“Welcome sa EnglishConnect alang sa mga Misyonaryo,” Giya sa Pagtuon sa EnglishConnect alang sa mga Misyonaryo
“Welcome,” Giya nga pagtuon sa ECM
Welcome sa EnglishConnect alang sa mga Misyonaryo
“Kon dili ka makasulti og Iningles, kinahanglan nimo kining tun-an isip usa ka misyonaryo. Mopanalangin kini kanimo atol sa imong misyon ug sa tibuok nimong kinabuhi. Ang pagkat-on og Iningles mopanalanagin usab sa imong pamilya” (Isangyaw ang Akong Ebanghelyo, 160).
Katuyoan
Ang EnglishConnect alang sa mga Misyonaryo gisangkap aron matabangan ka sa pagkat-on og Iningles “pinaagi sa pagtuon ug usab pinaagi sa pagtuo” (Doktrina ug mga Pakigsaad 88:118). Ang EnglishConnect makatabang nimo nga:
-
Molambo ang pagtuo diha ni Jesukristo ug sa Langitnong Amahan.
-
Magamit ang espirituwal nga mga baroganan sa pagkat-on sa pinulongan.
-
Mapalambo ang mga kahanas sa Iningles.
Ang pagkat-on sa Iningles makapanalangin nimo isip usa ka misyonaryo ug makadugang sa imong mga oportunidad sa pagserbisyo human sa misyon, panarbaho, ug edukasyon—lakip na sa BYU–Pathway Worldwide.
Tan-awa sa “Unsa ang mga Benepisyo sa Pagkat-on og Iningles” aron makakat-on pa og dugang.
Mga Lebel sa EnglishConnect
Ang EnglishConnect alang sa mga Misyonaryo adunay daghang lebel aron matabangan ka sa paglambo: EnglishConnect alang sa mga Nagsugod pa, EnglishConnect 1, EnglishConnect 2, ug EnglishConnect 3. Ang matag lebel adunay mga kapanguhaan alang sa personal nga pagtuon ug managkompanyon nga pagpraktis. Kon ikaw wala pa makadawat sa imong mga materyal, palihog kontaka ang imong lider sa misyon.
Inadlaw nga Pagtuon sa Pinulongan
Ang mga misyonaryo adunay 30–60 minutos alang sa oras sa pagtuon sa pinulongan (tan-awa sa Mga Sumbanan sa Misyonaryo alang sa mga Disipulo ni Jesukristo, 2.4.2). Agi og dugang, makapraktis ka sa pinulongan sa imong misyon ug sa Iningles uban sa imong kompanyon sa tibuok adlaw.
Makagamit ka sa EnglishConnect alang sa mga Misyonaryo atol sa oras sa pagtuon sa pinulongan sa pagpanalangin nimo atol sa imong misyon ug sa tibuok nimong kinabuhi.
Tan-awa sa “EnglishConnect alang sa Kasinatian sa mga Misyonaryo”
Gamita ang mga baroganan diha sa Isangyaw ang Akong Ebanghelyo, kapitulo 7, sa pagpraktis matag adlaw ug sa pagtinguha sa gasa sa mga pinulongan.
“Magmapailobon samtang ikaw mainampoon nga magtuon ug magbansay sa pinulongan. Salig nga ang Espiritu motabang kanimo samtang ikaw mohimo og usa ka makugihon nga paningkamot. Pagbaton og hugot nga pagtuo nga ikaw makaangkon og gasa sa mga pinulongan” (Isangyaw ang Akong Ebanghelyo,143).