գաղափարներ գտնել հետևյալ կայքերում.

«Երիտասարդների համար» էջը՝ Երեխաների և երիտասարդների ծրագրի կայքում

Gospel Living հավելվածի ոգեշնչող նյութերում

Անձնական զարգացում․ Երիտասարդների ուղեցույցի ձեր օրինակում կարող եք այս չորս ոլորտների վերաբերյալ տարբեր նպատակներ դնել: Եթե սկսել եք աշխատել ձեր նպատակների վրա, գնահատեք, թե ինչ հաջողությունների եք հասել և, անհրաժեշտության դեպքում, փոփոխություններ կատարեք: Պարբերաբար քննարկեք ձեր նպատակները ձեր ծնողների և Եկեղեցու ղեկավարների հետ: Ձեր նպատակներով և փորձառություններով կարող եք կիսվել նաև #StrivetoBe հեշթեգի օգնությամբ:

Հիսուս Քրիստոսը կօգնի ձեզ, եթե դուք նպատակներ դնեք և ձգտեք նմանվել Իրեն: Նա խոստացել է, որ եթե դուք գաք Իր մոտ և խոնարհությամբ հավատք գործադրեք, Նա ձեր «թույլ կողմերը ուժեղ կդարձնի»( Եթեր 12.27):

Առաջարկեք ուսանողներին կիսվել նպատակների վրա աշխատելու իրենց արդյունավետ փորձառություներով: Խրախուսեք ուսանողներին իրենց փորձառություններով կիսվել #StrivetoBe հեշթեգի օգնությամբ:Եթե ուսանողներից ոչ մեկը ներկայումս չի մասնակցում այս ծրագրին, կարող եք դասարան հրավիրել երիտասարդների որևէ ղեկավարի, որպեսզի առաջնորդի և ուղղություն տա նրանց:Ընտրեք հետևյալ հարցերից մի քանիսը կամ բոլորը, որպեսզի ուսանողները դրանց պատասխանեն իրենց օրագրերում և քննարկեն դրանք դասի ընթացքում՝ ժամանակի առկայության դեպքում:

  • Ի՞նչը կցանկանայիք բարելավել ձեր կյանքի այս ոլորտում: Ինչո՞ւ:

  • Ձեր զարգացումը այս ոլորտում ինչպե՞ս կօգնի ձեզ ավելի շատ նմանվել Փրկիչին:

  • Ի՞նչ դժվարությունների կարող եք հանդիպել:

  • Ինչպե՞ս կձգտեք ստանալ Երկնային Հոր օգնությունն ու առաջնորդությունը:

Բացատրական և պատմական տեղեկություն