Kobaik Baam̧le ko n̄an Indeeo kōn Jerbal an Tampeļ im Menmenbwij an Baam̧le

Membōr ro rej kālet n̄an er make n̄āāt im ewi emakijkij in n̄an kabun̄jar ilo tampeļ. Ritōl ro rejjab ejaaki menin kōttōpar in nōm̧ba ko ak riboot in jijtōm̧ ko n̄an ro rej etal n̄an tampeļ.

Kajjojo membōr ro im baam̧le ko ewōr aer peba in mālim ko rekāāl n̄an deļo̧n̄e tampeļ remaron̄ pād ilo jabdewōt tampeļ eo rekōņaan. Remaron̄ kōm̧m̧an aer iien loļo̧k tampeļ eo. Lale temples.ChurchofJesusChrist.org n̄an meļeļe ko n̄an kepaake tampeļ ko.

Kajjojo iunit an Kabun̄ em̧ōj jitōn̄e n̄an juon tampeļ district. Ejaak eo an ward ak stake n̄an loļo̧k tampeļ ko itulikin tampeļ district eo emōj kālōte ejjab m̧o.

Aolep trip ko an ward im stake n̄an tampeļ rej aikuij karōk iien loļo̧k ko aer. Lale temples.ChurchofJesusChrist.org n̄an meļeļe ko n̄an kepaake tampeļ ko.

Bisoprik eo ej jerbal ippān būreejtōnji ko an doulul eo an elder ro im Doulul eo an Kōrā ro ilo aer tōl jerbal in tampeļ an ward eo im kijejeto ko an menmenbwij an baam̧le, eo ej jipan̄ kakobaik baam̧le ko n̄an indeeo. Ritōl rein rej kōkapilōklōk doon aolep iien.

Bisoprik eo ebar wōr aer jerbal in eddo kein:

• Etale im kōmālim karōk eo ikkijeen ward tampeļ im menmenbwij an baam̧le (lale 25.2.6

• Lale bwe jibadbad ko an ward ikijeen tampeļ im menmenbwij an baamle en unin kōnono ilo council eo an ward im an jodikdik ro.

• Lale karōkan kūlaaj ko an m̧aanjabpopo an tampeļ (lale 25.2.8).

• Leļo̧k peba in mālim ko n̄an deļo̧n̄e tampeļ (lale jepta 26).

Bisoprik eo ej kapilōk ippān stake būreejtōn eo n̄an kōmelet eļan̄n̄e kūr juon ritōl an tampeļ im menmenbwij an baam̧le an ward eo (lale 23.5.3 kōn elōn̄ļo̧k meļeļe ko).

Doulul ko an elder ro im Būreejtōn ro an Kōrā ro rej tōl jibadbad in tampeļ im menmenbwij an baam̧le, eo me ej jipan̄ kakobaik baam̧le ko n̄an indeeo (lale 8.2.4 im 9.2.4). Būreejtōnji eo an doulul eo an elder ro rej tōl kijejeto kein n̄an membōr ro an doulul eo an elder ro. Būreejtōnji eo an Doulul eo an Kōrā ro ej tōl kijejeto ko n̄an membōr ro an Doulul eo an Kōrā ro. Rej jerbal ippān doon n̄an tōl kijejeto kein ippān ward ko̧o̧njeļ eo, ium̧win tōļ eo an bisop eo.

Ritōl rein ewōr ippāer eddo kein rej ellaajrak:

• Jipan̄ ward ko̧o̧njeļ eo ejaake im kōjerbal karōk eo an ward tampeļ im jerbal in menmenbwij an baam̧le (lale 25.2.6

• Kajjitōk ippān juon consultant an tampeļ im menmenbwij an ward eo n̄an jipan̄ membōr ro rejenolo̧k an ward eo pukot im kōpooj etan ro jibwier im jim̧m̧aer remej n̄an kain̄i ko an tampeļ (lale 25.4.1). Jerbal kein rej pedped ioon eļap tata ro me ej kab m̧ōj aer bōk kūr in mijen ko aer im ro me rejjan̄in bōk menin letok kwojarjar eo.

• Lale bwe jibadbad ko an tampel im menmenbwij an baam̧le ren karōki im ripooti ilo kweilo̧k ko an ward koonjeļ im ilo kweilo̧k in kōbeļaak ko an tampeļ im menmenbwij an baam̧le.

• Tōl jerbal eo an ritōl eo an ward eo an tampeļ im menmenbwij an baam̧le. N̄e ritōl in ejjan̄in kar kūr, juon membōr in būreejtōnji eo an doulul eo an elder ro ej jerbale eddo in (lale 25.2.3

• Ijo ekkar, jitōn̄ juon ward im family history consultants n̄an jerbal ilo center eo an FamilySearch (lale25.3.6).

Būreejtōn ro an doulul eo an em̧m̧aan ro im Doulul eo an Kōrā ro rej kajojo jitōn̄e juon membōr in būreejtōnji n̄an jipan̄ tōl jerbal ko an tampeļ im menmenbwij ko an baam̧le ilo ward eo. Membōr in būreejtōnji kein ruo rej jerbal ippān doon. Rej lale bwe kweilo̧k in kōbeļaak ko an tampeļ im menmenbwij an baam̧le ren kōm̧m̧an (lale 25.2.7).

Bisop eo ej kōnono ippān stake būreejtōn eo n̄an ļōmņake eļan̄n̄e kūr juon ritōl an ward tampeļ im menmenbwij an baam̧le. Eļan̄n̄e rej kāālet n̄an kōdepakpaklo̧k kūr in, bisoprik eo ej bōk kapilōk ippān doulul eo an elder ro im būreejtōnji eo an Doulul eo an Kōrā ro ilo kāālet wōn eo n̄an kūri. Armej in ej aikuj juon rikabwijer Melkisedek Priesthood eo. N̄e ritōl in ejjan̄in kar kūr, juon membōr in būreejtōnji eo an doulul eo an elder ro ej jerbal eddo in.

Ritōl eo an tampeļ im menmenbwij an baam̧le ilo ward eo ej rie būreejtōnji eo an doulul eo an elder ro im Doulul eo an Kōrā ro ilo eddo ko aer an tampeļ im menmenbwij an baam̧le. E ebarāinwōt wōr ippān eddo kein:

• Lale jerbal ko an tampeļ im menmenbwij an baam̧le ippān ritōl ro an doulul an ward eo, koba būreejtōnji ko an doulul im kūlaaj ko.

• Tōl kweilo̧k ko an ward tampeļ im menmenbwij an baam̧le (lale 25.2.7).

• Etal n̄an kweilo̧k ko an ward koonjeļ eo n̄e karuwaineneiki.

• Jipan̄ ward ko̧o̧njeļ eo ejaake im kōjerbal kōttōpar eo an ward tampeļ im menmenbwij an baam̧le (lale 25.2.6).

• Ej katakin rijipan̄ ro an ward tampeļ im menmenbwij an baam̧le. Kajeikiik jerbal ko aer n̄an jipan̄ membōr ro n̄an kapukot etan ro jibwier m jim̧m̧aer im kōm̧m̧ani kain̄i ko an tampeļ ilo etaer.

• Jerbal ippān ritōl eo an mijen ilo ward im mijinede ro n̄an jipan̄ ro rej ekkatak gospel in, membōr ro rekāāl, im membōr ro rej ro̧o̧ltok n̄an bōk kuņaer ilo tampeļ im jerbal in menmenbwij an baam̧le (lale 23.2 im 23.3).

Rijipan̄ ro an ward tampeļ im menmenbwij an baam̧le rej jerbal ium̧win tōļ eo an ritōl eo an ward tampeļ im menmenbwij an baam̧le. Ro uwaan bisoprik ro rej kūr membōr rein n̄an jerbal. Ro rōrūtto im jodikdik ro maron̄ bar kūr er. Būreejtōn ro an Doulul eo an elder ro, Doulul eo an Kōrā ro, Doulul eo an Jiron̄ ro remaron̄ leļo̧k elmakot kōn wōn ro remaron̄ jerbal.

Rikakpilōklōk ro rej katakin doon kōn ekōjkan n̄an kobaļo̧k ilo jerbal in tampeļ im menmenbwij an baam̧le, ko rej kakobaik baamle ko n̄an indeeo. Rej pedped ioon eļap tata jodikdik ro, membōr ro rekāāl im rej bar ro̧o̧ltok, im kōrā im m̧aan ro jeid im jatid me rejjan̄in bōk menin letok kwojarjar eo. Rijipan̄ ro ro ewōr ippāer jerbal kein:

• Jipan̄ membōr keppopo n̄an būki kain̄i ko an tampeļ n̄an kōm̧m̧ani bujen ko.

• Jipan̄ membōr ro en̄jake kōjeraam̧m̧an ko n̄an kappukot ro jibwier im jim̧m̧aer n̄an kōm̧m̧ani kain̄i ko an tampeļ ilo etaer.

• Pād ilo kweilo̧k ko an tampeļ im menmenbwij an baam̧le (lale 25.2.7

• Jerbal ilo juon FamilySearch center n̄e kar jitōn̄e ilo ijo jokwe ie (lale 25.3.6).

Kein jipan̄ ko n̄an jipan̄ rikakpilōklōk ro an tampeļ im menmenbwij an baam̧le rej laajrak ilo 25.4.1 im 25.4.2.

Membōr in ward ko̧o̧njeļ rej lukkuun jar n̄an ejaake im kōjerbal juon kōttōpar an ward tampeļ im menmenbwij an baam̧le. N̄an meļeļe kōn karōk eo, lale 25.2.6

Bisop eo emaron̄ kajjitōk ippān ritōl eo an ward tampeļ im menmenbwij an baam̧le n̄an pād ilo kweilo̧k ko ward ko̧o̧njeļ eo.

Membōr in būreejtōnji ko ewōr ippāer laajrak in eddo kein:

• Jipan̄ kajojo membōr ro kepopo n̄an kōm̧m̧an im kejparok bujen ko ippen Anij ilo aer bōk kain̄i ko an tampeļ (lale 27.1

• Kajjitōk ippān jodikdik ro im rūtto ro, ekoba membōr ro rekāāl, n̄an bōk juon aer peba in mālim eo ekāāl an tampeļ (lale 26.0).

• Rōjan̄ membōr ro n̄an kabun̄jar ilo tampeļ ko jon̄an wōt aer maron̄.

• Karuwaineneik kajjojo armej im baam̧le ko n̄an ron̄jake katak eo im kōjeraam̧m̧an ko an bōk koņaan ilo jerbal in kobaik baam̧le ko n̄an indeeo. Jerbal in ekitbuuj katak kōn ro jibwid im jim̧m̧ad im kōm̧m̧ani kain̄i ko an tampeļ ilo etaer.

• Rejtake ro jinen im jemān ilo katakin ajri ro nejier katak eo an jerbal in n̄an kobaik baam̧le ko indeeo. Menin ekitbuuj kōjeraam̧m̧an ko an bujen ko an tampeļ im kain̄i ko im kōn kōm̧m̧ani kain̄i ko an tampeļ n̄an ro jibwier im jim̧m̧aer remej.

• Katakin pedped in katak ko an jerbal in aolep iien ilo iien kweilo̧k ko an Kabun̄ in.

Lale jepta 26kōn meļeļe eo kōn peba in mālim ko an deļo̧n̄e tampeļ.

Kajjojo ward eaikuj wōr juon an karōk in tampeļ im menmenbwij an baam̧le. Karōk in ejipan̄ ward membōr ro, ekoba ajri im jodikdik ro, keppopo n̄an kabun̄jar ilo tamepļ eo im kōm̧m̧ani jerbal in menmenbwij ko an baam̧ļe jon̄an wōt aer maron̄.

Būreejtōn ro an doulul eo an elder ro im Doulul eo an Kōrā ro rej jipan̄ ward ko̧o̧njeļ eo ejaake juon kōttōpar. Ritōl eo an ward tampeļ im menmenbwij an baam̧le ej barāinwōt jipan̄. N̄an ejaake kōttōpar in, rej:

• Jar kōn aikuij ko an membōr ro im menin jipan̄ ko jet.

• Kalikkar em̧m̧akūt n̄an tōpari ilo iiō eo.

• Ļōmņake elmen n̄an kōjerbale kōttōpar eo n̄an kōm̧m̧ani ijjitōn̄ ko rekkar.

Ta waanjon̄ak in kattōpar eo emaron̄ koba āinwōt elaajrak in ilaļ :

• Jipan̄ membōr ro rejenolo̧k meļeļe kōjeraam̧m̧an ko an kabun̄-jar ilo m̧weo im̧ōn Irooj.

• Jipan̄ membōr ro m̧aanjabpopo n̄an bōk kōjeraam̧m̧an ko an kain̄i ko an tampeļ.

• Jipan̄ membōr ro kōjerbal Ordinances Ready n̄an bōk etan ro jibwier im jim̧m̧aer n̄an tampeļ (lale 25.4.1).

• Jipan̄ membōr ro kōjerbal FamilySearch website eo n̄an kobaik ta eo rejeļā kake kōn ro nukier remej me rej aikuji kain̄i ko (lale 25.4.1).

• Kobaik membōr ro rekāāl im ro rej ro̧o̧ltok, jodikdik ro, im ajri ro ilo jerbal in menmenbwij an baam̧le. Family Name Assist eo ej juon wāween eļemwaan n̄an ritōl ro n̄an jipan̄ membōr rein kōpooj āt ko etan baam̧le eo n̄an būk kain̄i ko (lale 25.4.1).

• Jipan̄ ajri in Būraimere ro m̧aanjabpopo n̄an bōk juon peba in malim deļo̧n̄e tampeļ im kabun̄-jar ilo m̧weo im̧ōn Irooj aolep iien n̄e emaron̄. Būraimere būreejtōnji eo ej aikuj kōm̧m̧ane juon Kweilo̧k in M̧aanjabpopo an Tampeļ kajjojo iiō (lale 12.1.7 im 12.2.4).

Karōk eo an ward tampeļ im menmenbwij ko an baam̧le ejjab aikuij ejaake kōj ko ak riboot in jijtōm̧ ko n̄an kabun̄jar ilo tampeļ eo (lale 25.1.1).

Bisop eo ej etale im kōmalim karōk eo. Ro uwaan ward ko̧o̧njeļ rej bōk tōl n̄an kōjerbale. Rej riboote eddōkļo̧k eo ilo kweilo̧k eo an ward ko̧o̧njel. Rej bar kōkāāl kōttōpar eo n̄e emenin aikuj.

2:49

Kweilo̧k in kōtōbalbal ko rekkadu an ward tampeļ im menmenbwij an baam̧le rej kōm̧m̧an emakijkij. Ritōl eo ilo ward an tampeļ im menmenbwij an baam̧le ej kōm̧m̧ani kwelo̧k kein.

Ro jet rej aikuj pād ekoba:

• Membōr ro an būreejtōnji ko an Doulul eo an Kōrā ro, doulul eo an elder ro, im Būraimere kar kappeik.

• Juon rijipan̄ ilo doulul eo an pris ro (ak būreejtōn eo an doulul eo an rūkaki ro ak tikōn ro eļan̄n̄e ejjeļo̧k pris ro ilo ward eo).

• Juon membōr jen būreejtōnji eo an kūlaaj eo erūtto an Doulul eo an Jiron̄ ro.

• Rijipan̄ eo an tampeļ im menmenbwij an baam̧le.

Aolep ro rej pād, ekoba jodikdik ro, kōnono ippān doon āinwōt ro rej bōk kuņaer im juon wot. Kweilo̧k kein rej pedped ioon aikuj ko an kajjojo armej im ekōjkan aer maron̄ kōjeraam̧m̧an ilo aer bōk koņaer ilo jebral in tampeļ im menmenbwij an baam̧ļe. Rej pedped ioon eļap tata jodikdik ro, membōr ro rekāāl im ro rej kab bar ro̧o̧ltok, im kōrā im m̧aan ro jeid im jatid me rejjan̄in bōk menin letok kwojarjar eo. Kweilo̧k kein ekka aer kōnono kōn unin kōnono kein:

• Kilen karōk tampeļ im menmenbwij an baamle eo an ward (lale 25.2.6)

• Kilen jipan̄ membor ro an ward kōppopo in bōk kain̄i ko an tampeļ.

• Kilen jipan̄ membor ro an ward kōn jibadbad in tampeļ im menmenbwij in baam̧le ko aer.

Kweilo̧k kein remaron̄ kōm̧m̧an ilo likieo in armej ak ilo online. Kōbeļaak emaron̄ bar waļo̧k ilo wāween ko jet, ekoba ko̧o̧ļe ak text ilo kurub.

Kajjion̄ n̄an ļoor pedped in katak ko an jerbal im bōk eddo in 4.4.5. Juon armej ilo kweilo̧k eo maron̄ kappeik n̄an rekoote im kakeememej kumi eo kōn jerbal ko kar karōki.

Branch ko reddik maron̄ kāālet n̄an kōm̧m̧ane kweilo̧k in kōtōbalbal eo an tampeļ im menmenbwij an baam̧le aer wiik otemjej ilo branch ko̧o̧njeļ eo.

Ium̧win tōl eo an bisop, juon kooj in keppopo n̄an tampeļ emaron̄ ejaak n̄an jipan̄ membōr ro keppopo n̄an kōm̧m̧ani bujen ko ilo aer bōk kain̄i ko an tampeļ. Kooj kein rej kōm̧m̧an itulikin awa in jar ko ilo Jabōt ilo juon iien em̧m̧an n̄an membōr ro. Remaron̄ kōm̧m̧ane ilo im̧ōnjar eo ak ilo juon em̧.

Ro uwaan ward ko̧o̧njeļ eo rej lukkuun in jar n̄an kālet membōr ro n̄an bōk kuņaer ilo kajjojo kooj. Kooj kein remaron̄ in lukkuun jipan̄ n̄an armej rein ilaļ:

• Membōr ro rekāāl

• Membōr ro rej keppopo n̄an bōke menin letok kwojarjar eo aer make ak n̄an liāp

• Membōr ro rej ro̧o̧ltok n̄an m̧akūtkūt ko an Kabun̄ in

• Membōr ro rekar bōk aer menin letok kwojarjar eo me rejjan̄in kar kōkāāl peba in mālim n̄an deļo̧n̄e tampeļ n̄an deļo̧n̄e tampeļ eo ilo juon iien aetok.

Bisoprik eo rej kūr juon ak elōn̄ļo̧k rūkaki in kūlaaj in keppopo n̄an tampeļ. Katak ko im naan in kōmeļeļe ko n̄an ejake kūlaaj eo rej pād ilo Endowed from on High: Temple Preparation Seminar Teacher’s Manual. Ro rej bōk kuņaer rej bōk juon kape in Preparing to Enter the Holy Temple N̄an ekkatak an juon make im kein jipan̄ ko an katak, lale temples.ChurchofJesusChrist.org.

Stake būreejtōn eo ej kabwijer kii ko n̄an jerbal in lo̧mo̧o̧r eo an Anij im mour ijo eutiej tata ilo stake eo. E im rikakpilōklōk ro an ewōr ippāer eddo kein rej ellaajrak n̄an jipan̄ kobaik baam̧le ko indeeo:

• Jipan̄ membōr ro keppopo n̄an kōm̧m̧ani bujen ko rekwojarjar ilo aer bōk kain̄i ko an tampeļ (lale 27.1

• Kōketak aolep memebōr ro, eļap tata kōrā im m̧aan ro jeid im jatid ejjeļo̧k rejtaer im ro me kar jab bōk menin letok kwojarjar eo, n̄an bōk juon peba in mālim ekāāl im kabun̄-jar ilo m̧weo im̧ōn Irooj emakijkij ilo an jekjek ko kōtļo̧k.

• Kanooj lale bwe katak eo im kōjeraam̧m̧an ko an kobaik baam̧le ko n̄an indeeo (āinwōt kar kōmeļeļeik ilo 1.2.4) rej katakin aolep iien ilo kwelo̧k ko an stake.

• Rōjan̄ membōr ro n̄an ekkatak kōn ro jibwier im jim̧m̧aer n̄an kōm̧m̧ani kain̄i ko ilo etaer.

• Kōm̧m̧ani intōrpiu ko an peba in mālim ko n̄an deļo̧n̄e tampeļ (lale jepta 26

Ilo kweilo̧k ko an aolep iien ippān kajjojo būreejtōn an doulul eo an elder ro, juon membōr in stake būreejtōnji eo ej ekōnono kōn kijejeto ko an ward eo n̄an kobaik baam̧le ko n̄an indeeo kōn jerbal an tampeļi im menmenbwij an baam̧ļe (lale 8.3.1). Rikakpilōklōk ro ilo būreejtōnji eo an doulul an elder ro im high ko̧o̧njeļ eo kar jitōn̄e n̄an doulul eo emaron̄ pād.

kamiti an ritōl rūtto ilo stake eo ekoba:

• Stake būreejtōnji eo.

• Būreejtōnji eo an Doulul eo an Kōrā an Stake

• High ko̧o̧njeļ ro kar jitōn̄ er n̄an jerbal ippān doulul eo an elder ro.

Ritōl rein rej kōmeļeļe im rie būreejtōnji ko an doulul eo an elder ro im Doulul eo an Kōrā ro kōn eddo ko aer kōn jerbal an tampeļ im menmenbwij an baam̧le (lale 25.2.2. Naan in kōmeļeļe ko maron̄ bōk jikier ilo jekjek an juon doulul ak kajjojo armej. Ritōl ro an ward tampeļ im menmenbwij an baam̧le maron̄ kajjitōk n̄an bōk kōmeļeļe in.

N̄an meļeļe ko reļļapļo̧k kōn kweilo̧k ko an kamiti in, lale 29.3.8.

Stake būreejtōnji eo remaron̄ jitōn̄ high ko̧o̧njeļ ro n̄an leļo̧k kaminene im jipan̄ n̄an armej rein kōn eddo ko aer kōn tampeļ im jerbal in menmenbwij an baam̧le:

• Būreejtōnji ko an Doulul eo an Elder ro

• Ritōl eo an Tampeļ im Menmenbwij an Baam̧le

• Jerbal an Tampeļ im Menmenbwij an baam̧le

• Coordinator ro an FamilySearch Center

Juon ak elōn̄ high ko̧o̧njeļ ro maron̄ ijjitōn̄ n̄an tōl jibadbad kein. Ijoke, aolep high ko̧o̧njeļ ro ewōr aer eddo n̄an ward ko im doulul ko kar jitōn̄ er.

High ko̧o̧njeļ ro remaron̄ jipan̄ būreejtōnji ko an elder ro im ritōl ro an ward tampel im menmenbwij an baam̧le tōl consultant ro an ward tampel im menmenbwij an baam̧le. High ko̧o̧njeļ ro remaron̄ jipan̄ jān rijipan̄ an stake tampeļ im consultant ro an menmenbwij an baam̧le.

Stake būreejtōnji eo emaron̄ jitōn̄ juon high ko̧o̧njeļ n̄an kajekiik jerbal in menmenbwij ko an baam̧le ilo stake (lale 25.4.3). E ak bar juon high ko̧o̧njeļ maron̄ jitōn̄e n̄an lale jerbal eo ilo FamiySearch center ko (lale 25.3.6).

Ium̧win tōl eo an stake būreejtōn eo, stake būreejtōnji eo an Doulul eo an Kōrā ej leļo̧k kaminene im jipan̄ n̄an ward būreejtōnji ro an Doulul eo an Kōrā ro kōn eddo ko aer n̄an tampeļ im jerbal in menmenbwij an baam̧le (lale 9.2.4.

Rikapilōk ro an stake tampeļ im menmenbwij an baam̧le rej jipan̄ tampeļ im jerbal in menmenbwij an baam̧le ilo aolepen stake eo. Rej jerbal ium̧win tōl eo an stake būreejtōnji ro im juon ak elōn̄ļo̧k high ko̧o̧njeļ ro kar ijjitōn̄ n̄an tampeļ im jerbal in menmenbwij an baam̧le.

Rikakpilōk rein rej jipan̄ high ko̧o̧njeļ ro im stake būreejtōnji ro an Doulul eo an Kōrā ro ilo jerbal ko aer n̄an leļo̧k kaminene n̄an ro jet kōn tampeļ im jerbal in menmenbwij an baam̧le (lale 25.3.3 im 25.3.4). Remaron̄ bar bōk ijjitōn̄ kein ilaļ:

• Jipan̄ katakin im jipan̄ membōr ilo kūr ko aer kōn ward tampeļ im menmenbwij an baam̧le.

• Jipan̄ kōtōbalbal jerbal ko an baļintier (lale 25.4.3).

• Jerbal ilo FamilySearch center ko (lale 25.3.6)

Eļan̄n̄e kein jipan̄ ko rej pād, stake eo emaron̄ karōk juon ak elōn̄ļo̧k FamilySearch center ko. Jentōr kein rej n̄an jipan̄ rilotok ro loe, aiini meļeļe ko, im kobaik ro uwaan baam̧le lo jim̧or im rej mour ak mej kōn kain̄i ko an tampeļ. Aolep rej ruwainene n̄an kōjerbale jentōr kein.

Stake Būreejtōnji eo ej kūr juon coordinator an FamilySearch Center n̄an lale jerbal ko ilo kajjojo FamilySearch center. Kajjojo center ekkā an lōn̄ an rijerbal kappeik jān stake im ward consultant ro an tampeļ im menmenbwij eo. FamilySearch Center ko rej aikuj in peļļo̧k ilo awa ko rekkar. FamilySearch Center ko iturin tampeļ ko remaron̄ karōk iien ko aer bwe ren jejjōt ipen iien ko an tampeļ ko ijjoko rej pād ie.

Āinwōt juon oktak, jet FamilySearch center ko reļļap rej lolorjake jān Eria Būreejtōnji ko.

Coordinator eo an FamilySearch Center eo ej kejeikiik m̧akūtkūt ko an FamilySearch Center eo ilo kajojo raan. Ej jerbal ium̧win tōl eo an stake būreejtōn eo ak juon high ko̧o̧njeļer eo em̧ōj jitōn̄e. Eddo ko remaron̄ kitbuuj ko laajrak ilaļ:

• Jipan̄ membōr ro kepooj etan baam̧le ko aer bwe ren maron̄ kōm̧m̧ani ko ilo im̧weo im̧ōn Irooj.

• Kajeikiik m̧akūtkūt ko an jentōr eo n̄an membōr ro an Kabun̄ im rilotok ro ilo jukjukin pād eo n̄an aer pukot ro jibwier im jim̧m̧aer.

• Jerbal ippen (1) high ko̧o̧njeļer eo em̧ōj kejenolo̧ke n̄an jipan̄ tampeļ im menmenbwij an baam̧le im (2) stake technology specialist eo n̄an ioon menin aikuij ko an m̧akūtkūt ko an jentōr eo im kejparoki kein jerbal ko.

Ilo FamilySearch Center Operations Guide eo ej kwaļok jipan̄ n̄an wāwein kōjerbal juon FamilySearch jentōr.

Eria Būreejtōnji ro remaron̄ kūr rikakpilōklōk ro an eria tampeļ im menmenbwij ko an baam̧le. N̄e jekjek eo ekkar, juon armej ak ripālele ro remaron̄ kūr er n̄an kajjojo koonjel in kōbeļaak. Rikakpilōklōk ro ekkā aer jerbal ium̧win jilu ļo̧k n̄an ļalem iiō.

Juon rikapilōk an eria emaron̄ juon armej ak ripālele kōjenolo̧k n̄an rejtake jerbal ko an bar juon rikapilōk kar kappeik n̄an ko̧o̧njeļ in kōtōbalbal ko ilo eria eo.

Eria Būreejtōnji eo emaron̄ jitōn̄ Eria Jiljilimjuonn̄oul ro n̄an kōtōbalbale jerbal ko an rikakpilōklōk rein ilo ko̧o̧njeļ in kōtōbalbal eo. Jerbal eo an rikakpilōklōk ro aikuj iookļo̧k jibadbad eo an eria.

Āinwōt tōl jān Eria Būreejtōnji eo ak Eria Jiljilimjuonn̄oul eo kar kappeik, rikapilōk ro rej jipan̄ stake būreejtōn ro kakūrm̧ool eddo ko aer n̄an jipan̄ kobaik baam̧le ko n̄an indeeo kōn jerbal in tampeļ im menmenbwij an baam̧ļe (lale 25.3.1). Rikakpilōklōk ro rej jipan̄ stake būreejtōn ro ilo katakin armej ro wōn ro rej jerbal ilo jerbal kein kōn jerbal ko aer:

• High ko̧o̧njeļ ro

• Būreejtōnji an Doulul eo an Kōrā ro an Stake

• Stake Kamiti ko an Ritōl ro an Rūtto ro

• Jerbal an Tampeļ im Menmenbwij an baam̧le

• Coordinator ro an FamilySearch Center

Rikakpilōklōk ro remaron̄ ijjitōn̄ n̄an jipan̄ stake būreejtōnji eo kepooj membōr ro n̄an kabun̄jar ilo tampeļ eo ekāāl kar kōjeļā kake ilowaan wōt eria eo. Eddo ko jet ekoba katakin stake ritōl ro kōn pedped ko im imminene ko an tampeļ im jerbal in menmenbwij an baam̧le. Men kein rekoba:

• Elmen jipan̄ membōr ro rej kab kein kajuon aer peptaij im kapene kōn ro remej (lale 23.2).

• Wāwein jipan̄ membōr ro rej kepopo n̄an bōk endowment ko ak kapene ko aer makke (lale 25.2.8, 27.2, 27.3, and 27.4).

• Kilen ejaake Tampeļ im Jerbal in menmenbwij an baam̧le ilo stake ko im ward ko (lal 25.2).

• Elmen jipan̄ būreejtōnji ro an doulul eo an elder ro im Doulul eo an Kōrā ro ilo eddo ko aer (lale 25.2.2

• Elmen an tampeļ im jerbal in menmenbwij an baam̧le maron̄ kōjeraam̧m̧an ajri ro im jodikdik ro (lale 10.2.4, 11.2.4, im 12.2.4).

• Ekōjkan kōm̧m̧ani kweilo̧k ko rōwejepedik (lale 25.2.7).

• Ekōjkan jipan̄ ritōl ro an ward eo ejaake juon karōk eo ewejepedik an tampel im menmenbwij an baam̧le an ward (lale 25.2.6).

Kōn naan in kōmeļeļe ko ikkijien jerbal in, lale Temple and Family History Leadership Instruction.

FamilySearch ej letok kein jipan̄ ko n̄an jipan̄ membōr ro kile im kōpooj āt ko etan baam̧le bwe ren maron̄ bōk koņaer ilo kain̄i ko kōn ro jibwier im jim̧m̧aer remej. Kain̄i kein rej kobaik baam̧le ko n̄an indeeo. FamilySearch kein jipan̄ ko ekitbuuj men kein:

• FamilySearch.org. Website eo an Kabun̄ in n̄an jipan̄ membōr ro pukot im kōpooj etan ro jibwier im jim̧m̧aer n̄an kain̄i ko an tampeļ.

• Family Tree app. Elōn̄ jerbal ko an FamilySearch weibsite eo rej barāinwōt pād ilo mobile app eo

• Ordinances Ready. Kein jerbal in ej letok juon wāween eļem waan n̄an bōk āt ko etan baam̧le ak āt ko jet n̄an būki n̄an tampeļ. Ej pād jim̧or ilo FamilySearch.org im ilo Family Tree app eo.

• Family Name Assist. Ritōl ro rej kōjerbal kein jerbal in ilo online n̄an jipan̄ membōr rekāāl im rej ro̧o̧ltok, barāinwōt jodikdik ro, epidodo kōppopo im būriini kaat ko etan baam̧le eo ej pād ie n̄an peptaij ko im kapene ko an bōk jikin

• Memories app. Mobile app in ej jipan̄ kajjojo armej im baam̧le ko loi, kwaļo̧k, im kōjparok bwebwenatoko an ro jibweier im jim̧m̧aer im pija ko.

Lale FamilySearch app ko n̄an aolep app ko repeļo̧k.

Booklet eo Baam̧le Eo Aō: Bwebwenato ko Rej Aiintok Kōj Ippān Doon rej jipan̄ aiintok im kejparok etan baam̧le im bwebwenato ko. Bok in emaron̄ bar jipan̄ membōr ro jino kepooj etan baam̧le ko aer n̄an kain̄i ko an tampeļ.

Kape ko maron̄ ortari ilo store.ChurchofJeusChrist.org.

App in etan Get Involved ak Get Involved menu eo FamilySearch.org ej kōtļo̧k an balintier ro bōk kwoņaer ilo m̧akūtkūt kein:

• Indexing ej jerbal in kōdeļo̧n̄ meļeļe ko jān rekoot ko kar je n̄an database ko ilo FamilySearch.org.

• Etali rekoot ko n̄an tujejjōt i er.

• Kōkm̧anm̧anļo̧k tu jim̧we in Menmenbwij.

Ro rej bōk koņaer ilo makūtkūt kein rej kōm̧m̧an bwe en pidodo an ro jet pukot ro jibwier im jim̧m̧aer n̄an kōm̧m̧an kain̄i ko an tampeļ ilo etaer.

Jabdewōt maron̄ bok koņaan ilo m̧akūtkūt ko baļintier ie kōn kōjerbal Get Involved app eo ak Get Involved menu eo ilo FamilySearch.org. Menin emaron̄ kakūrm̧ool en̄jake ko n̄an rein ilaļ:

• Jodikdik ro

• Rūm̧m̧an ded ro

• Membōr ro me ejjab aolep iien rej pād ilo kweilo̧k ko an Kabun̄ in

• Membōr ro rekāāl

• N̄an aolep armej

Stake būreejtōnji eo remaron̄ jitōn̄ juon rikapilōk an tampeļ im menmenbwij an baam̧le ak juon high ko̧o̧njeļ n̄an tōl jerbal in.

Rijerbal ro an tampeļ rej kalikkar wāween kein ilaļ:

• Membōr ro rej kalikkkar jen bisop eo ak bar juon ritōl.

• Membōr ro rej loļo̧k bisop eo n̄an jerbal.

• Membōr ro kar kōmālim jen tempeļ būreejtōn eo, matron eo, ak bar juon ritōl an tampeļ.

• Membōr ro me rej m̧aanjabpopo n̄an ak kiiō epaak kar ro̧o̧ltok jān jerbal in mijenede (lale jepta 24)

Āt ko rekkar bwe ren rijerbal ro an tampeļ rej jilkinļo̧k ilo Recommend Temple Worker tool. Tool in ej jerbal n̄an bisop ro, stake būreejtōn ro, im tampeļ būreejtōnji ro. Rej jilkinļo̧k āt ko āinwōt an ellaajrak ijin ilaļ.

N̄e membōr in tampeļ būreejtōnji eo ej kalikkar etan rijerbal ro an tampeļ, rej jilkinļo̧k etan armej ro n̄an bisop eo ilo aer kōjerbal Recommend Temple Worker tool.

N̄e bisop eo ej kalikkar etan rijerbal ro an tampeļ ak bōk mālim jen tampeļ būreejtōn eo, ej kapilōk membōr eo kōn jerbal eo. Ej etale menin aikuij ko an rijerbal ro an tampeļ (lale 25.5.2). N̄e jim̧or bisop im membōr eo ej en̄jake kōn iien eo em̧m̧an, bisop eo ej kadedeļo̧k im jilkinļo̧k kōmālim eo kōjerbal Recommend Temple Worker tool. Membōr eo eaikuj meļeļe bwe jilkinļo̧k kōmālim eo ejjab meļeļein bwe e eo enaaj bōk jerbal eo āinwōt juon rijerbal an tampeļ.

Kōmālim eo naaj etale jen stake būreejtōn eo. N̄e stake būreejtōn eo ej kōmālim peba in mālim eo, ej jilkinļo̧k n̄an tampeļ būreejtōn eo n̄an etale ilo an kōjerbal Recommend Temple Worker tool).

Membōr ro kar kūr er n̄an rijerbal in tampeļ ekkā aer kōm̧m̧an koņ n̄an jerbal ilo juon iien em̧ōj karōk ilo tampeļ kajjojo wiik. Ritōl ro raikuj jab leļo̧k bar kūr bwe enaaj kapan̄ maron̄ eo an membōr eo n̄an jerbal ilo tampeļ eo.

Ilo Recommend Temple Worker tool eo ej bar kwaļo̧k bisop ro im stake būreejtōn ro juon laajrakin aolep membōr ro jān ward ak stake ko ro im rej jerbal ilo tampeļ eo.

N̄an kōmālim juon āinwōt rijerbal in tampeļ, juon membōr eaikuj in tōpar men kein:

• Jokw ilo tempeļ district eo ilo tampeļ ijo enaaj jerbal ie.

• Bōk mennin letok kwojarjar eo, kautiej bujen ko an tampeļ, im bōk juon peba in mālim an tamepļ ekāāl.

• Bōk juon naan in kam̧ool ekajoor kōn jepļaaktok in gospel eo an Jisōs Kraist.

• Kwon ekkeke ilo ānbwin n̄an maron̄ kōm̧m̧ane jerbal eo kar kappeik ilo tampeļ eo. Juon rijerbal eo ej jerbal āinwōt patron ro ak kōm̧m̧ani kain̄i ko aikuj in ekkeke ilo kanniōk n̄an maron̄ kōm̧m̧ane ilo ejjeļo̧k jipan̄.

• Erreeo im kautiej Kabun̄ in im jukjukinpād.

• Jerbal ippān armej ro jet.

• Ekapeel im ājmour.

• En jab wōr jabdewōt jeje in kipel ilo rekoot eo an.

Ilo kakkobaba, bisop ej lukkuun lale men kein ilaļ:

• Eļan̄n̄e juon membership an juon armej ekkar bōjrak, e ļeo ak e lio maron̄ leļo̧k etan bwe en juon rijerbal in tampeļ jab rum̧wijļo̧k jān ļalem iiō ko ālkin kabōjrak ko kar bōk jikier. (Lale 32.11.3 im 32.16.1.)

• Eļan̄n̄e juon membōr eo ejjan̄in kar endow kar joļo̧k jān an membōr, ak eļan̄n̄e armej eo kar joļo̧k makke an membōr, e leo̧ ak lio maron̄ leļok etan āinwōt juon rijerbal in tampeļ jab rum̧wijļo̧k jān ļalem iiō ko ālkin bar kedeļo̧n̄tok n̄an Kabun̄ in. (Lale 32.11.4, 32.14.9, 32.16.1, im 32.16.2.)

• Eļan̄n̄e juon membōr eo emōj an kar endow im kar joļo̧k an membōr, ak eļan̄n̄e membōr eo kar joļo̧k an membōr, e ļeo ak lio maron̄ leļo̧k etaer āinwōt juon rijerbal in tampeļ jab rum̧wijļo̧k jān ļalem iiō ālkin an bōk kōjeraam̧m̧an ko n̄an bar kōjepļaaktok. (Lale 32.11.4, 32.14.9, im 32.17.2.)

Ālkin an būreejtōn eo an tampeļ bōk peba in mālim eo bwe juon en jerbal āinwōt rijerbal in tampeļ, juon membōr in būreejtōnji eo an tempeļ ak juon eo ej kappe ej intōrpuik armej eo. Āinwōt an im̧we, armej eo ej kōm̧m̧ane intōrpiu eo ej kūr ro rekkar n̄an jerbal āinwōt rijerbal an tampeļ im kōjenoļo̧k er.