6
Pananisian Malet
Sidadayew
1. Pananisian malet, sasantos na Dios.
Niletneg ed nagnap a salita to.
Panañga ro’n bilin so talineng yo
Sikayo ed Jesus, Sikayo ed Jesus,
Sikayo ed Jesus dinmago’n pinmireg.
2. Ami’y kipapasen, biskeg, inagem.
Dia’d irap ma’y daakan ya inawa.
Abong o iner dia’d dalin ma’y dayat
Tagano’n ag’wagew, Tagano’n ag’wagew
Tagano’n ag’wagew so iter to’n amin.
3. Ag’kiy nagunigon tan ag ombeleng.
Ta siak a Dios yo iter ko’y sakurong.
Pabiskegen ta pian ontalin deg ka
Itabin ka’y taklay, Itabin ka’y taklay
Itabin ka’y taklay matunong, masekder.
4. No ka’ral ’ma’y danum ibaki taka,
Delap na ermen ag ontabo’d sika,
Bendicio’d gunigon lapu’d kaiba Mo’ak,
Pasantosen taka, Pasantosen taka
Pasantosen taka’d ka’ral’ma’y irap mo.
5. Sana maliob ’ran subok nadalan mo,
Say gracia’k so masarag a mamano.
Ed apoy ag ka napo’lan; ta getma’k
Mañgekal na dutak, mañgekal na dutak,
Mañgekal na dutak, manpino’y balitok.
6. Anga’d itakken mo napaneknekan
Aro’n ag mananga, tan ag mañguman;
So amputi’n buek mo so napatnagan,
Siñga tupa’n siansia, siñga tupa’n siansia,
Siñga tupa’n siansia’d pagew ampopoen ka.
7. Say kamareruan onsaral ed Jesus
Ag ko’n balot paulian ed saray mauges;
Angan amin a demonyo’y mangulo,
Ag ko nagawaan, ag ko, andi’n balot,
Ag ko nagawaan sikato’y kaindan ko.
Texto: Attr. ed si Robert Keen, ca. 1787. Kaiba ed unaan ya LDS a himno, 1835.
Laineng: Attr. ed si J. Ellis, ca. 1889
Isaiah 41:10
Isaiah 43:2–5