“26. Pepa in Mālim n̄an Deļon̄e Tampeļ eo,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2025).
“26. Peba in Mālim n̄an Deļo̧n̄e Tampeļ” Bok in Bōk Meļeļe Eļap.
26.
Peba in Mālim ko n̄an Deļo̧n̄e Tampel
26.0
Kadkad in
Deļon̄e m̧weo im̧ōn Irooj ej juon iien ekwojarjar. Ritōl ro ilo ward im stake rej rōjan̄ aolep membōr ro bwe ren erreo im n̄an bōk juon aer pepa in mālim n̄an deļon̄e tampeļ eo men̄e rejjab jokwe turin juon tampeļ.
Ritōl ro an Kabun̄ in rej kōm̧m̧ani aolep kijejeto ko n̄an lale bwe aolep ro rej deļon̄e m̧weo im̧ōn Irooj ren erreo n̄an kōm̧m̧an āindein (lale Sam Ko 24:3–5). Ritōl ro an priesthood ro em̧ōj kōmālim er rej kōjeikiik intōrpiu ko n̄an pepa in mālim n̄an deļon̄e tampeļ im kōm̧m̧ane juon pepa in mālim n̄an deļon̄e tampeļ n̄an membōr ro rej uwaake kajjitōk ko an intōrpiu eo ilo jejjet im ilo m̧ool (lale 26.3 Irooj ej kallim̧ur bwe eļan̄n̄e ro rej deļon̄e m̧weo Im̧ōn renaaj erreo, Ao̧o̧ eo an enaaj pād ijōn (lale Katak im Bujen Ko 97:15–16).
Membōr ro 8 iiō dettaer im rūttoļo̧k rej aikuj wōr juon aer peba in mālim n̄an deļo̧n̄ tampeļ ekāāl n̄an deļo̧n̄e juon tampeļ. Rej aikuj in kar peptaij im kapen n̄an maron̄ bōk juon peba in mālim.
Ajri ro reddikļo̧k jān 8 iiō dettaer me kar liāp n̄an ro jinier im jemāer ak lale liāp eo an ro jeier n̄an ro jinier im jemāer rejjab aikuji juon peba in mālim (lale 27.4.1 im 27.4.5). Ijo wōt ke, ro jinier im jemāer rej kam̧oole meļeļe ko aer kōn Ordinance Preparation eo ilo LCR eo (lale 27.1.2).
Jebat in ej letok kōmeļeļe ko n̄an ritōl ro rej kōm̧m̧ani ak leļo̧k peba in mālim ko n̄an deļo̧n̄e tampeļ ko. Juon bisop ej kapilōk ippān stake būreejtōn eo an eļan̄n̄e ewōr an kajjitōk kōn peba in mālim n̄an deļo̧n̄e tampeļ eo me rejjab uwaak ilo jebta in. Stake būreejtōn eo emaron̄ kajju kajjitōkļo̧k kajjitōk ko n̄an Opij eo an Būreejtōnji eo an Kein Kajuon.
26.1
Elōn̄ Kain Peba im Mālim ko n̄an Deļon̄e Tampeļ
Juon peba in mālim n̄an deļo̧n̄e tampeļ ekāāl ej kōtļo̧k an juon membōr deļon̄e aolep tampeļ ko. Ritōl ro an priesthood rej lukkuun lae bwe aolep membōr rej bōk mālim eo ejim̧we n̄an jekjek ko aer. Elōn̄ jilu kain mālim ko:
-
Peba in mālim n̄an deļo̧n̄ tampeļ n̄an peptaij ko im kapene ko an bōk jikin. Peba im mālim kein rej n̄an membōr ro rejjan̄in bōk menin letok kwojarjar eo me rej kōm̧m̧ani peptaij ko im kapene ko an bōk jikin. Rej liļo̧k n̄an membōr eo kōn Leader and Clerk Resources (LCR). Membōr eo emaron̄ kāālet n̄an bōk n̄e ejjab juon peba in mālim kar būriini ak ilo talboon.
Kōnn meļele ko rellōn̄ļo̧k, lale 26.3.1.
-
peba in mālim n̄an deļon̄e tampeļ n̄an membōr ro rejjan̄in bōk menin letok kwojarjar. Mālim kein rej n̄an membōr ro me em̧ōj aer kar bōk menin letok kwojarjar. Rej kōmālim membōr ro kar bōk menin letok kwojarjar eo n̄an bōk koņaer ilo aolep kain̄i ko an tampeļ n̄an ro remej. Rej leļo̧k n̄an juon membōr ilo LCR eo. Membōr eo emaron̄ kāālet n̄an bōk n̄e ejjab juon peba in mālim kar būriini ak ilo talboon.
Kōn meļeļe ko reļļapļo̧k, lale 26.3.2.
-
Peba im mālim deļo̧n̄ tampeļ ko n̄an kain̄i ko an ro remour. Peba in mālim deļo̧n̄ tampeļ kein n̄an membōr ro n̄an bōk menin letok kwojarjar eo aer make ak liāp n̄an eo pāleen, ro jinen im jemān, ak ajri ro. Rej liļo̧k ilo digital jān Odinance Preparation eo ilo LCR. Ritōl ro an priesthood eo rej kōjerbal Ordinance Preparation eo n̄an jilkinļo̧k peba in mālim eo ededeļo̧k n̄an tampeļ eo ijo kain̄i eo enaaj bōk jikin.
N̄an delo̧n̄ tampeļ, membōr ro me renaaj tōpar 12 iiō dettaer ak rūttoļo̧k ilo jem̧ļo̧k in iiō eo me kain̄i eo enaaj kōm̧m̧an aikuj barāinwōt wōr ippān juon iaan peba in mālim kein ruo ilo kakkobabaļo̧k n̄an juon peba in mālim n̄an kain̄i ko n̄an ro remour. Eļan̄n̄e emenin aikuj, ritōl ro an priesthood eo remaron̄ leļo̧k juon iaan peba in mālim ko im peba in mālim eo n̄an kain̄i ko an ro remour ilo iien ejja intōrpiu eo wōt. Kōn meļele ko rellōn̄ļo̧k, lale 26.3.3.
Kōn meļeļe ko kōn kain̄i ko an tampeļ n̄an ro remour, lale jepta 27.
26.2
Kōjparok Peba in Mālim n̄an Deļo̧n̄e Tampeļ
26.2.1
Priesthood ritōl ro rej kōjparok Peba in Mālim n̄an Deļo̧n̄e Tampeļ
Ritōl ro an priesthood ro kar kōmālim n̄an bōk bok in mālim n̄an deļo̧n̄e tampeļ eo reaikuj in lukkuun kōjparoki. Ejjeļo̧k bar juon armej eaikuj in bōkki. N̄e Kabun̄ in ej kōkāāl bok in mālim n̄an deļo̧n̄e tampeļ eo, ritōl ro rej kakkure bok eo em̧ōr.
Ritōl ro an priesthood eo rej barāinwōt kanooj lale bwe kajjojo ro kar jab kōmālim ren jab deļo̧n̄e meļeļe ko an peba in mālim an tampeļ ilo LCR.
26.2.2
Peba in Mālim ko N̄an Deļo̧n̄e Tampeļ eo Rejako ak Reko̧o̧ti
Bisop eo ej kajjitōk ippān membōr ro n̄an karon̄ e ilo iien eo em̧ōkajtata n̄e peba in mālim rejako ak reko̧o̧ti. Eļan̄e armej eo ej karbōb wōt, bisop ak juōn rikabiļōk eo emōj kālōte ak clerk eo ej deļo̧n̄e LCR n̄an bar print i juon mālim. Mālim eo ekāāl enaaj jem̧ļo̧k kitien ilo ejja ien eo wōt ilo kar mālim eo m̧okta.
Jet iien juon membōr eo mālim eo an ejebwābwe ak jako ejjab mour kōn jo̧n̄o̧k ko in ereo. Ilo jekjek rot in, bisop eo ej kabōjrak mālim eo ilo iien eo em̧ōkajtata (lale 26.2.3).
26.2.3
Rikabwijer Peba in mālim n̄an deļo̧n̄e tampeļ Ro Rejjab Mour Kake Jon̄ak ko an Erreeo
Eļan̄n̄e bisop eo ej kōmlet bwe juon membōr eo ewōr juon an peba in mālim ekāāl ejjab mour kōn jon̄ak ko an erreo (lale 26.3) ej kōjerbal LCR eo n̄an kāānjeļe peba in mālim eo. N̄e jejtōm̧ in ejjab pād, bisop eo ej kūrļo̧k tampeļ opiij bwe ren kāānjōļe peba in mālim n̄an deļo̧n̄e tampeļ. Eļan̄n̄e membōr eo ewōr juon an peba in mālim kar būriini, bisop eo ej kajjitōk kake jān membōr eo.
26.3
Tarlepin Unin Tōl ko n̄an Leļo̧k Peba in Mālim ko n̄an Deļo̧n̄e Tampeļ
Ritōl priesthood eo kar kōmālimi ej kōm̧m̧ane intōrpiu eo m̧okta jen an juon membōr eo bōk juon peba in mālim n̄an deļo̧n̄e tampeļ. Kōmeļeļe ko repād ilo LCR. Ritōl priesthood ro reaikuj leļo̧k peba in mālim n̄an deļo̧n̄e tampeļ wōt n̄e membōr eo ej uwaaki kajjitōk ko rekkar ilo peba in mālim n̄an deļōn̄e tampeļ eo.
Peba in mālim n̄an deļo̧n̄e tampeļ intōrpiu ko rej kōtļo̧k bwe membōr ro ren kwaļo̧k ke ewōr aer naan in kam̧ool im rej kajjieon̄ pokake kien ko an Anij im ļoor rikanaan ro An. Ritōl priesthood ro rej kapene, ilo intōrpiu eo, ke membōr ro rej erreeo.
Lale 26.4 kōn elōn̄ļo̧k meļeļe ko n̄an kōm̧m̧ani itōrpiu ko an peba in mālim.
26.3.1
Leļo̧k Peba im Mālim Deļo̧n̄e Tampeļ ko n̄an Peptaij ko im Kapene ko an Bōk Jikin
Peba im mālim deļo̧n̄e tampeļ ko n̄an peptaij ko im kapene ko an bōk jikin ej kōmālim membōr ro n̄an bōk koņaer ilo peptaij ko im kapene ko n̄an ro remej. Rej leļo̧k n̄an membōr ro rejjan̄in bōk menin letok kwojarjar eo me raar peptaij im kapen.
Membōr ro me rekar bōk menin letok kwojarjar eo im̧aanļo̧k rejjab leļo̧k n̄an er juon peba im mālim n̄an peptaij ko im kapene ko an bōk jikin.
Membōr ro me rej maron̄ bōke peba in mālim kein rej ijjino ilo Jānwōde in iiō eo rej tōpar 12. Juon em̧m̧aan membōr in Kabun̄ in ej aikuj in ekkapit n̄an juon opiij an priesthood eo m̧okta jān an maron̄ bōk juon peba in mālim deļo̧n̄e tampeļ
Ilo juon ward, bisop eo ak juon rikakpilōklōk eo kar jitōn̄e ej intōrpiuik membōr ro rejjan̄in bōk menin letok kwojarjar eo n̄an peba in mālim delo̧n̄e tampeļ ko n̄an peptaij ko im kapene ko an bōk jikin. Ilo juon branch, branch būreejtōn eo wōt ej kōm̧m̧ane intōrpiu ko n̄an peba in mālim n̄an deļo̧n̄e tampeļ. (N̄e kōmālim oktak in, lale 23.6.1.)
Ritōl eo ej kōm̧m̧ane intōrpiu eo ej ļoor unin tōl ko ilo 26.4. Intōrpiu ko n̄an peba in mālim n̄an deļo̧n̄e tampeļ eaikuj in jab m̧ōkaj. Rej aikuj in ittiņo. Ijoke, armej eo intōrpiuk maron̄ karuwaineneik tok jinen ak jemān ak bar juon rūtto n̄an pād.
Ritōl eo leļo̧k juon peba in mālim kōn LCR eo eļan̄n̄e membōr eo ej erreo. Peba in mālim kein rej aikuji wōt jain ko an membōr eo im juon membōr in bisoprik eo ak branch būreejtōn eo.
Peba im mālim ko n̄an peptaij ko im kapene ko an bōk jikin rej kōmālimi ilo LCR eo jān juon membōr in bisoprik eo ak branch būreejtōn eo.
Kōn meļeļe ko n̄an leļo̧k peba in mālim ko n̄an membōr ro me rej m̧aanjabpopo n̄an bōk menin letok kwojarjar eo aer ak n̄an liāp n̄an eo pāleen, jinen im jemān, ak ajri ro, lale 26.3.3.
26.3.2
Leļo̧k Peba in Mālim n̄an Deļo̧n̄e Tampeļ ko n̄an Membōr ro raar Bōk Menin Letok Kwojarjar eo
Peba in mālim delo̧n̄e tampeļ ko n̄an membōr raar bōk menin letok kwojarjar eo ej kōmālim membōr ro n̄an bōk koņaer ilo aolep kain̄i ko an tampeļ n̄an ro remej. Rej leļo̧k n̄an membōr ro me raar m̧oktaļo̧k bōk menin letok kwojarjar eo. (N̄an membōr ro rej bōk menin letok kwojarjar eo aer make, lale 26.3.3.)
Ilo juon ward, bisop eo ak rikakpilōklōk eo kappeik ej kōm̧m̧ani intōrpiu ko an peba in mālim deļo̧n̄e tampeļ im ej leļo̧k peba in mālim ko. Ilo juon branch, branch būreejtōn eo wōt ej kōm̧m̧ane intōrpiu in peba in mālim n̄an deļo̧n̄e tampeļ im leļo̧k peba in mālim n̄an deļo̧n̄e tampeļ eo.
Ritōl eo ej kōm̧m̧ane intōrpiu eo ej ļoor unin tōl ko ilo 26.4. Intōrpiu ko n̄an peba in mālim n̄an deļo̧n̄e tampeļ eaikuj in jab m̧ōkaj. Rej aikuj in ittiņo. Ijoke, armej eo intōrpiuk maron̄ karuwaineneik tok eo pāleen, jemān ak jinen, ak bar juon rūtto n̄an an pād.
Ritōl eo ej leļo̧k juon peba in mālim kōn LCR eo eļan̄n̄e membōr eo ej erreo.
Ālkin intōpiu eo jen juon membōr in bisoprik eo ak branch būreejtōn eo, juon membōr in stake būreejtōnji eo ej intōrpiuik membōr eo ej jokwe ilo stake eo. Ej jaini peba in mālim n̄an deļo̧n̄e tampeļ eo an eo ej erreeo. Juon membōr in mijen būreejtōnji eo ej kōm̧m̧ane intōrpiu eo kein karuo n̄an membōr eo ej jokwe ilo district eo. Ej bar jaini peba in mālim n̄an deļo̧n̄e tampeļ eo an ro rej erreeo. Juon district būreejtōn ejjab kōm̧m̧an intōrpiu an peba in mālim n̄an deļo̧n̄e tampeļ m̧ae iien ej kōmālim jen Būreejtōnji eo Kein Kajuon.
Ilo stake ko, juon membōr in stake būreejtōnji eo ak juon stake kūlōk ej kōto̧k an peba in mālim deļōn̄e tampeļ eo jerbal ilo LCR. Ilo district ko, juon membōr in mijen būreejtōnji eo ak juon mijen kūlōk ej kōkāāl peba in mālim n̄an deļo̧n̄e tampeļ eo.
Kōn meļeļe ko kōn leļo̧k peba im mālim deļo̧n̄e tampeļ ko n̄an membōr ro me rej m̧aanjabpopo n̄an bōk menin letok kwojarjar eo ak liāp n̄an eo pāleen, jinen im jemān, ak ajri ro, lale 26.3.3.
26.3.3
Leļo̧k Peba in Mālim n̄an Deļo̧n̄e Tampel ko n̄an Kain̄i ko an ro Remour
Peba in mālim deļo̧n̄e tampeļ ko n̄an kain̄i ko an ro remour rej liļo̧k n̄e membōr ro rej m̧aanjabpopo n̄an:
-
Bōk menin letok kwojarjar eo aer make (lale 27.2).
-
Liāp n̄an eo pāleen (lale 27.3).
-
Liāp n̄an ro jinier im jemāer (lale 27.4).
-
Kōm̧m̧an bwe ajri ro nejier ren liāp n̄an er (lale 27.4).
N̄an deļo̧n̄ tampel, membōr ro me renaaj tōpar 12 iiō dettaer ak rūttoļo̧k ilo jem̧ļo̧k in iiō eo me kain̄i eo kōm̧m̧an aikuj barāinwōt wōr n̄e ejjab juon peba in mālim n̄an peptaij ko im kapene ko n̄an bōk jikin ak juon peba in mālim n̄an membōr ro raar bōk menin letok kwojarjar eo. Eļan̄n̄e emenin aikuj, ritōl ro an priesthood eo remaron̄ leļo̧k juon iaan peba in mālim ko im peba in mālim eo n̄an kain̄i ko an ro remour ilo iien ejja intōrpiu eo wōt.
Bisop eo ak branch būreejtōn eo im stake būreejtōn eo rej make intōrpiuik membōr ro rej m̧aanjabpopo n̄an bōk kain̄i ko an tampeļ.
Ilo jekjek ko rej menin ekairir n̄e bisop eo ak stake būreejtōn eo rejako, emaron̄ kōmālim juon iaan rikakpilōklōk ro an n̄an kōm̧m̧ane intōrpiu kein. Ilo juon branch, branch būreejtōn eo wōt emaron̄ kōm̧m̧ane intōrpiu kein.
Ilo ward ko im stake ko reļļap an rūm̧m̧an ded ro ejjeļo̧k rejtaer, bisop ro im stake būreejtōn ro remaron̄ kōmālim rikakpilōklōk reminene n̄an kōm̧m̧ani intōrpiu kein.
Ilo juon district, mijen būreejtōn eo ak juon rikakpilōklōk kar kappeik ej kōm̧m̧ane intōrpiu kein. District būreejtōn ro rejjab kōm̧m̧ane intōrpiu kein ijello̧kin n̄e Būreejtōnji eo Kein Kajuon ekar kōmālim er n̄an leļo̧k peba in mālim deļo̧n̄e tampeļ ko.
Ritōl eo ej kōm̧m̧ane intōrpiu eo ej ļoor unin tōl in 26.4. Intōrpiu ko n̄an peba in mālim n̄an deļo̧n̄e tampeļ eaikuj in jab m̧ōkaj. Rej aikuj in ittiņo. Ijoke, armej eo intōrpiuk maron̄ karuwaineneik tok eo pāleen, jemān ak jinen, ak bar juon rūtto n̄an an pād.
M̧okta jān leļo̧k juon peba in mālim n̄an kain̄i ko an ro remour, bisop eo ak branch būreejtōn eo ej etal rekoot eo an membōr eo n̄an kam̧oole bwe ejjab koba juon naan in kōmeļeļe kōn mo ko kōn membership eo an ilo Kabun̄ in. E ej barāinwōt etale meļeļe ko an membōr ro kōjerbal Ordinance Preparation eo ilo LCR. E ej jaini ilo digital peba in mālim eo n̄an kain̄i ko an ro remour eļan̄n̄e membōr eo ej erreo im ej m̧aanjabpopo n̄an bōk kain̄i ko an tampeļ. Innām ej jilkinļo̧k n̄an stake ak mijen būreejtōn eo kōjerbal Ordinance Preparation eo ilo LCR.
Innām stake būreejtōnji eo ak juon membōr in mijen būreejtōnji eo ej intōrpiu membōr eo. E ej jaini ilo digital peba in mālim eo eļan̄n̄e membōr eo ej erreo im ej m̧aanjabpopo n̄an bōk kain̄i ko an tampeļ. Innām ej jilkinļo̧k n̄an tampeļ eo kōjerbal Ordinance Preparation eo ilo LCR. Eļan̄n̄e emenin aikuj, ej barāinwōt jaini peba in mālim eo an membōr eo n̄an membōr ro raar bōk menin letok kwojarjar eo (lale 26.3.2).
Kōn meļeļe ko kōn membōr ro rej m̧aanjabpopo n̄an bōk kain̄i ko an tampeļ, lale 27.1.1 im 27.1.2.
Kōn elōn̄ļo̧k meļeļe ko kōn embōr ro rej m̧aanjabpopo n̄an bōk menin letok kwojarjar eo, lale 25.2.8
Kōn meļeļe ko kōn membōr ro rej m̧aanjabpopo n̄an liāp n̄an eo pāleen, lale 27.3.
Kōn meļeļe ko kōn membōr ro rej m̧aanjabpopo n̄an liāp n̄an jinier im jemāer, lale 27.4.
Lale 27.4.5 im 38.4.2 kōn elōn̄ļo̧k kakien ko kōn lali liāp ko im an liāp n̄an jinen im jemān.
26.3.4
Leļo̧k Peba in Mālim n̄an Delōn̄e Tampeļ ko n̄an Membōr ro ilo Eria ko Rettoļo̧k
Jet membōr rej jokwe ilo jikin ko me eļap wōnāān ito-itak ak epen n̄an an ioon membōr in stake ak mijen būreejtōnji. Ilo jekjek rot kein, juon membōr in stake ak mijen būreejtōnji eo emaron̄ ioon membōr eo ilo online n̄an kōm̧m̧ane juon intōrpiu in peba in mālim n̄an deļo̧n̄e tampeļ (lale 31.4).
Ritōl eo ej leļo̧k peba in mālim eo eļan̄n̄e membōr eo ej erreo. Eļan̄n̄e membōr eo ej kajjitōk kōn juon peba in mālim būriini, juon membōr in bisoprik eo ak branch būreejtōn eo ej būriini peba in mālm eo n̄an membōr eo.
Kakien in ej bar jerbal n̄an membōr ro ilo jikin tariņae ro rej pād ilo jikin ko rettoļo̧k.
26.4
Kōm̧m̧ane juon Intōrpiu an Peba in Mālim an Tampeļ
Tampeļ eo ej m̧weo im̧ōn Irooj. Deļo̧n̄e tampeļ eo im bōk koņaan ilo kain̄i ko ewōr juon jim̧we ekwojarjar. Jim̧we in ej jerbal n̄an ro me rej pojak ilo jetōb im kajjieon̄ n̄an mour kōn jon̄ak ko an Irooj, āinwōt kar kōmlet jān ritōl ro an priesthood rōmālim.
N̄an kōm̧m̧ani jokāālet in, ritōl ro an priesthood rej intōrpuik membōr eo ilo an kōjerbale kajjitōk kein ilaļ. Ritōl ro rej aikuj jab kobaik ak kōm̧akūt jabdewōt men ko aikuji. Ijoke, remaron̄ ukukōt kajjitōk ko n̄an dettan iiō eo im jekjek ko an membōr eo.
Jet iien membōr ro ewōr aer kajjitōk ilo iien intōrpiu n̄an peba in mālim n̄an deļo̧n̄e tampeļ. Ritōl priesthood ro remaron̄ kōmeļeļeik pedped in katak ko an gospel in. E emaron̄ bar jipan̄ membōr ro meļeļe kajjitōk ko ilo peba in mālim n̄an deļo̧n̄e tampeļ eo n̄e ekkar. Ijoke, e ejjjab aikuj bōk jikin tōmak eo an make, jipan̄ ko, ak ukook ko āinwōt katak an Kabun̄ ak kakien.
Intōrpiu ko n̄an peba in mālim n̄an deļo̧n̄e tampeļ eaikuj in jab m̧ōkaj. Rej aikuj in ittiņo. Ijoke, armej eo intōrpiuk maron̄ karuwaineneik tok eo pāleen, jemān ak jinen, ak bar juon rūtto n̄an an pād.
26.4.1
Kajjitōk ko an Intōrpiu in Peba in Mālim an Tampeļ
-
Ewōr ke am̧ tōmak ilo im naan in kam̧ool kōn Anij, Jemed Indeeo; Nejin, Jisōs Kraist, im Jetōb Kwojarjar?
-
Ewōr ke am̧ naan in kam̧ool kōn Pinmuur eo an Jisōs Kraist im jerbal eo An āinwōt am̧ Rilo̧mo̧o̧r im Ripinmuur?
-
Ewōr ke am̧ naan in kam̧ool kōn Jepļaaktok eo an gospel eo an Jisōs Kraist?
-
Kwoj ke rejtake Būreejtōn eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata āinwōt rikanaan, rilolo, im ribōk revelesōn im armej eo de eo ioon laļ in kar kōmālimi n̄an kōjerbal aolep priesthood ki ko?
Kwoj ke rejtake ro uwaan Būreejtōnji eo Kein Kajuon im Doulul eo an Jon̄oulruo Rijilōk ro āinwōt rikanaan ro, rilolo ro, im ribōk revelesōn ro?
Kwoj ke rejtake Ritōl ro jet Routiej an Kabun̄ in im ritōl ro ijo jokwe ie an Kabun̄ in?
-
Irooj ekar ba bwe aolep men ko rej aikuj “kōm̧m̧an ilo erreo” im̧aan E (Katak im Bujen Ko 42:41).
Kwoj ke kajjieon̄ n̄an mour erreo ilo ļōmņak ko am̧ ak m̧wiliūm̧?
Kwoj ke pokake kien erreo?
-
Kwoj ke ļoor katak ko an Kabun̄ eo an Jisōs Kraist ilo m̧wilūm̧ ilo eņņojak (private) im lo̧bwilej (public) ippān membōr ro an baam̧le eo am̧ ak ro jet?
-
Kwoj ke rie ak kōketak jabdewōt katak ko, iminene ko, ak katak rej jum̧ae ko an Kabun̄ eo an Jisōs Kraist im Armej ro Rekwojarjar ilo Raan-ko Āliktata?
-
Kwoj ke kajjieon̄ n̄an kōjparok kwojarjar eo an raan in Jabōt, jim̧or ilo m̧weo im m̧ōn jar eo; pād ilo kweilo̧k ko am̧; m̧aanjabpopo n̄an im bōk kwojkwoj eo ilo erreo; im mour mour eo am̧ ilo jokkun wōt ippān kakien ko im kien ko an gospel eo?
-
Kwoj ke kajjieon̄ n̄an m̧ool ilo aolep kōm̧man ko am̧?
-
Kwoj ke juon eo elikio an kōļļā juon m̧ōttan jon̄oul?
N̄an membōr rekāāl rej pukōt juon peba in mālim n̄an kōm̧m̧an peptaij in bōk jikin ko im kapene ko: Kwoj ke m̧ōņōņō in pokake kien eo n̄an kōļļā juon m̧ōttan jon̄oul?
-
Kwoj ke meļeļe im pokake Naan in Mālōtlōt?
-
(Kajjitōk in jab kajjitōk kake n̄e intōrpiuik juon ajri ak jodikdik.) Ewōr ke am̧ jabdewōt eddo ko ikkijien jāān ak ko jet n̄an eo pāleem̧ m̧okta ak ajri ro?
Eļan̄n̄e aaet, kwoj ke kiiō kōm̧m̧ani eddo ko?
-
(Kajjitōk in jab kajjitōk kake n̄e intōrpiuik juon membōr eo ejjan̄in bōk menin letok kwojarjar eo.) Kwōj ke kōjparok bujen ko kwaar kōm̧m̧ani ilo tampeļ eo?
-
(Kajjitōk in jab kajjitōk kake n̄e intōrpiuik juon membōr eo ejjan̄in bōk menin letok kwojarjar eo.) Kwoj ke kautiej jeram̧m̧an eo am̧ ekwojarjar n̄an kōņak garment eo āinwōt kar kōmeļeļeik ilo kadkad in kain̄i ko? (Riiti “Kōņaki Temple Garment” ennaan eo, kar kobaik itulaļ, n̄an kajjojo membōr.)
-
Ewōr ke jeraiwiw ko reļļap ilo mour eo am̧ me rej aikuj in ņa mejļaer ippān ritōl ro an priesthood rōmālim ejja m̧ōttan wōt ukweļo̧k eo am̧?
-
Kwoj ke watōk eok make kworreo n̄an deļon̄e m̧weo im̧ōn Irooj im bōk koņaam̧ ilo kain̄i ko an tampeļ?
26.4.2
Kōņak Tampeļ Kaarmen ko
Būreejtōnji eo Kein Kajuon ekar kōpooj unin tōl in kōn ekōņak garment:
“Garment eo an priesthood eo ekwojarjar ej kakeememej kōj kōn rōn̄ōl eo ilo tampeļ eo, im bwe rōn̄ōl eo ej kakōļļe kōn Jisōs Kraist. N̄e kwoj kōņakgarment eo am̧, kwoj likūt ioom̧ juon kakōļļe kōn Jisōs Kraist. Ilo am̧ kōņake ej juon kakōļļe itulik kōn kallim̧ur eo am̧ itulowa n̄an ļoor E. Garment eo ej barāinwōt juon kakeememej kōn bujen tampeļ ko am̧. Kwoj aikuj kōņak garment eo raan im bon̄ ilo aolepān mour eo am̧. N̄e ej aikuj utūkļo̧k n̄an m̧akūtkūt ko im rejjab maron̄ jetjet ilo am̧ kōņak garment eo, pukōte n̄an bar kōņake ilo iien eo em̧ōkaj tata. Ilo am̧ kōjparok bujen ko am̧, ekoba jeraam̧m̧an eo ekwojarjar n̄an kōņak garment eo āinwōt kar kōmeļeļeik ilo kadkad in kain̄i ko, enaaj ļapļo̧k am̧ bōk tūriam̧o, kōjparok, kōkajoorļo̧k, im kajoor eo an Rilo̧mo̧o̧r.
Eļan̄n̄e ewōr an membōr ro kajjitōk kōn kōņak garment eo, bar ren etal n̄an 38.5.
26.4.3
Kakkobaba in Tōl
Ritōl eo an preisthood eo ej kōmejajaik n̄an membōr eo aikuj eo n̄an kōjparok peba in mālim eo an. Ejjab aikuj aje im ej aikuj in ripoote ilo iien eo em̧ōkaj tata n̄an eo ekar kōm̧m̧ane mālim eo eļan̄n̄e ejako ak em̧ōj ko̧o̧te.
26.5
Leļo̧k Peba in Mālim n̄an Deļon̄e Tampeļ ko ilo Jekjek ko Rejenolo̧k
26.5.1
Membōr Kāāl ro Rejkab Peptaij
Bisop eo ej intōrpiuik membōr ro rekāāl me ebwe aer rūtto n̄an bōk juon peba in mālim deļo̧n̄e tampeļ n̄an peptaij ko im kapene ko an bōk jikin (lale 26.3.1). E ej kōm̧m̧ane intōrpiu in ālkin wōt kapen membōr eo, ekkā an ilowaan wōt juon wiik. N̄an em̧m̧aan ro rekāāl, intōrpiu in emaron̄ in m̧ōttanme n̄an bōk Priesthood eo an Aron. Juon bisop ak branch būreejtōn emaron̄ kappeik juon iaan rikakpilōklōk ro an n̄an kōm̧m̧ane intōrpiu in. Em̧m̧aan membōr ro an Kabun̄ in raikuj ekkapit n̄an opiij eo an priesthood m̧okta jen aer bōk peba in mālim n̄an deļo̧n̄e tampeļ.
Ilo iien intōrpiu eo, bisop eo maron̄ leļo̧k n̄an kōjerbal Family Name Assist eo n̄an jipan̄ membōr kāāle eo būriini etan juon membōr in baam̧le emej eo me membōr eo ekāāl emaron̄ kōm̧m̧ane kain̄i ko an tampeļ (lale “Family Name Assist” ilo 25.4.1).
Membōr ro rerūtto me remaron̄ bōk menin letok kwojarjar eo aer make n̄e em̧ōj aer juon iiō in membōr ālkin kapen āinwōt juon membōr in Kabun̄ in (lale 27.2.1.1). Priesthood ritōl ro ren lale bwe raan/allōn̄/iiō membōr eo enaaj bōk menin letok kwojarjar naaj diktata juon iiō ālkin an raan/allōn̄/iiō in an kapene, ejjab raan/allōn̄/iiō in an peptaij. Būreejtōnji eo Kein Kajuon wōt emaron̄ kōm̧m̧an oktak ko.
26.5.2
Mjinede ro Rej Ro̧o̧ltok jān Jerbal Ettoļo̧k jān Kapijuknen
Mokta jen a juon mijenede ro̧o̧ltok jen jerbal ettoļo̧k ededeļo̧k jerbal eo an, mijen būreejtōn eo ej kōm̧m̧ane intōrpiu an peba in mālim n̄an deļo̧n̄e tampeļ. N̄e mijenede eo erreeo, ej leļo̧k peba in mālim n̄an deļo̧n̄e tampeļ in. Mijen būreejtōn eo ej kōkāāl peba in mālim in deļo̧n̄e tampeļ eo bwe en jem̧ļo̧k kitien jilu allōn̄ jān iien eo mijenede eo jepļaak n̄an kapijuknen.
Bisop eo ej intōrpiuik mijenede ro rej ro̧o̧ltok n̄an leļo̧k peba in mālim n̄an deļo̧n̄e tampeļ epaake jem̧ļo̧kin jilu allōn̄ an jem̧ļo̧k kitien. Ilo iien ekairiir ko n̄e bisop eo ejjab maron̄ pād, e emaron̄ kōmālim juon iaan rikakpilōklōk ro an n̄an kōm̧m̧an intōrpiu ko.
Ilo juon ward eļap an ro rūm̧m̧an ded, bisop eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.
Mijenede ro rej ro̧o̧ltok rej ioon juon iaan membōr in stake būreejtōnji eo n̄an juon intōrpiu n̄an peba in mālim n̄an deļo̧n̄e tampeļ.
Ilo intōrpiu in n̄an peba in mālim in deļo̧n̄e tampeļ kein, bisop eo im membōr in stake būreejtōnji eo rej bar lale naan in kapilōk eo kar leļo̧k ilo intōrpiu in kōtļo̧k e an mijenede eo (lale 24.8.2). Rej kōnono kōn eddōkļo̧k eo an mijenede eo, mour eo an, im kūr eo an ilo Kabun̄ in. Rej bar rōjan̄ e n̄an wōnm̧aanļo̧k ilo iaļin n̄an eddōkļo̧k ilo jetōb im jerbal in jipan̄.
N̄e mijenede eo ej ro̧o̧lok ejjeļo̧k an kūr ilo Kabun̄ in, bisop eo im srtake būreejtōņ eo ren kōm̧m̧an bwe en wōr. Mijenede ro raar ro̧o̧ltok jān mijen maron̄ elmakote er n̄an jerbal āinwōt rijerbal in tampeļ ro eļan̄n̄e tampeļ eo epaaktok (lale 25.5).
26.5.3
Membōr ro im Rejan̄in Mour Ilowaan Juon Ward Diktata Juon Iiō
N̄e membōr eo ejjab jokwe ilo ejja ward eo ilowaan juon iiō, bisop eo ej etal rekoot eo an membōr ro n̄an kam̧ool bwe en ejjeļo̧k notaan im m̧o ilo rekoot eo an membōr eo.
Bisop eo ak rikakpilōklōk eo kar jitōn̄e ej kūrļo̧k bisop eo m̧okta an armej eo n̄an kōm̧m̧an intōrpiu in peba in mālim n̄an deļo̧n̄e tampeļ eo. N̄e juon rikakpilōklōk ejeļā bwe ewōr meļeļe ko renojak, ej kōjem̧ļo̧k bwebwenato eo. Ej karon̄ bisop eo an n̄an kūrļo̧k bisop eo m̧okta jen juon intōrpiu.
26.5.4
Ālikin Jepel Eo An Ro Rim̧are, Jab Jokwe ippān Doon, ak Kipel jān Jikin Ekajet
Bisop ak stake būreejtōn eo emaron̄ en̄jake n̄an intōrpiuik juon membōr eo ekar jepel ak jab jokwe ippān doon ak kipel jen jikin ekajet ej bōk juon peba in mālim n̄an deļo̧n̄e tampeļ eo. Ilo intōrpiu eo, rej jipan̄ kōkajoorļo̧k jetōb eo an membōr eo. Rej bar kam̧ool erreeo eo an membōr eo.
26.5.5
Membōr ro Repaake Me Rej Jum̧ae Kabun̄ ak Pād ilo Kurup in ro Rekar Bun̄ jen Tōmak
Bisop im rikakpilōklōk ro an reaikuj jeļā n̄an leļo̧k peba in mālim ko n̄an deļo̧n̄e tampeļ ro repaak me rej jum̧ae Kabun̄ ak pād ilo kurup in rorekar bun̄ jen tōmak. Membōr ro ilo jekjek kein reaikuj jab kōm̧m̧an n̄an en̄jake ke reban bōk juon peba in mālim n̄an deļo̧n̄e tampeļ kōn iaio̧ ko an baam̧le ko aer. Raikuj dāpij wōt jemdoon in iakwe n̄an ro nukuier. Remaron̄ bōk juon peba in mālim n̄an deļo̧n̄e tampeļ eo n̄e rej uwaake aolep kajjitōk ko an peba in mālim n̄an deļo̧n̄e tampeļ eo ekkar im m̧ool.
26.5.6
Armej ro Im Watōk Er āinwōt ro Em̧ōj Ukōt M̧ōraer (Transgender)
Kain̄i ko an tampeļ rej būki ekkar n̄an lukkuun ro jinen im jemen. Membōr ro rej ereeo im rejjab kōttōpar n̄an ukōt m̧ōraer ilo aer kōjerbal m̧wijm̧wij, uno, ak ikitōltōl ļo̧k jān nememeier ilo aer kar ļotak (biological sex) remaron̄ bōk juon peba in mālim deļo̧n̄e tampeļ im kain̄i ko an tampeļ. (N̄an meļele in social transition, lale 38.6.23.)
Membōr ro em̧ōj aer bōk bun̄ten ko n̄an bar o̧ktak im bar oktaktok n̄an nememeier ilo aer kar ļotak (biological sex) im rej erreo im tiljek n̄an kōjparok kien ko an Anij remaron̄ bōk juon peba in mālim n̄an deļo̧n̄e tampeļ im kain̄i ko an tampeļ.
Bisop ro rej kapilōk ippen stakenbūreejtōn eo n̄an kōnono kake jekjek ko an kajjojo armej ro ilo jejjet im iakwe āinwōt an Kraist. Stake im mijen būreejtōn ro rej kapukot kapilōk jān Eria Būreejtōnji eo.
N̄an meļele ko reļļapļo̧k, lale 38.6.23
26.5.7
Membōr Ro Me Rekar Kōm̧mane juon Jerawiwi Eļap
A member who has committed a serious sin may not receive a temple recommend until he or she has repented (see 32.6). Iien kōtar eo kōn jerawiwi eo armej eo ar kōm̧m̧ane im leļok in mālim ko ej bed um̧win kālet im tōl eo an bisop eo. Ej aikuj in bwe iien n̄an lukkuun lale bwe armej eo ekar lukkuun ukweļo̧k jān bōd eo an.
26.5.8
Membōr ro Me Em̧ōj Kar Bar Kadeļo̧n̄tok kōn peptaij im kapene Ālkin an Uwaan eo an Kabun̄ eo akar Joļo̧k ak Bukweļo̧k
26.5.8.1
Membōr Ro Rejjan̄in Kar Bōk Menin Letok Kwojarjar eo Moktaļo̧k
Ālkin an juon membōr eo ejjan̄in bōk menin letok kwojarjar eo kar bar ro̧o̧ltok kōn peptaij im kapene, bisop eo emaron̄ intōrpiuik e n̄an bōk juon peba in mālim n̄an deļo̧n̄e tampeļ n̄an bōk jikin peptaij im kapene ko (lale 26.4.2). Intōrpiu in ekkā an bōk jikin ilowaan juon wiik ālkin an membōr eo kapene. Juon membōr em̧m̧aan an Kabun̄ in eaikuj in ekkapit n̄an opiij eo an priesthood m̧okta jen an bōk peba in mālim n̄an deļo̧n̄e tampeļ.
Membōr rein rejjab maron̄ bōk peba in mālim n̄an deļo̧n̄e tampeļ eo ko n̄a bōk kain̄i eo aer ñane emōj aer pād ilo kabuñ juon iio alkin raan eo bar delonetok Kabun in ilo jen iien eo raar peptaij im kapen.
26.5.8.2
Membōr ro Me Rekar Bōk Menin Letok Kwojarjar eo Moktaļo̧k.
Membōr rein rejjab maron̄ bōk peba in mālim eo n̄an deļo̧n̄e tampeļ eo, ekoba peba in mālim n̄an deļo̧n̄e tampeļ eo ekadu kitien, m̧ae iien kōjeraam̧m̧an ko tampeļ ko aer rekar jepļaaktok (lale 32.17.2). N̄e kōjeraam̧m̧an ko aer rej ro̧o̧ltok, remaron̄ bōk juon peba in mālim n̄an deļo̧n̄e tampeļ n̄an membōr ro em̧ōj aer bōk menin letok kwojarjar.