28
Espiritu’y Dios
Nitatanduro
1. Espiritu’y Dios siñga mandarlang ya apoy!
Saray kaunoran a gloria ompapatnag lamet;
Payawar, bendicion nen saman nipapawil.
Tan saray angeles ondadalaw ed dalin.
[Chorus]
Micanta, mibelway ti ed katawena.
Hosanna, Hosanna ed Dios, Katawan.
Iter ed sikara’y gloria ed katag’yan,
Natan anga’d anga, Amen tan amen!
2. Inaruma’y Dios pakatalos na sasantos.
Nipawil so kakabatan a siñga nen saman.
Kakabatan, biskeg na DIos so niiiter.
Sakbong ed mundo’y ongagapo’n napupunas.
[Chorus]
Micanta, mibelway ti ed katawena.
Hosanna, Hosanna ed Dios, Katawan.
Iter ed sikara’y gloria ed katag’yan,
Natan anga’d anga, Amen tan amen!
3. Manawag ti’y masimuon a pantitipon,
Ibawag ed arawi’n pasen, panaria’y tawen.
Pian dia’d pananisia sikatayo’y manawir.
Na payawar tan bendicion tan gloria na Dios.
[Chorus]
Micanta, mibelway ti ed katawena.
Hosanna, Hosanna ed Dios, Katawan.
Iter ed sikara’y gloria ed katag’yan,
Natan anga’d anga, Amen tan amen!
4. Agew a ma’big no say leon tan karnero
Manduñgo i ra’d aroan tan angapo’y busol,
Pian nakoronaa’y bendicion ed Zion Ephraim.
No si Jesus onleksab ed karwahe ya apoy.
[Chorus]
Micanta, mibelway ti ed katawena.
Hosanna, Hosanna ed Dios, Katawan.
Iter ed sikara’y gloria ed katag’yan,
Natan anga’d anga, Amen tan amen!
Texto: William W. Phelps,1792–1872. Kaiba ed unaan ya LDS a himno, 1835. Cinanta nen pinasanto so Templo na Kirtland nen 1836.
Laineng: Henry Tucker, ca. 1863
Doctrine and Covenants 109:79–80
Doctrine and Covenants 110