உயிரோடிருப்பவர்களுக்கான ஆலய நியமங்கள்

தகுதியான வயதுவந்த புதிய உறுப்பினர்கள், அவர்கள் திடப்படுத்தப்பட்ட நாளிலிருந்து குறைந்தது ஒரு வருடத்திலாவது அவர்களின் தரிப்பித்தலைப் பெறலாம்.

பின்வரும் நிபந்தனைகள் பூர்த்தி செய்யப்பட்டால், தகுதியான உறுப்பினர் அவரது துணைவர் தரிப்பிக்கப்படாவிட்டாலும் தன் தரிப்பித்தலைப் பெறலாம்.

• தரிப்பிக்கப்படாத துணைவர் தனது சம்மதத்தை அளிக்கிறார்.

• உறுப்பினர், ஆயர் மற்றும் பிணையத் தலைவர் ஆகியோர் ஆலய உடன்படிக்கைகளுடன் ஏற்றுக்கொள்ளப்பட்ட பொறுப்பு திருமணத்திற்கு இடையூறாக இருக்காது என்று நம்புகிறார்கள்.

துணைவர் சபையில் உறுப்பினராக இருந்தாலும் இல்லாவிட்டாலும் இந்த நிபந்தனைகள் பொருந்தும்.

அறிவுசார் குறைபாடுகள் உள்ள உறுப்பினர்கள் தங்கள் சொந்த தரிப்பித்தலைப் பெறலாம்:

• அவர்கள் அனைத்து முன்நிபந்தனை நியமங்களையும் பெற்றுள்ளனர் (26.3.1 பார்க்கவும்).

• உடன்படிக்கைகளைப் புரிந்துகொள்வதற்கும், உருவாக்குவதற்கும், அவற்றைக் கடைபிடிப்பதற்கும் அவர்களுக்கு அறிவுசார் திறன் உள்ளது.

ஆயர் உறுப்பினர் மற்றும் பொருந்தக்கூடிய இடங்களில் அவரது பெற்றோருடன் ஆலோசனை செய்கிறார். அவர் ஆவியின் வழிநடத்துதலையும் நாடுகிறார். அவர் பிணையத் தலைவருடன் ஆலோசனை செய்யலாம்.

ஒரு உறுப்பினர் ஆலயத்துக்குள் பிரவேசிப்பதற்கும், தரிப்பித்தலைப் பெறுவதற்கும் உயிரோடிருப்பவர்களுக்கான நியமங்களுக்கான பரிந்துரையைப் பெற வேண்டும். இந்த பரிந்துரைகள் பற்றிய தகவலுக்கு, 26.5.1 ஐப் பார்க்கவும்.

தரிப்பித்தல் பெறத் திட்டமிடும் உறுப்பினர்கள், நியமத்துக்கு நேரம் திட்டமிட முன்கூட்டியே ஆலயத்தைத் தொடர்பு கொள்ள வேண்டும்.

தங்களுடைய சொந்த தரிப்பித்தலைப் பெறும் உறுப்பினர்கள், அதே பாலினத்தைச் சேர்ந்த தரிப்பித்தல் பெற்ற ஒருவரை உடன் செல்பவராகச் செயல்பட அழைக்கலாம் மற்றும் தரிப்பித்தல் அமர்வின் போது அவர்களுக்கு உதவலாம். உடன் செல்பவருக்கு தற்போதைய ஆலய பரிந்துரை இருக்க வேண்டும். தேவைப்பட்டால் ஆலயம் ஒரு உடன் செல்பவரை அனுப்பலாம்.

அறிவுசார் குறைபாடுகள் உள்ள உறுப்பினர்கள் தங்கள் துணைவர், வருங்காலக் கணவர் அல்லது வருங்கால மனைவியுடன் முத்திரிக்கப்படலாம்:

• தரிப்பித்தல் உட்பட அனைத்து முன்நிபந்தனை நியமங்களையும் அவர்கள் பெற்றுள்ளனர் (27.2.1.3 பார்க்கவும்).

• உடன்படிக்கைகளைப் புரிந்துகொள்வதற்கும், உருவாக்குவதற்கும், அவற்றைக் கடைப்பிடிப்பதற்கும் அவர்களுக்கு அறிவுசார் திறன் உள்ளது.

ஆயர் உறுப்பினர் மற்றும் அவரது துணைவர், வருங்கால கணவர் அல்லது வருங்கால மனைவியுடன் ஆலோசனை செய்கிறார். அவர் ஆவியின் வழிநடத்துதலையும் நாடுகிறார். அவர் பிணையத் தலைவருடன் ஆலோசனை செய்யலாம்.

ஒரு உறுப்பினர் தனது துணைவருடன் முத்திரிப்பதற்கான உயிரோடிருப்பவர்களின் நியமங்களுக்கான பரிந்துரையைப் பெற வேண்டும். இந்த பரிந்துரைகள் பற்றிய தகவலுக்கு, 26.3 ஐப் பார்க்கவும்.

திருமணம் செய்யவோ அல்லது துணைவருடன் முத்திரிக்கவோ திட்டமிடும் உறுப்பினர்கள், நியமத்துக்கு நேரம் குறிப்பதற்கு முன்கூட்டியே ஆலயத்தை தொடர்பு கொள்ள வேண்டும்.

திருமணம் செய்வதற்கு முன், ஒரு தம்பதி திருமணம் நடைபெறும் இடத்தில் செல்லுபடியாகிற சட்டப்பூர்வ திருமண சான்றிதழ் பெற வேண்டும். தம்பதிகள் இருவரும் ஒரே சடங்கின் போது திருமணம் செய்து முத்திரிக்க திட்டமிட்டால், அவர்கள் ஆலயத்தில் செல்லுபடியாகும் திருமண சான்றிதழ் கொண்டு வர வேண்டும்.

சமுதாய திருமணத்திற்குப் பிறகு முத்திரிக்கப்படும் தம்பதிகள் ஆலயத்துக்கு திருமண சான்றிதழ் கொண்டு வரத் தேவையில்லை. அதற்கு பதிலாக, பதிவேடு சரிபார்ப்பு செயல்முறையின் ஒரு பகுதியாக அவர்கள் தங்கள் சமுதாய திருமணத்தின் தேதி மற்றும் இருப்பிடத்தை வழங்குகிறார்கள்.

மணப்பெண்ணுக்கு ஆடை மாற்றும் அறையில் உதவிக்காக ஒரு தரிப்பிக்கப்பட்ட சகோதரி உடன் வரலாம். ஒரு தரிப்பிக்கப்பட்ட சகோதரர் மணமகனுக்கும் அதையே செய்யலாம். உடன் செல்பவருக்கு தற்போதைய ஆலய பரிந்துரை இருக்க வேண்டும். தேவைப்பட்டால் ஆலயம் ஒரு உடன் செல்பவரை அனுப்பலாம்.

ஒரு ஆலய திருமணம் அல்லது முத்திரித்தல் வழக்கமாக தம்பதியர் திருமணம் செய்து கொள்ளும் அல்லது முத்திரிக்கப்படும் ஆலயத்திற்கு நியமிக்கப்பட்ட ஒரு முத்திரிப்பவரால் நிறைவேற்றப்படுகிறது. ஒரு குடும்ப உறுப்பினர் அல்லது அறிமுகமானவர் முத்திரிக்கும் அதிகாரத்தை வைத்திருந்தால், தம்பதியினர் திருமணம் செய்துகொள்ளும் அல்லது முத்திரிக்கப்படும் ஆலயத்துக்கு அழைக்கப்பட்டால், அவர்கள் அவரை திருமணம் அல்லது முத்திரித்தலை நிறைவேற்ற அழைக்கலாம்.

மணமகளின் ஆடை ஆலயத்தில் அணியும் மணமகளின் ஆடை வெண்மையாகவும், வடிவமைப்பு மற்றும் துணிகளில் அடக்கமாகவும், விரிவான அலங்காரங்கள் இல்லாததாகவும் இருக்க வேண்டும். அது ஆலய வஸ்திரத்தையும் மறைக்க வேண்டும். மெல்லிய துணி மற்றொரு துணியால் உட்புறம் தைக்கப்பட வேண்டும்.

ஆலயத்தில் அணியும் மற்ற ஆடைகளுடன் ஒத்துப்போக, மணமகளின் ஆடை நீண்ட கை அல்லது முக்கால் கைகளைக் கொண்டிருக்க வேண்டும். முத்திரிக்கும் சடங்கிற்காக உடைகள் ஊசி குத்தப்பட்டிருக்காவிட்டால் அல்லது அகற்றப்படாவிட்டாலோ ஆடைகளுக்கு இணைப்புத் துணிகள் இருக்கக் கூடாது.

ஆலயம் தேவைப்பட்டாலோ அல்லது விரும்பினாலோ ஒரு ஆடையை வழங்கலாம்.

மணமகன் ஆடை மணமகன் திருமணம் அல்லது முத்திரிப்பின் போது சாதாரண ஆலய ஆடைகளை அணிகிறார் (38.5.1 மற்றும் 38.5.2 பார்க்கவும்).

விருந்தினர்களின் ஆடை திருமணம் அல்லது முத்திரிக்கும் சடங்கில் கலந்துகொள்பவர்கள், ஒரு திருவிருந்து கூட்டத்திற்கு அணிவதைப் போன்ற ஆடைகளை அணிய வேண்டும். தரிப்பித்தல் அமர்வில் இருந்து நேரடியாக முத்திரித்தல் செய்வதற்கு வரும் உறுப்பினர்கள் சம்பிரதாயமான ஆலய ஆடைகளை அணியலாம்.

பூக்கள் திருமணம் அல்லது முத்திரிக்கும் போது தம்பதிகளும் அவர்களது விருந்தினர்களும் பூக்களை அணியக்கூடாது.

மோதிரம் மாற்றுவது ஆலய முத்திரித்தல் சடங்கில் ஒரு பகுதி இல்லை. இருப்பினும், முத்திரிக்கும் அறையில் சடங்கிற்குப் பிறகு தம்பதிகள் மோதிரங்களை பரிமாறிக் கொள்ளலாம். தம்பதிகள் ஆலயத்திலோ அல்லது ஆலய வளாகத்திலோ வேறு எந்த நேரத்திலும், இடத்திலும் மோதிரங்களை மாற்றிக் கொள்ளக் கூடாது.

ஒரே சடங்கில் திருமணமாகி முத்திரிக்கப்பட்ட தம்பதிகள், ஆலய திருமணத்தில் கலந்து கொள்ள முடியாத குடும்ப உறுப்பினர்களும் சேர்ந்து கொள்ளத்தக்கதாக பின்னர் மோதிரங்களை மாற்றிக் கொள்ளலாம். மாற்றுதல் ஆலய திருமணம் அல்லது முத்திரிக்கும் சடங்கின் எந்தப் பகுதியையும் பிரதிபலிக்கக் கூடாது. திருமணமான பிறகு அல்லது ஆலயத்தில் முத்திரிக்கப்பட்ட பிறகு தம்பதிகள் சத்தியம் செய்துகொள்ளக்கூடாது.

ஆலயத்தில் முத்திரிக்கப்படுவதற்கு முன் சமுதாய திருமணம் செய்து கொண்ட தம்பதிகள் தங்கள் சமுதாய விழா, ஆலய முத்திரித்தல் அல்லது இரண்டு விழாக்களிலும் மோதிரங்களை மாற்றிக் கொள்ளலாம்.