Luka 2:1–14
“Auā o le aso nei ua fanau ai… lo outou Faaola”
Na malaga atu Iosefa ma Maria i Peteleema, lea na fanau mai ai Iesu. Sa faalauiloa atu e se agelu le fanau mai o le Faaola e latalata i Peteleema (tagai i le Luka 2:9-12), “ona faafuasei lea ona faatasi mai… o au mai le lagi e toatele, ua vivii i le Atua ua faapea ane, O le viiga i le Atua i mea aupitoaluga, ma le manuia i le lalolagi” (Luka 2:13-14). Ua faamoemoe lenei lesona e fesoasoani ia te oe e iloilo ai mea na tutupu i le fanau mai o le Faaola ma faailoa atu ia te oe le aoaoga faavae o loo aoaoina i le fuaitau o le atamai i aoaoga faavae Luka 2:10-12. O le a e suesue i le matafaioi a Iesu Keriso o lou Faaola ma aoao le mea na ia laveaiina mai ai oe, ina ia e, e pei o agelu, ona vivii atu foi and via le Atua mo le meaalofa o Lona Alo.
Aoao atu o le atamai i aoaoga faavae. E lua lesona e fesootai ma fuaitau taitasi o le atamai i aoaoga faavae: o se lesona autu lea e faailoa atu ai le fuaitau o le matalalaga o le poloka mau, ma se lesona lea e uunaia ai tagata aoga e faamatala le aoaoga faavae, tauloto fuaitau o mau autu ma faasinomaga, ma faataitai i le faaogaina o mataupu faavae o le mauaina o le poto faaleagaga. O se lesona autu lenei.
Tapenaga mo tagata aoga: A mafai, valaaulia le vasega e matamata i le “Aisea e Manaomia ai le Faaola-O Se Feau e uiga i lo Tatou Faaola o Iesu Keriso” (2:15), e maua i le ChurchofJesusChrist.org. Valaaulia i latou e mafaufau pe aisea latou te manaomia ai le Faaola ao latou matamata.
Galuega e Mafai ona Faaaoga e Aoao Mai Ai
O Le Fanau Mai o le Faaola
Aumai se tamai seti o le Fanau Mai o le Faaola faatusa, pe faaali foi se ata o le Fanau Mai o le Faaola.
-
O a ni faamatalaga e te fiafia ai i le Fanau Mai o le Faaola?
-
Aisea e taua ai nei faamatalaga ia te oe?
E mafai ona faitau taitasi e tagata aoga fuaiupu nei, pe taitaolua, po o ni vaega toalaiti foi, pe e mafai foi ona latou mulimuli ai a’o faitau leotele mai e se toatasi.
Faitau le Luka 2:1-14, ma vaavaai mo ni faamatalaga e taua ia te oe po o ni mea fou atonu e te le’i matauina muamua i le tala o le Fanau Mai o le Faaola.
-
O a ni mea i le tala o le Fanau Mai o le Faaola sa e maitauina e taua ia te oe?
Afai na vaai tagata aoga i se ata poo se faaaliga o le Fanau mai o le Faaola, atonu o le a aoga ia i latou le valaaulia latou te faasino mai ai se mea o i ai i le faaaliga, e le o se vaega o le tala i le Luka 2:1-14 . E faapito tonu lava, atonu e fesoasoani ta’ua faapea e le o aofia ai le fetu ma le Au Makoi i le tala a Luka i le Fanau Mai o le Faaola aua o mea nei sa tutupu i nai tausaga ina ua uma ona fanau mai le Faaola (taga’i Mataio 2:1-12).
Toe faitau le Luka 2:10-12 ma e vaavaai i le auala na faalauiloa mai ai e le agelu le fanau mai o Iesu.
Luka 2:10-12 o se fuaitau o le atamai i aoaoga faavae. O le lesona lenei o le a fesoasoani i tagata a’oga e suesue i le matalalaga o le fuaitau o le atamai i a’oa’oga faavae. I le lesona sosoo ai o le a tuuina atu i tagata a’oga le avanoa e faamatala atu le a’oa’oga faavae na a’oa’oina i lenei fuaitau, taulotoina le fuaitau o mau autu ma faasinoga, ma faataitai le faaaogaina o mataupu faavae o le mauaina o le poto faaleagaga.
-
O le a le igoa muamua sa faaaoga e le agelu mo Iesu Keriso ina ua ia faalauiloa atu le fanau mai o Iesu i le au leoleo mamoe?
-
Aisea e taua ai, e ui ina tele faalaniga o Iesu Keriso, ae sa faaaoga e le agelu le suafa lea e faalauiloa ai Lona fanau mai?
Atonu o le a fesoasoani atu le iloaina o le uluai faaliliuiga o le Tusi Paia i le faaEleni, o le upu na faaaoga mo Le Faaola o le isi ona uiga o le lavea’i po ole e faasaoina.
O se tasi upumoni e a’oa’o mai ai lenei fuaitau o Iesu Kersio o le Faaola o le lalolagi.
Tatou te mana’omia se Faaola
Sa faasoa mai e Elder D. Todd Christofferson o le Korama Aposetolo e Toasefululua:
I se taimi e lei mamao atu, sa fesili mai ai ia te a’u se tagata sa auai i le Ekalesia mo le tele o tausaga, “Aisea ou te manaomia ai Iesu Keriso? Ou te tausia poloaiga; O a’u o se tagata lelei. Aisea ou te manaomia ai le Faaola?” E tatau ona ou faapea atu, o le lē malamalama o lenei tagata o le ekalesia i lenei vaega aupito taua o la tatou aoaoga faavae, lenei elemene faavae o le ata o le faaolataga, sa matuai o’u te’i ai lava.
(D. Todd Christofferson, “Aisea Tatou Te Mana’omia ai Iesu Keriso,” Ensign, Tesema 2020, 19-20)
Faaaoga se avanoa e mafaufau pe faapefea ona e tali atu, mai ou lava manatu ma lagona, pe ana faapea o oe o Elder Christofferson.
E mafai ona tatou aoao e uiga i le tatou manaomia o se Faaola i le suesueina o tusitusiga paia ma upu a perofeta (tagai i le Iakopo 7:11).
O le fesoasoani i tagata aoga e aoao pe faapefea ona faaaoga mau fefaasinoa’i e mafai na fesoasoani e faaloloto ai la latou suesuega, faailoa sootaga faaleaoaoga faavae mai fuaitau eseese, ma faateleina ai lo latou poto e faitau tusi paia. Mafaufau i le fesili i tagata aoga pe na faapefea ona latou faaaogaina mau fefaasinoa’i ia latou suesuega ma pe na faapefea foi ona fesoasoani ia i latou.
O se tomai suesue o mau e mafai ona faateleina ai lou malamalama i aoaoga faavae autu ma mataupu faavae o le faaaoga lea o mau fefaasinoai i au tusitusiga paia. Ina ia fefaasinoai mau, fatu se sootaga i le app o le Gospel Library pe faafesootai ia mau faiā i le tusia lea o se mau faasino i autafa o se fuaitau o se mau.
Suesue mau e tolu pe fa i nei fuaitau o mau e fesoasoani ai e tali fesili “Pe Aisea ou te mana’omia ai se Faaola?” ma le “Po o le a se mea Na Te lavea’iina mai ai a’u?” Mafaufau e fefaasinoa’i nei fuaitau e ala i le fesootai i le Luka 2:10-12 i le app o le Gospel Library po o le tusia foi o le mau faasino Luka 2:10-12 i autafa o fuaiupu e te suesueina.
Mafaufau e tusi fesili “Pe Aisea Ou te Mana’omia ai se Faaola?” ma le “Po O le a le Mea Na te Lavea’iina Mai ai A’u?” i le laupapa. E le tau mana’omia ona faaaoga pe faaali foi mau uma ia. E faalagolago i le gafatia o tagata a’oga, o le gaoioiga o le sailiga o mau lenei e mafai ona fai e tagata a’oga e ta’ito’alua po o ni vaega toalaiti foi e aunoa ma le tuuina atu o mau faasino.
-
Isaia 53:4–6
-
Mataio 1:21
-
Ioane 1:29
-
Galuega 5:30-31
-
1 Ioane 2:1-2
A uma ona tusia e tagata a’oga a latou tali, ona fesili lea i nai tagata a’oga e faasoa atu mea na latou tusia, pe valaaulia foi se paga e faasoa atu i se paga e tuaoi. Faamautinoa e malamalama tagata a’oga o Iesu Keriso e lavea’iina tatou mai a tatou agasala pe afai tatou te salamo ma mai le oti faaletino e ala i le toetu lautele. E mafai foi e le Faaola ona faamafanafanaina ma lagolagoina i tatou i faigata tatou te feagai.
-
O a mau na e filifilia?
-
E faapefea ona fesoasoani nei mau ia te oe e tali ai i fesili “Pe Aisea ou te mana’omia ai se Faaola?”ma le “Po o le a se mea Na te laveaiina mai ai a’u?”
E tusa ma le taimi avanoa ma afai e mana’omia e tagata a’oga se fesoasoani atili ia malamalama ai pe aisea tatou te mana’omia ai se Faaola, mafaufau e faaali atu le vitio lenei. Atonu ua uma ona matamata ai nisi tagata aoga, pe afai na latou faaumaina le tapenaga mo tagata a’oga. E mafai foi ona faasoa atu e tagata a’oga auala na faamanuiaina i latou lava e le Faaola.
Matamata i le vitio “Aisea Tatou te Manaomia ai se Faaola – O se Savali o le Kerisimasi e uiga i Lo Tatou Faaola o Iesu Keriso” (2:15), ma vaavaai pe aisea tatou te mana’omia ai se Faaola. O loo maua lenei vitio i le ChurchofJesusChrist.org.
Sa molimau e Elder Christofferson i ni faamanuiaga e maua i tatou e ala ia Iesu Keriso:
Ona o le Togiola a Iesu Keriso, ua mafai ai ona toe faaleleia i tatou mai filifiliga leaga. Ona o le Togiola a Iesu Keriso, ua toe faaleleia ai le aafiaga i o tatou luga ona o agasala ma mea sese a isi, ma isi faamasinoga le tonu uma. Ina ia faaatoatoaina, ma ia avea ma e paia, tatou te manaomia ai se Faaola.
(D. Todd Christofferson, ““Aisea Tatou te Manaomia ai se Faaola”,” Ensign, Tes. 2020, 22)
I le Luka 2:10 sa ta’utino atu le agelu, “Ou te au mai ia te outou le tala e olioli tele i le nuu uma.”
Answer at least one of the following questions:
-
Pe faapefea ona e maua le “olioli tele” i lou Faaola,o Iesu Keriso?
-
O a ni mea e mafai ona tatou faia ina ia faateleina ai lo tatou fiafia i le Faaola?
Valaulia tagata a’oga e loto ia molimau i le olioli o le togiola latou te lagonaina ona o le Faaola, o Iesu Keriso. Mafaufau e faasoa atu foi ma lau molimau.
Tala ma Faamatalaga o Talaaga
Aisea na o ai Maria ma Iosefa i Peteleema ina ia lafogaina?
O Kaisara Aukuso o se taitai Roma e gafatia ma malosi tele—mai le 31 T.L.M. le T.A. 14—sa iloga i ana faatonuga ma lona tausi tulafono. O le “lafoga” o loo ta’ua i le Luka 2:2 o se lesitala [po o se tusigaigoa] o tagata mo faamoemoega o lafoga i le lumanai, o se tusigaigoa sa e manaomia ai le au fai lafoga e tuuina atu e le tagata lava ia faamatalaga e manaomia. Talu ai o Iosefa ma Maria e taufai suli mai i le Tupu o Tavita, o lea sa manaomia ai ona la malaga atu i Peteleema, o le nuu moni lea o le Tupu o Tavita. … Sa molimauina e perofeta anamua faapea o le Mesia o le a fanau mai i Peteleema, i le laueleele o Ierusalema (tagai Mika 5:2 ; Alema 7:10).O Peteleema e pe tusa ma le 85–90 maila (137–145 kilomita) i saute o Nasareta, o se alasopo e le itiiti ma le fa i le lima aso e savavali ai, atonu foi e umi atu pe a mafaufau i le tulaga sa iai Maria.
(O le Feagaiga Fou Tusi Lesona Aoaoga[2014], 143)
Galuega Faaopoopo e Aoao Mai Ai
“Ua Soifua Mai se Faaola”
Mafaufau e faaali le vitio “Ua Soifua Mai se Faaola—O se Vitio Puupuu o le Kerisimasi” (2:00), o loo maua i le ChurchofJesusChrist.org. Faatonu le vasega e faaloga po o le a le uiga o le Faasilasilaga o le fanau mai o le Faaola mo i latou taitoatasi, ona valaulia i latou e faasoa atu mea na latou aoaoina ma lagonaina.
A Savior Is Born—Christmas Video
Mauaina le olioli i le Faaola
Faaali atu le ata puupuu O Le Tamaitiiti Keriso: O se Tala o le Fanau Mai o le Faaola (17:57), o loo maua i ile ChurchofJesusChrist.org. Mafaufau e faaali atu vaega nei. Faaavanoa se taimi pe a uma vaega taitasi mo tagata aoga ina ia talanoaina pe faapefea ona faaali atu e tagata taitoatasi lo latou olioli i le fanau mai o le Faaola.
Maria ma Iosefa: faailoga taimi 0:00 i le 8:56
O le leoleo mamoe ma agelu: faailoga taimi 8:56 i le 11:30
O Le Au Makoi: faailoga taimi 11:30 i le 12:42 ma le 13:44 i le 17:15
“Le Lalolagi ia Fiafia.”
Mafaufau e usu le pese “Le Lalolagi ia Fiafia” (Viiga, nu. 201). Atonu e aoga foi mo tagata aoga ona talanoa i lenei mataupu faavae: Ona o Iesu Keriso o la’u Faaola, e mafai ona ou maua le fiafia. E mafai ona talanoa tagata aoga e uiga i le avea Iesu Keriso ma le faapogai o le olioli ma pe faapefea ona latou lagonaina le fiafia ona O Ia o lo latou Faaola.
Luka 2:10 . “Tala Lelei o le Olioli Tele”
I le Luka 2:10 sa tautino atu le agelu, “Ou te au mai ia te outou le tala e olioli tele i le nuu uma” Mafaufau i le faasino o lenei fuaiupu ma le faalauiloa mai o le Faaola e le agelu i le Tupu o Peniamina lea e tusia i le Mosaea 3:3-5 .