Atamai i Aoaoga Faavae: Luka 2:10-12

Sa Fanau Mai Iesu Keriso o le Faaola ma le Alii

I se lesona ua mavae atu, na e suesueina ai le molimau a se agelu i leoleo mamoe o Iesu Keriso o le Alo o le Atua ma le Faaola o le lalolagi (taga’i Luka 2:10-12). O lesona lenei o le a tuuina atu ia te oe se avanoa e faapupula atu ai lou malamalama i lenei aoaoga faavae a’o e faaaogaina mataupu faavae a le mauaina o le malamalama faaleagaga i se tulaga moni o le olaga.

O lenei lesona o le atamai i aoaoga faavae ua mamanuina ia aoao pe a uma le Luka 2:1-14, o le lesona faamatalaga mo le fuaitau o le atamai i aoaoga faavae Luka 2:10-12 . Afai e manaomia ona tuu lenei lesona i se isi vaiaso ina talafeagai ma isi faatulagaga o le aoga, ia mautinoa e tuu foi i tua le lesona faamatalaga.

Aoao atu i tagata a’oga ia mataupu faavae o le mauaina o le malamalama faaleagaga O le a sili atu ona ausia e tagata aoga ia faamoemoega o le atamai i aoaoga faavae pe afai latou te malamalama i mataupu faavae o le mauaina o le malamalama faaleagaga ma maua avanoa e faaaoga ai. Mafaufau e iloilo faapuupuu nei mataupu faavae i lesona taitasi o le atamai i aoaoga faavae. E mafai ona fesoasoani le tuuina atu o faataitaiga i le ala e faaoga ai mataupu faavae i le amataga o le tausaga ona tuu lea i tagata a’oga e tuuina mai ai a latou lava faataitaiga a o faaleleia o latou tomai.

Tapenaga mo tagata aoga: Valaaulia tagata aoga ina ia amata ona tauloto le mau faasino ma le fasifuaitau autu, Luka 2:10-12 : “Auā o le aso nei ua fanau ai i le aai a Tavita, lo outou Faaola, o le Alii ia o Keriso.”

Galuega e Mafai ona Faaaoga mo Nei Lesona

Tauloto ma faamatala

Faasino i le ata o le fanau mai o le Faaola ma le fuaitau autu o le mau mo le Luka 2:10-12 . E mafai ona fesoasoani le fesootaiga o se ata ma le mau faasino ma le fuaitau autu o le mau i le taulotoina.

Valaaulia tagata aoga e tauloto faatele mai le mau faasino ma le fuaitau autu o le mau. E mafai ona fai taitoatasi pe fai faatasi e le vasega atoa.

Vaai i le ata o le fanau mai o le Faaola ma tauloto mai le mau faasino ma le fuaitau autu o le mau mo le Luka 2:10-12 : “Auā o le aso nei ua fanau ai i le aai a Tavita, lo outou Faaola, o le Alii ia o Keriso.” Toe fai seia o’o ina mautinoa ua mafai ona e taulotoina mai lau manatua mai lou manatuaga.

O le gaoioiga lenei ua faamoemoe e fesoasoani ai i tagata aoga e faamatala mai i a latou lava upu le aoaoga faavae o Iesu Keriso o le Faaola o le lalolagi, e pei ona aoao i le Luka 2:10-12 .

Vaai i le ata o le fanau mai o le Faaola. Tusi ni fuaiupu se lua pe tolu e faamatala ai pe aisea na au mai ai le “talalelei o le olioli tele … i nuu uma” ( Luka 2:10).

Valaaulia ni tagata aoga e faasoa mai mea sa latou tusia. Faalogo ma le faaeteete i tali a tagata aoga ma Iloilo anomea mai le lesona o le Luka 2:1-14 e pei ona manaomia.

Faata’ita’i le faaaogaaga

Faaaoga ni nai minute e iloilo ai mataupu faavae i parakalafa e 5—12 i le vaega o le “Mauaina o le Malamalama Faaleagaga” i le Pepa Autu o le Atamai i Aoaoga Faavae(2022). Mo mataupu faavae taitasi, faailoga ia se fuaiupu e le itiiti ifo ma le tasi e te manatu o loo faamatalaina ai le manatu faavae.

Valaaulia i tagata a’oga e faasoa mai o latou fuaiupu ua uma ona faailogaina. Mafaufau e fesili i nei fesili o le a fesoasoani atu i tagata a’oga e faamatala mai pe aisea ona latou filifilia o latou fuaiupu ma po’o le a fo’i sona uiga ia te i latou lava ia.

Mafaufau i le tulaga lenei:

O se tasi o au uo e le lotu sa vaaia se soa o faifeautalai o talanoa i ni tagata i le paka. Sa fesili atu lau uo ia te oe, “Aisea e o ai faifeautalai mai le tou ekalesia ma tala’i e uiga ia Iesu? E pei o la tou te taumafai e fosi lo outou talitonuga i isi tagata. Aisea e le mafai ai e outou ona tuua ai pea latou ia e fiafia i le mea la e i ai latou?”

Ma le manatuaina o lenei tulaga i lou mafaufau, suesue mataupu faavae nei o le mauaina o le malamalama faaleagaga ma toe manatunatu pe faapefea ona fesoasoani ia te oe e tali atu i le fesili a lau uo.

E mafai ona vaevae le vasega i ni paga po o ni vaega toalaiti foi e talanoaina mataupu faavae o le mauaina o le malamalama faaleagaga ma pe mafai faapefea ona latou faaaoga nei mataupu faavae e tali atu ai i le ata faataitai lenei.

Fuafua e faaaoga se taamilosaga e tolu-vaega e talanoa ai ia mataupu faavae. Lolomi ma otioti vaega nei ina ia tofu uma paga po o vaega ma le mataupu e talatalanoa iai. Tuu atu se taimi i tagata aoga e talanoaina la latou vaega a o lei fefaasuia’ia pepa ma se isi paga poo se isi vaega. A mae’a ona talanoaina vaega uma e tolu e vaega uma po o paga uma, ona valaaulia lea o tagata e tali atu i latou lava i le ata faataitai.

Faatino i le faatuatua

“Tatou te faatino i le faatuatua pe a tatou filifili e faatuatua I le Atua ma liliu atu muamua ia te Ia” (Pepa Autu o le Atamai i Aoaoga Faavae “Mauaina o le Malamalama Faaleagaga,” parakalafa e 5).

O a fasifuaitau e te maua i parakalafa e 5—7 o le vaega o le “Mauaina o le Malamalama Faaleagaga,” o le a mafai ona fesoasoani atu ia te oe i lenei ata faataitai?
Faapefea ona fesoasoani e le faatino i le faatuatua ia te oe a’o e saili se tali mo lau uo?

Iloilo manatu faavae ma fesili faatasi ma se vaaiga e faavavau

“Ina ia iloilo [manatu faavae ma fesili] ma se vaaiga e faavavau, tatou te mafaufau i ai latou i le matalalaga o le ata o le faaolataga ma aoaoga a le Faaola” (Pepa Autu o le Atamai i Aoaoga Faavae , “Mauaina o le Malamalama Faaleagaga,” parakalafa 8).

Toe iloilo le Luka 2:10–12 . Mafaufau e uiga i mea e a’oa’o mai ai i lenei fasifuaitau faapea ma mea ua uma ona e iloa e uiga ia Iesu Keriso.

O a ni matafaioi a le Faaola i le ata o le faaolataga?
Aisea e taua ai mo i latou e le’o iloa Iesu Keriso ona aoao e uiga ia te Ia?
Aisea e taua tele ai ona tatou faasoa atu le savali o Lona talalelei toefuatai i tagata uma, e aofia ai isi o tagata Kerisiano ua uma ona taliaina o Ia?
E faapefea ona e faaaoga au tali i fesili ua uma atu ina ia e tali atu ai i lau uo?

Saili le malamalama atili e ala i punavai paia ua atofaina

Ina ia fesoasoani ia te i tatou e maua le malamalama faaleagaga, sa “faatuina e le Alii ni punavai Na Te faaalia mai ai upumoni ma le taitaiga mo Lana fanau” (Pepa Autu o le Atamai i Aoaoga Faavae, “Mauaina o le Malamalama Faaleagaga,” parakalafa 11).

Iloilo se tasi pe sili atu foi o nei punavai musuia, ma vaavaai mo ni faamatalaga e mafai ona fesoasoani ia te oe e tali atu ai i le fesili a lau uo.

“ O Le Keriso Soifua: O Le Molimau a le Au Aposetolo ” (ChurchofJesusChrist.org)
O fuaiupu na e faafesootai ma isi mau fefaasinoa’i i le Luka 2:10—12 i le lesona talu ai
O pese o lo o lisi i lalo o le autu “Iesu Keriso” i le viiga

Mafaufau po o a aoaoga e aoao mai e punavai nei e uiga i le auala e mafai ai e le Faaola ma Ana aoaoga ona aumaia le olioli i tagata.

O le a se mea na e aoao e uiga i le Faaola ma Ana aoaoga e ono aumaia ai le fiafia i tagata i le olaga nei ma le olaga e sosoo ai?
O a ni ou lava aafiaga patino ma le Faaola po o Ana aoaoga na aumaia ai le fiafia ia te oe?
E faapefea ona fesoasoani au tali i nei fesili e tali atu ai i le fesili a lau uo?

Mafaufau e tuu atu se avanoa i tagata aoga e faataitai faatino ai lenei ata faataitai pe a uma ona talanoaina ia mataupu faavae o le mauaina o le malamalama faaleagaga.

Iloiloga o le Atamai i Aoaoga Faavae

I le amataga po o le faaiuga o se lesona o le a sosoo ai, faaaoga ia le silia ma le 3 i le 5 minute e toe iloilo ai le faitauga o le atamai i aoaoga faavae. Faaali se ata o le fanau mai o le Faaola lea sa faaaogaina e tagata a’oga i le taulotoina o le Luka 2:10—12, ma valaaulia tagata a’oga e toe fai le mau ma le fuaitau autu o mau seia oo ina mafai ona tauloto mai lo latou manatua.

Galuega Faaopoopo e Aoao Mai Ai

Ata faataitai e fesuiai ai le faataitaiga o le faaaogaaga

Vaai faalemafaufau sa e tuua i luga o faasalalauga faaagafesootai se ata o le Fanau Mai o le Faaola ma se feau e faapea ua e lotofaafetai mo le filemu ma le fiafia ua au maia ai e lou malamalama e uiga i se Faaola ia te oe. O se tasi o au uo e le lotu sa ia faaalia lona manatu i luga o lau tusiga, “E le mafai ea e tagata ona maua le filemu ma le fiafia e aunoa ma Iesu?”