Ayɛdze na ahyɛmudzi ma hɛn kwan wɔ Nyame no tum ho.

Ayɛdze horow kyerɛ wo kɔ Jesus Christ do. Ayɛdze yɛ guado-adzeyɛ krɔnkrɔn a ɔwɔ sɛnkyerɛdze ho ntseasee a ɔkyerɛkyerɛ wo Jesus Christ ho nsɛm. Mfatoho, sacrament no nnyɛ paanoo na nsu ara. Ɔkaa hɛn Agyenkwa no.

Ahyɛmudzi yɛ Nyankopɔn no dɔ, awerɛhyɛmu na enyidakwan horow ho sɛnkyerɛdze. Wɔdze hɛn nkitahodzi a yɛnye Nyame wɔ no dɔ kɔ bun mu ara yie. Iridzi ahyɛmu kyerɛ dɛ idɔ Nyankopɔn na edze enyimpi som no. Ibotum enya awerɛhyɛmu wɔ no mu, na Obotum enya awerɛhyɛmu wɔ wo mu. Dɛm enyimpi si no dze No tum ho kwan kɛsenara ba na ɔboa wo ma isie w’ahyɛmudzi no.

Ber a wonuma wo na ber a wosi wo pi na ber a idzi sacrament no, enye Nyankopɔn dzi ahyɛmu. Ber a wonuma wo no, ibɔ anohoba dɛ ebɛfa Jesus Christ ne dzin ato wo do, asom No, na esie Ne mbrasɛm w’abrabɔ ber nyina mu. Sacrament ber no so, ibɔ anohoba dɛ ebɛkaa No aber nyina. Iyinom nye w’anohoba horow. Sɛ inya pɛ dɛ ibedzi do a, Nyame bɔ wo anohoba dɛ ɔbɛma wo Sunsum Krɔnkrɔn no dɛ daa daa adamfo.

Yɛ sacrament no dɛ akyɛdze krɔnkrɔn. Kyerɛ w’enyimpi si ma Jesus Christ ber a ereyɛ ahoboa ma sũahu krɔnkrɔn a ɔkɔ do sacrament ber no. Dwendwen dza ibotum ayɛ ma ayɛdze no abɛyɛ dapɛn no mu sunsum mu adze tsitsir.

Hwehwɛ Agyenkwa no wɔ ayɛdze no mu. Ber a ehwɛ anaa edze woho hyɛ ayɛdze bi mu no, bisa woho dɛ, “Ebɛnadze na musũa fa Jesus Christ ho wɔ iyi mu?” anaa “Osi dɛn na ɔtwe me bɛn No ara yie?” Yɛ aso yie wɔ dza Sunsum no kyerɛkyerɛ wo no.

Ma w’ahyɛmudzi nyɛ wo ndzeyɛɛ ho kwankyerɛ. Sɛ ewɔ nsanmuyi yɛ a, kaa w’ahyɛmudzi nkitahodzi a yɛnye Nyame edzi. Dzi nokwar ma No. Bisa woho: Ana iyi nye m’ahyɛmudzi no saa? Mfatoho, ana modɔ na mosom nkaafo a, kyekye nkorɔfo a wohia awerɛkyekye hɔn werɛ, na migyina dɛ Christ dasefo—beebiara na aber nyina?

Ibotum enya tum dze edzi nsɔhwɛ, bɔn, na abrabɔ mu nsɔhwɛ do konyim. Iridzi ahyɛmu na Irisie no ma wo kwan wɔ Nyame no tum ho. Edze dɛm tum no, ibotum dze awerɛhyɛmu ehyia biribiara kwan. Jesus Christ yɛ w’ahoɔdzen!

Woho botum atsew wo ho na wɔdze akyɛ wo. Nyame n’anohoba ma wo dɛ isie wo enuma ahyɛmu no ne fã nye wo bɔn ho bɔnfakyɛ. Iyi kyerɛ dɛ irunu woho na iridzi w’anohoba a enye Nyame abɔ no a, Ɔdze bɛkyɛ wo na wɔaboa wo ma etu mpon.

Ibotum enya Sunsum Krɔnkrɔn no wɔ wo nkyɛn aber nyina. Anohoba kor so a ɔkã enuma na sacrament no ho nye No Sunsum adamfoyɛ aber nyina na abɔfo hɔn nsomee. Onnyi dɛ wo nko hyia abrabɔ ne haw horow no dabiarada. Nyankopɔn nngya N’ahyɛmu mba no hɔ dabiarada—ibotum edze w’enyi ato do.

Ibotum enya Nyankopɔn n’ahyɛmu mba hɔn abamba. Eka ahyɛmu nkorɔfo a wɔwɔ Agyenkwa N’Asɔr mu kuw ho. Hom pegya na wɔhyɛ hɔnho nkuran. Hom bɔmu dzi awerɛhow na hom bɔmu dzi dɛw. Hom soasoa kor biara n’adzesoadze. W’ebusua, bishop, baanodzifo, na Asɔrmba nkaa no wɔ ha dɛ wɔbɔboa wo, na ibotum aboa hɔn.