የቤተመቅደስ መግቢያ ፈቃድ

የቤተመቅደስ መግቢያ ፈቃድ መፅሃፎችን እንዲይዙ ስልጣን የተሰጣቸው የክህነት መሪዎች በጥንቃቄ ጥበቃ ሊያደርጉላቸው ይገባል።

በተጨማሪም የክህነት መሪዎች ያልተፈቀደላቸው ግለሰቦች በLCR [የመሪ እና የጸሀፊ ምንጭ] ውስጥ የሚገኘውን የቤተመቅደስ መግቢያ ፈቃድ መረጃ ማግኘት አለመቻላቸውን ያረጋግጣሉ።

አባላት የቤተመቅደስ መግቢያ ፈቃዳቸው ከጠፋ ወይም ከተሰረቀ፣ በተቻለ ፍጥነት እንዲያሳውቁት ኤጲስ ቆጶሱ ይጠይቃቸዋል። እርሱ፣ የተመደበ አማካሪ ወይም ጸሃፊ በተቻለው ፍጥነት የቤተመቅደስ መግቢያ ፈቃድን ለመጠቀም የማይቻል ለማድረግ LCR [የመሪ እና የጸሀፊ ምንጭን] ይጠቀማሉ። ይህን የማድረጊያ ዘዴ ከሌለ የቤተመቅደስ መግቢያው ፈቃድ ይሰረዝ ዘንድ ኤጲስ ቆጶሱ የቤተመቅደሱን ቢሮ ያነጋግራል።

የታደሰ የቤተመቅደስ መግቢያ ፈቃድ ያለው አባል የብቁነት መስፈርቶችን (26.3ን ይመልከቱ) እየኖረ እንዳልሆነ ኤጲስ ቆጶሱ ካረጋገጠ፣ አባሉ የቤተመቅደስ መግቢያ ፈቃዱን እንዲመልስ ይጠይቃል። የቤተመቅደስ መግቢያ ፈቃዱን ለመጠቀም የማይቻል ለማድረግ LCR [የመሪ እና የጸሀፊ ምንጭን] ይጠቀማል። ይህን የማድረጊያ ዘዴ ከሌለ የቤተመቅደስ መግቢያው ፈቃድ ይሰረዝ ዘንድ ኤጲስ ቆጶሱ የቤተመቅደሱን ቢሮ ያነጋግራል።

በአጥቢያ ውስጥ፣ ኤጲስ ቆጶሱ ወይም አንድ የተመደበ አማካሪ የቤተመቅደስ መግቢያ ፈቃድ ቃለ መጠይቆችን ያደርጋል እንዲሁም ብቁ ለሆኑ የቤተመቅደስ መግቢያ ፈቃድን ይሰጣል። በቅርንጫፍ ውስጥ፣ የቤተመቅደስ መግቢያ ፈቃድ ቃለ መጠይቅ የሚያደርገው እና የቤተመቅደስ መግቢያ ፈቃድን የሚሰጠው የቅርንጫፍ ፕሬዚዳንቱ ብቻ ነው።

በአጥቢያ ውስጥ፣ ኤጲስ ቆጶሱ የሚከተሉትን አባላት ቃለ መጠይቅ ያደርጋል፦

• የራሳቸውን የቤተመቅደስ የመንፈስ ስጦታ ለሚቀበሉ (27.1ን እና 27.2 ን ይመልከቱ)።

• ከትዳር አጋራቸው ጋር ለሚታተሙ (27.3ን ይመልከቱ)።

ኤጲስ ቆጶሱ በሌለበት አስቸኳይ ጉዳዮች ከገጠሙ፣ ከአማካሪዎቹ አንዱ እነዚህን ቃለ መጠይቆች እንዲያደርግ ሊፈቅድ ይችላል።

ከላይ በተዘረዘሩት ሁኔታዎች መሰረት የቤተመቅደስ መግቢያ ፈቃድ ከመስጠቱ በፊት፣ ኤጲስ ቆጶሱ የቤተክርስቲያን አባልነት የእገዳ ማስታወሻ አለመኖሩን ለማረጋገጥ የአባሉን መዝገብ ይመረምራል። የራሳቸውን የቤተመቅደስ የመንፈስ ስጦታ ለሚቀበሉ ወይም ከትዳር ጓደኛቸው ጋር ለሚታተሙ አባላት የሚከተሉትን ያረጋግጣል፦

• የአባሉ ጥምቀት እና ማረጋገጫ በአባልነት መዝገብ ላይ መመዝገቡን።

• ወንድሞች የመልከ ጼዴቅ ክህነትን መቀበላቸውን።

ከኤጲስ ቆጶስ አመራር አባላት በአንዱ ወይም በቅርንጫፍ ፕሬዚዳንቱ ቃለ መጠይቁ ከተደረገ በኋላ፣ ከካስማ አመራር አባላት አንዱ በካስማ ውስጥ የሚኖሩ አባላትን ቃለ መጠይቅ ያደርጋል። ከሚስዮን አመራር አባላት አንዱ በአውራጃው ውስጥ ለሚኖሩ አባለት ሁለተኛውን ቃለ መጠይቅ ያደርጋል። ከቀዳሚ አመራር ፈቃድ ካልተሰጠው በስተቀር፣ የአውራጃ ፕሬዚዳንት የቤተመቅደስ መግቢያ ፈቃድ ቃለ መጠይቅ አያደርግም።

አንዳንድ አባላት ከካስማ ወይም ከሚስዮን አመራር አባል ጋር ለመገናኘት ብዙ የጉዞ ወጪ በሚጠይቁ ወይም በጣም አስቸጋሪ በሆኑ አካባቢዎች ይኖራሉ። በእነዚህ ሁኔታዎች አንድ የቤተመቅደስ ፕሬዚዳንት ግለሰቡን ቃለ መጠይቅ ሊያደርገው እና በቤተመቅደስ መግቢያ ፈቃድ ላይ ሊፈርም ይችላል። ቃለ መጠይቁን ከማድረጉ በፊት ከካስማ ወይም ከሚስዮን ፕሬዚዳንቱ ጋር ይወያያል። ኤጲስ ቆጶሱ፣ ፈቃድ የተሰጠው አማካሪ ወይም የቅርንጫፍ ፕሬዚዳንቱ አስቀድመው አባሉን ቃለ መጠይቅ ያደረጉት እና በቤተመቅደስ መግቢያ ፈቃድ ላይ የፈረሙለት መሆን አለበት።

መሪዎች ማንኛቸውንም መስፈርቶች መጨመር ወይም መቀነስ አይገባቸውም።

የቤተመቅደስ መግቢያ ፈቃድ ቃለ መጠይቆች በችኮላ የሚደረጉ መሆን የለባቸውም። በሚስጥር የሚደረጉ መሆን አለባቸው። ሆኖም፣ ቃለ መጠይቅ የሚደረግለት ግለሰብ ከፈለገ ባለቤቱን፣ ወላጅን ወይም ሌላ አዋቂ ሰው እንዲገኝ ሊጋብዝ ይችላል።

የቤተመቅደስ የመንፈስ ስጦታ ላልተቀበሉ አባላት የቤተመቅደስ መግቢያ ፈቃድ በሚከተለው ሁኔታ ይሰጣል፦

• ዕድሜያቸው 11 ዓመት እና ከዚያ በላይ ለሆኑ፣ ለሞቱ ለመጠመቅ እና ማረጋገጫ ለመቀበል። (ወጣት ሴቶች እና የተሾሙ ወጣት ወንዶች 12 ዓመት በሚሞላቸው ዓመት ውስጥ ካለው ጥር ጀምሮ የቤተመቅደስ መግቢያ ፈቃድ ለማግኘት ይችላሉ)።

• ዕድሜያቸው ከ8 ዓመት እስከ 20 ዓመት ለሆኑ፣ ከወላጆቻቸው ጋር ለመታተም። ዕድሜያቸው ከ8 ዓመት በታች የሆኑ ከወላጆቻቸው ጋር ለመታተም የቤተመቅደስ መግቢያ ፈቃድ አያስፈልጋቸውም (26.4.4ን ይመልከቱ)።

• ዕድሜያቸው ከ8 ዓመት እስከ 20 ዓመት ለሆኑ፣ በህይወት ያሉ ወንድሞቻቸው እና እህቶቻቸው፣ ከእንጀራ እናት ወይም አባት የተገኙ ወንድሞቻቸው እና እህቶቻቸው፣ ወይም በግማሽ ወንድሞቻቸው እና እህቶቻቸው የሆኑ ሲታተሙ ለመመልከት።

ከዚህ ቀደም የቤተመቅደስ ስጦታ የተቀበሉ አባላት በዚህ ክፍል ውስጥ ከተገለጹት የቤተመቅደስ መግቢያ ፈቃዶች ማንኛቸውም ውስጥ አንዳቸውም አይሰጧቸውም።

የክህነት ስልጣንን ለመሸከም እድሜው የደረሰ ወንድ አባል የቤተመቅደስ መግቢያ ፈቃድ ከመቀበሉ በፊት ወደ ክህነት ክፍል መሾም ይኖርበታል።

ተገቢ ዕድሜ ላይ የደረሱ አዳዲስ አባላት የቤተመቅደስ መግቢያ ፈቃድ በማግኘት የውክልና ጥምቀቶችን ማድረግ እና ማረጋገጫዎችን መቀበል ብቻ እንዲችሉ ኤጲስ ቆጶሱ ቃለ መጠይቅ ያደርጋቸዋል። አባላቱ ማረጋገጫ ከተቀበሉ በኋላ ወዲያውኑ፣ በተለምዶ በሳምንት ውስጥ፣ ይህንን ቃለ መጠይቅ ያደርጋል (26.4.1ን ይመልከቱ)። ለወንድሞች፣ ይህ ቃለ መጠይቅ የአሮናዊ ክህነትን ለመቀበል የሚደረገው ቃለ መጠይቁ አካል ሊሆን ይችላል።

በውክልና ለመጠመቅ እና ማረጋገጫ ለማግኘት የተሰጡ የቤተመቅደስ መግቢያ ፈቃዶች ለዚያ ዓላማ ብቻ መዋል ይኖርባቸዋል።

ዕድሜያቸው 21 ወይም ከዚያ በላይ የሆኑ አባላት ከወላጆቸቻቸው ጋር ሊታተሙ ወይም መታተምን መመልከት የሚችሉት (1) የቤተመቅደስ የመንፈስ ስጦታ የተቀበሉ ከሆኑ እና (2) የታደሰ የቤተመቅደስ መግቢያ ፈቃድ ካላቸው ብቻ ነው።

የራሳቸውን የቤተመቅደስ የመንፈስ ስጦታ ለመቀበል የሚፈልጉ ብቁ አባላት የሚከተሉትን ሁኔታዎች ካሟሉ መቀበል ይችላሉ፦

• ቢያንስ 18 ዓመት ሲሞላቸው።

• የከፍተኛ ሁለተኛ ደረጃ፣ ሁለተኛ ደረጃ ወይም ተመጣጣኝ ትምህርታቸውን ያጠናቀቁ ወይም በአሁኑ ሰዓት እየተማሩ ያልሆኑ።

• ማረጋገጫቸውን ከተቀበሉ አንድ ድፍን ዓመት ያለፋቸው።

• በመላ ሕይወታቸው የተቀደሱ የቤተመቅደስ ቃል ኪዳኖችን የመቀበል እና የማክበር ፍላጎት የሚሰማቸው።

በተጨማሪም፣ አንድ ሰው የራሱን የቤተመቅደስ የመንፈስ ስጦታ ከመቀበሉ በፊት የመልከ ጼዴቅ ክህነት ሊኖረው ይገባል። የራሳቸውን የቤተመቅደስ የመንፈስ ስጦታ ለመቀበል ስለሚዘጋጁ አባላት መረጃ ለማግኘት 25.2.8ን ይመልከቱ። የቤተመቅደስ የመንፈስ ስጦታን ማን መቀበል እንደሚችል መረጃ ለማግኘት 27.2.1ን ይመልከቱ።

የሚሲዮን ፕሬዚዳንቱ፣ ሚስዮናዊው ወደ አገሩ ከሚመለስበት ቀን ጀምሮ በሶስት ወራት አገልግሎቱ እንዲያበቃ አድርጎ የቤተመቅደስ መግቢያ ፈቃዱ ላይ ቀኑን በመሙላት መሥራት እንዲጀምር ያደርገዋል።

በአገልግሎት ማብቂያው የመጨረሻ ሶስት ወር አካባቢ አዲስ የቤተመቅደስ መግቢያ ለመስጠት ኤጲስ ቆጶሱ ተመላሽ ሚስዮናውያንን ቃለ መጠይቅ ያደርጋቸዋል።

ኤጲስ ቆጶሱ ወይም የተመደበ አማካሪ የቤተመቅደስ መግቢያ ፈቃድ ቃለ መጠይቅ ከማድረጉ በፊት ከቀድሞው ኤጲስ ቆጰስ ጋር ግንኙነት ያደርጋል።

የካስማ ፕሬዚዳንቱ እያንዳንዱን ሁኔታዎች በጥንቃቄ እና በክርስቶስ መሰል ፍቅር ለማየት ከዋና አካባቢው አመራር ጋር መምከር አለበት (38.6.23ን ይመልከቱ)።

ከባድ ኃጢያት የፈጸመ/ች አባል ንስሃ እስኪገባ/ክትገባ ድረስ የቤተመቅደስ መግቢያ ፈቃድ አያገኝም/አታገኝም (32.6ን ይመልከቱ)።