Andraikitra

Manampy ireo zanakavavy malalan’ Andriamanitra hiomana hiverina eo anatrehany ny rafitry ny Zatovovavy. Manampy ireo zatovovavy ho lasa mpianatr’i Jesoa Kristy mandritra ny androm-piainany izany rehefa manao sy mitandrina ireo fanekempihavanana masina ary mampiorim-paka ny fiovam-pony izy ireo. Manompo ny hafa, manatontosa ireo andraikitra ao amin’ny fanekempihavanana, manorina firaisan-kina, ary mianatra sy miaina ny fotopampianarana ireo zatovovavy ao amin’ny kilasy sy ny fivorian’izy ireo. (Jereo ny Boky torolalan’ny Fiangonana maneran-tany, 11.1.1.)

Ny mpitantsoratry ny kilasin’ny Zatovovavy dia manohana ny fiadidian’ny kilasy sy ireo mpitarika ao amin’ny Zatovovavy mba hanompo na hanao asa fanompoana ho an’ireo olona ao amin’ny kilasy. Manomana ny fandaharam-potoanan’ireo fivorian’ny fiadidiana izy, mandray an-tsoratra, ary manara-maso ireo asa nampiandraiketina sy ny fanatrehana ireo fivoriana alahady (11.3.4.2).

Ireo fiadidian’ny kilasin’ny Zatovovavy dia mivory tsy tapaka ary miaraka amin’ny mpitantsoratry ny kilasy sy ireo olon-dehibe mpitarika ny Zatovovavy izay voatendry hanohana azy ireo. Miara-mifampidinika izy ireo ary mikatsaka ny hahazo fanambarana momba ny sitrapon’ny Tompo ho an’ny kilasin’izy ireo. Ireo fivoriana ireo dia mety ahitana fifanakalozan-kevitra ny amin’ny fanompoana ny olona ao amin’ny kilasy, ka mifantoka manokana amin’ny fanohanana ireo mpikambana vaovao sy ny fanoloran-tanana an’ireo mpikambana malaindaina, ary ny fandaminana ireo fivoriana, ny asa fanompoana ary ireo fiaraha-mientan’ny kilasy. (Jereo ny 11.3.4.3.)

Ho an’ny torolalana sy fitsipika fanampiny dia jereo ny fizarana 11.6 ao amin’ny Boky torolalan’ny Fiangonana maneran-tany.