6.
Dɔ Nyankopɔn, dɔ wo nyɛnko
Matthew 22:37–40
Ama wɔaaboa wo ma ayɛ nsanmuyi papa no, Nyame ma wo mbrasɛm. Ɔyɛ iyi osiandɛ Ɔdɔ wo. Na siantsir a oye koraa dɛ yɛbɛyɛ setsie ama Nyame ne mbrasɛm no nye dɛ osiandɛ edɔ No. Ɔdɔ nye Nyame ne mbrasɛm no ne fapem.
Onnyiewiei Nokwar horow
Nyame dɔ wo. Ɔyɛ w’Egya. No dɔ a odzi mu no botum ekenyan wo ma adɔ No. Sɛ wo dɔ ma Ɔsor Egya nye nhyɛdo tsitsir wɔ w’abrabɔ mu a, adwenpɔwbɔ pii bɛyɛ mberɛw.
Mbrasɛm mu akɛse ebien no nye ebɔdɔ Nyankopɔn na wo nyɛnko. Na woana nye me nyɛnko? Obiara! Biribiara a wɔakyerɛkyerɛ no wɔ kyerɛwsɛm mu na dza nkɔnhyɛfo kyerɛkyerɛ no nye mbrasɛm ebien yi nam.
Nyimpa nyina yɛ wo nuambanyin na nkyerɛbaa—a nkorɔfo ɔson hɔn anaa enye hɔn nnyɛ adwen kã ho. Ɔsor Egya pɛ dɛ Ne mba nyina dɔ hɔnho nkorkor. Ber a erosom Ne mba no, nna erosom No.
Nsa To horow
Sie Nyame Ne mbrasɛm fa kyerɛ wo dɔ ma No. Mfatoho, ber esie Ahomgyeda no krɔnkrɔn, a ereyɛ ahoboa nokwar mu na iridzi sacrament kã ho no, edze kyerɛ Nyame dɛ enya pɛ dɛ edze dakor wɔ dapɛn no mu besi hɔ ama No. Sɛ ekyen kɔm a itua w’ebupɛn du na akɔnkye afɔrbɔ, edze kyerɛ Nyame dɛ N’edwuma hia wo kyɛn wiadze yi mu ndzɛmba. Sɛ ebɔ Nyame na Christ Hɔn edzin a, mmbɔ no gyangyan anaa biarabiara a, ekyerɛ dɛ w’enyi sɔ dza Wɔayɛ ama wo no nyina.
Yɛ obiara dɛ ɔyɛ Nyame ne Ba. Dɛ Jesus Christ osuanyi no, yɛ kandzifo wɔ erekyerɛ ɔdɔ na obu ama nyimpa kuw na nyamesom nyina—nkankara hɔn a wɔkã nsɛm bɔn na wɔyɛ ndzeyɛɛ bɔn tsia hɔn no. Tsen kɔ hɔn a wɔayɛ ankonam, woeyi hɔn esi nkyɛn, anaa wohia mboa ara yie no hɔ. Boa hɔn ma wondua wo mu ntse Ɔsor Egya no dɔ. Enye hɔn nkyɛ nhyira horow a Ɔdze ama wo, na to nsa frɛ hɔn ma wɔmbɛka Jesus Christ do.
Yɛ ahwɛyie dɛ wo kasaa bɛkyerɛ ɔdɔ ama Nyame na binom—sɛ erekasa enyim na enyim o anaa gu efir do o. Kã ndzɛmba a opegya ho nsɛm—nnyɛ dza obotum dze mpaapaamu, yaw, anaa mfom, dɛ ɔyɛ agordzi mpo no. Wo nsɛmfua botum ayɛ ndam. Ma ɔnyɛ ndam wɔ papayɛ ne nyɛe ho.
Kyerɛ ɔdɔ ma w’ebusua. Erodɔ Nyame ne mba nyina hyɛ ase wɔ fie. Yɛ w’afamudze ma wo fie nyɛ bea a obiara bɛtse Agyenkwa no dɔ ne nkã.
Nhyira horow a Wɔabɔ ho Anohoba
Wo nkitahodzi a enye Nyankopɔn dzi no bɔdɔ bun mu ber a idzi mbrasɛm no do na esie w’ahyɛmudzi a enye No edzi no dze kyerɛ dɛ edɔ No.
Wo nkitahodzi a enye nkaafo dzi no bɔdɔ bun mu ber a edze Christ-su som kyerɛ wo dɔ. Ibenya enyigye ber a ema wiadze yi yɛ ɔdɔ bea ara yie.
Nsɛmbisa na Nyiano
Isi dɛn tse Nyame No dɔ nkã? Ɔsor Egya no dɔ wɔ hɔ daa. Taa dɛ enye No bɛkasa wɔ mpaabɔ mu. Enye No nkyɛ w’atsenkã, na kyɛn w’aso ma nkenyan a ofi No hɔ. Kenkan Ne nsɛm wɔ kyerɛwsɛm no mu. Dwen dza Ɔayɛ ama wo ne nyina ho. Hwer mber wɔ mbea na dwumadzi horow a No Sunsum wɔ hɔ.
Ana Ewuradze n’enyi da kwan dɛ mobɔdɔ obiara, hɔn mpo a wɔyɛ me ayakayakadze no? Ewuradze enyi da kwan dɛ ibɔdɔ w’atamfo na abɔ mpaa ama hɔn a wobu wo enyimtsia. Naaso, ɔno nnkyerɛ dɛ ɔwɔ dɛ itsena gyinabew a ɔdze atsenkã, honandua mu anaa sunsum mu haw dze brɛ wo. Bɔ apɔwmudzen ban ma hwɛ woho do dwudwoodwo. Sɛ wohunahuna wo anaa wobu wo enyimtsia a, anaa inyim dɛ iyi rokɔ do wo obi do a, kã kyerɛ panyin bi a ewɔ awerɛhyɛmu wɔ no mu.
Ebɛn mber na minsi dɛn nye hɔn a ɔson hɔn mfɛfɛkuwa no nhyia. Kwan pa a ibotum ehu nkorɔfo nye nokwar anyɛnkoyɛ. Ber a hom yɛ mbasirmba yi, hom nye nkorɔfo pii nkyekyer anyɛnkoyɛ pa pii. Amambra binom mu no, mbabun dua kuw agodzi a odzi mu do dze hu hɔn a ɔson hɔn mfɛfɛkuwa no. W’atsenkã na sunsum mu mpontu na bambɔ no tweɔn beenu agodzi kɛpem the ibɛyɛ panyin kakra—mfe 16 yɛ ahyɛnsewdze pa. Enye w’ebusua na baanodzifo mfa apam. Fa nkitahodzi soronko to hɔ kakra kɛpem dɛ ibɛyɛ panyin kakra. Enye nkorɔfo a wɔboa wo ma esie wo enyimpisi ma Jesus Christ no nhwer mber.
Ebɛnadze na mubotum ayɛ sɛ me fie nnyɛ ɔdɔ fie a? W’Agyenkwa nyim wo gyinabew, na Ɔdɔ wo. Nya abotar, kɔ do sie Nyame ne mbrasɛm, na yɛ fasusu pa ma w’ebusua. Wo ɔdɔ ndzeyɛɛ nketseambaa no dze nsonsonee kɛse bɛba. Ibotum so akyekyer nkitahodzi pa horow a enye wo ward ebusua no. Yɛ ahoboaboa sesei dɛ ibɛkyekyer wankasa w’ebusua a ebɔtow no wɔ Jesus Christ ne nkyerɛkyerɛ do. Hom nkaa: Jesus Christ yɛ w’ahoɔdzen!
Hwɛ Isaiah 58:3–11 (akɔnkye no botae horow); 58:13–14 (Edzi Ahomgyeda no nyi ho nhyira); Malachi 3:8–10 (ebupen du no ntuae ho nhyira); Luke 6:27–28 (dɔ w’atamfo); 10:25–37 (woana nye me nyɛnko?); John 3:16–17 (Nyame dɔ hɛn, ntsi Ɔsomaa Ne Ba); 14:15 (yesie mbrasɛm no osiandɛ yɛdɔ Nyankopɔn); 1 John 4:19 (yɛdɔ Nyankopɔn osiandɛ Ɔdɔ hɛn); Mosiah 2:17 (Sɛ yɛsom binom a nna yɛrosom Nyankopɔn).
Temple Recommend Nsɛmbisa
-
W’ebusua mu mba na binom mu no ana wo kokoamu na bagua mu suban kyerɛ dɛ idzi Jesus Christ N’Asɔr ne nkyerɛkyerɛ do?
-
Ana eyɛ nyimpa a otua n’ebupɛn-du emudzi mu?