Ioane 13

“Ia Outou Fealofani”

Jesus washing Peter’s feet. Outtakes show similar scenes.

Ina ua uma ona talisua i le tausamiga o le Paseka, sa mulumulu e Iesu vae o Ona soo. Sa Ia aoao i latou e uiga i le auauna atu ma le alofa o le tasi i le isi. O lenei lesona e mafai ona uunaia ai oe e saili le fiafia e ala i le auauna atu ma alolofa atu i isi e pei ona sa faia e Iesu.

Uunaia o le anoai o tali i fesili. Alo ese mai le matele e talia na o le tasi le tali i se fesili ona faaauau lea i le lesona. Valaaulia isi tagata aoga e tali mai pe faaali se manatu i se tali na muamua atu. Saili le taitaiga a le Agaga a o e valaaulia tamaiti aoga e auai i talanoaga.

Sauniuniga a le tamaitiiti aoga: Valaaulia tagata aoga e saili se avanoa e auauna atu pe faaali atu ai le alofa faaKeriso mo se isi tagata.

Gaoioiga e Ono mafai ona Aoao ai

Taumafai ia avea e faapei o Iesu

Usu pe faitau upu o le pese “O Lo’o Ou Taumafai E Avea E Pei O Iesu” (Tusipese a Tamaiti,40).Pe e mafai foi ona e matamata i le “Music Video: I‘m Trying to Be like Jesus—Emily Brown” (3:18), o loo maua i le ChurchofJesusChrist.org. A o e pese, faitau, pe matamata, mafaufau e uiga i mafuaaga e te manao ai e taumafai ia faapei o Iesu.

Music Video: I’m Trying to Be Like Jesus – Emily Brown

Mafaufau e valaaulia tagata aoga e faasoa ni manatu po o ni lagona na latou maua a o latou usuina pe faitauina le pese pe matamataina le vitio. Fai atu fesili nei, e faaaoga ai le fesili muamua e valaaulia ai le manatunatu o le tagata lava ia nai lo le talanoaina.

O a ni auala o loo e taumafai ai ia avea e faapei o Iesu?
O a ni suiga ua e vaaia i olaga o tagata a o latou taumafai ia faapei o Iesu? Ae faapefea i lou lava olaga?

A o e auai ai i lenei lesona, ia uai atu i uunaiga a le Agaga Paia lea e mafai ona musuia ai oe e mulimuli atili i faataitaiga ma aoaoga a le Faaola.

“Ua Ou avatu le faaa’oa’o ia te outou”

Mafaufau e faaali atu le ata mai le amataga o lenei lesona e fesoasoani ai i tagata aoga e vaai faalemafaufau i le mea o loo tupu i lenei tala faatusipaia.

I le taufaaiuiuga o le soifuaga o le Faaola, sa Ia faapotopoto faatasi ai Ona Aposetolo mo Lana talisuaga faaiu o le Paseka. O mea na tutupu i lenei afiafi e masani ona ta‘ua o le Talisuaga Mulimuli.

Faitau le Ioane 13:1–11, ma vaavaai po o a mea na faia e Iesu ina ua maea la latou talisuaga o le Paseka ma Ona Aposetolo.

O le a i ai avanoa e talanoaina ai isi mea na tutupu i le taimi o le tausamiga o le Paseka i isi lesona mo lenei vaiaso.

Atonu e fesoasoani le iloaina e faapea i taimi o le Feagaiga Fou, e masani lava ona palapala vae o tagata ona o le seeina o seevae tosotoso ma le savalia o auala e tele ina palapala. O le mulumuluina o vae o le isi e masani lava ona faatinoina e auauna aupito maualalo.

O le a se mea ua e aoaoina e faatatau i le uiga o Iesu mai Lana faatinoga o le mulumuluina o vae o Aposetolo?
Mata o a ni ou lagona po o lou tali atu pe afai na ofoina atu e Iesu ia te oe lenei ituaiga o auaunaga faatauvaa?

E ala i le mulumuluina o vae o Ona Aposetolo, sa le gata ina faatinoina ai e le Faaola se galuega matagofie o le auauna atu, ae sa Ia faataunuuina ai foi se sauniga paia (tagai Bruce R. McConkie, Doctrinal New Testament Commentary, [1965, 1:708–9). O le sauniga lenei na toefuatai mai i lo tatou tisipenisione e ala mai i le Perofeta o Iosefa Samita (tagai Mataupu Faavae ma Feagaiga 88:74–75, 137–41 ; Saints, 1:166). Ona o se sauniga paia lenei e seasea ona tautalagia e perofeta ma aposetolo, e le tatau i faiaoga ona talanoaina pe faapefea ona faatinoina lenei sauniga i o tatou aso. E le tatau i faiaoga ma tagata aoga ona auai i soo se gaoioiga e faatatau i le mulumuluina o vae o le tasi ma le isi. Nai lo lena, ia faamamafa atu le faataitaiga sili o le alofa o le Faaola i le auauna atu i Ona soo i lenei ala.

Faitau le Ioane 13:12–17, ma vaavaai mo lesona e mafai ona e aoaoina mai afioga a le Faaola.

O le a se mea ua e aoaoina mai aoaoga a le Faaola i nei fuaiupu?
O le a se taimi na e maua ai le fiafia e ala i le mulimuli i faataitaiga a Iesu o le auauna atu?

Ina ia faaalia le fiafia lea e mafai ona maua mai le auauna atu i isi, mafaufau e faaali atu se vitio se tasi po o vitio uma e lua “When Ye Are in the Service—YW” (3:07) ma le “When Ye Are in the Service—YM” (3:02), o loo maua i le ChurchofJesusChrist.org.

3:8

NaN:NaN

”Ia outou fealofani”

Ina ua uma ona mulumuluina vae o Ana Aposetolo, sa faaalu e le Faaola se taimi e aoao ai i latou. Faitau le Ioane 13:34–35 e iloa ai le aoaoga faavae taua sa Ia aoao atu.

Fesoasoani i tamaiti aoga e faailoa mai se upumoni e talitutusa ma lenei: ina ia avea ma soo moni o Iesu Keriso, e tatau ona tatou alolofa atu i le tasi ma le isi e pei ona Ia alofa mai ia i tatou.

Atonu e faigata i nisi tamaiti aoga ona alofa i se tasi na faatiga ia i latou. Saili le taitaiga a le Agaga Paia i le iloaina po o a fetuunaiga e ono manaomia ona faia e fesoasoani ai i tamaiti aoga ia lagonaina le alofa o Iesu Keriso mo i latou ma mo isi.

A o e faitau ma mafaufau e uiga i nei fuaiupu, o a ni ou mafaufauga, lagona, po o ni fesili o ia te oe?

Mafaufau e valaaulia ni tagata aoga e fai le gaoioiga lenei taitoalua pe i ni vaega toaitiiti. E mafai e tamaiti aoga ona faaopoopo a latou faataitaiga i se lisi i luga o le laupapa.

Mafaufau i tala o tusitusiga paia lea na faaalia ai e le Faaola le alofa i isi.

Na faapefea ona faaalia e Iesu Keriso le alofa i auala eseese i tagata eseese?

Faaaoga sina taimi e mafaufau ai ma tusi e uiga i le taimi po o le a sou lagona i le alofa o Iesu mo oe. Mafaufau ia filemu ma ole atu i le Tama Faalelagi e fesoasoani ia te oe ia iloa nei taimi.

E faapefea e le iloaina ma le lagonaina o le alofa o le Faaola mo oe ona aafia ai lou manao e faaali atu le alofa i isi?

Ia nofouta o le isi lesona “Iloilo Lou Aoaoina” o le a tulitatao ai lenei fuafuaga. Afai e faia ni fetuunaiga iinei, ia mautinoa e fetuunai talafeagai le lesona o le “Iloilo Lou Aoaoina”.

Fai se fuafuaga pe mafai faapefea ona e mulimuli i le faataitaiga a le Faaola ia alofa ma auauna atu i isi, faapea foi ma le taimi e te manao e fai ai. Atonu o le a fesoasoani manatu nei e mafaufau ai a o e faia se fuafuaga.

Fai se mea i le asō mo se tagata o le aiga, uo, po o se tasi i le nuu.
Fai se mea e faaali atu ai le alofa ma le agalelei i se tasi e ese mai ia te oe po o se tasi foi sa e tauivi e fegalegaleai i ai i le taimi ua tuanai.
Faailoa se tagata e te lagona le uunaiga e faaali atu i ai le alofa sili po o le faaaloalo.
Mafaufau pe mafai faapefea ona e valaaulia le alofa o le Faaola i au taumafaiga.

Tala ma Faamatalaga o Talaaga

Ioane 13:26 . O le a le sina mea e ai?

O le “sina mea e ‘ai” o loo faamatala i le Ioane 13:26 o se fasi areto e faaaoga e i latou e talisua e loiloi ma asu mai ai le suavai ma se aano manu fasi mai se pesini. Talu ai o se faailoaga lea o le agalelei ma le faaaloalo mo se tagata talimalo e loiloi sina fasi mea e ‘ai ma tuu atu i se malo o le taligasua, o lea na tuu atu ai e le Faaola ia Iuta se ofo o le faauo, atonu e fai ma avanoa faaiu mo ia e lafoai ai lana fuafuaga e faalata.

E mafai faapefea ona tatou fesoasoani i isi ia lagona le alofa o Iesu Keriso e ala i la tatou auaunaga ia i latou?

O Peresitene Henry B. Eyring na faasoa mai le tala lenei:

Sa tofia au e asiasi i se sauniga faamanatuga i se nofoaga autu mo le tausiga o tagata matutua. Sa talosagaina a’u e tufatufaina atu le faamanatuga. Nai lo le mafaufau e uiga i le faagasologa po o le sa’o o le auala e tufaina ai le faamanatuga, sa ou tilotilo i foliga o tagata matutua taitoatasi. Sa ou vaaia le toatele o i latou o fetagisi. O se tasi o tamaitai sa uuina le lima o lo’u ofu, tilotilo mai i luga, ma fai mai leotele, “Oi, faafetai, faafetai.”

Na faamanuiaina e le Alii la’u auaunaga na tuuina atu i Lona suafa. O lena aso sa ou tatalo ai mo sea vavega e oo mai nai lo le tatalo mo le lelei na ou faia ai la’u vaega. Sa ou tatalo ia lagona e tagata le alofa o le Alii e ala i la’u auaunaga alofa. Sa ou aoaoina o lenei mea o le ki lea i le auauna atu ma faamanuiaina ai isi i Lona suafa.

(Henry B. Eyring, “Faamanuia i Lona Suafa,” Liahona, Me 2021, 68–69)

Gaoioiga Faaopoopo e Aoao Ai

A line with arrows marked with the words “How Happy am I?”

E mafai faapefea ona e faaalia o oe o se Kerisiano?

I le amataga o le vaega “Ia fealofani,” e mafai ona fesoasoani le gaoioiga lenei i tagata aoga e toe auai i le lesona:

Fesili i le vasega pe na tuuaia i latou e le o ni Kerisiano moni, pe o ni soo moni o Iesu Keriso, ona o i latou o tagata o le Ekalesia a Iesu Keriso o le Au Paia o Aso e Gata Ai. Afai na aafia ai ni tamaiti aoga, fesili pe na faapefea ona latou tali atu i lena tulaga. Valaaulia tagata o le vasega e talanoa i fesili nei:

E faapefea ona e tali atu pe afai e fai atu se tasi e le o oe o se Kerisiano?

O a nisi o auala e mafai ona e faaalia ai o oe o se soo o Iesu Keriso?

Ioane 13:35 . O le mea lea e iloa ai e tagata uma lava o o’u soo outou”

Mafaufau e faamamafa le upumoni i le Ioane 13:34 e faapea a tatou alolofa atu i isi e faapei ona alofa mai o Keriso ia i tatou, o le a iloa foi e isi, o i tatou o Ona soo..

Ina ia faapupula lenei upumoni, faasoa atu le tala lenei, na faamatalaina e Elder Paul E. Koelliker a o ia auauna atu o se tasi o Fitugafulu:

Sa tuitui ni faifeautalai talavou se toalua i se faitotoa, ma le faamoemoe o le a maua ai se tagata e taliaina le la savali. Sa tatalaina le faitotoa, ma sa faafeiloai i laua e se tamaloa lapoa i se leo e faalē-fiafia: “Faapea a a’u sa ou fai atu e aua nei lua toe tuituiina lo’u faitotoa. Sa ou lapataia oulua i le taimi muamua afai lua te toe o mai, o le a i ai se mea le lelei o le a tupu ia te oulua. O lea o ese loa.” Sa vave ona ia tapunia le faitotoa.

A o savavali ese atu ia faifeautalai, sa tuu e le faifeautalai e matua ma sili le potomasani lona lima i luga o le tauau o le faifeautalai laitiiti ina ia faamafanafana ma faamalosiau atu ia te ia. Ma lo la le iloaina, o loo tilotilo mai le tamaloa ia i laua i le faamalama ina ia mautinoa ua la malamalama i lana tala. Sa manatu o ia, o le a ia vaaia i laua o talie ma ta’umamaina lana tali faalelelei i le la taumafaiga e asia o ia. Ae peitai, a’o ia molimauina le faaalia o le agalelei i le va o faifeautalai e toalua, sa vave lava ona faamaluluina ai lona loto. Sa ia toe tatalaina le faitotoa ma talosagaina ia faifeautalai e toe foi atu ma faasoa atu le la savali ia te ia.

… O le mataupu faavae lenei o le alofa o le tasi i le isi ma le atiina ae o lo tatou gafatia ina ia taulai atu ia Keriso i le auala tatou te mafaufau ai, tautala ai, ma galulue ai, e faavae ai le avea ma soo o Keriso.

(Paul E. Koelliker, “E Alofa Moni o Ia ia i Tatou,” Ensign po o le Liahona, Me 2012, 17)

Valaaulia tagata aoga e mafaufau pe aisea na avea ai lenei fegalegaleaiga i le va o faifeautalai ma se aafiaga tele i le tamaloa.