Սեմինարիա
Վարդապետության սերտում․ Հակոբոս 1․5-6

Վարդապետության սերտում․ Հակոբոս 1․5-6

«Խնդրէ Աստուածանից»

The Prophet Joseph Smith, Jr. in the Sacred Grove (in Manchester, New York) when he received the First Vision. Joseph is depicted kneeling before God the Father and Jesus Christ. Both God the Father and Christ are portrayed wearing white robes. The Father is presenting Christ to Joseph. There are trees in the background. (Joseph Smith - History 1:15-20)

Նախորդ «Հակոբոս 1» դասի ժամանակ դուք իմացաք, որ Աստված օրհնում է մեզ իմաստությամբ, եթե մենք հավատքով խնդրում ենք Նրան: Այս դասը ձեզ կարող է օգնել մտապահել վարդապետության սերտման այս հղումը և Հակոբոս 1.5-6-ի հիմնական արտահայտությունը, բացատրել վարդապետությունը և կիրառել հոգևոր գիտելիքներ ձեռք բերելու սկզբունքները իրական իրավիճակներում:

Դիմեք Աստծուն պատասխաններ ստանալու համար Տասներկու Առաքյալների Քվորումից երեց Նիլ Լ. Անդերսենն ուսուցանել է հետևյալ հայտարարության մասին. «Հոգևոր հարցերն արժանի են հոգևոր պատասխանների՝ տրված Աստծո կողմից» («Ջոզեֆ Սմիթ,», Ensign կամ Լիահոնա, նոյեմբեր 2014, 28): Ուսանողներին ուսուցանեք հարցեր ունենալիս դիմել Աստծուն` իմաստության համար:

Ուսանողի նախապատրաստում. Ուսանողներին առաջարկեք կարդալ Ջոզեֆ Սմիթ—Պատմություն 1.10-14 հատվածները՝ փնտրելով, թե Ջոզեֆ Սմիթը ինչպես իր կյանքում կիրառեց հոգևոր գիտելիքներ ձեռք բերելու սկզբունքները:

Հնարավոր ուսումնական վարժություններ

Վարդապետության սերտման այս դասը նախատեսված է անցկացնել «Հակոբոս 1» դասից հետո, որը հանդիսանում է համատեքստային դաս վարդապետության սերտման Հակոբոս 1.5-6 հատվածների ուսումնասիրման համար: Եթե վարդապետության սերտման այս դասն անհրաժեշտ է տեղափոխել մեկ այլ շաբաթ, համոզվեք, որ այդ շաբաթ կուսուցանվի նաև համապատասխան համատեքստային դասը:

Մտապահեք և բացատրեք

Ուսանողներին օգնեք մտապահել և բացատրել Հակոբոս 1.5-6 հատվածների հղումը և հիմնական արտահայտությունը: Հետևյալ վարժությունները կօգնեն հասնել այդ նպատակին:

Պատկերացրեք, որ ձեր ընկերը դժվարանում է կարևոր որոշում կայացնել: Դուք գիտեք, որ նա չի հավատում, որ կարող է աղոթքի միջոցով անմիջապես դիմել Աստծուն:

Հիշեք, որ նախորդ դասին դուք ուսումնասիրել եք հետևյալ ճշմարտությունը Հակոբոս 1.5-6 հատվածներից. Աստված կօրհնի մեզ իմաստությամբ, եթե մենք հավատքով խնդրենք Նրան:

  • Ինչպե՞ս կօգտագործեիք Հակոբոս 1.5-6 հատվածները՝ բացատրելու այն հարաբերությունները, որոնք Երկնային Հայրը հրավիրում է մեզ ունենալ Իր հետ: (Օգտակար կլինի ներառել օրինակներ, երբ որևէ մեկը հարցեր է տալիս Աստծուն կամ իմաստություն է խնդրում Նրանից աղոթքի միջոցով, ինչպես նաև անձնական փորձառություններ կամ սուրբ գրությունների օրինակներ:)

Ուսանողներին ժամանակ տվեք խորհել, թե նրանք ինչպես են պատասխանելու նախորդ հարցին, այնուհետև առաջարկեք նրանց կիսվել իրենց պատասխաններով զուգընկերոջ հետ, այնպես, որ բոլորը հնարավորություն ունենան բարձրաձայնել իրենց պատասխանները: Լսեք ուսանողների պատասխանները և, անհրաժեշտության դեպքում, կրկնեք ցանկացած նյութ նախորդ դասից, որպեսզի օգնեք ուսանողներին ավելի լավ հասկանալ այս հատվածը:

Մինչ ուսանողները կատարեն հետևյալ վարժությունը, կարող եք ցուցադրել դասի սկզբում ներկայացված պատկերը:

Վարդապետության սերտման այս հատվածը գտնելու և բացատրելու ձեր ունակությունը կօգնի ձեզ ձեր ողջ կյանքում՝ ավետարանով կիսվելիս: Որպեսզի կարողանաք անգիր սովորել այս հատվածը, դասի սկզբում նայեք Ջոզեֆ Սմիթի Առաջին տեսիլքի նկարին՝ մեկ րոպեի ընթացքում կրկնելով սուրբ գրության հետևյալ հիմնական արտահայտությունը և հղումը այնքան անգամ, որքան կարող եք. «Եթե մեկը ձեզանից իմաստութեան պակասութիւն ունի, թող խնդրէ Աստուածանից» ( Հակոբոս 1.5-6):

Որպեսզի ուսանողներին օգնեք ավելի լավ մտապահել հիմնական արտահայտությունը և հղումը, կարող եք դասի ընթացքում մի քանի դադար անել, պահել Առաջին տեսիլքի նկարը և ուսանողներին առաջարկել նորից կրկնել հիմնական արտահայտությունն ու հղումը:

Գործնական կիրառում

Young Joseph Smith sits in a chair reading the bible.

Կարող եք դասի մյուս մասում ցուցադրել նկարը կամ Ջոզեֆ Սմիթի նմանատիպ մի նկար:

Ջոզեֆ Սմիթը սուրբ գրություններում ներկայացված բազմաթիվ մարդկանցից մեկն է, որն օրհնվել է՝ հոգևոր գիտելիքներ ձեռք բերելու սկզբունքներին հետևելու համար: Հետևյալ կիրառման վարժության համար դուք կուսումնասիրեք մի օրինակ, թե նա ինչպես է կյանքում կիրառել այդ սկզբունքները: Սկսելուց առաջ մի քանի րոպե տրամադրեք և կրկնեք «Ձեռք բերել հոգևոր գիտելիքներ» բաժնի 5-12 պարբերությունները Վարդապետության սերտման հիմնարար փաստաթղթում (2022):

Ուսանողներին բաժանեք երեք խմբի, որոնցից յուրաքանչյուրը դասի մնացած ժամանակահատվածում կկենտրոնանա հոգևոր գիտելիքներ ձեռք բերելու որևէ սկզբունքի վրա: Անհրաժեշտության դեպքում կարող եք խմբերին առաջարկել կրկնել երեք սկզբունքներին վերաբերող պարբերությունը Վարդապետության սերտման հիմնարար փաստաթղթում:

  • Մտածեք, թե արդեն ինչ գիտեք Ջոզեֆ Սմիթի փորձառության մասին: Ի՞նչ հարցեր ուներ Ջոզեֆը: (Տես Ջոզեֆ Սմիթ—Պատմություն 1.8–10)

  • Ինչո՞ւ է մեզ համար կարևոր Աստծուց մեր հարցերի պատասխանները փնտրել այնպես, ինչպես Ջոզեֆ Սմիթը:

Մտածեք, թե ինչ հարցեր ունեք կամ այն իմաստության մասին, որը փնտրում եք: Երբ ավարտեք հետևյալ վարժությունը, մտածեք, թե Ջոզեֆի՝ հոգևոր գիտելիքներ ձեռք բերելու սկզբունքները կիրառելու օրինակն ինչպես կարող է օգնել ձեզ Աստծո իմաստությունը պահանջող իրավիճակներում:

Որպես այլընտրանք, այս գործնական կիրառումը կարող եք հարմարեցնել ուսանողների ունեցած հարցերին կամ իմաստությանը, որը նրանք փնտրում են:

Յուրաքանչյուր խմբի առաջարկեք միասին ուսումնասիրել հետևյալ հատվածները: Նրանց ժամանակ տվեք՝ իրենց հայտնաբերածը, այդ թվում ուսանողների նախապատրաստման վարժությունից սովորածը, քննարկելու համար: Այնուհետև առաջարկեք յուրաքանչյուր խմբի դասարանին զեկուցել, թե Ջոզեֆն ինչպես է կիրառում իրենց հանձնարարված սկզբունքը:

Ուսումնասիրեք Ջոզեֆ Սմիթ— Պատմություն 1․8, 11-17 հատվածները և նշեք յուրաքանչյուր արտահայտություն, որը ցույց է տալիս, թե պատանի Ջոզեֆն ինչպես է հետևել հոգևոր գիտելիքներ ձեռք բերելու սկզբունքներին: Չնայած հնարավոր է, որ դուք արդեն ծանոթ եք նրա պատմությանը, փնտրեք մանրամասներ, որոնք բացահայտում են Ջոզեֆի ցանկությունները, վերաբերմունքն ու հավատքը:

  • Ի՞նչ օրինակներ եք հայտնաբերել, որոնք ցուցադրում են, թե Ջոզեֆն ինչպես էր հավատքով գործում, հավերժական հեռանկար պահում և օգտագործում աստվածայնորեն նշանակված աղբյուրներ:

Հետևյալ հարցերի նպատակն է օգնել ուսանողներին քննարկել, թե Ջոզեֆն ինչպես է կիրառել հոգևոր գիտելիքներ ձեռք բերելու սկզբունքները, սովորել, թե այդ սկզբունքներն ինչպես կարող են իրենց օգնել կյանքում և դիմել Աստծուն՝ այս ճշմարտությունը սովորելու համար: Ընտրեք ուսանողներին առավել համապատասխան հարցերը:

Ձգտեք մեծացնել հասկացողությունը աստվածային աղբյուրների միջոցով

  • Ձեր կարծիքով, Ջոզեֆ Սմիթի համար ինչո՞ւ էր կարևոր իր հարցերի պատասխանները փնտրել անմիջապես Աստծուց:

  • Ջոզեֆի կարծիքով, ի՞նչ կպատահեր, եթե նա չդիմեր Աստծուն: (Տես Ջոզեֆ Սմիթ —Պատմություն 1.13)

  • Բացի աղոթքից, ուրիշ ինչպե՞ս կարող եք պատասխաններ ստանալ Աստծուց:

Քննեք հասկացություններն ու հարցերը հավերժության հեռանկարով

  • Ձեր կարծիքով, Ջոզեֆն ինչ գիտեր Աստծո մասին, որը նրան վստահություն ներշնչեց ուղղակիորեն պատասխաններ խնդրել Նրանից:

  • Երբ ձեր հարցերի պատասխանները արագ չեն գալիս, որքանո՞վ է օգտակար հասկանալ, թե Երկնային Հայրն ինչպես է հայտնում ճշմարտությունը Իր զավակներին:

  • Ինչո՞ւ էր սատանան ցանկանում խանգարել Ջոզեֆին, նաև ձեզ՝ Աստծուց աղոթքի միջոցով պատասխաններ ստանալ:

Գործեք հավատքով

  • Ջոզեֆ Սմիթն ինչպես է ցուցադրել «հաւատքով խնդրէ առանց երկմտելու» սկզբունքը ( Հակոբոս 1.6) նույնիսկ այն ժամանակ, երբ սատանան փորձում էր խանգարել նրան աղոթել: (Տես Ջոզեֆ Սմիթ—Պատմություն 1.15-16)

  • Ջոզեֆի օրինակն ինչպե՞ս է օգնում ձեզ գտնել ձեր սեփական հարցերի և մտահոգությունների պատասխանները: Կարող եք հստակ ծրագիր կազմել, թե ինչպես եք գործելու հավատքով:

Վկայեք մեր սիրող Երկնային Հոր մասին, ով ցանկանում է օրհնել մեզ իմաստությամբ, եթե մենք Իրեն խնդրենք հավատքով: Կարող եք կիսվել անձնական փորձառությամբ, որը ցուցադրում է Նրա սիրառատ առաջնորդությունը՝ Նրան հավատքով փնտրելուց հետո:

Վարդապետության սերտման կրկնություն

Մոտակա դասի ընթացքում երեքից հինգ րոպե հատկացրեք վարդապետության սերտման Հակոբոս 1.5–6 հատվածների հղումն ու հիմնական արտահայտությունը կրկնելու համար: Դա անելու ձևերից մեկն է պահել այս դասի ընթացքում օգտագործված նկարը, մինչ ուսանողները փորձեն մտապահել հիմնական արտահայտությունը: Համոզվեք, որ ուսանողները դեռևս հիշում են այս արտահայտությունը: Նրանց ժամանակ տվեք՝ այն կրկնելու և, անհրաժեշտության դեպքում, նորից փորձելու համար:

Կարող եք նաև հաջորդ մի քանի դասի սկզբում պահել Առաջին տեսիլքի նկարը և ուսանողներին առաջարկել կրկնել հիմնական արտահայտությունը երկու կամ երեք անգամ:

Օժանդակ ուսումնական վարժություն

Տեսողական հիշողությամբ սովորողներին օգնեք «Վերականգնում» տեսանյութի միջոցով

Ջոզեֆ Սմիթ—Պատմություն 1․8, 11-17 հատվածները խմբով կարդալու փոխարեն ուսանողները կարող են դիտել «Վերականգնում» տեսանյութը (2:53-15:28) ChurchofJesusChrist.org կայքում: Դադարեցրեք տեսանյութը համապատասխան տեղերում, որպեսզի ուսանողները կարողանան գրանցել, թե Ջոզեֆ Սմիթն ինչպես է ցուցադրում իրենց հանձնարարված հոգևոր գիտելիքներ ձեռք բերելու սկզբունքները: Տեսանյութը դիտելուց հետո ուսանողներին առաջարկեք իրենց հայտնաբերածով կիսվել իրենց խմբի հետ: Այնուհետև յուրաքանչյուր խմբի առաջարկեք դասարանի հետ կիսվել իրենց սովորածով:

19:13

//media.ldscdn.org/webvtt/feature-films/the-restoration/2008-06-01-the-restoration-ceb.vtt