Mareko 2:1–12

Sa faaalia e Iesu Lona mana e faamalolo ai tagata faaletino ma faaleagaga ina ua ia faamalolo i se tagata supa (pipili) ma faamagalo i ana agasala. E mafai e lenei lesona ona fesoasoani e faatupulaia lou malamalama e faapea, e mafai e le Faaola ona faamalolo ituaiga faaletonu uma.

Vaai faalemafaufau e faapea o loo tigaina se tasi e te alofa iai i se ma’i e ono maliu ai, o loo manaomia ai togafitiga faapitoa ma ua na o le tasi lava le fomai e mafai ona laveaiina o ia. O le a se mea e te matua loto e fai ina ia maua ai se fesoasoani? O le a sau mea e fai pe afai ua leai se avanoa e vaaia ai le fomai pe e nofo foi le fomai i se isi atunuu?

E ono loto tagata e faia soo se mea ina ia maua ai le faamalologa mo i latou po o e latou te alolofa i ai. E ui ina mafai e tagata ua i ai le tomai ma le poto faapitoa ona togafitia ma’i faaletino, e i ai faaletonu faaleagaga ua na o Iesu Keriso e mafai ona Ia faamaloloina atoatoa. Lisi i totonu o lau api talaaga o suesuega po o a nei ma’i ua e talitonu ua aofia ai.

A o e suesue i lenei lesona, mafaufau loloto pe faapefea ona e fesoasoani i tagata e pele ia te oe ma oe foi, ona o atu ia Keriso ina ia maua le fesoasoani ua na o Ia e mafai ona tuuina mai.

O se tomai e mafai ona fesoasoani e te aoao atili ai ao e suesue i talatusia o tusitusiga paia, o le faitau lea mai i le vaaiga patino a tagata eseese i totonu o le tala. A o e faatinoina lea tulaga, fai ma malolo ina ia taumafai e te mafaufau po o le a se mea o ono lagonaina po o mafaufauina e lena tagata i vaega eseese o le tala.

Ina ia faataitai lenei tomai suesue, filifili se tasi o tagata nei e te taulai iai a o e suesue i lenei tala ia Iesu a o aoao atu i Kapanaumi:

• O se tagata pipili (o le “ma’i supa” e pei ona faaaoga i le tala lenei o lona uiga ua pipili)

• O se tasi o tagata e toafa na fataina le tagata supa

• O se tasi o tagata i totonu o le fale o loo faalogologo ia Iesu

Faitau i le Mareko 2:1–3, ma vaai faalemafaufau faapea o oe o le tagata ua e filifilia e taulai i ai.

• O a ni luitau, pe afai o iai, ua e manatu sa feagai ma lena tagata?

• O a ni mea ua e vaai faalemafaufau na vaaia, faalogoina, mafaufauina ma lagonaina e lena tagata?

• Mata o le a se mea na ono faamoemoe iai lena tagata na te mauaina mai i lona taimi ma Iesu Keriso?

Faitau i le Mareko 2:4, ma vaavaai mo mea na fai e i latou na fataina le tagata ma’i ina ia taulalata atu ai o ia ia Iesu Keriso. Atonu foi e te manao e matamata le vitio “Ua Faamagalo e Iesu ia Agasala ma Faamalolo le Tagata Ma’i Supa,” e maua i le ChurchofJesusChrist.org, mai le 0:00 i le 1:07.

• O a ni mea ua e manatu na mafaufauina ma lagonaina e le tagata sa e filifilia i lenei vaega o le tala? Aisea?

• O le a se mea o e manatu na latou faamoemoe e faia pe fetalai mai ai Iesu?

Faitau i le Mareko 2:5 e saili po o le a le tala a Iesu na fetalai ai i le tagata.

Sometimes spiritual illness comes as a result of sin or emotional wounds. …

Even the deepest spiritual wounds—yes, even those that may appear to be incurable—can be healed.

My dear friends, the healing power of Jesus Christ is not absent in our day.

The Savior’s healing touch can transform lives in our day just as it did in His. If we will but have faith, He can take our hands, fill our souls with heavenly light and healing, and speak to us the blessed words, “Rise, take up thy bed, and walk” [ John 5:8 ].

(Dieter F. Uchtdorf, “Bearers of Heavenly Light,” Ensign or Liahona, Nov. 2017, 78)

• Aisea e ono faateia ai le tagata sa e taulai i ai i upu a le Faaola i le fuaiupu 5 ?

O nisi o tagata sa iai i lenei faatasiga sa latou fesiligia le pule a le Faaola e faamagalo ai agasala. Faitau i le Mareko 2:6–12, ma saili po o le a le mea na fai e le Faaola e faailoa atu ai Lana pule e faamagalo. O le faaupuga “Atalii o le tagata” i le fuaiupu 10 o loo faasino ia Iesu Keriso o le Atalii o le “Tagata Paia,” o le Atua le Tama (tagai i le Mose 6:57). Atonu foi e te manao e faaauau ona matamata le vitio “Ua Faamagalo e Iesu ia Agasala ma Faamalolo le Tagata Ma’i Supa” mai le 1:07 i le 2:57.

• Mafaufau i le tagata sa e taulai iai i lenei tala. E faapefea ona e vaai faalemafaufau i lenei tagata o tali atu i fetalaiga ma mea na fai e le Faaola?

• O le a se mea na e aoaoina e uiga i le Faaola a o e taulai i se tagata patino i le tala?

O se tasi o upumoni e mafai ona e faailoa a o e suesue i lenei tala o le E i ai le mana o Iesu Keriso e faamalolo ai tatou faaletino ma faaleagaga.

Sa molimau mai Peresitene Dieter F. Uchtdorf, a o iai i le Au Peresitene Sili, i le mana o le Faaola e faamalolo ai ma’i faaleagaga.

1. Complete the following activity in your study journal using at least five sentences:

• O a ni faataitaiga o manua faaleagaga e mafai ona faamalolo e le Faaola?

• E faapefea ona manuia lou olaga i le iloa e mafai ona Ia faamalolo manuaga faaleagaga?

Mafaufau lololoto i fesili nei e uiga i lenei upumoni. Mafaufau e tusi ou mafaufauga i totonu o lau api talaaga mo suesuega.

• O i ai ni manua faaleagaga i lou olaga e manaomia ona faamalolo?

• E mafai faapefea ona tatou sailia le mana faamalolo o Iesu Keriso?

• E iai se isi o e iloa o loo manaomia le mana faamalolo o Iesu Keriso? O le a se mea e mafai ona e faia e fesoasoani ai ia i latou ia mauaina?

Molimau atu i le alofa o Iesu Keriso mo i tatou taitasi ma i Lona mana e faamalolo ai i tatou.

A o e suesue i isi tala i tusitusiga paia i lenei tausaga, mafaufau e faaaoga le tomai o le taulai i tagata faapitoa. E ono fesoasoani le faitau faafia o se fuaitau, ma manatunatu loloto i taimi uma e te faitau i ai po o a ni lesona na ono aoaoina e tagata eseese i totonu o le tala.

1. Faauma le gaoioiga lenei i totonu o lau api talaaga mo suesuega e faaaoga ai ni fuaiupu se lima pe sili atu:

Mafaufau faapea ua manao le tagata na e taulai iai a o e suesue i lenei tala e faamatala i sana uo mea sa ia vaaia ma lagonaina i lena aso. Faaalu se taimi e tusi ai i totonu o lau api talaaga mo suesuega pe na faapeī lou vaai faalemafaufau ia i latou o faamatalaina auiliili le aafiaga. Ia aofia ai ma mea ua e manatu na latou aoaoina ma lagonaina e uiga ia Iesu Keriso.

Filifili le faamau o le Amata le Meaaoga Atofaina po o le Auina Atu e ave ai i luga o upega tafailagi lau meaaoga. Mafaufau e pue se vitio o lou faamatalaina o le tala mai le vaaiga a lea tagata, pe mafai ona e taina lau tali e faaaoga ai ni fuaiupu se lima pe sili atu.