Iloilo Lou Aoaoina 5

Mataio 21–26; Mareko 11–14; Luka 19–21; Ioane 12-13

Young woman sitting on a bed reading scriptures.

O lenei lesona ua faamoemoe e fesoasoani ia te oe e iloilo ai sini ua e faatuina, ma le tuputupu ae patino na e mauaina i le taimi o au suesuega o le Feagaiga Fou.

Tapenaga a le tamaitiiti aoga: Valaaulia tagata aoga e tomanatu i ni nai lesona mulimuli ma aafiaga na latou maua o se taunuuga o na lesona.

Gaoioiga e Ono Mafai ona Aoao ai

O lenei lesona ua faamoemoe e fesoasoani i tagata aoga e iloilo ai sini ua latou faatuina, o lo latou gafatia e faamalamalama ai aoaoga i le Feagaiga Fou, po o le auala ua suia ai o latou uiga faaalia, naunautaiga, ma le gafatiaga e ola ai i le talalelei. O le suesuega a le vasega o le Mataio 21–26; Mareko 11–14; Luka 19–21; Ioane 12–13 atonu na faamamafa mai ai upumoni e ese mai ia i latou o loo i gaoioiga nei. Afai o lea, e mafai ona fetuunai ia gaoioiga ina ia aofia ai na upumoni.

O a ni mea na e aoaoina?

Faaalu se minute e tomanatu ai i mea na e aoaoina talu ai nei mai lau suesuega o le Feagaiga Fou. Atonu e fesoasoani ata nei ia te oe. Atonu foi e aoga le tagai i au faamatalaga lata mai nei i lau api faamaumau suesuega. O le gaoioiga lenei e mafai ona fesoasoani ia te oe e iloilo ai lou tuputupu ae o se taunuuga o mea o loo e aoaoina.

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Jesus washing Peter’s feet. Outtakes show similar scenes.

The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

Afai e sili ona manaomia, mafaufau e tuu atu i tagata aoga e tali fesili nei i ni paga po o ni vaega toalaiti.

O le a se mea na e aoaoina talu ai nei e uiga ia Iesu Keriso sa sili ona anoa ia te oe? O a tala o tusitusiga paia na fesoasoani ia te oe e te maua ai lenei malamalamaaga e uiga ia te Ia?
O a ni faatinoga ua e faia e avea ai o se soo tuuto atili o Iesu Keriso?
O le a (se)isi laasaga e mafai ona e faia e faaleleia atili ai lou avea ai o se soo o le Faaola?

Alofa i le Atua ma alofa i lou tuaoi.

Sa e suesueina talu ai nei le aoaoga a Iesu e faapea o poloaiga silisili e lua o le alofa i le Atua ma o tatou loto atoa, agaga, ma le mafaufau atoa ma ia alofa atu i o tatou tuaoi e pei o i tatou lava ia i tatou (tagai Mataio 22:36–39).

Mafaufau e valaaulia tagata aoga e talanoaina le fesili lenei faatasi ma se paga:

Aisea e te manatu ai o nei poloaiga o poloaiga aupito silisili e lua?

Sa e aoaoina foi talu ai nei e uiga i le mulumuluina e Iesu o vae o Ona soo ma tuu atu ia i latou se poloaiga fou ia alofa le tasi i le isi e pei ona Ia alofa atu ia i latou (tagai Ioane 13).

Valaaulia ni tagata o le vasega e tali mai i fesili nei: Mafaufau e fai atu ni fesili tulitatao e mafai ai e tamaiti aoga ona faasoa mai o latou aafiaga a o latou faatinoina la latou fuafuaga.

Na faapeī lou aafiaga i le faatinoina o aoaoga a le Faaola?
O le a sou lagona e uiga i le alofa o Iesu Keriso mo oe ma isi a o e tali atu i valaaulia na tuuina mai i le vasega?
O le a se mea e te manao e fai pe faaauau ona fai o se taunuuga o aoaoga a le Faaola?

Atonu e aoga le toe tulitatao o tamaiti aoga i a latou fuafuaga i se taimi lata mai o le lumanai. Molimau atu i faamanuiaga e oo mai pe a tatou taumafai e alolofa i le Atua ma alolofa i isi e pei ona faia e le Faaola.

O Le Afio Mai Faalua o Iesu Keriso

I le taimi o lenei vaega o le lesona, mafaufau e faaali atu le ata o le Afio Mai Faalua o Iesu Keriso mai le amataga o le lesona.

O se auala sili e faafaigofie ai aoaoga o le talalelei o le faamalamalama atu lea o i latou i le tulaga o se tamaitiiti. Ina ia fesoasoani ia te oe e faamatala vaega taua o le Afio Mai Faalua o le Faaola i au lava upu, tusi se aotelega e pei o loo e tusiaina mo se tamaitiiti.

E mafai e tamaiti aoga ona galulue na o i latou lava pe fai paga e tusi le aotelega.

Manatua i se lesona talu ai, atonu na faaalu e tamaiti aoga sina taimi e suesue ai pe faapefea ona aloese mai le fenumiai, masalosalo, ma le fefe e uiga i le Afio Mai Faalua. E ono fesoasoani le fai i le vasega e toe mafaufau i mea sa latou aoaoina ina ua suesue i le Iosefa Samita—Mataio a o lei amata ona latou tusia a latou aotelega.

O le faamoemoega o lau aotelega o le taliina lea o fesili e lua:

O le a se mea e mafai ona tatou faia e saunia ai mo le Afio Mai Faalua o Iesu Keriso?
Aisea o le a mamalu ai le Afio Mai Faalua o le Faaola? (Manatua i se lesona talu ai, atonu na e faitauina ai le valaaulia a Elder Neil L. Andersen e vaai ma faamatala mea mamalu na tutupu o loo siomia ai le Afio Mai Faalua [tagai “Ia Oo Mai Lou Malo,” Ensign po o le Liahona, Me 2015, 122].)

O punaoa nei e mafai ona fesoasoani ia te oe e iloilo ai mea ua e aoaoina.

Iosefa Samita—Mataio 1:22–23, 28–36, faapea foi au faamatalaga i lau api faamaumau suesuega
“ Faailoga o Taimi ” (Taiala i Tusitusiga Paia, scriptures.ChurchofJesusChrist.org)
“ Jesus Christ, Second Coming ” Topical Guide,

E mafai e tagata aoga ona faasoa atu a latou aotelega i se paga, pe mafai foi e se tasi pe toalua foi ona volenitia e faitau atu a laua aotelega i le vasega.