Iloiloga 18 o le Atamai i Aoaoga Faavae
Faaaoga Fuaitau o le Atamai i Aoaoga Faavae
O se tasi faamoemoega o le atamai i aoaoga faavae o le fesoasoani atu lea ia te oe e aoao pe faapefea ona faaaoga aoaoga faavae o loo aoaoina i fuaitau o mau o le atamai i aoaoga faavae i tulaga masani o le olaga. O lenei lesona o le a tuuina atu ai avanoa e faataitai ai le faatatauina o nisi o fuaitau o le atamai i aoaoga faavae o le Feagaiga Fou i lou olaga.
Fuaitau o le atamai i aoaoga faavae
Vaai faalemafaufau i le 150 o tagata taaalo sili i le lalolagi o loo tauva e taaalo i le tulaga e puipuia le mea e sikoa i ai le isi au i se au soka sili ona lauiloa. E mafai ona e vaai faalemafaufau i le faigata o le a oo i faiaoga ona filifili na o le toatasi le tagata taalo?
-
O a ni taiala faavae e te manatu e mafai ona faaaoga e faiaoga e tuuitiitia ai po o ai e filifilia?
O le Feagaiga Fou o loo i ai le toeitiiti 8,000 fuaiupu. E na o le 53 o nei fuaiupu (e tusa ma le 1 mai fuaiupu uma e 150) o loo aofia i totonu o fuaitau o le atamai i aoaoga faavae e 24 o le Feagaiga Fou. Vaai faalemafaufau i le luitau o le filifilia po o fea o fuaitau mai le Feagaiga Fou atoa e tatau ona suesueina o ni fuaitau o le atamai i aoaoga faavae.
-
Afai e talosagaina oe e fesoasoani e filifili fuaitau o le atamai i aoaoga faavae, o a ni taiala e te faaaogaina e filima’oti ai po o fea fuaitau e te filifilia?
Filifili ni fuaitau se lua o le atamai i aoaoga faavae nei atonu e te le masani tele ai. Faitau le fuaitau atoa i au tusitusiga paia, ma filima’oti mafuaaga e te manatu na filifilia ai na fuaitau o ni fuaitau o le atamai i aoaoga faavae mo le autalavou i le lalolagi atoa e taulai i ai.
Atamai i Aoaoga Faavae mo le Feagaiga Fou: 1 Korinito–Faaaliga
|
Mau Faasino o Tusitusiga Paia |
Fasifuaitau Autu o le Mau |
|---|---|
Mau Faasino o Tusitusiga Paia 1 Korinito 6:19–20 | Fasifuaitau Autu o le Mau “O lo outou tino o le malumalu lea o le Agaga Paia.” |
Mau Faasino o Tusitusiga Paia 1 Korinito 11:11 | Fasifuaitau Autu o le Mau “E leai se tane pe a le o i ai le fafine, e leai foi se fafine pe a le o i ai le tane, i le Alii.” |
Mau Faasino o Tusitusiga Paia 1 Korinito 15:20-22 | Fasifuaitau Autu o le Mau “Aua faapei ona oti uma ia Atamu, e faapea foi ona faaolaina uma ia Keriso.” |
Mau Faasino o Tusitusiga Paia 1 Korinito 15:40-42 | Fasifuaitau Autu o le Mau I le Toetutu, e i ai tikeri e tolu o le mamalu. |
Mau Faasino o Tusitusiga Paia Efeso 1:10 | Fasifuaitau Autu o le Mau “Ina ia na faaopoopoina ia Keriso i le sauniga i le faaatoaga o tausaga, o i latou uma lava o i le lagi, atoa ma i latou o i le lalolagi.” |
Mau Faasino o Tusitusiga Paia Efeso 2:19–20 | Fasifuaitau Autu o le Mau O le Ekalesia o loo ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” |
Mau Faasino o Tusitusiga Paia 2 Tesalonia 2:1–3 | Fasifuaitau Autu o le Mau “O le aso o Keriso … e le oo mai lena aso, seia muai ona taunuu o le tete’a ese.” |
Mau Faasino o Tusitusiga Paia 2 Timoteo 3:15–17 | Fasifuaitau Autu o le Mau “O Tusi Paia, e mafaia ona faapoto ai ia te oe e iu ai i le ola i le faatuatua.” |
Mau Faasino o Tusitusiga Paia Eperu 12:9 | Fasifuaitau Autu o le Mau O le Tama Faalelagi o “le Tamā o tatou agaga.” |
Mau Faasino o Tusitusiga Paia Iakopo 1:5–6 | Fasifuaitau Autu o le Mau “A e afai ua leai se poto i so outou, ina ole atu ia i le Atua.” |
Mau Faasino o Tusitusiga Paia Iakopo 2:17–18 | Fasifuaitau Autu o le Mau “O le faatuatua, pe afai e le i ai galuega, e mate lava.” |
Mau Faasino o Tusitusiga Paia 1 Peteru 4:6 | Fasifuaitau Autu o le Mau “[Na] folafola atu foi le talalelei i e ua oti.” |
Mau Faasino o Tusitusiga Paia Faaaliga 20:12 | Fasifuaitau Autu o le Mau “Ona faamasinoina ai lea o e na oti … e tusa ma a latou amio.” |
O lou sootaga ma le Atua
O se tasi o mafuaaga na filifilia ai fuaitau o le atamai i aoaoga faavae ona o loo i ai upumoni e mafai ona faamalosia ai la outou sootaga ma le Tama Faalelagi ma Iesu Keriso.
1. Tali fesili nei i totonu o lau api faamaumau mo suesuega:
-
O le a se tasi o fuaitau o le atamai i aoaoga faavae na fesoasoani ia te oe e faamalosia ai lau sootaga ma le Tama Faalelagi ma Iesu Keriso? Na faapefea ona fesoasoani ia te oe?
-
O a upumoni ua e aoaoina e uiga ia i Laua mai lenei fuaitau?
Faaaogaina o fuaitau
O se tasi o faamoemoega o le atamai i aoaoga faavae o le fesoasoani lea ia te oe e faaaoga upumoni o loo maua i fuaitau o le atamai i aoaoga faavae i tulaga e fetaiai ma oe i lou olaga i le taimi nei ma le lumanai. Mo se faataitaiga, o le aoaoga faavae o loo aoao mai i le 1 Peteru 4:6 e faapea, o le talalelei e talai atu i e ua maliliu i le lalolagi o agaga e mafai ona fesoasoani e faamafanafana ai i se uo ua maliu se ua pele pe mafai foi ona uunaia oe e fai galuega o le malumalu ma galuega talafaasolopito o aiga mo ou tuaa.
Faatatauina i aso nei
2. Tali fesili nei i totonu o lau api faamaumau mo suesuega:
-
O le a se tulaga masani o loo feagai ma le autalavou i aso nei e mafai ona faamatalaina e se tasi o fuaitau o le atamai i aoaoga faavae o loo lisiina i luga o le siata? E mafai ona e tusia e uiga i ou lava tulaga, o tulaga o se tasi e te iloa, po o tulaga o le autalavou lautele.
-
O fea o nei fuaitau o le atamai i aoaoga faavae e sili ona fetaui i le tulaga na e tusi faatatau i ai? E faapefea ona faatatau upumoni i lena fuaitau i lea tulaga?
Faatatauina i le lumanai
3. Tali fesili nei i totonu o lau api faamaumau mo suesuega:
-
O le a se tulaga e mafai ona e oo i ai pe a faasolo ina e matua lea e mafai ai e se tasi o fuaitau o le atamai i aoaoga faavae ona fesoasoani pe taiala oe?
-
O le fea o nei fuaitau o le atamai i aoaoga faavae e sili ona fetaui i lena tulaga? E faapefea ona faatatau upumoni i lena fuaitau i lea tulaga?