በህይወት ላሉ የሚደረጉ የቤተመቅደስ ሥርዓቶች

ብቁ የሆኑ ጎልማሳ አዲስ አባላት ማረጋገጫቸውን ከተቀበሉበት ቀን ጀምሮ ቢያንስ አንድ ሙሉ አመት ሲሆናቸው የቤተመቅደስ ቡራኬን ሊቀበሉ ይችላሉ።

የትዳር ጓደኛው/ዋ የቤተመቅደስ ቡራኬን ያልተቀበለ/ች ብቁ አባል የሚከተሉት ሁኔታዎች ሲሟሉ የእርሱን ወይም የእርሷን የቤተመቅደስ ቡራኬ መቀበል ይችላል/ትችላለች።

• የቤተመቅደስ ቡራኬን ያልተቀበለው/ችው የትዳር ጓደኛ ፈቃዱን/ዷን ይሰጣል/ትሰጣለች።

• አባሉ፣ ኤጲስ ቆጶሱ እና የካስማ ፕሬዘደንቱ የቤተመቅደስ ቃል ኪዳኖቹ ያስከተሉት ሃላፊነት በትዳሩ ላይ መስተጓጎል እንደማይፈጥር እርግጠኞች ናቸው።

የትዳር ጓደኛቸው የቤተክርስቲያኗ አባል ቢሆኑም ባይሆኑም እነዚህ ሁኔታዎች ተፈጻሚ ይሆናሉ።

የአዕምሮ ዕድገት ውስንነት ያለባቸው አባላት የራሳቸውን የቤተመቅደስ ቡራኬ መቀበል የሚችሉት፦

• ሁሉንም አስቀድመው ሊፈፅሙ የሚገባቸውን ሥርዓቶች ከፈጸሙ (26.3.1 ይመልከቱ)።

• ተያያዥ የሆኑትን ቃል ኪዳኖች የመረዳት፣ የማድረግ እና የመጠበቅ አዕምሯዊ ብቃት ካላቸው።

ኤጲስ ቆጶሱ ከአባሉ/ሏ እንዲሁም አስፈላጊ ከሆነ ከእርሱ ወይም ከእርሷ ወላጆች ጋር ሲመክር። በተጨማሪም የመንፈስ ቅዱስን ምሪት ይሻል። ከካስማ ፕሬዚዳንቱ ጋር ሊመክር ይችላል።

አንድ አባል በህይወት ላሉ ለሚደረጉ ሥርዓቶች ወደ ቤተመቅደስ ለመግባት እና የቤተመቅደስ ቡራኬውን ለመቀበል የቤተመቅደስ መግቢያ ፈቃድ መቀበል አለበት። ስለእነዚህ የቤተመቅደስ መግቢያ ፈቃዶች መረጃ ለማግኘት 26.5.1 ይመልከቱ።

የቤተመቅደስ ቡራኬን ለመቀበል የሚያቅዱ አባላት ሥርዓቱን መፈጸም ይችሉ ዘንድ ቀጠሮ ለመያዝ አስቀድመው ከቤተመቅደሱ ጋር ግንኙነት ማድረግ አለባቸው።

የራሳቸውን የቤተመቅደስ ቡራኬ የሚቀበሉ አባላት በቡራኬው ክፍለ ጊዜ እንዲያጅቧቸው እና እንዲረዷቸው ከእነርሱ ጋር በጾታ ተመሳሳይ የሆነ የቤተመቅደስ ቡራኬን የተቀበለ አባል ሊጋብዙ ይችላሉ። አንድ አጃቢ ወቅታዊ የቤተመቅደስ መግቢያ ፈቃድ ሊኖረው ይገባል። አስፈላጊ ከሆነ ቤተመቅደሱ አጃቢ ሊያቀርብ ይችላል።

የአዕምሮ ዕድገት ውስንነት ያለባቸው አባላት ከትዳር ጓደኛቸው፣ ከወንድ እጮኛቸው ወይም ከሴት እጮኛቸው ጋር ሊታተሙ የሚችሉት፦

• የቤተመቅደስ ቡራኬ መቀበልን ጨምሮ ሁሉንም አስቀድመው ሊፈፅሙ የሚገባቸውን ሥርዓቶች ከፈጸሙ (27.2.1.3 ይመልከቱ)።

• ተያያዥ የሆኑትን ቃል ኪዳኖች የመረዳት፣ የማድረግ እና የመጠበቅ አዕምሯዊ ብቃት ካላቸው።

ኤጲስ ቆጶሱ ከአባሉ እንዲሁም ከእርሱ ወይም ከእርሷ የትዳር ጓደኛ፣ ከወንድ ወይም ከሴት እጮኛ ጋር ይመከራል። በተጨማሪም የመንፈስ ቅዱስን ምሪት ይሻል። ከካስማ ፕሬዘደንቱ ጋር ሊመክር ይችላል።

አንድ አባል ከትዳር ጓደኛው/ዋ ጋር ለመታተም በህይወት ላሉ ለሚደረጉ ሥርዓቶች የቤተመቅደስ መግቢያ ፈቃድ መቀበል አለበት/ባት። ስለነዚህ የቤተመቅደስ መግቢያ ፈቃዶች መረጃ ለማግኘት 26.3 ይመልከቱ።

በቤተመቅደስ ጋብቻን ለመፈጸም ወይም ለመታተም የሚያቅዱ አባላት ሥርዓቱን መፈጸም ይችሉ ዘንድ ቀጠሮ ለማስያዝ አስቀድመው ከቤተመቅደሱ ጋር ግንኙነት ማድረግ አለባቸው።

ጥንዶች ከመጋባታቸው በፊት ጋብቻው በሚፈጸምበት ቦታ የሚሰራ ሕጋዊ የጋብቻ ፈቃድ ማግኘት አለባቸው። ጥንዶቹ በተመሳሳይ ሥነ ሥርዓት ላይ ለመጋባት እና ለመታተም ያቀዱ ከሆነ ሕጋዊ የጋብቻ ፈቃድ ወደ ቤተመቅደስ ይዘው መምጣት አለባቸው።

ጥንዶቹ በመዘጋጃ ቤት ጋብቻቸውን ከፈጸሙ በኋላ የሚታተሙ ከሆነ ሕጋዊ የጋብቻ ፈቃድ ወደ ቤተመቅደስ ይዘው መምጣት አያስፈልጋቸውም። ከዚያ ይልቅ በመዘጋጃ ቤት ጋብቻቸውን የፈጸሙበትን ቀን እና ቦታ እንደ መዝገብ ማረጋገጥ ሂደት ያቀርባሉ።

የቤተመቅደስ የመንፈስ ስጦታ የተቀበለች እህት በመላበሻ ክፍል እንድታግዛት ከሙሽራዋ ጋር ልትሆን ትችላለች። የቤተመቅደስ ቡራኬ የተቀበለ ወንድም ይህንኑ ለሙሽራው ሊያደርግ ይችላል። አንድ አጃቢ ወቅታዊ የቤተመቅደስ መግቢያ ፈቃድ ሊኖረው ይገባል። አስፈላጊ ከሆነ ቤተመቅደሱ አጃቢ ሊያቀርብ ይችላል።

የቤተመቅደስ ጋብቻ ወይም አትመት ብዙውን ጊዜ የሚከናወነው ጥንዶቹ በሚጋቡበት ወይም በሚታተሙበት ቤተመቅደስ ውስጥ በተመደበው አታሚ ነው። አንድ የቤተሰብ አባል ወይም የሚያውቁት ሰው የማተም ሥልጣን ካለውና ጥንዶቹ በሚጋቡበት ወይም በሚታተሙበት ቤተመቅደስ ውስጥ ከተመደበ ጋብቻውን ወይም እትመቱን እንዲያከናውን ሊጋብዙት ይችላሉ።

የሙሽራዋ ቀሚስ በቤተመቅደስ ውስጥ የሚለበሰው የሙሽራዋ ልብስ ነጭ፣ ንድፉ እና ጨርቁ ልከኛ የሆነ እንዲሁም ከተራቀቀ ጌጣጌጥ የጸዳ መሆን አለበት። በተጨማሪም የቤተመቅደስ ልብሱን መሸፈን ይኖርበታል። ወደውስጥ የሚያሳይ ጨርቅ በሌላ የሚከልል ጨርቅ መደረብ አለበት።

በቤተመቅደስ ውስጥ ከሚለበሱ ሌሎች ቀሚሶች ጋር የሚጣጣም ለማድረግ የሙሽራዋ ቀሚስ ረጅም እጅጌዎች ያሉት ወይም ሶስት አራተኛውን ክፍል የሚሸፍን ሊሆን ይገባል። በእትመት ጊዜ ወደላይ የሚታሰሩ ወይም የሚነሱ ካልሆነ በስተቀር ቀሚሶች ቬሎ ሊኖራቸው አይገባም።

አስፈላጊ ከሆነ ቤተመቅደሱ ቀሚስ ሊያቀርብ ይችላል።

የሙሽራው አለባበስ ሙሽራው በጋብቻ እና በእትመት ሥነ ሥርዓቱ ላይ የተለመደውን የቤተመቅደስ ልብስ ይለብሳል (38.5፥1 እና 38.5፥2 ይመልከቱ)።

የእንግዶች አለባበስ። በጋብቻ ወይም በእትመት ሥነ ሥርዓት ላይ የሚሳተፉ ሰዎች በቅዱስ ቁርባን ስብሰባ ላይ እንደሚለብሱት ተመሳሳይ የሆነ ልብስ ይለብሳሉ። ከቤተመቅደስ ቡራኬ መቀበል ክፍለ ጊዜ በቀጥታ ወደ እትመቱ የመጡ አባላት የቤተመቅደስ ሥርዓት አለባበስ ሊለብሱ ይችላሉ።

አበቦች። ጥንዶቹ እና እንግዶቻቸው በጋብቻ እና በእትመት ሥነ ሥርዓቱ ላይ አበቦችን መያዝ የለባቸውም።

ቀለበት መለዋወጥ የቤተመቅደስ እትመት ሥነ ሥርዓቱ ክፍል አይደለም። ሆኖም ከሥነ ሥርዓቱ በኋላ ጥንዶች በመታተሚያ ክፍሉ ውስጥ ቀለበት ሊለዋወጡ ይችላሉ። ጥንዶች በቤተመቅደስ ውስጥ በሌላ በማንኛውም ጊዜ ወይም ቦታ ወይም በቤተመቅደስ ግቢ ውስጥ ቀለበት መለዋወጥ የለባቸውም።

በተመሳሳይ ሥነ ሥርዓት ላይ ጋብቻቸውን የፈጸሙ እና የታተሙ ጥንዶች በቤተመቅደስ ጋብቻ ላይ መገኘት ያልቻሉ የቤተሰብ አባላትን ለማካተት ሲሉ በሌላ ጊዜ ቀለበት መለዋወጥ ይችላሉ። ቀለበት መለዋወጥ የቤተመቅደስ እትመት ሥነ ሥርዓቱ ክፍል አይደለም። ባልና ሚስቱ በቤተመቅደስ ውስጥ ጋብቻቸውን ከፈጸሙ ወይም ከታተሙ በኋላ ቃለ መሐላ መለዋወጥ የለባቸውም።

በቤተመቅደስ ከመታተማቸው በፊት በማዘጋጃ ቤት የተጋቡ ጥንዶች በማዘጋጃ ቤት ሥነ ሥርዓቱ ላይ፣ በቤተመቅደስ በሚታተሙበት ጊዜ ወይም በሁለቱም ሥነ ሥርዓቶች ላይ ቀለበት መለዋወጥ ይችላሉ።