Eb’ laj jolominel

Nak’eeman EnglishConnect chi b’eresinb’il xb’aan li tijonelil re tenq’ank chixwaklesinkil lix k’anjel li Dios re li kolb’a-ib’ ut li taqenaqil loq’al. EnglishConnect naru natikib’aak xb’aaneb’ li teep, oqech, ch’utam aj b’eresinel, mision, ut area.

Eb’ li jolomil na’leb’ a’in texxtenq’a chixtikib’ankil:

Xxaqab’ankil k’a’ru aj-e. Sa’eb’ li ch’utam, k’ehomaq reetal chan ru naq teeroksi EnglishConnect re xtenq’ankileb’ li komon ut li junkab’al sa’ lix k’anjel li Dios re li kolb’a-ib’ ut li taqenaqil loq’al.
Xjek’inkil li k’a’ru taateneb’aaq. EnglishConnect naru nak’uub’aman jo’ chanru xkomoneb’ chik li k’anjeleb’aal re tenq’ank-ib’ ut tzolok. Naru najek’man li k’anjel re xtikib’ankil EnglishConnect re junaq komon re li taqenaqil ch’utam malaj jun aj especialista re tenq’ank-ib’.
Xk’eeb’al reetal naq teneb’anb’ilaq li k’anjel. Xaqab’omaq jo’q’e tex’aatinaq chirix chan ru yoo chi k’anjelak li k’anjeleb’aal. Jayalihomaq eerib’ rik’ineb’ li komon ut li junkab’al.

Eb’ laj jolominel re mision

Sa’eb’ li na’ajej b’ar wi’ maak’a’eb’ li ch’uut re EnglishConnect sa’eb’ li teep ut oqech, eb’ laj jolominel re mision naru neke’xk’uub’ rochb’eeneb’ laj jolominel re li tijonel sa’ li na’ajej naq eb’ li misioneer te’xtzoleb’ li ch’uut, naq eb’ laj jolominel re li Iglees sa’ li na’ajej a’an toj yookeb’ chixkawresinkileb’ li komon li te’ok chi k’utuk. Eb’ laj jolominel re mision ut eb’ li misioneer tento te’roksi li na’leb’ li wan sa’ li hu a’in, ut te’xjunaji lix k’anjeleb’ rik’in xk’anjeleb’ laj jolominel ut li komon sa’ li na’ajej wankeb’ wi’ (chi’ilmanq “K’anjelak sa’ komonil rik’in li mision”).