Unsa ang mga Benepisyo sa Pagkat-on og Iningles?

“Kon dili ka makasulti og Iningles, kinahanglan nimo kining tun-an isip usa ka misyonaryo. Mopanalangin kini kanimo atol sa imong misyon ug sa tibuok nimong kinabuhi” (Isangyaw ang Akong Ebanghelyo, 160). Ang pagkat-on og Iningles atol sa imong misyon makahatag nimo ug sa imong kompanyon og mga oportunidad sa paglig-on ug pagsuporta sa usag usa. “Tabangi ang imong mga kompanyon nga makasinati og mga kalamposan ug makaangkon og pagsalig sa pagkat-on sa pinulongan sa misyon o sa pagkat-on og Iningles. Hatagi og sinsero ug kanunay nga komplemento ang imong mga kompanyon ug ubang misyonaryo sa ilang pag-uswag” (Isangyaw ang Akong Ebanghelyo, 162). Kon makauli na ka, imong magamit ang imong kahanas sa Iningles sa pagtabang sa uban. “Padayon sa paggamit sa pinulongan sa imong misyon human ka makauli. Ang Ginoo mipundo gyod og maayo diha nimo, ug mahimong Siya adunay mga gamitan sa imong mga abilidad sa pinulongan sa ulahing bahin sa imong kinabuhi” (Isangyaw ang Akong Ebanghelyo, 160).

Ang tanang batan-on nga full-time nga mga misyonaryo nga nahuman sa ilang misyonaryo nga serbisyo (naglakip sa sayo nga na-release ug pangserbisyo nga mga misyonaryo) aprobado na alang sa BYU–Pathway Worldwide ug makadawat og discount sa tuition. Kon ang mga misyonaryo makakompleto sa EnglishConnect 3 nga online nga kurso o makakab-ot sa kwalipikado nga iskor sa pagsusi sa pinulongan nga Iningles, mahimo ra nga dili sila moapil sa pagsusi sa Iningles aron madawat sa BYU–Pathway Worldwide. Ang BYU–Pathway usa ka programa sa unibersidad nga mohatag og online nga mga sertipiko ug mga degree.

Ang pagkat-on og Iningles makapadugang sa imong mga oportunidad alang sa panarbaho. Kini nga mga oportunidad mahimong anaa sa duol o sa layo. Sa mga nasod nga ang Iningles dili mao ang nag-unang pinulongan, ang mga indibidwal nga makasulti og Iningles adunay halapad nga mga opsiyon alang sa panarbaho ug makasuweldo og 30–50 porsiyento nga mas taas kaysa kasagaran nga indibidwal nga dili makasulti og Iningles.

Bisitaha ang missionary.englishconnect.org sa pagkat-on pa og dugang ug sa pag-akses sa dugang nga mga kapanguhaan.