மனந்திரும்புதல் மற்றும் சபை உறுப்பினர் ஆலோசனைக் குழுக்கள்

மற்றவர்களைப் பாதுகாக்க உதவுவதே முதல் நோக்கம். சில நேரங்களில் ஒரு நபர் உடல் அல்லது ஆவிக்குரிய அச்சுறுத்தலை ஏற்படுத்துகிறார். கொள்ளையடிக்கும் நடத்தைகள், உடல் ரீதியான தீங்கு, பாலியல் துஷ்பிரயோகம், போதைப்பொருள் துஷ்பிரயோகம், மோசடி மற்றும் மதமாறுபாடு ஆகியவை நிகழக்கூடிய சில வழிகள். உணர்த்துதலுடன், ஒரு ஆயர் அல்லது பிணையத் தலைவர் இந்த மற்றும் பிற கடுமையான வழிகளில் யாராவது அச்சுறுத்தலை ஏற்படுத்தும்போது மற்றவர்களைப் பாதுகாக்க செயல்படுகிறார் (ஆல்மா 5:59-60 ஐப் பார்க்கவும்).

இரண்டாவது நோக்கம், மனந்திரும்புதல் மூலம் இயேசு கிறிஸ்துவின் மீட்பின் வல்லமையைப் பெற ஒருவருக்கு உதவுவதாகும். இந்த செயல்முறையின் மூலம், அவர் அல்லது அவள் மீண்டும் தூய்மையாகவும், தேவனின் அனைத்து ஆசீர்வாதங்களையும் பெற தகுதியுடையவராகவும் மாறலாம்.

மூன்றாவது நோக்கம் சபையின் உத்தமத்தைப் பாதுகாப்பதாகும். ஒரு நபருடைய நடத்தை சபைக்கு குறிப்பிடத்தக்க அளவில் தீங்கு விளைவிக்குமானால் அவர் சபை உறுப்பினராயிருப்பதை கட்டுப்படுத்துவது அல்லது திரும்பப் பெறுவது அவசியமாக இருக்கலாம், (ஆல்மா 39:11 ஐப் பார்க்கவும்). சபையின் உத்தமம் கடுமையான பாவங்களை மறைப்பதாலோ அல்லது குறைப்பதாலோ பாதுகாக்கப்படுவதில்லை—மாறாக அவற்றை நிவர்த்தி செய்வதன் மூலம்.

மனந்திரும்புவதற்கு, பரலோக பிதாவிடம் பாவங்களை அறிக்கையிட வேண்டும். இயேசு கிறிஸ்து சொன்னார், “தனது பாவங்களுக்காக ஒரு மனுஷன் மனந்திரும்பினால், இதோ, அவற்றை அவன் அறிக்கையிட்டு, அவற்றை கைவிடுவான் என்பதை இதனால் நீங்கள் அறிந்துகொள்வீர்கள்” (கோட்பாடும் உடன்படிக்கைகளும் 58:43; மோசியா 26:29 ஐயும் பார்க்கவும்).

சபை உறுப்பினர்கள் கடுமையான பாவங்களைச் செய்யும்போது, அவர்களின் மனந்திரும்புதலில் அவர்களின் ஆயர் அல்லது பிணையத் தலைவரிடம் அறிக்கையிடுவதும் அடங்கும். பின்னர் அவர் அவர்கள் சார்பாக மனந்திரும்புதலின் சுவிசேஷத்தின் திறவுகோல்களைப் பயன்படுத்த முடியும் (கோட்பாடும் உடன்படிக்கைகளும் 13:1; 84:26–27; 107:18, 20 பார்க்கவும்). இது இரட்சகரின் பாவநிவிர்த்தியின் வல்லமையின் மூலம் அவர்கள் குணமடைந்து சுவிசேஷத்தின் பாதைக்குத் திரும்ப உதவுகிறது.

அறிக்கையிடுவதன் நோக்கம், தங்களை மாற்றுவதிலும் குணப்படுத்துவதிலும் கர்த்தரின் உதவியை முழுமையாக நாட முடியும்படியாக தங்களின் பாரங்களை இறக்க உறுப்பினர்களை ஊக்குவிப்பதாகும். “நொறுங்குண்ட இருதயத்தையும், நருங்குண்ட ஆவியையும்” வளர்த்துக்கொள்வது ஒப்புதல் வாக்குமூலத்தால் உதவுகிறது (2 நேபி 2:7). தாமாகவே அறிக்கையிடுதல் ஒரு நபர் மனந்திரும்ப விரும்புகிறார் என்பதைக் காட்டுகிறது.

ஒரு உறுப்பினர் அறிக்கையிடும்போது, ஆயர் அல்லது பிணையத் தலைவர் 32.8ல் உள்ள ஆலோசனைக்கான வழிகாட்டுதல்களைப் பின்பற்றுகிறார். உறுப்பினர் மனந்திரும்புவதற்கு உதவுவதற்கான பொருத்தமான பின்னணியைப் பற்றிய வழிகாட்டுதலை அவர் ஜெபத்துடன் நாடுகிறார். உறுப்பினர் ஆலோசனைக்குழு உதவியாக இருக்குமா என்று அவர் கருத்தில் கொள்கிறார். சபைக் கொள்கைக்கு உறுப்பினர் ஆலோசனைக்குழு தேவை என்றால், அவர் இதை விளக்குகிறார் (32.6 பார்க்கவும்).

சில நேரங்களில் ஒரு உறுப்பினர், துணைவர் அல்லது மற்றொரு வயது வந்தவருக்கு அநீதி இழைத்துள்ளார். மனந்திரும்புதலின் ஒரு பகுதியாக, அவர் அல்லது அவள் பொதுவாக அந்த நபரிடம் அறிக்கையிட்டு மன்னிப்பு கேட்க வேண்டும். கடுமையான பாவத்தைச் செய்யும் ஒரு இளைஞர் பொதுவாக அவன் அல்லது அவளது பெற்றோருடன் ஆலோசனை கேட்க ஊக்குவிக்கப்படுகிறார்.

ஆயர்கள், பிணையத் தலைவர்கள் மற்றும் அவர்களின் ஆலோசகர்களுக்கு அவர்களுடன் பகிர்ந்து கொள்ளப்படும் அனைத்து ரகசியத் தகவல்களையும் பாதுகாக்க ஒரு பரிசுத்தமான கடமை உள்ளது. இந்த தகவல் நேர்காணல்கள், ஆலோசனைகள் மற்றும் அறிக்கைகளில் வரலாம். உறுப்பினர் ஆலோசனைக்குழுக்களில் பங்கேற்கும் அனைவருக்கும் அதே ரகசியக் கடமை பொருந்தும். ரகசியத்தன்மை அவசியம், ஏனென்றால் உறுப்பினர்கள் பாவங்களை ஒப்புக்கொள்ளளாமலிருக்கலாம் அல்லது அவர்கள் பகிர்ந்துகொள்வது ரகசியமாக வைக்கப்படாவிட்டால் வழிகாட்டுதலை நாடாமலிருக்கலாம். நம்பகத்தன்மையை மீறுவது உறுப்பினர்களின் நம்பிக்கைக்குத் துரோகம் செய்து, அவர்களின் தலைவர்கள் மீதான நம்பிக்கையை இழக்கச் செய்கிறது.

அவர்களின் இரகசியத்தன்மையின் கடமைக்கு இணங்க, ஒரு ஆயர், பிணையத் தலைவர் அல்லது அவர்களின் ஆலோசகர்கள் அத்தகைய தகவல்களைப் பின்வருமாறு மட்டுமே பகிர்ந்து கொள்ளலாம்:

• அவர்கள் உறுப்பினர் ஆலோசனைக்குழு அல்லது தொடர்புடைய விஷயங்களை நடத்துவது பற்றி உறுப்பினரின் பிணையத் தலைவர், ஊழியத் தலைவர் அல்லது ஆயர் ஆகியோரிடம் பேச வேண்டும்.

• உறுப்பினர் நடவடிக்கை அல்லது பிற தீவிரமான அக்கறைகள் நிலுவையில் இருக்கும்போது அந்நபர் ஒரு புதிய தொகுதிக்கு (அல்லது ஆசாரியத்துவத் தலைவர் விடுவிக்கப்படுகிறார்) மாறுகிறார்.

• ஒரு ஆயர் அல்லது பிணையத் தலைவர், தொகுதி அல்லது பிணையத்துக்கு வெளியே வசிக்கும் ஒரு சபை உறுப்பினர் கடுமையான பாவத்தில் ஈடுபட்டிருக்கலாம் என்பதை அறிந்துகொள்கிறார்.

• உறுப்பினர் ஆலோசனைக்குழு நடக்கும்போது தகவல்களை வெளியிடுவது அவசியம்.

• குறிப்பிட்ட நபர்களுடன் தகவலைப் பகிர்ந்து கொள்ள தலைவர் அனுமதி வழங்க ஒரு உறுப்பினர் தேர்வு செய்கிறார்.

• உறுப்பினர் ஆலோசனைக்குழுவின் முடிவைப் பற்றிய வரையறுக்கப்பட்ட தகவலைப் பகிர்வது அவசியமாக இருக்கலாம்.

மற்றவர்களைப் பாதுகாப்பதற்கும் சட்டத்திற்கு இணங்குவதற்கும் தலைவர்களுக்கு உதவ, பயிற்சி பெற்ற நிபுணர்களின் உதவியை சபை வழங்குகிறது. இந்த வழிகாட்டுதலைப் பெற, கிடைக்கிற இடத்தில் தலைவர்கள் உடனடியாக சபையின் துஷ்பிரயோக உதவி எண்ணை அழைக்கிறார்கள் (38.6.2.1 பார்க்கவும்). அது கிடைக்காத பட்சத்தில், பிணையத் தலைவர், பிரதேச அலுவலகத்தில் உள்ள சட்ட ஆலோசகரை தொடர்பு கொள்கிறார்.

ஒரே ஒரு சூழ்நிலையில் மட்டும் ஒரு ஆயர் அல்லது பிணையத் தலைவர் முதலில் அத்தகைய வழிகாட்டுதலை நாடாமல் ரகசிய தகவலை வெளியிட வேண்டும். உயிருக்கு ஆபத்தான தீங்கு அல்லது கடுமையான காயத்தைத் தடுக்க மற்றும் வழிகாட்டுதலைப் பெற நேரம் இல்லாதபோது தெரிவிப்பது அவசியம். இதுபோன்ற விஷயங்களில், ரகசியத்தன்மையைக் காட்டிலும் மற்றவர்களைப் பாதுகாக்கும் கடமை முக்கியமானது. தலைவர்கள் உடனடியாக உள்ளூர் அதிகாரிகளை தொடர்பு கொள்ள வேண்டும்.

சில விஷயங்களுக்கு கூடுதல் உணர்திறன் மற்றும் வழிகாட்டுதல் தேவை. எவ்வாறு சிறந்த முறையில் உதவுவது என்பதை அறிய, பிணையத் தலைவர் இந்தப் பிரிவில் உள்ள சூழ்நிலைகளைப் பற்றி பிரதேச தலைமையுடன் ஆலோசனை செய்ய வேண்டும்.