Ko Hoku Uiuiʻi ko e Faiako Semineli mo e ʻInisititiuti ʻi he Siteikí
Ngaahi Maʻuʻanga Tokoni Kehé
Makehe mei he Tohi Tuʻutuʻuni Fakakātoá, kātaki ʻo fakakaukau ki he ngaahi maʻuʻanga tokoni makehe ko ʻení ke tokoniʻi koe ʻi ho uiuiʻí.
-
Ngaahi Folofolá.Ko e ngaahi ngāue angamaheni mo ʻetau maʻuʻanga tokoni tefito ʻi hono akoʻi ʻo e toʻu tupú mo e kakai lalahi kei talavoú, ko e folofola ʻa e ʻOtuá.
-
Naunau Fakalēsoni ʻa e Seminelí ʻi he Lolotonga ní.ʻOku nofotaha ʻa e naunau fakalēsoni mo e ngaahi lēsoni ʻo e moʻuí ʻi he ngaahi folofola mo e ngaahi akonaki ʻa e kau taki ʻo e Siasí.
-
Ko e Faiako ʻi he Founga ʻa e Fakamoʻuí.ʻE lava ke hoko ʻa e maʻuʻanga tokoni ko ʻení ko ha fakahinohino maʻau ke ke ako fekauʻaki mo e founga faiako ʻa e Fakamoʻuí. ʻI hoʻo feinga ke faiako ʻi he founga ʻa e ʻEikí, te Ne tokoniʻi koe ke ke hoko ko e faiako ʻokú Ne ʻafioʻi te ke lava ʻo aʻusiá.
-
Kaveinga Ngāue ʻo e Seminelí mo e ʻInisititiutí.ʻOku fakamatalaʻi ʻe he fakamatala ʻo e kaveinga ngāué ʻa e ngaahi ola ʻo ʻetau ngaahi ngāue ko e kau faiako semineli mo e ʻinisititiutí
Ueʻi Fakalaumālie
ʻOku hoko ʻa e liliu ki heʻenau moʻuí ʻi he ʻaho kotoa pē ʻi heʻenau haʻu ki hoʻo kalasí, ʻi heʻenau ongoʻi hoʻo ʻofá mo e tuí, pea ʻi heʻenau tali hoʻo fakaafe ke ako ʻa e ngaahi folofolá mo fanongo ki he leʻo ʻo e ʻOtuá. Fakamālō atu ʻi hono fakaʻaongaʻi hoʻomou tuí ke tāpuekina ai ha fānau tokolahi ange ʻa e Tamai Hēvaní ʻi hoʻo foaki ha mālohi fakalaumālie ʻoku nau mātuʻaki fiemaʻú. (Brother Chad H Webb, Pule ʻo e Seminelí mo e ʻInisititiuti Fakalotú, “Mālohi Fakalaumālié” [Fakamafola Fakataʻu ʻa e S&I Sānuali 2024], Gospel Library)